رواية العقدة والحب معًا (براء وإيلين) الفصل العاشر 10 والأخير بقلم أمل بكر

رواية العقدة والحب معًا (براء وإيلين) عبر روايات الخلاصة بقلم أمل بكر

رواية العقدة والحب معًا (براء وإيلين) الفصل العاشر 10 والأخير

مسك ايدي وشدني عند الكاشير قبل لما اتردد تاني 

-استني السلسه الي بدور عليها اهي 

اتكلم بضيق واضح،

-خلاص بقي ياإلين مش طفله انتي بقالنا تلت ساعات بتجيبي في حاجات 

بصتله وانا مضايقه علشان اتكلم بالطريقه دي

 هو الي حاسب

ركبنا العربيه وانا قالبه وشي 

-انا معيش غير الفيزا تعالا نشوف مكنه اسحب فلوس  علشان اديك فلوسك

-لا مش عايز حاجه وبعدين لما تعوزي حاجه بقوليلي 

مردتش عليه وانا مضايقه جداً كنت هموت واجيب السلسه 

بصلي وانا مربعه ايدي وباصه قدامي وانا حزينه 

اتكلم بغلب،

-يعني واقف معاكي تلت ساعات بحالهم وفي الاخر قالبه وشك 

-ايوا علشان كنت عايزه السلسه الي هموت عليها 

-والله كذابه ولا هتموتي عليها ولا حاجه

-طب والله كنت عايزاها 

-طب خلاص هعوضك وافطرك انبسطي

روحنا مكان وفطرنا وقضينا بقيت اليوم علي البحر 

كنا قاعدين علي التراب قدام البحر 

بصيت بشرود واتكلمت من غير مااحس 

-هو لي بابًا سابنا ومشا كده بسهوله قلبه طاوعه ازاي 

كملت وانا بحاول مخليش دموعي تنزل 

-انا موجوعه منه اوي علي قد ماوحشني وكان نفسي احضنه علي قد مانا موجوعه منه 

-تخيل معرفنيش 

قولت كلامي وبصتله لقيته مركز معايا 

-هو لي سابكم من الاول ؟!

اتكلمت وانا بضحك بسخريه ،

-مكنش عايز عيال مكنش حابب وجودي ولما عرف ان ماما حامل في زياد مقدرش يستحمل وكأن قنبله جايه في الطريق وهتنفجر فيه 

ضحك غصب عنه ،

-انتي ازاي كده حزينه وبضحكي الواحد 

بصتله وانا بضحك كمان ،

-طب اه والله انا فاكره شكله وطريقه كلامه مع ماما رغم اني كنت طفله وقتها كان مضايق جداً وبعديها بكام يوم مشا من غير حتي وداع كنت راجعه من المدرسه لقيت ماما قاعده وهي بتعيط بصدمه 

-سألتها في اي قالتلي ابوكي مشا وسابنا وبعديها فهمت انه سافر وبعيد عننا تخيل عديت بمراحل وانا كان نفسي  بابًا يبقي جمبي تخيل لما يبقي موجود بس بعيد عني ومش قادره اوصله 

كان بيسمعني بهدوء 

-اول لما شوفته منكرش اني فرحت ولكنه صدمتني لما معرفنيش بس هضحك علي نفسي لي هو فعلاً يعرفني ازاي بس علي الاقل كنت محتاجه حاجه واحده تفرحني

-حتي شوف مشا تاني ومصممش انه يحضني بالعافيه 

قرب مني وهو بيحاول ينكشني،

-للدرجه عايزه حضن 

حاوط كتفي بدراعه ومسك راسي وهو بيقربها من صدره 

حاوط وسطه بايدي ولقيت نفسي بعيط بحرقه اوي وهو عمال يطبطب علي ضهري بحنيه 

وكأنه بيقولي عيطي ومتخليش حاجه في قلبك 

بعد شويه بعد عنه وانا بمسح وشي لقيته مال براسه وهو بيبصلي بضحكه،

-احسن ياقطه

ضحكت غصب عني ،

-احسن 

-طب اي تحبي ننام هنا 

قمت وقفت وانا بنضف هدومي من التراب ،

-معلش وجعتلك دماغك

قام وقف هو كمان ،

-متقوليش كده بقيتي احسن 

افتكرت انه كان نفس كلامي لما واسيته واحنا في العياده

-احسن 

-توعديني لما تحتاجي حضن تقوليلي 

ضحكت،

-واقولك انت لي انا عايزا من بابا 

رفع حاجبه ،

-بقي كده !!

-شكراً ليك يابراء 

-مفيش حاجه وبعدين كده اتعادلنا 

ابتسمت بهدوء وركبنا العربيه

وصلنا الفندق وقفني قبل ماافتح باب الاوضه

-انتي تمام ولا هتدخلي تعيطي بقي وكده 

ضحكت بهدوء ،

-لا لا انا مفرهده اصلاً هنام علطول 

هز راسه بتمام واستني لما دخلت الاوضه وعملتله باي بايدي 

غيرت هدومي ونمت علي السرير وخلاص هروح في النوم سمعت صوت رساله فتحتها وانا مغمضه نص عيني وكانت رساله منه بيقول

-اوعك تعيطي ياقطه 

ضحكت وانا بقفل الموبايل 

براء ده غريب مره يبقي عصبي ومره لطيف ومره هادي وديماً بشوفه رجوله بصراحه 

هو بصراحه چنتله جامد… اي الي بقولو ده بس كل ده علشان واساني نامي ياإلين وبطلي تخاريف 

نمت بعد ماكلمت نفسي ومعرفش بعد قد اي صحيت ولكننا كنا بليل دخلت الحمام وانا راجعه لمحت حاجه ماشيه بصيت كويس 

صوتتت برعب ،

-بررص!!!!

حطيت الزونط علي شعري وانا بفتح الباب وبجري علي اوضه براء خبط علي الباب جامد 

فتح بخضه وهو حاطط ايده علي وشه من النور، 

-إلين !!! انتي كويسه ؟!!

اتكلمت بخوف ،

-كويسه بس فيه برص في الاوضه يابراء 

خلصت وانا كنت هعيط 

حسيته ماستوعبش وكان متروخ من النوم اتكلمت تاني ،

-خلينا نمشي بسرعه انا مش هعرف انام في الاوضه دي تاني 

-طب تعالي ادخلي وبعدين بنشوف الموضوع ده بكره 

-ادخل فين لا طبعاً مينفعش 

-خلاص روحي نامي مع البرص 

بصتله بخوف،

-لا طبعاً مستحيل اعرف انام 

بصلي بنوم،

-انتي عايزه اي دلوقتي !! 

اتكلمت ببراءه ،

-عايزه انام بس في برص 

-طب ادخلي دلوقتي وبنمشي بكره 

دخلت باستسلام وهو اترمي علي السرير ونام وانا قعد علي طرف السرير  ببص حواليا خايفه ليكون فيه هنا كمان 

لفيت وشي وانا ببص علي ملامحه الهاديه وهو نايم حطيت ايدي براحه علي وشه شيلتها بسرعه لما هرش في خده فكر دبانه باين 

فضلت قاعده وكل ماعيني تقفل افتحها بالعافيه 

لغيت ماصحيت علي صوته 

-اممم

-إلين اتعدلي ونامي كويس ضهرك هيوجعك

اتعدلت بنوم وحسيت بيه بيغطيني وانا حضنت المخده 

ولمحت كمان الاوضه منوره واننا كنا الصبح وثانيه وغرقت في النوم من تاني 

"هو"

طلعت بره الاوضه خالص ونزلت تحت اشرب قهوه فضلت افكر في الي حصل واني دلوقتي متجوزها بجد بس كل ماافتكر انه مش حقيقي وانه حصل بسبب شيء وخلاص اتخنق

اتنفست بضيق من الفكره وانا برجع شعري لورا 

سألت نفسي وانا مش فاهم مشاعري دي اي 

-هو انا لي بكون مرتاح وانا معاها ؟!!

مش معقول اكون حبيتها اكيد لاء مش للدرجه يعني موصلتش لكده فضلت اكذب مشاعري وشربت القهوه علي بق واحد 

قعد قدامي يوسف ابن خالها 

اتكلم

-اهلاً براء 

مش فاهم بقي انا لي بضايق من يوسف ده لي مع انه كويس بس علاقته مع إلين بضايقني 

رديت عليه بهدوء ،

-تمام 

اتكلم هو كمان بحزم ،

-انا عارف ان جوازك انت وإلين مش حقيقي وانه حصل 

بسبب ابوها 

بصتله بانتباه ،

-وانت عرفت منين 

-إلين قالتلي مع علينا انا عايز اقولك ان انت لو عايز تسيبها تمام وانا هكلم بابا في الموضوع واحنا نقدر 

نحميها واظن كمان ان عمتو مقالتش لينا لانها خايفه من المشاكل وقالت ان ده انسب حل علشان تحميها من ابوها 

طلعت قدام بجسمي وانا حاسس اني هقتله في ايدي 

-وانت مالك بالموضوع ده ؟!!

-مالي ازاي دي اختي وانا مقدرش استني لما تعايرها ولا حتي تكسرها وتستغلها من النقطه دي وبعدين بقي تزلها وتقولها انك عملت كده غصب عنك 

-ومين قالك ان عملت كده غصب عني 

عقد حواجبه باستغراب ،

-تقصد اي !!

رجعت ضهري لورا ،

-اقصد ان انا وافقت علطول يمكن في الاول مكنتش حابب انتي اتحطيت قدام الامر الواقع بس لما اتكتب كتابنا انا كنت راضي وموافق كمان 

رفع حاجبه وحسيته مش واثق في كلامي،

-انت بتتكلم جد ولا بتقول كده علشان معرفش حد 

-بص انا مش بتهدد ولو عايز تقول لحد اتفضل قول كده كده اتجوزنا واول لما نرجع من هنا هنعمل فرح تمام ياچو

خلصت كلامي وانا ببصله بانتصار 

اخد نفس واتكلم،

-انا مش هستفاد حاجه لما انت تسيب إلين وانا بتمنلها تكون مبسوطه وحوار الفرح ده اظن ده بموافقتها مش لانك عايز كده 

قام وقف واتكلم بنبره جديه،

-انت لو زعلت إلين بجد هتزعل مني متفكرش انها لوحدها وعلي العموم اتمني انك تكون العوض ليها وتكون صادق فعلاً 

خلص كلامه ومشا وانا استوعبت انا فعلاً قولت اي 

انا قولت هنعمل فرح!!

بس انا فعلاً مكذبتش لما قولت اني كنت موافق ودي حاجه مريحاني نفسياً لاني كنت موافق فعلاً بس ده كان اعتراف جوايا وبس 

افتكرت حاجه اجت علي بالي روحت ركبت العربيه 

بعد ساعات اتقلبت علي السرير بنوم وقومت من علي السرير بسرعه وانا بفتكر اني هنا اوضه براء بصيت حواليا ملقتهوش اتنفست براحه وانا بقعد علي السرير من تاني 

دخلت الحمام الي موجود في الاوضه غسلت وشي وكنت زهقانه عايزه اطلع كنت عايزه اتصل بيه

 ولكن حتي الفون نسيته امبارح في الاوضه لما جريت بسرعه بسبب البرص اللعين كنت هرجع اوضي ولكني خوفت جداً 

مفيش شويه ولقيت الباب بيتفتح وبيدخل منه اتنفست براحه اخيراً وانا بقرب منه 

-كنت فين ؟!

قفل الباب ورا وهو ماسك شنطه في ايده،

-انتي صاحيه من زمان ولا اي ؟!

-يعني من شويه 

بصيت علي الشنطه الي في ايده وانا عندي فضول فيها اي 

مدها ناحيتي وهو بيتسم ،

-خدي دي ليكي 

اخدها من ايده بسرعه،

-ليا انا !!!

هز راسه بي اه 

فتحتها وانا الحماس اخذني فتحت العلبه الي جواها  ولقيتها هي السلسه الي كنت عايزها امبارح وهو خلانا نمشى لانه تعب 

مسكتها وانا بضحك بصدمه وبعدين بصتله لقيته متابعني وهو بيبتسم 

اتكلم،

-بصراحه حسيت انك كنتي عايزاها اوي وانا جبتها مش هي دي ولا اي ؟!

هزيت راسي وانا بضحك،

-هي هي 

قولت كلامي واتعلقت في رقبته وانا ماسكها في ايدي وببص عليها،

-شكراً بجد فرحتني 

لف ايده حواليه واتكلم ،

-ودي اهم حاجه 

بعد عنه وقولت ،

-طب انا عايزه اروح اوضي علشان اغير هدومي ممكن تيجي معايا علشان البرص ده 

روحنا الاوضه مع بعض وانا عماله ابص حواليا بخوف ليطلعلي فجاءه

-طب ادخلي غيري ولا انتي مستينه لما يطلع!!

دخلت بسرعه اغير وطلعت 

اتكلمت،

-هنرجع انهارده 

-اه ورايه حالات مستنيه الصراحه ودول اطفال مقدرش أتأخر 

هزيت راسي بتفهم،

-تمام انا مخدش بالي خالص روح انت شغلك 

كملت وانا بتمني يوافق،

-وانا هرجع مع خالو محمد او احمد اي حاجه بقي 

بص للسقف وغمض عينه ،

-صبر يارب صبر 

اتكملت وانا عماله نفسي مش فاهمه ماله هو اكيد عايز يروحني معا وخلاص 

-في اي ؟!

اتكلم وكأنه بيكلم واحده غبيه،

-هنروح انا وانتي انهارده. مع بعض 

اظن كلامي مفهموم صح

كشرت وشي،

-طب لي ماتروح انت لشغلك انا مواريش حاجه 

-هو مش انتي السكرتيره بتاعتي !!!

وغير كل ده مش هسيبك لوحدك 

سكت وانا مش عايزه اعكنن اليوم وروحت عند علبه السلسه وطلعتها وحططها في ايده 

-لبسهالي 

اخدها مني وانا اديته ضهري وشايفا في المرايا 

لبسهالي وانا قربت من المرايا وانا فرحانه،

-حلوه اوي بجد شكراً يابراء 

رد وهو بيبصلي من المرايا،

-بقت احلا عليكي 

ابتسمت بهدوء وانا عامله نفسي مش مكسوفه 

-شكراً

-هروح الم هدومي وانتي كمان 

وقفته بسرعه،

-لا لا استني خليك مستني بعدين نطلع مع بعض ممكن البرص يطلع ولا حاجه 

حطيت هدومي وهو كمان جهز شنطته وروحت عرفت خالاني اني همشي علشان براء ورا شغل 

سلمنا عليهم ويوسف حضني بسرعه وهو بيتكلم في وداني ،

-شكله بيحبك ياإلينو

بعدني عنه وهو بيضحك وانا ببصله بدهشه طبعاً فهمت انه قاصده علي براء 

اتكلمت بهمس وسخريه،

-يوسف مانا فهمتك انه جواز شكل بس هو فعلاً براء انسان كويس بس ده ميدلش انه بيحبني يعني 

ضحك،

-اظن ان الحوار غير مانتي فاهمه 

باستغراب ،

-يعني اي 

-يعني هو مش مغص

ولسه هيكمل كلامه لقيت ايد براء الي بتمسك ايد 

-مش يلا بينا نمشي 

هزيت راسي بماشي ولكني فضلت باصه ليوسف الي مش فاهمه معني كلامه وكمان هو كان هيقول حاجه ولكن براء قاطعنا 

ركبنا العربيه وانا بفكر في كلام يوسف وبحاول افهم واجمع المعني ولكني معرفتش 

-هو في حاجه؟!!

بصتله وانا برد علي سؤاله،

-لا لا مفيش حاجه 

-هو يوسف قالك حاجه ولا اي 

بصيتله وانا بضحك،

-اقول يوسف يعني عادي 

ضحك اما فهم قصدي ،

-قولي بس مش كتير

-لا كان هيقول حاجه بس ملحقش 

-اممم 

اخدنا استراحه في الطريق نزل يجبلنا حاجه ورجع

فتحت المولتو وانا بقطم 

-اول مره اسافر في عربيه بس طلع الموضوع لذيذ

-طب كويس انا بقي عمري ماسافرت في باص او اي مواصله عموماً

-بيبقي ممتع لو مع عيله بس تعب الصراحه 

-ديماً صحابي كانو يقولولي ولكن مكنتش بوافق 

-اممم 

قاطعني صوت موبايلي وكان ماما 

اجالي صوتها المرتاح ،

-إلين انتي فين 

-احنا في الطريق هو في حاجه 

-ابوكي اجي من شويه وكان عايز يشوفك علشان هيسافر تاني وسلم علي زياد ومشا

=وقالي انا سيبت بنتك بس علشان بقت متجوزه وانا بقيت مطمن 

خلصت كلامها بسخريه 

وانا رديت بنفس السخريه،

-يطمن !!! ده علي اساس بقالي كل السنين دي متجوزه علشان كده كان مطمن 

-المهم دلوقتي انك انتي واخوكي كويسين انتي متعرفيش كنت خايفه لياخدكو مني ازاي 

اتكلمت تاني  بنبره قلق ،

-إلين هو انتي هتسيبي براء 

سكت وانا مش لاقيه رد هو انا فعلاً هسيبه ولا هو الي هيسبني طبعاً ليه حق انا مقدرش الومه هو شخص 

وطبيعي حابب يختار مراته بنفسه مش بالاجبار زي ماحصل معا وهو ملهوش ذنب ولما بتيجي الفكره دي في دماغي بضايق جداً مع إني مش معترفه اني بحبه اصلاً كل الموضوع اني ارتحت مش اكتر هاا

رديت بارهاق،

-مش عارفه ياماما لما اجي بنتكلم 

-ماشي ياحبيبتي خلي بالكم من الطريق في رعايه الله 

-في رعايه الله وحفظه 

حطيت الموبايل في الشنطه وانا بفكر في الي هيحصل بعدين وهو مركز في السواقه او ده الي فكرته 

سألني،

-كله تمام؟!

رديت بسخريه وانا باصه قدامي ،

-بابا مشا وكان عايز يشوفني علشان مسافر وبيقول لماما انه سابني علشان بقيت متجوزه وانه بكده مطمن 

سكت مردش وبعد ساعات وصلنا تحت العماره وطول الطريق مانطقت بحرف ولا حتي انا رغم ضيقي من الهدوء بس كنت بفكر في علاقتي معا والي حصلت من غير رغبت حد فينا 

فتحت باب العربيه وقبل ماانزل سألته مش هيطلع وهو قالي لاء هيروح الفندق قولتله تمام وهو طلعلي الشنطه ونزل علطول 

"هو"

فضلت الف بالعربيه وانا مش عارف اروح فين زي بالظبط قلبي وانا مش فاهم عايز اي او عارف بس مش عايز اواجه خايف تكون مش بتفكر زي وشايفاني عادي 

اتنفست بضيق وانا بقول بصوت مرهق،

-يارب وجهلي الطريق الصحيح واسعد قلبي معاها هي وبس 

وقبل اما اكمل كلامي العشا اذنت ركنت العربيه قدام الجامع ودخلت اتوضيت وبدء يقيم الصلاه قفلت عيني وانا شامم ريحه المسجد الي حسستني ان الدنيا بسطية اوي طول مانا مع ربنا 

خلصت صلاه وانا مرتاح فضلت ادعي بيها وانها تكون زوجه صالحه وانا كذلك 

مكنتش اتخيل في يوم اني ادعي بواحده تكون من نصيبي واني اكون عايزها اوي كده 

لساني كان بيتكلم لوحده وكأنه بيطلع الي في قلبي والي خايف اواجه مع نفسي 

—————

بعد اسبوع 

كنت بروح الشغل عادي ولكن مع عمو مجدي وهو كان بيدخل العياده كان  بيبصلي ويلقي السلام وخلاص 

معرفش المفروض احس بكده ولا لاء بس هو وحشني 

رغم اني بشوفه بس لاقطات كده وكأنه مش من حقي 

مع ان هو من حقي علفكره اشوفه لانه ببساطه كده بيكون  جوزي اععع اي الي بقوله ده بس 

روحت بعد ما الشغل خلص 

لقيت ماما بتقولي ان خطوبه ياسمين بنت اخت عمو 

بكره واننا معزومين بصراحه فرحتلها جداً 

-ممكن معرفش اجي 

كنت بصراحه بتحجج لاني محستش اني في مودي 

عمو مجدي ،

-لي كده بس مش هنروح من غيرك 

خلص كلامه وهو بيضحك 

ضحكت ومعرفتش ارفض من احراجي 

هزيت راسي وانا موافقه

 دخلت الدولاب وطلعت الفستان الاحمر الي كنت جايبه الشهر الي فات وملبستهوش علشان اتحرجت البس احمر كان قطيفه ولونه احمر جرئئ انا معرفش كان عقلي فين وانا بجيبه 

مكنش فيه غيره الي مناسب حطيته مكانه وكنت هطلع اسأل ماما هو براء جاي ولكني رجعت قعد علي السرير 

وانا محرجه اسألها لتفكرني مهمته ولا حاجه وانا مش في بالي خالص احم

بس قولت لنفسي انه اكيد هيجي يعني نمت وانا مبسوطه معرفش لي او بصراحه كده عارفه وهو علشان هشوفه 

تاني يوم روحت عادي مع عمو العياده ورجعنا العصر علشان نلحق نجهز 

دخلت اخد شاور وبدأت اعمل شيفنج واخذ ماسكات وجهزت الفستان وطلعت الطرحه نفس او الفستان

بصيت عليهم وانا مكسوفه

-ياربي هلبسو ازاي بس ده 

ماما دخلت وكان المغرب بيأذن

-اي ده إلين انتي لسه مخلصتيش

بصيت علي فستانها الاسود وفي لمعه فضي جميله

-اي الحلاوي دي يامامي 

ضحكت وهي بتبص في المرايا،

-بجد حلوه

-اه والله بس انتي لابسه بدري لي

-بدري اي مجدي خلاص خلص ومازن وزياد كمان خلصو 

بتوتر،

-طيب خلاص هلبس بسرعه

بتحذير وهي بتطلع من الاوضه وبتقفل الباب وراها،

-إلين متتأخريش 

-حاضر حاضر متوترنيش بس 

لبست بسرعه وشديت الطرحه

ووقفت قدام المرايا وانا بالبسها ولكن ماما فتحت الباب 

برقت وهي لسه شايفاني بلبس في الطرحه،

-انتي لسه مخلصتيش 

-خلاص ياماما بلبس الطرحه اهو والله وترتيني 

-طب خلاص احنا هنروح وهخلي براء يجي ياخدك 

شيلت عيني من علي المرايا وانا ببصلها ،

-لا ياماما هاجي معاكو في ثانيه وهخلص 

-ماشي البسي علي مهلك لما يجي بقي 

واحنا هنروح مجدي بيقول انهم بتوع حوارات ومينفعش نتأخر وانت عارفه 

بصيت للمرايا وانا بكمل لبس ،

-طيب ماشي 

باستني من خدي قبل لما تخرجك،

-شكلك سكر ياحلوه

ضحكت،

-بجد 

غمزلتي ،

-بجد هتاخدي الجو انتي بالاحمر ده 

بتوتر،

-ماما اغيره صح شكله ملفت 

-لا جميل ويلا البسي معمل لما اكلمه يجي 

-ماشي 

بعد نص ساعه خلصت لبس ومسكت شنطه فضي بتلمع في ايدي ولبست هيلز فضي 

بصيت في المرايا كان الفستان واسع وشكلت خطير

قاطع اعجابي لنفسي صوت موبايلي وكان هو 

اجالي صوته الي وحشني جداً،

-انا تحت خلصتي ؟!

رديت وضربات قلبي عليت ،

-اه اه خلصت نازله اهو

-ماشي 

نزلت في الاسانسير وانا عماله اخد نفسي من الاحراج ومن لون الفستان ده كمان اول مره البس احمر اصلاً

اخد نفس وانا بطلع من العماره كان واقف جمب العربيه بصيت علي شكله الي ابهرني كان لابس جاكت جلد اسود وبنطلون اسود 

واي الكاريزما دي بجد بقي !!

قربت وانا متوتره جداً من نظراته 

"هو"

شكلها كان رقيق اوي لدرجه تهبل مش مبالغه 

بس غيرت جداً من اللون الاحمر وان حد ممكن يعجب بيها 

-احم مش هنمشي؟!

هز راسه وفتحلي الباب 

لا لا كتير عليا حد يلحقني هقع 

ركبت وهو لف وقعد مكانه دور العربيه 

واتكلم وهو باصص قدامه ،

-هو لي الحلاوه دي ؟!

بصتله باستغراب ،

-اي !!

هرش في شعره بتوتر وكأنه مش عارف يتكلم ،

-اقصد يعني مفيش غير اللون ده ؟!

كشرت ملامحي،

-مش حلو صح ؟!  انا اصلاً كنت محرجه البسو 

بس ملاقتش غيره مناسب طب اعمل اي ار

قاطعني وهو بيبرق بدهشه،

-اي بس بس هو يهبل بس يعني 

بصتله وانا مستنيه يكمل،

-بس اي مش حلو عليا !! 

هز راسه وهو بينكر كلامي،

-خالص ده انتي الي محليا

معرفتش ارد من الكسوف 

اتكلم تاني بسرعه ،

-من الاخر حلو اوي واي حد هيبص عليكي 

بصتله بعدم فهم،

-بس الفستان واسع مفيهوش حاجه 

-ماهو المشكله انه واسع بس برده ملفته 

بلعت ريقي هو جرئئ اوي في كلامه وانا مش حمل كده 

فتحت الموبايل علشان اتصور واخلص من التوتر ده 

-واي الي علي شفايفك ده 

بصيت في المرايا العربيه وعملت نفسي هنديه،

-في اي ؟!!

-الروج

ببراءه،

-ده مش روچ

-امال اي !!

-ده ليب جلوس

-ايوا يعني روچ

-ده حاجه وده حاجه 

-الصبر يعني مش بيدي لون!!

-امم

-طيب شطوره امسحي بقي 

كشرت ملامحي بطفوله،

-لا بليزز هتصور وامسحه 

ركن العربيه قدام القاعه واتكلم ،

-طب يلا اتصوري 

-لا ماهو انا هتصور جوه

غمض عينه لثواني وبعدين اتكلم بتحذير،

-إلين احنا هندخل اياكي اياكي تتحركي من علي الكرسي تمام

-لي متحركش ؟!

-هو كده وامسحي البتاع ده ولما نطلع بحطي منه هنا في العربيه وبس 

مسحته علشان مقتنعه بكلامه 

نزلنا وكان فيه شباب ورجاله واقفه قدام القاعه بتستقبل الناس مسك ايدي بحنيه 

بصيت علي الناس وبعدين عليه ،

-براء خلينا ندخل بسرعه 

باستغراب ،

-طيب بس مالك

-الناس يابراء هيغمي عليا 

افتكر،

-اه تمام اوعك يغم عليكي ضهري خلاص 

خلص كلامه وهو بيضحك 

ضحكت عليه وبعدين دخلنا 

-انا مش عارفه نسيت اني بتخنق من الناس ازاي جيت هنا 

بتحجج ،

-فعلاً صح تعالي اروحك 

-مش بعرف اقعد لوحدي في البيت طبعاً

روحت قعد علي التربيزه جمب ماما 

وعمو مجدي وبراء كانو واقفين مع قرايبهم

شويه العريس والعروسه دخلو والحمدالله ان المكان كان هادي ومفيش ناس كتير كان راقي والا كان زماني مغمي عليا

فضلو يرقصو وقعدو يرتاحو وانا خلاص دماغي وجعتني بكره الافراح والاغاني والي خلاني اجيت علشان تشوفو بس 

لقيته جاي من بعيد ناحيتنا عملت نفسي مش واخده بالي اجي جمب وداني وترني قربه

اتكلم،

-تعالي معايا نسلم عليهم 

بصتله وهو خلاص هيدخل في بوقي،

-تقصد المخطوبين ؟!

ضحك،

-اه المخطوبين 

مسك ايدي وروحنا ناحيتهم بصراحه فرحت انه اهدني معا ورغم جوازنا الي شكل بس خلي شكلي قدام الكل لسه قيمه 

سلم علي العريس وانا سلمت عليها وهي كانت مبسوطه 

همستلي في ودني وانا بحضنها،

-براء زي اخويا وربنا يسعد قلبك معاه تستاهلو الخير 

بعدتني عنها وكملت بابتسامه،

-وانا ربنا عوضني وادعيلي يكون زوج صالح ليا 

ابتسمت ،

-ان شاء الله 

-انا آسفه علي اخر مره والكلام و ك

قاطعتها،

-ملهوش لازم الكلام كلنا بنتعلم 

ضحكت،

-انتي لذيذه اوي ياخد رقمك من خالو مجدي 

ضحكت وقولتلها ماشي 

وكنت راجعه التربيزه عند ماما وهو متبت علي ايدي محسسني اني هتخطف

شخص وقف براء واحنا ماشين

-احم لو سمحت ممكن كلميتين 

براء هز راسه بتمام وحطني ورا ضهره وهو لسه ماسك ايدي مش فاهمه وقف قدامي كده لي كان عندي فضول اعرف بيقوله اي ولأن الاغاني عاليه مسمعتش 

-عايز اخد معاد معاك واتشرف اني اطلب ايد الانسه الي معاك 

بعدم فهم وانا بدعي الي في دماغي غلط علشان متغدغش راسه ،

-انسه مين 

ببساطه ،

-الي ورا حضرتك

غمض عيني بنار ولعت فيا خلاص،

-وانت اصلاً ازاي تجروء وتقول كده !!

باستغراب ،

-حضرتك هو انا قولت حاجه غلط ؟ هي مش لابسه دبله …هو انت مش اخوها برده ؟!!!

اخد نفس وانا بحاول اهدي نفسي،

-انا جوزها تمام واتفضل امشي من قدامي 

اتأسف ومشا 

محستش بنفسي غير وانا مماشيها معايا وعرفت امها اني هاخدها ونمشي 

————

مش فاهمه اتحول كده لي وجررني ورا 

-هو في اي يابراء شادتني كده لي ؟؟

فتح باب العربيه ودخلني وهو ملامحه مضايقه 

ولف قعد وساق 

-احنا اي مشينا 

اتنفس بصوت عالي بعدين اتكلم بضيق،

-اخر مره تلبسي احمر تاني تمام 

عقد حواجبي باستغراب ،

-لي مش فاهمه 

بضيق وهو مش عايز يتكلم ،

-الخدع ده بيطلبك مني وقال اي انت مش اخوها !!!

ضحكت وقولت اهزر ،

-بتهزر ولي مقولتليش كنا نقعد قاعده تعارف 

بصلي وهو بيبرقلي ،

-نعمممم ياختيي !!! عيدي كده تاني !!

رجعت ضهري لورا بخوف ،

-مقولتش حاجه 

وقف قدام محل دهب وقالي 

-انزلي 

نزلت باستغراب وطلب من الراجل دبل 

وهو جاب اشكال وقاله انهم جداد 

بصتله وانا مش فاهمه لي بيعمل كده ،

-براء دبل اي!!! انت مش ملاحظ ان بابًا مشا واحنا هنسيب بعض؟! 

اتكلم ولا أكنه سمع كلامي وقال،

-قيسي دي كده 

الراجل اتكلم وقال ،

-الي في ايد حضرتك قطعه مميزه 

اخدها من ايده بضيق لانه طنش كلامي وانا مردتش احرجه قدام الراجل 

قيستها وكانت جميله فعلاً 

-تمام عجباكي

هزيتله راسي بهدوء 

-تمام هناخدها 

الراجل،

-تحب دبله لحضرتك؟! 

-لا شكراً 

رفعت حاجبه وبصيت للراجل ،

-معلش ممكن نشوفهم 

الراجل،

-طبعاً

بصلي بحده وانا لفيت وشي وانا عماله نفسي مش واخده بالي اصل هو اي ده الي لاء يعني هو يلبسني دبله وهو ميلبس لي ان شاء الله عايز يلف علي حل شعره 

عمو جاب الخواتم وانا اخد خاتم اسود واديتهوله يقيسه وكان حلو علي ايده 

اخدناهم وركبنا العربيه 

حطيت ايدي علي الخاتم وقولت ،

-اتفضل خدها بقا انا مردتش احرجك قدام عمو مش اكتر

بصلي وهو بيتكلم بتحذير،

-اياكي تشيليها ابقا مشوفهاش في ايدك 

اتكلمت بجديه ،

-هو انت بتتكلم جد براء احنا هنطلق علفكره 

درر العربيه بكل برود وهو بيقول ،

-قولتلك ياقطه الموضوع ده انا الي اقرره 

بغيظ منه ،

-لا علفكره وانا الي هقرره معاك

-يعني متفقين مش كده انا بقول برده نعمل الفرح الشهر الجاي 

بصتله وانا مبحلقه ،

-انت بتقول اي !!!

بصلي واتكلم بكل بساطه ،

-احنا متفقين اهو علي الفرح 

-انت بتقول اي فرح اي بقولك هنطلق لان بابا مشا وخلاص وبجد شكراً ليك يابراء دبستك في حاجه ملكش علاقه بيها

ركن العربيه علي جمب 

لف بجسمه ناحيتي وقال وهو مثبت عيونه ،

-مين قالك اني مدبس ؟!

-دي الحقيقه محدش قال احنا الاتنين الامور جرت من غير رغبتنا بس الفرق ان انت ملكش ذنب وانا خلاص بقولك شكرا مقدرش اكمل في حاجه زي كده 

كنت بقول كلامي وانا قلبي بيوجعني معرفش لي… كنت مفكره اني هرتاح ولكن الظاهر لاء 

اتكلم بثبات ونبرته مفيهاش اي نوع من الهزار وده قلقني،

-إلين انا اتجوزتك وانا راضي يمكن اتحطيت قدام الامر الواقع في الاول ولكن كتب الكتاب حصل وانا موافق ومش حاسس بالندم منكرش اني مكنتش مرحب بالفكره ميه في الميه 

بس الي اعرفو دلوقتي اني مش عايز اسيبك ولما مكلمتكيش طول الاسبوع ده انا كنت قاصد بس اكتشفت اني حاسس بحاجه ناقصه واني مضايق 

ومش حابب الشعور ده يفضل موجود والحل انك تبقي موجوده جمبي مش عايز رد دلوقتي بس فكري وقوليلي 

حرك العربيه من تاني وانا مصدومه من كلامه يعني هو كان راضي عن كتب الكتاب!!! 

معني كلامه اي ان اتعلق بيا زي مانا اتعلقت بيه 

ايوا يعني مش بيحبني وممكن هيفضل معايا شفقه استحاله اوافق علي كده 

طلعت البيت وغيرت هدومي ونمت علي السرير 

ضحكت بشرود منكرش ان كلامه فرحني بس احساس جوايا بيقول شفقه انا برده خايفه من شعوري نحيته ومش متأكده انه حب وممكن يكون تعلق عادي جداً وهيروح لحاله 

بس فعلاً لما الاسبوع عدا من غير كلام كنت مضايقه نفس شعوره الي قاله معقوله يكون ده الحب!!!

نمت اخيراً بعد تفكير رهيب وقررت اني اقعد في البيت الاسبوع ده مش هو قرر ميوصلنيش ولا يكلمني وكأنه بيختبر نفسه وانا كمان هعمل زيه بس الاوحش في قراري اني مش هشوفه خالص

بلغت عمو اني هقعد الاسبوع ده وهو متكلمش وقالي هيشوف حد مؤقت يكون سكرتير لي براء بس انا  شرط عليه يكون راجل مش بنت وعمو قالي ماشي بابتسامه 

خبيثه اععع وانا ندمت اني قولت كده لازم لازم افضح نفسي انا عارفه 

عمو نزل وانا ضحكت من قراري يلا اما نشوف هنعمل اي بقي سايبني اسبوع كامل ماشي انا هوريك 

كنت مضايقه اني مكنتش بشوفه وطلع هو الي قاصد 

"هو"

دخلت العياده وانا مش لاقيها علي المكتب استغربت دي كانت بتيجي بدري سألت فارس قالي لسه مجوش 

دخلت المكتب وانا مضايق جداً معقوله معتش هتيجي علشان قولتلها الكلام ده امبارح ماهو بصراحه مكنتش هقدر اخبي في قلبي اكتر من كده 

شويه ولقيت بابًا بيحبط وبيدخل 

-براء انا هشوفلك سكرتير علشان إلين هتريح الاسبوع ده 

بقلق،

-لي هي كويسه ؟!!

-متقلقش تمام بس هي طلبت كده وبتقولي بشرط يكون راجل 

-واشمعنا راجل ؟!

بخباثه ،

-معرفش بقي اظن غيرانه 

علي العموم فارس هيبقي السكرتير لينا لغيت لما الاقي حد كويس 

بابا طلع وانا كنت عايز اكسر المكتب بقي اقولها فكري هتغيب اسبوع ده انا كنت عايز ردها انهارده 

————

معرفش بس اكتر حاجه مريحاني انه قال ان كتب الكتاب حصل وهو راضي وموافق يعني مش مغصوب زي مانا مفكره !!

————

صل علي النبي 

(بعد يومين)

"هو"

جبت سكرتيره بنت غيظاً فيها وقولت لبابا يلمحلها ويعرفها انها بنت عايز اشوف بقي هتعمل اي 

بابا ،

-اي شغل الاطفال ده عاملين تحدفوني لبعض 

بوست راسه ،

-معلش ياراجل ياجدع 

ضحك ،

-طالما بتحبو بعض كده ماتعترفو بدل الوجع ده 

بصتله وانا بسأله بأمل،

-هي قالتلك انها بتحبني 

ببساطه راجل عنده خبره ،

-واضح جداً يابني 

باحباط،

-ايوا بس ماقالتش برده 

بغيظ مني ،

-يابني انت عايزها تيجي تقولك انا بحبك ياسيد الناس!!!

ضحكت،

-اكيد مش كده 

-انت الي تبدء الاول ومتميش غير لمًا تعرف رائيها 

بابا طلع وانا بفكر بشرود وانا خلاص لازم اعرف ردها لاني النار قايده في قلبي 

———

(تاني يوم  )

صحيت وحسيت اني مش قادره اكمل الاسبوع وهو وحشني اوي بس البعيد ماتصلش حتي 

دخلت الحمام وطلعت لقيت عمو بيقولي انه جاب السكرتيره لبراء بنت 

اتنفست بغيظ وانا بحاول مابينش،

-كده كده انا هاجي معاك النهارده كنت هقولك اصلاً

وانا اصلاً مكنتش هنزل ولا اروح في حتي ولكني اتغاظت جداً

روحت مع عمو ولقيت فعلاً بنت قاعده علي مكتبي واظن انه جوا لان الباب مفتوح 

كنت عارفه ان الكاميرات الي فوق دي عنده علي اللالب روحت وقفت قدام مكتب فارس ،

-اي الاخبار 

————

"هو"

كنت متابعها وهي داخله وفكرتها هتجيلي علطول ولكن برقت وانا شايفها راحه عند فارس قومت وخرجت بغيظ من تصرفاتها،

————-

بصلي ورد بسرعه وهو خايف اكيد من البعيد هو في غيره 

-تمام ابعدي بس علشان دكت

مكملش كلامه وهو بيبص ورايا فهمت علطول انه هو من صوت انفاسه بلعت ريقي بخوف وانا عامله نفسي ولا هاممني 

-في حاجه  ؟!

مردش عليا وهو علي نفس نظراته علي الكائن لفيت وعملت نفسي من لبنان

-براء!!! اهلا يادكتور 

رد وهو ملامحه مكشره،

-بخير 

مسكني من ايدي تحت نظرات البنت الي قاعده بره دي 

دخلني الاوضه 

قرب عليا وهو بينزل لمستوايا وهو محتاج اجابه،

-انتي بتروحي عند فارس لي؟!!! 

بصتله دقيقه بلاعبكه ومديت ايدي علي كتفه كأني بنفض حاجه واقفه عليه

-عادي زمايل بسأل عن حاله 

شوفته وهو بيبلع ريقه من حركتي كملت عليه وانا بمسح علي دقنه بخبث 

كان ثابت وسرحان ضحكت جوايا 

وهو مسك ايدي وهو بيتكلم بخبث وبيقرب مني ،

-خدي بالك انتي الي بدئتي

استوعبت معني كلامه وهو بيقرب بعد عنه بسرعه وحقيقي قلب التربيزه عليا فعلاً

وكنت هخرج ولكنه وقفني صوته،

-كنتي جايه لي ياقطه؟

لفيت بغيظ وافتكرت ان انا جيت علشان فيه بنت معاه والي بتكون السكرتيره 

اتكلمت وانا بحاول متقفش ،

-جيت راجعه الشغل 

قعد علي الكرسي ،

-بمزاجك كده مشيتي وراجعه من غير اذن !!

-هو في مشكله ولا اي مش عايزني في الشغل يعيي!!

كنت عايزه اي سبب علشان اتشاكل الصراحه بقي 

فتح الالب وهو باصص عليه ،

-لا بس السكرتيره الجديده كويسه جداً وانا مش حابب اطردها

اخد نفس وانا بحاول اهدي من نفسي ولاني فاشله في كده انفعلت وانا بقرب منه،

-كويسه جداً قولت  !!! 

هز راسه ببرود هو قاصد يغيظني من كده!!

بليت شفايفي بلساني وانا بهدي نفسي 

-طب اي امشي انا؟!

بصلي وعمل نفسه بيفكر ورد،

-يعني بصراحه انا محتار جداً بس الي اعرفه انك ثابته ومينفعش تمشي ابداً

قال اخر كلامه وهو بيبصلي بجديه في كلامه 

وانا اتوترت جداً منه 

اتكلم تاني وهو بيقف قدامي ،

-انتي عايزه تكملي ؟!

اتكلمت وانا مش فاهمه هو يقصد علي اي 

-اكمل اي ؟!

قرب اكتر وهو بيبتسم بهدوء،

-علي جوازنا اكيد مش هتجوز عليكي يعني 

برقت بغيظ من الفكره وانا بشده من هدومه ناحيتي،

-قولت اي ياعنياااا تتجوز علي مين !!!!

شال ايدي بهدوء من عليه وحط ايده حوالين وسطي وهو بيقول ،

-انتي سمعك ضعيف بقولك استحاله اعمل كده انتي الي في القلب وبس 

خلص كلامه وهو بيغمزلي وبيبتسم ينهار ابيض انا بسيح حد يلحقني خلاص معتش قادره اقف علي رجلي الراجل ده بيوترني

-اي ياقطه انا بقول برده انك موافقه نكمل 

اتكلمت بسرحان،

-براء انا خايفه و ومش جاهزه 

بصلي بجديه وهو بيرخي ايده من عليا،

-تقصدي اي ؟!

اتكلمت بخوف وقلق وتوتر وكل شعور مخوفني ،

-انا خايفه ومعرفش مشاعري ناحيتك حب ولا لاء واظن انت زي مش كده ؟!

بصلي بتركيز وهو عايز اجابه ،

-يعني اي انتي مش عايزه تكلمي ؟!

كنت خايفه اقولها لا واندم خايفه اخد خطوه واقول يارتني مااخدها مش هكذب علي نفسي انا بحس معاه بالامان وببقي مرتاحه كمان وبحب غيرته  الهاديه الي بلاحظها  بس انا خايفه ومحتاجه اطمن 

رديت وانا بشيل ايده من عليا وروحت عند الباب ،

-براء انا اسفه همشي 

مستنتش رد ونزلت علطول دموعي نزلت وانا شايفه نظراته المصدومة انا بجد خايفه من حاجات كتير خايفه يبقي بيعاملني شفقه خايفه ميكونش بيحبني بجد ثواني هو اصلاً مقاليش بحبك البعيد فضلت اعيط اكتر 

روحت ونمت وانا بعيط وماما ماخدتش بالها لانها كانت في المطبخ 

صحيت بليل بصيت في المرايا لقيت عنيا وارمه من العياط طلعت بالبيچامه عادي قدام عمو ودخلت 

الحمام وروحت علشان اقعد معاهم في الصاله وقفت مكاني بصدمه وانا شايفه قاعد معاهم وبياكل فاكهه 

كنت هرجع الاوضه بس عمو قالي تعالي اقعدي معانا مكنش في مكان غير جمبه قعد وانا مكسوفه علشان بشعري 

قرب من وداني ،

-احلا حاجه ان شعرك ويفي 

بصتله بدهشه ولكنه قاطعني وهو بيتفحص ملامحي،

-اي ده انتي معيطه !!!

كنت هرد ولكن قاطعني بغرور،

-متقلقيش مش هسيبك 

همست ،

-انت لي بتعمل كده انا مش عايزه اظلمك 

-اني فعلاً ظلماني وانتي بتبعدي ومش عايزاني اشوفك

بتوتر،

-مش الفكره يعني بس انا عايزه نسيب بعض افضل 

قام وقف وهو بيتكلم بضيق ،

-انا ماشي يابابا سلام 

قمت انا كمان دخلت اوضي بضيق وانا عماله اعيط هو ميستاهلش مني كده بس هو غبي مش عارف يطمني 

ويقولي متخافيش لو كان قال كده كنت رزعته واحده بحبك 

تاني يوم بليل اتصل بيا وقالي انزلي تحت البيت 

قمت لبست الاسدال وانا عندي فضول عايز اي 

كملت نفسي وانا بقول ،

-يلهوي ليكون هيقولي نسيب بعض فعلاً لا لا ان شاء الله مش هيقول كده 

نزلت ولقيته ساند علي العربيه وقفت قدامه،

-خير في اي ؟!

بصلي شويه وقال بجديه ،

-خايفه من اي مني؟!

رديت بسرعه وانا بنفي براسي،

-لا لا خالص مش منك 

اتنفس براحه،

-طب امال من اي بالظبط ممكن تفهميني ؟!

بصيت في الارض وانا بفرك في ايدي 

-يعني انا خايفه تمون عايز تكمل شفقه وانك اصلاً ممكن متكنش بتحبني وان ان 

بصتله وانا مش لاقيه حاجه تانيه اقولها وهو مستنيني اكمل وهو رافع حاجبه 

ببراءه،

-بص بصراحه في حاجات كتير اوي بس انا مش فاكره دلوقتي انت موترني علفكره 

ضحك بخفه ،

-هو انا عملت حاجه !!

-طيب هو ده الي قولته لما افتكر بقولك 

ربع ايده قدام صدره وقال،

-إلين انا اظن اني قولتلك وهقول تاني انا اتجوزك وانا راضي ومحستش نفسي مش حابب الموضوع تمام 

وموضوع الشفقه ده امحي من دماغك لان انا مفكرتش كده نهائي وبعدين شفقه اي هو انتي كنتي شحاته واتجوزتك؟!!

ضحكت غصب عني علي اخر كلامه 

كمل وهو بيقرب مني وبيمسك وشي بين ايدي وبيخليني بصله،

-من الاخر كده انا بحبك وانا مش مراهق علشان تقوليلي تعلق وهيروح لحاله تمام انا فعلاً عايز اكمل معاكي انتي بقي بتحبيني 

هزيت راسي معرفش ازاي بأه وانا عنيه مدمعه

حسيت بالامان وطمني فعلاً في ثانيه من كل حاجه 

ضحك وهو بيدخلني جوه حضنه،

-قطه وربنا 

بعدني عنه،

-طب اي هتفضل واقفين كتير 

حطيت عيني في الارض باحراج،

-ماشي هطلع باي 

منعني وهو بيمسك  ايدي ،

-مش قبل لما تقوليلي لسه حاسه بإيه

رفعت عيني ليه ،

-حاسه اني اطمنت 

-طب في حاجه تانيه عايزه تقوليها 

-هو بصراحه انت طمنتيني وانكرت حاجات كتير كانت في دماغي 

ضحك،

-للدرجه دماغك ظلماني 

ضحكت،

-يعني بتبقي محتاجه الي يطمنها ويقولها افكارك غلط 

-وانا موجود في الخدمه وهطمنك ديماً

-توعدني 

-اوعدك 

قالها وباسني في خدي 

فركت ايدي بتوتر 

وهو طلع من العربيه شوكولاته وحطها في ايدي 

-طب يلا اطلعي علشان الجو برد 

هزيت راسي وطلعت علي طرطيف رجلي علشان اطوله بوسته من خده بسرعه وقولت باحراج،

-بحبك ياكوتي 

طلعت بسرعه و سمعته بيقول ،

-قلب كوتك وربنا 

طلعت وكنت فرحانه جداً ومش حاسه اني خايفه الفكره كلها محتاجه الي يطمني واكتشفت طول مامعاكي شخص بيسمعك فا انتي فامان وبعيد عن افكار دماغك 

بعد اسبوع بالظبط طلعنا عمره وده بدل من الفرح ووجع الدماغ و ذنوب علي الفاضي 

وكان من احلا شهر قضينا في بيت الله 

"10”

#تمت

وانا زيكم بالظبط براء فجائني وطلع البعيد مش مغصوب وراضي عادي عن الجوازه ده كان قصدي لما قولتلكم هتتغير انتو فهمتو اي بس😂💗

انا عن نفسي حبيتها اوي قولولي رائيكم اشوفكم في الجاي يااحبائي 

‏#AmlBakr ʚɞ

#أمل_بكر

♡.#براء_وإلين

#العقده_والحب_معاً

رواية العقدة والحب معًا (براء وإيلين) كاملة من هنا