رواية طسم وجديس بقلم جمال الحفني
رواية طسم وجديس
موضوع إن البنت في ليلة زواجها لازم يدخل بيها شخص غير جوزها يعتبر من الحكايات الخرافية لكن بالصدفة قريت عن قبيلة اسمها "جديس" في مكان بأرض اليمامة يدعى "طسم" ويعتبروا من العرب البائدة, القبيلة دي يحكمها ملك اسمه "عمليق بن هبل" وكان عادة الملك ألا يترك عذراء تتزوج إلا بعد أن يقضي معاها ليلة زفافها الأولى وبعدها ترجع لزوجها وهي محملة بالرضا الملكي.
الموضوع كان بيتكرر كل شهر وأحيانا كل أسبوعين, والقبيلة اتعودت إنها تزف الفتاة للملك وسط الدفوف والأغاني ويستنوها بره لحد ما تظهر في الصباح خافضة الرأس منكسرة العين وبعدين ياخدوها لبيت زوجها في صمت.
لحد ما في يوم جات فتاة اسمها "شموس" كانت متمردة, مترضاش بحد يفرض عليها أمر, ترعى الأغنام وتختار المرعى اللي ترعى فيه, والبئر اللي تسقي منها, والراجل اللي هتتجوزه, بعد ما أبوها فرض عليها تاجر العبيد الثري ورفضته, واتزوجت راعي عادي.
وفي ليلة زواجها راحوا بيها لبيت الملك وسط الدفوف والطبول والغناء
أبدي لعمليق وقومي فاركبي
ما لبكر عنده من مهرب
ولإنها رافضة الفكرة قاومت الملك, اللي استمتع بمقاومتها وبدل ما تخرج الصبح زي أي عروسة فضلت معاه لحد منتصف النهار وهو بيكرر استمتاعه بيها مع كل مرة ترفضه لحد ما طلعت من عنده وكانت المفاجأة إنها ممزقة الثياب, محلولة الجدائل, دامية البدن, ولما الناس شافوها وطأطأوا رؤوسهم راحت نزعت باقي ثيابها وبقت عريانة, وعلى الرغم إنهم حاولوا يغطوها بعباءاتهم لكنها رفضت وأصرت تمشي وسطهم مذلولة عشان تفوقهم من عادة الملك بتاعهم اللي محدش فيهم عارف يعارضه فيها.
وقالت فيهم شعر
لا أحد أذل من جديس
أهكذا يفعل بالعروس؟
كانت هي العذراء الوحيدة اللي خلتهم يحسوا بمدى المهانة اللي بتتعرض ليها القبيلة مع كل زواج يحصل, وفضلت في الساحة اللي فيها بيت زوجها عريانة ليل نهار لا بتاكل ولا بتشرب ولا بتستر عريها, وراحت ترثي شرفها المغتصب وشرف قومها الممتهن لحد ما ضمير القبيلة بدأ يصحى والعادة اتحولت لفعل بشع لابد من مقاومته.
اتجمع اخواتها وزوجها وشحذوا سيوفهم وراحوا لبيت الملك واقتحموه وذبحوه على الفراش اللي لطالما اغتصب عليه بناتهن.
لو خلصت قراءة اكتب تم
#قصة_طسم_وجديس
جمال الحفني
