رواية ليل وما تبقى من الدفء كاملة عبر روايات الخلاصة بقلم ٱلين روز
_ أبوس أيدك يا عمي سيبنا، أنا مليش غيرك!.
_ معدش ليكِ مكان هنا خلاص، عاوزة تفضلي بعد ما سرقتيني!، سرقتِ يا ليل!.
كنت بعيط وأنا بترجي عمي يسيبني عنده بعد ما كان عاوز يطردني، مهتمش إن بنت أخوه تترمي في الشارع وكل ده علشان هما أتهموني أني سرقت!، قربت من أسده أكتر وأنا بحاول أبوس أيده وبقول
_ والله ما أخدت حاجة، صدقني والله ما معملتش حاجه، هما اللي بيقولوا كده علشان يخلوك تكرهني، أنا مستعده أعمل أي حاجة بس سيبني أنا مليش غيرك!.
قلتها وأنا بعيط، الطبيعي اللي في سني عايشين حياتهم، ليه أنا أشيل دنيا مش بتاعتِ ولا وقتي؟، بنت عندها عشر سنين تتعلم السرقة منين وهيا مش بتخرج بره الاوضه بتاعتها؟.
شوفت في عينه الحنيه وإنه كان هيسامحني لكن وقتها قربت بنته وقالت بعياط
_هتصدقها وتكدبني أنا يا بابا؟ أنا شفتها بعيني وهي بتحط إيديها في الشنطة، وبتخبّي الحاجات المسروقة بين هدومها القليلة دي.
بصيت ليه بنظرة مخذلة من اللي خططوه ليه، رجعت بنظري لعمي اللي كان بان عليه التأثر بكلامها فغمضت عيني وأنا خلاص أتأكدت إن اللي كنت خايفة منه خلاص هيحصل.
قرب مني وأنا بهز راسي بهسترية بعد ما مسك شنطة هدومي وأيدي بقوة لدرجة حسيت إنها هتتخلع في أيده وشدني لبره وسط ترجي ليه إنه يخليني معاه!
كنت بحاول أمسك في أي حاجة تقابلني يمكن يسبني لحد ما ساب أيدي فعلآ وقبل ما أستوعب كان أيده نزلت علي وشي وقال بصوت كله خزي وكأنِ سرقت فعلآ
_ يعلم ربنا أنا كنت بحاول أعاملك زي بناتي وأكتر، بس أنتِ جواكِ شخص حقود علي غيره، حاولت أغيرك بس أنتِ مصرة علي اللي أنتِ فيه، مش عاوز أسمع صوتك لحد ما نوصل، أنتِ فاهمة!.
كنت بحاول أتنفّس من الضغط اللي حواليا، كنت بحبه، هو آخر أمالي بعد ما هما ماتوا، بابا وماما ماتوا في حادثه وأنا اللي نجيت منها، أول لما مسك أيدي مشيت معاه من غير كلام، يمكن خوف من إنه يعمل فيا حاجة أو يمكن يضربني زي ما بقي يعمل مؤخرا.
رفعت نظري وانا باصه للبيت وأنا حاسه إني بودعه وشفتهم وهما واقفين وعلي وشهم نظرة نصر إنهم تخلوا عني.
معرفش نمت أزاي بعد كل ده ومحستش غير بصوته الغليظ وهو بيزعق
_ ليل!
فقت بخضه بعد ما سمعت صوته، أتكرمشت بخوف وأنا مش عارفه إيه المكان ده، وقبل ما ألحق أمتع نظري بالمكان كان نزل هو وفتح الباب شد أيدي خرجني تحت عياطي إنه يسيبني لكن بدون فائدة.
يتبع...
فصول رواية ليل وما تبقى من الدفء بقلم ٱلين روز
اضغط على الفصل الذي تريد قراءته:
- رواية ليل وما تبقى من الدفء الفصل الأول
- رواية ليل وما تبقى من الدفء الفصل الثاني
- رواية ليل وما تبقى من الدفء الفصل الثالث
جاري كتابة باقي فصول الرواية.. عاود زيارتنا..
