رواية صدقًا كنت أكذب (كاملة جميع الفصول) عبر روايات الخلاصة بقلم ٱية شاكر
- لو سمحت، حضرتك مش عايز حد يشتغل هنا؟
- إنتِ عايزه شغل؟
- أيوه… ممكن توافق إني أشتغل هنا عشان خاطري؟
قلتها واتلفت حوليا معجبه بالمكان، وعيني هتنط على الكتب اللي حوليا في المكتبه…
الحقيقه أنا مش عايزه أشتغل خالص ولا محتاجه فلوس، بس محتاجه أقعد في مكان حلو، والصراحه مفيش أحلى من كده، تخيلوا معايا لما أقرأ كل الكتب دي! دا أنا كان عقلي يتغذي ويكبر وينضج وأتحول لواحده تانيه خالص، واحنا دلوقتي في الأجازة الصيفية وقعدة البيت ملهاش لزمة، لكن قعدة المكتبه أكيد هيكون ليها لزمة.
- يا بنتي… يا أستاذه… يا أنسه.
- آآ… آسفه جدًا يا عمو كنت سرحت شويه.
كان راجل معدي الستين، شكله هادي ووقور، وملامحه دافيه، عرفت أن إسمه عمي إبراهيم، قال:
- وتحبي تستلمي الشغل من امته؟
قلت بفرحة وأنا بتلفت حوليا:
- حالًا، حضرتك أنا فاضيه، النهارده كان أخر يوم في امتحاناتي، يعني فاضيه و… على فكره أنا مش عايزه مرتب بقا، أنا يكفيني كل يوم وأنا راجعه البيت أخد كتاب أو رواية ولما أقرأها أرجعها مكانها، إيه رأيك؟
بصلي وهو ساكت ومضيق جفونه، كأنه بيفكر في عرضي أو يمكن في سلامة عقلي! وقال:
- عرفيني بنفسك الأول؟
- أنا أسمى ذكرى في تانيه صيدله، بابا كان نفسه إني أدخل طب أسنان لكن النصيب بقا، ها هتشغلني يا عمي ابراهيم؟
ضحك ضحكة قصيرة وقال:
- طيب يا دكتورة ذكرى مش كان الأفضل تشتغلي في صيدليه وتتعرفي على الأدوية؟
- لـ… لا لا أنا عايزه أشتغل هنا، لو معندكش مانع يعني، أنا بحب الكتب أكتر من الأدوية.
قعد على الكرسي بتاعه وهو بيقول:
- طالما مش عايزه مرتب، وعايزه تاخدي كتاب وترجعيه كل يوم، معنديش مانع بس ليا شرط، لو حد طلب الكتاب اللي بتقريه ومفيش غيره وحتى لو لسه بتقريه تبيعيه، اتفقنا؟
- اتفقنا.
قلتها بفرحة، رجعت البيت وأنا متحمسه للشغل الجديد اللي هبدأه من بكره، وأقنعت ماما وبابا بسهوله جدًا، كذبت عليهم كذبه بيضا إني هشتغل في صيدليه، والمكتبه بعيده عن البيت وأصلًا هما بيثقوا فيا ومحدش هيسأل ورايا!
يتبع...
فصول رواية صدقًا كنت أكذب بقلم ٱية شاكر
اضغط على الفصل الذي تريد قراءته:
- رواية صدقًا كنت أكذب الفصل الأول
- رواية صدقًا كنت أكذب الفصل الثاني
- رواية صدقًا كنت أكذب الفصل الثالث
- رواية صدقًا كنت أكذب الفصل الرابع والأخير
وفر وقتك… لو بتدور على رواية كاملة وممتعة… اضغط (هنا)
