رواية العقدة والحب معًا (براء وإيلين) الفصل التاسع 9 بقلم أمل بكر

رواية العقدة والحب معًا (براء وإيلين) عبر روايات الخلاصة بقلم أمل بكر

رواية العقدة والحب معًا (براء وإيلين) الفصل التاسع 9

وبتضحك وجمبها واحد ماسك موبايل وعاملين يتصورو

محستش بنفسي غير وانا النار قايده جوايا ورايحلها 

<<<<<<

كنا انا ويوسف عاملين نتصور وفجاءه لقيت حد بيمسكني من دراعي بصيت لقيته هو ووشه مش مبشر بالخير بلعت ريقي بصعوبه وقلبي عمال يدق من الخوف مش فاهمه انا بخاف منه لي بس ياربي!!

اتكلم وهو بيتنفس بعصبيه ،

-انتي بتعملي اي !!! هو مش انا قولت تروحي اوضك ؟!!

حاولت اتكلم كنت خايفه جداً من نظراته محستش غير ودموعي بتنزل 

يوسف قام وقف لما لاقني بعيط،

-استهدي بالله احنا كنا بنفطر بس 

لف وشه ناحيه يوسف وشاورله بصباعه ،

-متدخلش انت

يوسف اتعصب وكان هيرد ولكنه سحبني ورا وهو ماسكني من دراعي 

يوسف كان جاي ورايا ولكنه لفله وقاله بنبره مفيهاش نقاش 

-اقعد مكانك عايز اتكلم مع مراتي اظن مش هتدخل بينا 

مستناش رد وكمل طريقه وهو ممشيني ورا 

ساب ايدي ووقفني قدامه

اتكلم بحده ،

-هو انتي لي مش بتسمعي الكلام هااا ؟؟

نزلت عيني في الارض ،

-انا كنت عايزه افطر واعمل حاجات كتير ويوسف بيعملي كل حاجه عايزاها وو

قاطعني وصوته علا بعصبيه لدرجه رجعت ورا بخوف 

-متجبيش سيره زفت وبعدين انتي قولتي عايزه تفطري وقولتلك لاء!!!!

بصتله بعصبيه طفله وانا بتكلم ،

-ايوا قولتلك عايزه انزل وانت رفض 

-رفض وده علي اساس احترمتي كلامي هاا 

اتكلمت وانا باصه في عينه بقوه ،

-هو انت لي محسسني ان جوازنا ده بجد وان انت غيران يعني من يوسف والشغل ده ؟!!

مسح علي دقنه وهو بيتنفس بضيق واتكلم بإعتراف وهو باصص في عيني ،

-ايوا غيران ومش عايز كل شويه يوسف ومش يوسف عايزه حاجه تقوليلي انا فاهمه 

بلعت ريقي من اعترافه الي خلاني اتوتر ومعرفتش ارد نهائي 

اتكلم تاني ،

-واتفضلي امشي قدامي 

اتكلمت ،

-هنروح فين !؟

-هنروح فين يعني هتروحي اوضك 

-وانا مش عايزه اطلع مكملتش فطاري اصلاً 

وعايزه اروح امكان كتير سيبني اروح مع يوسف 

-وربنا لو قولتي يوسف تاني هروح اقتلهولك 

-اسميه سعاد يعني ولا اي 

-إلين متخلنيش اتعصب عليكي 

-هو انت كل ده ومش متعصب !!

من الاخر كده انا مش هطلع وعايزه افطر 

بعد 5m

قعدني في نفس الكافيه وانا فطرت وهو شرب قهوه 

وبصيت حواليا ملقتش يوسف اختفي معرفش راح فين 

بصيت عليه كان شكله عايز ينام علشان كده بيشرب قهوه 

-خلصتي فطار يلا نطلع 

بصتله بضيق ،

-يوووه بقي عايزه اركب عجل واروح الملاهي واروح السينما وو 

-اي اي مالسه قاعدين بتعملي الحاجات دي بكره 

قام وقف 

-يلا 

قومت وانا عايزه اعيط بجد طلعنا وقابلنا خالو احمد الي كان نازل هو ومراته وعياله 

قرب عليا وهو بيحضني 

-راحه فين ياإلينو

بصيت علي براء يغضب منه 

-راحه الاوضه انام وبعدين هننزل بليل وانتو 

-نازلين نفطر يابنتي عائشه مصممه بقي 

-طيب تمام وبعدين هتعملو اي 

-مش عارف ممكن بليل نخرج بنشوف بقي

بصيت لبراء وهمستله وانا برفع راسي وببصله بحماس 

-ممكن اروح مع خالو 

بهمس زي ،

-لا 

بصتله بقرف ولفيت  لاحمد الي قال،

-يلا احنا هننزل 

مشو وانا دخلت اوضي وهو واقف متابعني 

وقالي اول لمًا دخلت 

-لمًا تصحي بتعالي وننزل مع بعض 

بصتله بضيق وقفلت الباب في وشه وهمست وانا بقلده،

-لمًا تصحي بتعالي يختي حنين 

اخد شاور وغيرت هدومي لبيچامه واترميت علي السرير 

وابتسمت ببلاهه وانا بفتكر لما قالي "اه غيران "

خبيت وشي في المخده وانا محرجه وكأن كلامه بيتعاد من تاني ونمت مقتوله واكتشفت اني كنت محتاجه انام 

لما صحيت بليل ولقيت الساعه ١٢ قومت من علي السرير وكأن فاتني ميعاد الامتحان 

-يووووه بقي فوت النهار ومعملتش حاجه ولا حتي صليت ادعي عليه بإيه البعيد 

قومت اتوضيت وصليت الفروض براحه ولبست هودي دريس طويل بني وحطيت الكوفيه التايجر عليا  لاني لقيت الجو ساقعه لما فتحت الشباك 

خرجت برا الاوضه وروحت عنده وانا مستعجله علشان انزل في الجو ده 

فتح الباب بسرعه وشكله مكنش نايم 

بصتله وانا عاقده حواجبي ،

-هو انت مكنتش نايم !!!

-لاء 

اتكلمت بعتاب ،

-وطالما صاحي مصحتنيش لي!!!!

-علشان كنتي نايمه مرضتش اصحيكي

-اي ده!!! وعرفت بقي اني نايمه ازاي 

-علشان دخلت لقيتك نايمه فاسبتك 

-ايوا حتي لو ب

وقفت كلامي وانا بسأله باستغراب ،

-دخلت دخلت فين ؟!!

رد ببساطه،

-الاوضه 

-نعم وانت دخلت عليا الاوضه ان شاء الله ازاي 

-معايا كارت الاوضه وكفايه اسأله صدعت 

كنت هتكلم بضيق ولكنه قاطعني 

-خشي بلاش تقفي كده علشان محدش يفهم غلط

-لا لا انا هنزل وانت بتعالا ورايه 

مشيت خطوه ولكن رجعتها وهو بيشدني من ايدي وبيدخلني وبيقفل الباب وبيقف قدامي وانا ضربات قلبي عليت من قربه 

اتكلمت بلاعبكه ،

-اي ابعد شويه 

ابتسم وهو الي نفس وضعه ورفع ايده لوشي وكأنه خبي شعر ظهر من الطرحه عمل كده وبص في عيوني وقرب 

باسني من خدي وهو بيبستم ابتسامه خلتني خلاص مبقتش فعلاً قادره اقف وكنت هميل ولكنه حط ايده علي وسطي

واتكلم بخباثه،

-انتي كويسه ياقطه؟!

بلعت ريقي وانا مش قادره اتكلم نهائي هزيت راسي بي اه

بعد عني وقالي هيدخل يغير هدومه وانا قعد علي السرير وانا بحط ايدي علي وشي وببتسم بشرود 

مسحت الضحكه وانا بكلم نفسي وبقول انا ازاي ممنعتهوش!!! وبعدين لي عمل كده 

طلع وكان لابس هودي بني وبنطلون بيج 

اخد نفسي بارتباك من منظره الي خطفني 

اتكلم وهو بيبفتح الباب وبيغمز،

-مش يلا ولا عايزه نقعد هنا 

قمت بسرعه وطلعت بره الاوضه وهو ضحك ونزلنا 

-عايزه تروحي فين ؟

رفعت راسي وانا ببصله بحماس ،

-الملاهي 

كانت كل حاجه متاحه حوالين الفندق مشينا حبه صغنين ووصلنا علطول 

بضيق وانا واقفه قدامه,

-مش بحب اركب لوحدي 

-ايوا بس انا مش بحب اركب 

-طب خلاص ممكن اكلم سعاد علشان تيجي تركب معايا 

سألني باستغراب ،

-مين سعاد ؟؟

-يوسف اقصد يعني مش عايزه اقول اسمه علشان انت بتتحول وانا عايزه اقضي اليوم بهدوء 

ضحك غصب عنه وهو بيبص جمبه وبعدين بصلي وقال،

-طيب شطوره يلا بقي تعالي شوفي هتركبي اي 

ركب معايا في الاخر من كتر زني 

وبعد ساعتين طلعنا  وانا مبسوطه 

-اظن تعبتي يلا بينا نروح نستريح 

بصتله باستنكار،

-تعبت اي هو احنا عملنا حاجه يلا بينا نركب عجل

قولتها وانا ببمسك ايده بحماس 

وصلنا لمكان عمو بتاع العجل 

سألني وهو واقف قدام عجل كتير 

-هتركبي انهي واحده ؟!

فضلت ابص علي العجل كله ملقتش الي عايزا 

بصلي واتكلم تاني ،

-هتركبي انهي واحده ؟

-اي اي بص بصراحه كده انا مبعرفش اركب عجل 

بصلي وهو بيرمش بعيونه ،

-وطالما مبتعرفيش تسوقي وجعه دماغي لي من الصبح عايزه اركب عجل!!

ببراءه،

-لا بعرف اركب بس مش دي 

-امال 

-احم الي بيسناده الي بتلات عجل دي 

ضحك بصتله بغيظ 

-انت بتضحك علي اي 

-لا ولا حاجه طب اي نرجع ؟!

بزعل ،

-لا استني هحاول اركبها 

قولت كده وانا بقف قدام واحده يكاد يكون صغيره بالنسبه للاحجام الضخمه الي موجوده 

-هركب دي هجرب

هو اخد واحده ضخمه اوي بالنسبالي 

ووقف مستنيني اركب 

بصتله بتوتر واتكلمت ،

-روح انت وانا هاجي وراك

بصلي وكأنه مش مصدق اني هعرف اسوق اصلاً

-ماشي اتفضلي يلا اركبي مستني 

فضلت ابص عليها بخوف لاني كنت عارفه اني مش هعرف اركبها وهقع علطول بس مرضتش اقوله كده 

فوقت من نظراتي علي العجله وانا بفكر اركبها ازاي دي عليه وهو بيشيلها من قدامي وبيرجعها مكانها وبيمسكني من ايدي وبيقفني قدام بتاعته وبيقولي اركبي 

رفعت عيني لي باستفسار،

-اركب معاك!!

-ايوا هتعرفي تركبي ولا لاء 

بخوف ،

-لا لا خلاص  ممكن اقع اصلاً

ببساطه،

-هتقعي ازاي وانتي معايا 

كانت كلمه بسيطه بس طمنتني ولقيت نفسي بقعد قدام علي الحديده من الجنب وهو ركب مسكت تيشرته بخوف لمًا حسيت نفسي هقع رفعت عيني لوشه الي كان قريب مني 

-بقولك اي خليني انزل انا حاسه اني هقع 

نزل عيونه ليا وهو بيبصلي ،

-متخافيش مش هتقعي 

خلص الكلام وهو بيبوسني من خدي 

وانا نزلت وشي الي كان عند صدره 

برقت بدهشه لتاني مره وكأن بحركته دي اداني بينج 

ضحكت علي خجلها 

فوقت علي صوته،

-اي مبسوطه ياقطه ولا ؟!

اتكلمت وانا ببص علي الطريق قدامي ،

-لا حلوه اوي 

بعد حبه حلوين فضلنا نلف روحنا قعدنا في كافيه كان علي البحر 

كان فيه تلات بنات قاعدين علي تربيزه من جمبنا وكل ماعيني تيجي علي بنت منهم الاقيها بتبص عليه وكانت سرحانه وهي بتبتسم بهدوء 

اتنفست بصوت مسموع بضيق ونار قايده في قلبي 

حتي هو بصلي باستغراب واكيد فكرني هبله 

كانت نظراتها صعبه بجد ولقيت نفسي

بقوله بأمر ونبره متعصبه،

-تعالا اقعد جمبي 

كان هو قاعد في وش البنت وانا من الجمب علشان كده ماشاء الله عينها منزلتش ولكن الي استغربتو انه 

مرفعش عينه حتي ناحيه التربيزه علشان كده طلب من الاول يقعد مكاني وانا اقعد في وشها ولكني رفض علشان ابقي قدام البحر وشايفا مكنتش فاهمه كده خالص 

بصلي وهو بيعقد حواجبه،

-في اي ؟! 

-يلا يابراء تعالا اقعد هنا 

قعد جمبي من الجمب وانا بصيت جمبي البعيده لسه بتبص عليه لفيت وشي ناحيته لقيته باصصلي وكأنه فهم اي الي مضايقني 

اتكلمت بتحجج وانا بقف ،

-يلا نمشي من هنا 

وقفني وهو بيبص علي البنت وبصلي بسرعه وهو بيقربني منه وفجاءه لقيته باسني من شفا ..يفي بسرعه 

زقيته في صدره بسرعه وبصتله بعصبيه 

-انت ازاي تعمل كده !!

مشيت وكنت لسه هطلع من الكافي ولكني سمعت صوتها الممحون

-لو هي مش موافقه انا تمام 

غمض عيني لثواني ولفيت ليها وانا خلاص راحه اموتها 

ولكنه لحقني وهو بيمسك ايدي وبيتكلم بسماجه

-هي مراتي مش من الشارع حضرتك 

بصتلي بضيق مش فاهمه اي البجاحه دي شديته من ايده وبصتلها بانتصار من كلامه ونظراتها الي ريحت غيظي ،

-يلا ياحبيبي نمشي

مش فاهمه انا لي كنت مضايقه مع ان حركته احرجتني ولكن فرحت ان كانت قدام البنت الي عماله تبصله باعجاب اعععع عصبتني اوووي 

طلعنا بره الكافي وانا شيلت ايدي من ايده باحراج وانا مش عارفه ابص في عينه من الي عمله 

اتكلم بنبره طيبه مزيفه،

-عملت كده علشان ترتاحي 

رفعت عيني لي باستنكار مزيف،

-ارتاح لي هو انا كنت مضايقه !!!

مدتيهوش فرصه يرد واتكلمت بتحجج 

-يلا باي هروح انام 

كنت بجري مش بمشي دخلت الاوضه ونمت وانا عماله افتكر واعيد وازيد في المشهد 

صحيت تاني يوم بصيت في الساعه كانت ١٢

قومت اخد شاور ولبست بالطو بني طويل وتحته بيزك اسود وطرحه سودا واخد موبايلي 

طلعت بره الاوضه وروحت ناحيه اوضه خبط وفتح وشكله مكنش نايم 

-كويس انك صاحي يلا ننزل 

بغلب،

-هنروح فين كمان 

بتفكير ،

-مش عارفه ممكن نفطر وبعدين نشوف هنعمل اي 

اخد موبايله من علي السرير ونزلنا لقينا خالو محمد واحمد وكل واحد ومراته وعياله قعدنا مع بعض نفطر كلنا وخالاني كانو بيتكلمو مع براء في الشغل وهكذا

بصيت ليوسف الي كان قاعد قدامي واتكلمت بهمس قبل لما براء يسمعنا ويشوفنا،

-عملت اي امبارح

ضحك علي شكلي الخايف وهمس زي،

-ولا حاجه نمت 

ضحكت وانا بغيظه

-انا بقي روحت الملاهي وركبت عجل وو 

عين براء اجت عليا سكت بسرعه وعملت نفسي باكل

ويوسف فرحان فيا وعمال يبصيلي بشماته

خلصنا فطار وخالو محمد اقترح نخرج كلنا 

وبراء مقدرش يرفض وطلعنا كلنا مع بعض 

قضينا يوم لذيذ اتغدينا وفضلنا طول النهار نروح اماكن كتير ونتصور  واخر حاجه بليل روحنا السينما 

كلنا قاعدنا جمب بعض وانا قعد جمب براء 

والفيلم كان اكشن مش فاهمه حظي يبقي في الرعب

كان فيه دم وضرب خبيت عيني في دراعه 

وهمست،

-المشهد راح ولا لسه؟

-لا لسه ياقطه 

رفعت عيني وكل شويه اخبي وشي بقرف من المنظر معرفتش اتفرج زي الناس 

الحمدالله الفيلم خلص وطلعنا علشان نرجع الفندق من تاني وروحت ركبت مع براء وهما اتقسمو وركبو تاكسي 

كنت فاتحه الموبايل وبتفرج علي الصور ،

-اليوم كان حلو اوي 

بصيتله لانه كان مركز في السواقه 

-براء 

بصلي ،

-هاا

-انت مفرحتش ؟!

-لا فرحت اكيد اليوم كان حلو 

استغربت من هدوءه،

-انت كويس في حاجه ضايقتك!!

اتكلم بنبره حزن،

-لا افتكرت حاجه

لفيت بجسمي وانا بسأله ،

-افتكرت اي 

بصوت مخنوق،

-افتكرت لما كنت واعد امي نروح السينما في يوم بس ملحقتش 

بصيت لملامحه بضيق علي حزنه ومسكت ايديه وقولت ،

-متزعلش ادعيلها بالرحمه وان شاء الله تتقابلو في الجنه 

مكنتش عارفه اقول اي تاني انا مش شاطره في المواسه خالص 

هز راسه وانا شيلت ايدي وصلنا وكل واحد راح اوضه ونمت بتعب رهيب 

صحيت غيرت هدومي وطلعت لما اجتلي فكره روحت اوضه بحماس ولكن مفتحتش رنيت عليه فون مش بيرد 

قلقت ونزلت تحت في الريسبشن وسألت عليه قالولي انه نزل 

هزيت راسي بتمام وطلعت بره قدام الفندق فضلت عيني ثابته 

عليه وهو واقف مع واحده معرفهاش روحت لعنده وهو اول لما شافني حاوط كتفي وبصتله باستغراب وكأني بقوله مين دي 

-إلين مراتي 

=روان كانت زميلتي في الجامعه 

كانت لطيفه بس انا مكنتش شايفه ده مدت ايديها 

وقالت،

-اتشرفنا ياإلين 

هزيت راسي وهي استأذنت وقبل لما تمشي قالت لبراء 

-ان شاء الله بنتقابل في العياده 

هز راسه بهدوء وهي مشت 

وقفت قدامه وانا بسأله بضيق ،

-تتقابلو في العياده ازاي ده ان شاء الله 

-مفيش غير العياده عيني عينك كده 

-ده اي السفاله دي 

خلصت كلامي وانا بتنفس بضيق 

-اهدي ياقطه لينطلق عرق

بحده ،

-براء رد عليا 

-انهي سؤال بالظبط انتي قولتي كذا واحد 

بنفاذ صبر ،

-هتيجي العياده لي ان شاء الله !!

بابتسامه وهو بيمد ايده وبيدخل شعري جوا الطرحه 

-خلي بالك شعرك بيطلع هااا 

-يلا قول 

-علشان ابنها تعبان وراحت لدكاتره كتير مفهموش عنده اي فاقولتلها تجيبه بس كده 

رفعت حاجبي ،

-لا والله وهي هتيجي من اسكندريه علشان عيون حضرتك!!!

-لا عيونك الي جميله والله 

-نعمم!! 

عدل كلامه ،

-اقصد انها مش عايشه في اسكندريه اصلاً جايه رحله عادي 

-لا والله وكمان عارف ساكنه فين وهي هنا بتعمل اي ؟!؟

ابتسم وهو بيضيق عينه ،

-هو انتي كويسه ياحبيبتي 

-متقولش حبيبتي متعصبنيش وبعدين انت اي الي خلاك تنزل 

بسخريه ،

-معلش المره الجايه باخد اذنك 

بصتله بسماجه وبعدين اتكلمت ،

-طب تعالا وصلني 

-علي فين ؟!

-عايزه اشتري شويه حاجات 

بعد 30m

اتكلم وهو بيبص علي المحل بتاع الاسكن كير والاكسسوارات  ،

-يعني جيبانا كل المشوار ده علشان تجيبي الاسكن كير بتاعك 

خلص كلامه بسخريه 

-الاسكن كير ده اهم حاجه اصلاً 

ويلا تعالي خش معايا 

-لا انا هستني هنا اخلصي انتي بس عشر دقايق وتطلعي

بصتله باستعطاف،

-بليززز تعالا ادخل معايا 

دخلنا وجبت الحاجه الي عايزها 

وبعدين دخلنا محل فضيات كان جمبه 

-هاا قولي الخاتم ده ولا ده 

شاور علي الاخضر،

-ده شكله حلو 

بصيت علي الخاتم التاني بتردد،

-بس حاسه ان ده احلا 

حط ايده علي وشه بزهق،

-يانهار ابيض هاتي الي عايزه بس اخلصي رجلي وجعتني 

-خلاص خلاص هاخد ده 

مسك ايدي وشدني عند الكاشير قبل لما اتردد تاني 

وو

"9”

يتبع..

قبل الاخير

 تخيلو والجاي هيعجبكم جداً والروايه هتتغير علشان بس الناس الي بتقول تقليديه وعاديه هاا

ربنا يسعد قلب الي يصلي علي النبي💗

‏#AmlBakr ʚɞ

#أمل_بكر

♡.#براء_وإلين

#العقده_والحب_معاً

رواية العقدة والحب معًا (براء وإيلين) الفصل العاشر 10 والأخير من هنا

رواية العقدة والحب معًا (براء وإيلين) كاملة من هنا