رواية هم الكبير الفصل الرابع عشر 14 بقلم سلوي عوض
رواية هم الكبير الفصل الرابع عشر 14
#سلوي_عوض
#هم_الكبير
بارت 14
فيروز: طاب وانته عايز جطفان المرحوم ابوك ليه؟
حازم: انتي مالك؟ متبجيش حشريه، مبحبش مرتي تكون حشريه.
فيروز: مناجصش غير اني اتجوزك انته يا ابو العيال!
حازم: هجصلك لسانك الطويل ديتي، بس روحي لغاليه الاول.
فيروز: اديني غايره بس... وطي صوتك، وجبل متروحي اعملي شاي كوبايه كبيره.
فيروز: يا ابوي عليك! هنكفوك شاي منين؟
حازم: حد جالك تعملي شاي حلو يظبط الدماغ؟
فيروز: هعبيلك الغلاي وابجا صب واشرب مرار، ايه الطافح ده يا اخوي؟
حازم: بطلي برطمه واخلصي.
فيروز: حد جالك اني شغاله حداك؟
حازم: هو ده إكرام الضيف؟
فيروز: ماشي يا ضيف.
فيروز: هروح انا بجا.
حازم: متنسيش تجوليلها وحشتي الغالي جوي جوي.
فيروز: طيب يا غالي.
اما فاطمه فقد عادت هيا وبناتها.
رحيل: انا خلاص هموت وانام.
شروق: وانا كمان.
فاطمه: روحو نامو.
رحيل: ابوي ملهوش حس يعني؟
فاطمه: تلجاه نام من كتر العوي زي الكلاب، ياكش يغور يموت ونرتاحو منيه.
شروق: عليه ويسهل.
فاطمه بتثاؤب: انا كمان هنام، بس بجولكم ايه... بكره كل واحدة تجيب راجلها وانا هكلم شيخون عشان نشوفو هنعملو ايه.
رحيل: انا عايزه اتجوز.
شروق: وانا كمان، بس احنا لسه ف العده.
فاطمه: نكتبو ورج عرفي لغيت المده، وبعد كده نجطعوه ونكتب عند الماءذون.
رحيل: يا ريت يا اما.
فاطمه: خلاص هنوضبو اوضكم، خشو فيهم بس من غير ما حد يعرف ولا يشوفهم، احسن نتحبسو كلنا.
شروق: ماشي كلامك صحيح.
اما فيروز فكانت قد ذهبت الي سرايا الحديدي.
فيروز للغفير: بجولك ايه يا عم، عايزه اجابل الست غاليه.
الغفير: عايزه ايه منيها؟ الست غاليه عجلها هيشت علي ولدها.
فيروز: بطل رط وروح جولها فيروز عايزاكي ضروري.
وهنا يدخل عليهم ضاحي.
فيروز: عم ضاحي، الراجل الغتيت ديتي مراضيش يدخلني.
ضاحي: وجع بطنك اي؟ وجت تاجي فيه الست فيروز تدخل علي طول من غير كلام... تعالي معايا.
لتدخل فيروز السرايا لتجد بسام يلعب مع أخته
فيروز. ايه الجمرات دول
ضاحي. دوله عيال حازم واد اختي
فيروز. دول حلوين جوي
ليقترب منها بسام
بسام. ازيك يا طنط
فيروز. ازيك انته يا جلب طنط
بسام. ايه اللي معاكي ده
فيروز. ده يا سيدي تين شوكي وتوت وحرنكش كمان
بسام. يعني ايه
فيروز. ديه حاجات بتتاكل وطعمها حلو جوي
بسام. طاب ممكن ادوق طعمها
فيروز. عيني خد احلي تينايه
ليتذوقها بسام
بسام. ديه طعمها حلو اوي ممكن واحده لأختي
تعالي يا مليكه
مليكه. عيب يا بسام بابي قال متاخدش حاجه من حد منعرفوش
ضاحي. له يا حبيبتي خدو ديه جريبتنا
خليكي انتي هنا يا فيروز وانا هطلع اصحي غاليه وهنادم عليكي
فيروز. ماشي
بسام. الله انتي اسمك فيروز اسمك جميل اوي وكمان لابسه لبس غريب جدا
فيروز. ده لبس أهل البلد هنا
بسام. مش عارف اصل احنا مش بنخرج وكمان مافيش فرق بين هنا وبين بيتنا اللي عند بابي ومامي
فيروز. عارف بجا لو جيتو عندينا هتشوفو كتاكيت صغيرين حلوين بنربيهم وكمان عندينا فرن بنخبزو فيها وكمان عندينا مرجيحه
مليكه. يعني ايه
فيروز. يعني حبلين مربوطين ف الشجره وف النص فيه مخده بنجعدو نتمرجحو عليها
وشايفين التوت ده
بسام. اه بلو بيري
فيروز. اسمه توت عندينا شجره بطلع عليها واهزها والتوت يوجع منيها
بسام. ياااي علي الارض كده غلط
فيروز. له علي ملايه نضيفه وبعدين بغسله تحت الطرنبه بمايه كتيره وانشفه وابيعه
مليكه. احنا مش فاهمين منك حاجه
فيروز. اه طبعا علامكم اجنبي بصي يا جمر يا صغيره الطرنبه ديه بتبجا بيد كده احنا ايه بجا بنحركو اليد تجوم هيا تنزل مايه بس ايه زي العسل ونشربو منيها
بسام. ليه مش عندكم دسبنسر
فيروز. هو ايه ديه
بسام. ده جهاز بنحط فيه قاروره المايه والمايه بتكون ساقعه
فيروز. جهاز بالكهرباء يعني لاء يا اخويا احنا مايتنا احلي جايه من تحت الارض وكمان انا زارعه طماطم وخيار وجرجير وبصل اخضر ف حته صغيره جار بيتنا بناخدو الخضار ونعملو منيه سلطه متعرفوهاش ديه كمان
بسام. طاب ممكن تاخديني عندكم
مليكه. وانا وانا بس انتي عندك اخوات وعندك ماما
فيروز. اه عندي امي جدتكم عيشه وعندي أختين دنيا وسما ف المدرسه بتاعت التجاره
بسام. وحلوين زيك كده
فيروز. احلي بكتير بس عندي بت جارتنا اسميها شهد كدك كده ف السن بتاجي تتمرجح معايا
بسام. الله وانا عايز اجي اتمرجح عندكم والعب معاها عشان معنديش أصحاب غير اختي
مليكه. بليز
فيروز. حاضر المره الجايه إنشاءالله هااجي اخدكم
ضاحي. تعالي يا فيروز كلمي الحجه
فيروز. حاضر يا عم ضاحي
بسام. ممكن يا إنكل ضاحي نروح عند فيروز نلعب معاها انا حبيتها اوي
مليكه. وانا كمان
ضاحي. طيب حاضر
ليتصل ضاحي علي حازم
ضاحي. الحج يا عم عيالك حبو فيروز جوي وعايزين يروحو معاها ويلعبو عنديها
حازم. خلاص ابجا تعالي مع فيروز وهيا راجعه وهات العيال معاك جصرو عليا المشوار
ضاحي. وامك هترضي
حازم. امي اول متجعد مع فيروز هتفهم وهتحبها كيف ما ولدها حبها
ضاحي بصوت عالي. الله عليك يا كبير وجعت ف الحب اخيرا يخربيت اللي خلفوك نسيتني ثريا متخلص بجا خليني اتجوز ده انا خللت
حازم. هملني افكر
ضاحي. انا خالك علي فكره
حازم. اثبت
ضاحي. اثبت ايه
حازم. انك خالي روح كده جول لغاليه وشوف هتجولك ايه
ضاحي. ماشي يا حازم باشا ممكن بعد اذن امك تجولي هتجوزوني ميته
حازم. بذمتك انته عنديك احساس ولا حتي في ف وشك دم
ضاحي. اه طبعا
حازم. طاب اضرب نفسك بالجلم وشوف هتحس ولا له
ليصفع ضاحي نفسه قلما شديدا
ضاحي. اه يا ابن
حازم. ابن ايه
ضاحي. ابن غاليه الغالي
اما فيروز فها هيا تجلس مع غاليه
غاليه. شبه امك جوي انتي يا فيروز عيشه كانت جميله ف شبابها
فيروز. تعيشي يا خاله حضرتك حازم بيه باعتلك الحجاب ديتي وبيجولك جهزيله الجفطفان والعصايه والمداس وكل حاجه تخص والده الحج الله يرحمه
غاليه. اداكي الحجاب اللي انا عاملاه ليه
فيروز. ايوه عشان تصدجيني
غاليه. ايه رءيك ف السرايا
فيروز. حلوه تتهنو بيها
غاليه. حلوه بس ده انا جولت انك هتتجني من جمالها
فيروز. البيوت للدنيا يا خاله اهم حاجه راحه البال
غاليه. كلامك صح يا بتي لكن جوليلي تحبي لما تتجوزي تتجوزي واحد يكون عنديه مال كتير وتعيشي هانم
لتضحك فيروز
فيروز. طاب ما انا هانم بجيب لجمتي بعرج جبيني وبعدين الغنا والفجر ده بيد ربنا اهم حاجه روجان البال وبعدين اللي بياكل خروف بيشبع واللي بياكل جبن وعيش بيشبع بس الرك علي أن الواحد تكون عيونه مليانه وايه لزمه الجصور ام جنينه وسور والواحد حاسس حاله أن كل الناس عينها علي ماله وفلوسه وكمان بيجربو منيه عشان طمعانين فيه لكن الفجر ا اللي زي حالاتي الناس هتحبهم من غير مصلحه هو ده الفرج يا خاله
غاليه. كلامك حلو بتفكريني بعيشه ف زمانها
فيروز. وانتي تعرفي امي
غاليه. اه امال ايه تعرفي أن امك جالها عريس كان واد عمده بلد جارنا وهيا رفضته واتجوزت ابوكي عشان حبته
فيروز. اول مره اسمع الحكايه دي
غاليه. اصل امك كانت صاحبتي كنا بنروحو الكتاب مع بعضينا
فيروز. طاب انا همشي هتعوزي حضرتك حاجه مني
غاليه. استني خدي شنطه الهدوم وخلي بالك من الغالي
فيروز. من عيوني حاضر
اما فيروز فها هيا تمشي بالشنطه
فيروز. من عيوني حاضر
اما فاطمه فها هيا قد احضرت شيخون ليقيم معها اقامه دائمه في غرفتها
شيخون. ايوه كده الواحد يعيش جار حبيبته وست البلد كلها وبكره ابجا العمده واجلعك وافسحك وكمان في مفاجأة كبيرة
فاطمه. خير
شيخون. في دكتور جاي من برا و انا خليت واحد صاحبي من مصر كلمه وجاله علي حاله عيونك وجال هيعملك عمليه متاخدش ساعتين وهترجعي احسن من ال
يتبع
الرواية كامله من ( هنا )
