رواية شمس صقر الصعيد (كاملة جميع الفصول) عبر روايات الخلاصة بقلم إسراء إبراهيم
رواية شمس صقر الصعيد الفصل الأول 1
شمس صقر الصعيد
انا رايدك تروح تجيبلي بتي يا صقر يا ولدي
صقر وهو مش فاهم
كيف يعني أجيبلك بتك وبتك مين انت اصلا ما خلفتش يا عمي ولا انت ناسي
عرفان بتنهيدة
أنا كنت متجوز يا صقر ومن سنين يا ولدي بس خبيت عشان مرت عمك انت خابرها زين طول عمرها وهي متسمعش غير لحالها وانا كان نفسي في حتة عيل يشيل اسمي
صقر بصدمة وجدية
متجوز يا عمي وانت كيف خبيت علينا كل ده وبعدين ده حجك يعني مكنش لازم تخبي
عرفان بعينين حزينه
منا جولتلك خبيت عشان شهيرة مرتي جولت برضك اراعي شعورها بموضوع عالخلفة وامك الله يرحمها كانت خابرة وابوك كمان
صقر بيحرك راسه ببطء
دلوقتي فهمت ليه كنت بتسافر كتير مصر وكل شوية تجول شغل وأرزاق
عرفان بيقرب منه بلهفة
مرتي التانية ماتت يا ولدي ولما وصلت مصر كنت رايد أدفنها بإيدي واخد عزاها بس لقيت أخوها سبجني ودفنها وخد بتي مني
صقر بغضب مكتوم طب والبنتة كيف خدوها منك هي سايبة ولا ايه عاد
عرفان بصوت مكسور
جالولي إنها بنتهم وإنهم أولى بيها ومارضيوش يدوهالي وانا هتجنن يا ولدي بت عمري اكدت تروح مني ومش جادر اجيبها تعيش معايا اللي فاضلي من عمري
صقر بهدوء اهدي يا عمي وكل حاجة هتبجي زين بس جولي مش يمكن بتك رايدة تعيش معاهم يا عمي ومش هترضى تعيش أهنه
عرفان بحزن ولهفة
لا يا صقر بتي متعلجة بيا جوي بتبجي مستنياني على أحر من الجمر عشان بتحبني و هي اللي كلمتني وقالتلي ان أمها ماتت واني مهملهاش لمرت خالها لانها بتعاملها وحش وقالتلي تعال خدني يا بابا عشان خالي بيقول انه مش هيخليك تاخدني وهياخدني
عنده
صقر صوته بدأ يهدى يعني هي اللي كلمتك تمام جوي
عرفان بحزن
أيوه ولسة يدوب من يومين قالتلي التليفون اللي جبتوهولها خدوه منها ومخليينها خدامة تخيل خدامة في بيت خالها يا ولدي
صقر بيكتم غضبه متقلقش بس المطلوب مني إيه غير إني أرجعلك بتك يا عمي
عرفان بيمسك إيده بامتنان تسلم يا ولد اخوي انا مش رايد غيرها تعيش هنا في بلدي بين أهلي مش رايدها هناك وسط ناس بتبهدلها أنا كبرت يا صقر ومش ضامن العمر ورايد اعيش اللي باجيلي مع بتي
صقر بجدية
هجيبهالك يا عمي وعد متقلقش انت بس مرت عمي اهنه لما تعرف ناوي تعمل ايه معاها
عرفان بعين ثابتة
ولا فارقلي حد لا مرت عمك ولا غيرها بتي هي اللي تهمني وشهير غصب عنها هترضي بالامر الواقع
صقر بصوت واثق
طيب يا عمي أنا هجيبها وهرجع بيها هنا متقلقش
عرفان بلهفة هي مستنياك كل فترة بتتصل وانا طمنتها وجولتلها هشيعلك واد عمك صقر هيجيبك
صقر بعزم
تمام يا عمي متقلقش انت وشوف هتجول ايه لمرت عمي وتفهمها كيف ان ليك بنتة
عرفان وعنيه بتملي دموع
ربنا يبارك فيك يا ولدي ربنا يفرح جلبك كيف ما ريحت جلبي
صقر قبل ما يمشي
صحيح يا عمي بتك اسمها ايه
عرفان بابتسامة واسعة اسمها شمس وخلي بالك منها يا صقر دي شمس جلبي
صقر بابتسامة علي حنية عمه
حاضر يا ابو شمس متقلقش عليها دي في حمايتي من اهنه ورايح
ابتسم عرفان بفرحة لما قاله صقر لاول مرة ابو شمس وحس انه اخير هيطمن عليها
كانت واقفة شمس في المطبخ بتغسل المواعين ودموعها بتنزل بحزن وهي بتفتكر ايام ما كانت امها عايشة وكانت بتتعامل بحنية منها ومن ابوها وغصب عنها فجاة الطبق اتزحلق من ايديها اتكسر فقلبها اتقبض لما سمعت صوت مرات خالها افكار وهي داخلة عليها بغضب
أفكار بانفعال وصوت عالي
يعني هو أنا ناقصه كسر كمان يا وش النحس! مش كفاية عايشه على حسنا كمان تكسريلي الاطباق ما تركزي يا بت انتي احسنلك
شمس بخوف وهي بتلم الطبق
أنا آسفة يا مرات خالي والله ما كان قصدي الطبق اتزحلق من إيدي عشان كان في صابون و
أفكار بتقرب منها وتشدها من دراعها
ولا صابون ولا يحزنون! أنا مش أمك فاهمة لو أمك كانت ربتك ماكنتيش بقيتي عالة كده وكمان فاشلة مش كفايا خدامة ببلاش
عين شمس بتدمع وبتحاول تمسك دموعها وردت بصوت مهزوز
أنا مش خدامة أنا بس كنت بحاول أساعد وماما الله يرحمها ما كانتش هترضى أتهان كده
أفكار اتعصبت وردت بغضب
بقى ليكي لسان و بتردي كمان! طب استني لما أفرجك يا شمس أنا هربيكي بطريقتي
قالت كدة افكار وقربت من شمس عشان تضربها وشمس خافت وسابت كل اللي في إيدها وجريت وقلبها بيدق من الخوف و دموعها نازلة وهي بتهرب ناحية الباب وكانت إيدها بتترعش وهي بتفتحه بسرعة عشان تهرب ومش مهم هتروح فين بس فجأة بتلاقي
قدامها صقر قدامها اللي بصلها وعرف من دموعها انها شمس
صقر بصوت هادي
إنتي شمس
شمس بلهفة
انت صقر صح
صقر بهدوء
ايوة انا ابن عمك
ابتسمت شمس فجأة وكأنها لقت طوق النجاه وقربت منه بتلقائية ووقفت وراه وهي بتمسك في هدومه فاتوتر صقر من طريقتها بس مبينش
عماد بغضب وهو خارج من اوضته
خير إنت مين وعاوز إيه وانتي يا مقصوفة الرقبة تعالي هنا
صقر بهيبة لايقة عليه
أنا صقر ابن عم شمس وجاي اخدها عندك مانع اياك
عماد بغضب وخوف من جواه
يعني ايه تاخدها هي سايبة ولا ايه انت فاكر نفسك مين انا خالها و
صقر قطع كلامه بهدوء يخوف
شمس هتيجي معايا ولو خايف علي اللي باجي من عمرك يبجي تحط لسانك في خشمك لاني لما بتعصب مبشوفش جدامي واحسنلكم انتو الاتنين تنسو انكم
تعرفو شمس فاااهمين
قال صقر جملته الاخيرة بصوت قوي خلي عماد يتوتر ويخاف هو وافكار ويبصو لبعض بقلق اما شمس فكانت متبتة فيه كأنها خايفة يسيبها ويمشي
صقر بجدية
خشي خضري شنطتك يا شمس
شمس بلهفة
اانا محضراها هي ورا باب المطبخ اللي كنت بنام فيه هجيبها بسرعة اوعي تمشي والنبي
صقر اتصدم لما عرف انها كانت بتنام في المطبخ وبص لعماد وافكار بغضب
عماد بتهتهة
إنت مش فاهم الوضع هي زي بنتي بس كنت لسة بوضبلها اوضة و
صقر قرب منه خطوة وصوته بقى أوطى وأخطر
لو هي كيف بتك ما كنتش خليتها تبكي قدامي ولا تخدم مرتك وتخليها تعاملها عفش بت عرفان الدمنهوري مش خدامة عند حد والبنتة دي من انهاردة في حمايتي انا
صقر وهو يبص لشمس اللي واقفة بشنطتها
يلا يا شمس
مسحت شمس دموعها وهي باصة لصقر اللي كان طالع منه هيبة حتى
شمس بلهفة
أنا جاهزة
اخدها صقر ومشي وهي قلبها اخيرا مطمن ومكنتش قادرة تصدق إنها سابت البيت ده اخيرا وكله بسبب ابن عمها اللي اول مرة تشوفه بعد ما كانت بتسمع عنه بس من ابوها
جوة العربية كان الهدوء مالي المكان وصقر سايق ومركز قدامه وشمس قاعدة جنبه ماسكة طرف طرحتها وساكتة شوية وبعدين فجأة صوتها قطع الصمت
شمس بابتسامة فضولية
هو هو الطريق للبلد بياخد وقت طويل
صقر بجدية من غير ما يبص
يعني ممكن تلات ساعات
