رواية مغامرات عائلية الفصل الرابع 4 بقلم همس كاتبه
رواية مغامرات عائلية الفصل الرابع 4
بارت 4
سحر : هما فين البنات ؟ مش سامعة حسهم
كارما : فوق يا طنط باوضتهم حاطين ماسكات على وشهم
فارس : ايه ده مزتي معاهم ؟
كارما بغيظ : ايوة
فارس بضحك : يا انهار اسود اول مرة احس انها بنت
سحر : طب ما تتلم و تخطبها بدل ما انت مهزق نفسك كدة قدام الكل
فارس : ما انا عايز اتقدم بعد الفرح يطنط
سحر : جيل اخر زمن .. اوس فين يا مصطفى ؟
مصطفى : باوضته يمكن نام … ده يحرام تعب اوي من كتر ما جري ورا حبيبة عشان يصالحها
سحر : اتلم يلا .. ده انا لو مكانها هفرمه ابن الهبلة
زياد بضحك : بتشتمي نفسك يا طنط
سحر : ما انا الي معرفتش اربي .. دي بنت تتساب كل ده ؟
فارس : بصراحة اوس حمار .. ازاي سايبها كدة ده الكل عايز يشقطها من حلاوتها بنت الايه
دلف تميم و رمى وسادة على وجه فارس
تميم بحدة : اقسم بالله يا فارس لو ما اتلميت همسح فيك بلاط البيت ده
فارس بضحك : يعم النضيف .. سيب التعقيم للمستشفى ما تقرفناش هنا يعريس
زياد بقرف : دمك يلطش ياض .. هيا ازاي حلا بتحبك مش عارف
سحر : دي هبلة الي تبصله
**********************
كانت حلا و حبيبة و فريدة و دينا و غادة يجلسن بارتخاء سويا و كل واحدة تضع ماسك مختلف على وجهها
كانت فريدة تضغط على كورة صغيرة بايدها
فريدة : ياااه كمية الراحة النفسية فظيعة نفسي انام
حبيبة بهدوء : نامي على مخدة حرير عشان بشرتك تفضل نضيفة
فريدة : ما بتفكريش تفتحي مشروع يا حبيبة ؟ لايق عليكي اوي تشتغلي بمنتجات السكينكير
حبيبة : لا مش بحب الشغل بصراحة .. ده انا بروح الكلية بالعافية
دينا : غادة
غادة : ايوة
دينا : مش بتفكري ترجعي لزياد ؟
غادة : لا
حلا : هتكوني غبية لو رجعتيله ده عيل زبالة
دينا : اخرسي انتي يا حقنة .. ملكيش دعوة بيها
فريدة : بجد يا حلا انتي معندكيش دم .. ده اخويا يا واطية
حلا : و مالو .. انا ما قولتش غير الحق
دينا : انا مش فاهمة ليه بتعملي نفسك ناصحة و انتي مرتبطة بفارس الاهبل
غادة : اخرسي يا دينا ده اخويا
حبيبة بضحك : انتو هتطبو ببعض .. احنا قاعدين عشان نسترخي مش عشان نتخانق
فريدة : الا قوليلي يا حبيبة .. ليه زعلانة كدة من اوس و انتي عارفة انه سافر علشانك
حبيبة : لانه بيحاسبني على كلام قولته و انا عيلة .. عاقبني كل المدة دي عشان كلام قولته و انا صغيرة … مفيش حاجة تبرر بعده عني .. لو كان عايز يشتغل و يبني نفسه كان يقدر يعمل كدة و هو جنبي
غادة : اقسم بالله انتي و الحيطة واحد .. يا بت ده بيعشق الارض الي بتمشي عليها .. و عمل كل حاجة عشانك .. انا عمري ما شوفت راجل بيسعى انه يرضي ست بالشكل ده
حبيبة بابتسامة : انا عارفة انه بيحبني بجد .. بس لازم يتعاقب على غيابه
فريدة بخبث : اممممم يعني قرصة ودن ع الناعم .. مش هتسيبه
دينا : تسيب مين دي بتموت فيه .. انا كل ما افتكر البوسه جسمي بيقشعر … يا انهار اسود انا لازم اتجوز بسرعة كفاية بقا
حلا : اقسم بالله انتي سافلة يا بت و انا هقول لطنط خولة تفرمك .. و انتي ازاي تسمحيله يبوسك يا زبالة
حبيبة : و الله احنا كاتبين الكتاب يا حلا هانم .. ما تدخليش بين راجل و مراته
غادة بتصفير : البت قلبها قوي يا بنات
دينا : اوعدنا يا رب احنا غلابة
فريدة بخبث : قوليلي يا حبيبة .. حسيتي بايه لما باسك ؟
حبيبة بخجل : بس يا فريدة بلاش قلة ادب
فريدة : فيها ايه ما ده الطبيعي يعني اي اتنين مخطوبين بيبوسو بعض .. تصدقي اول مرة باسني تميم كان يوم كتب الكتاب و انا من الصدمة ضربته بالقلم على وشه .. نسيت انه بقا جوزي
دينا بضحك : يخرببيتك فصلتيني
غادة بسرحان : انا اول مرة باسني زياد بعد ما اتخطبنا بشهرين .. باسني على خدي لاول مرة .. حسيت يومها اني بعالم تاني .. فضلت مصدومة و جريت على اوضتي و معرفتش انام وقتها … لغاية الان اثر البوسة دي محفور بقلبي
دينا بخبث : انتي حنيتيله يا بت و لا ايه ؟
انتبهت غادة لنفسها و قالت بصدمة و توتر : لا لا .. بس يعني دي .. دي ذكريات مش سهل تتنسي
حلا : تصدقو و تأمنو بالله .. انتو اسفل ناس قعدت معاهم بحياتي بعد فارس
***************************
لارا : بتعملي ايه يا كارما
كارما : لارا انا بجد مش طايقة اشوفك .. روحي من هنا
لارا باستغراب : ليه هو انا جيت جنبك ؟!
كارما : انتي بجد لا تطاقي .. شايفة كل البنات مع بعض ازاي و مبسوطين .. مفيش غير انا و انتي لوحدنا و محدش بيرضى يكلمنا .. حتى زياد اخويا مش طايق يبص بوشي و كل ده بسببك
لارا بغضب : و الله ؟ دلوقتي هتتحالفي معاهم عليا ؟ دلوقتي حبيتهم ؟
كارما : ايوة .. عشان مش هقبل اني اكون منبوذة بسبب غيرتك .. كل ده عشان حبيبة فرستك و رجعت لاوس .. انا زياد قالي ابعد عنك و ده الي هيحصل لو ما اتعدلتيش .. شيلي حبيبة من دماغك بقا انا قرفت
لارا بحدة : طبعا لازم تسبيليلها عشان تتقربي من اوس على حسابها مش كدة
كارما : يخربيت وساخة تفكيرك .. انا عمري ما فكرت كدة .. اي نعم انا معجبة باوس جدا بس ده مش معناه اني هخرب علاقتهم
لارا بغيظ : كل ده عشان اجتمعو مع بعض و مطنشينك ؟ انا عارفاكي هتفضلي تتدحلبي لغاية ما تبقى وحدة منهم
كارما : ايوة ده الي هيحصل .. عشان انا بحب قعداتهم و هما عمرهم ما اتكلمو على وحدة من وراها .. بس انتي فتنية و نمامة و انا مش بحب كدة
*************************
في المساء
اجتمعت العائلة بأكملها في حديقة البيت لشرب الشاي فهذه عادة قديمة في هذا البيت وضعها عبد الله و اخيه عبد الرحمن للمحافظة على جو العائلة
عبد الله : امته هتاخد اجازة يا تميم ؟
تميم : قبل الفرح باسبوع
عبدالله : ليه ما تاخدها من دلوقتي و تحضر للفرح على مهلك
تميم : ما ينفعش اخدها عشان هاخد اجازة طويلة شوية بعد الفرح
عدنان : سمعت يا اوس انك هتفتح فرع لشركتك هنا
اوس : صحيح … لسا بندرس بالموضوع ده
حسين : يعني نويت تستقر هنا ؟
اوس : اه طبعا
عبدالله : كويس عشان تبقى تتجوز الفترة دي
نظر اوس الى حبيبة التي حاولت الا تظهر اهتمامها و انشغلت بالحديث مع دينا و فريدة
ابتسم بخفة فهو يعرفها جيدا و يعرف تعابير وجهها التي تدل على فشلها في محاولة تجاهله
سحر بهمس : سعاد انتي اتكلمتي مع حبيبة بموضوعها مع اوس ؟
سعاد : لسا انا سايباها على راحتها مش عايزة اضغط عليها .. عايزاها تاخد وقتها
خديجة : بس البنت واضح عليها قد ايه بتحبه يا سعاد .. حرام يتطلقو بعد كل الحب ده و هو على فكرة باين عليه بيحبها و مهتم بيها
سحر : بجد يا سعاد اوس بيحبها اوي و ان كان سابها فترة فده عشان شغله
سعاد : و الله عارفة بس القرار بالاخر بايد البنت لو هيا مش مرتاحة معاه اكيد كلنا هنقف بصفها
خديجة : بقولك ايه كلمي حسين بموضوع حلا و فارس كمان .. الحمدلله فارس اتثبت بالشغل و جده و ابوه وافقو نخطبهاله بعد ما نخلص من فرح فريدة و تميم .. فانتي لمحي لجوزك
سعاد : و الله انا اتكلمت معاه من فترة بس قالي الاول لازم يطمن على حبيبة و يتاكد انها هتفضل مع اوس و بعدين يبقى يفكر بحكاية حلا …… خصوصا ان التنتين هيفضلو جوة العيلة فالموضوع محتاج تفكير على مهل
خولة : بس حلا اكبر من حبيبة يا سعاد .. حرام كدة بتظلموها
سعاد باستغراب : بس حبيبة اتخطبت قبلها و فترة الخطوبة طولت يا خولة لازم تتجوز بقا و تستقر عشان نفكر باختها
خولة : يا سعاد انا بحس ان في مقارنة بين حلا و حبيبة .. حلا دايما مظلومة و كل الدلع لحبيبة .. من زمان و الكل بيدلع حبيبة اكتر من حلا .. حتى في الجواز حبيبة اتخطبت قبل .. حرام ما تكسريش خاطر البنت
سعاد بصدمة : ايه الكلام ده يا خولة ؟ انتي عارفة ان حلا و حبيبة نفس الشيء بالنسبالنا … و موضوع الجواز ده قسمة و نصيب .. و بعدين انا بتكلم من باب ان الوضع المادي عندنا مش هيستحمل نجهز بنتين بنفس الفترة .. انا ما صدقت اخلص من جهاز حبيبة .. و دلوقتي هبدا احوش عشان اجهز حلا … فلازم ناخد وقتنا بالتفكير .. انا عمري ما ظلمت بناتي يا خولة
خولة : ما تزعليش مني يحببتي بس انا بجد بزعل على حلا … كل حاجة بتروح لحبيبة قبلها .. خودي بالك انا خايفة حلا تغير من اختها
سعاد بضحكة : لا اطمني يا حببتي .. انا بناتي عارفين مصلحتهم و حلا بتعتبر مصلحة اختها هيا مصلحتها .. انا ربيت بناتي زي بعض و عمري ما ميزت بينهم
*********************
مر الوقت و اصبحت الساعة 11 مساء
ذهب الكبار جميعا للنوم و بقي الشباب يسهرون سويا
فارس تمدد على المرجيحة و زياد احضر الشيشة و تميم و اوس بيتكلمو سويا
مصطفى بيتكلم مع بنت على الماسنجر
حبيبة و فريدة بيتصورو عشان ينزلو ستوري
دينا بتشيش مع زياد و بتعمل دوائر بالدخان
و حلا و غادة بيلعبو كوتشينة .. لارا و كارما تركوهم و ذهبو للنوم
مصطفى : يا جماعة بكلم وحدة سورية بتقولي تؤبورني شو مهضوم .. اقولها ايه ؟
غادة : قولها تشكلي اسي ريتك ما تبلي
حلا بضحك : لا قولها تطلعي على قبري بكعب عالي .. كدة هتموت عليك
زياد : ايه جو باب الحارة ده .. على فكرة اهل سوريا مش بيتكلمو كدة .. ايه الهبل ده
غادة بحدة : و انت مالك .. ما شاء الله خبرة اوي
زياد : انا ما اتكلمتش معاكي يبقى تسكتي
فارس : ايه هنتخانق هنا كمان ؟ جدو قال ما تتكلموش مع بعض
تميم بحدة : مصطفى سيب الزفت الي بايدك و الا هقوم اكسره على دماغك .. قوم ذاكر يلا
بدأت دينا تكح بخنقة من الشيشة
دينا بكحة : يا انهار اسود هموووت
اتجهت لها حبيبة بلهفة و خبطتها بنعومة على ظهرها
دينا بخنقة : يخربيبتك اخبطي جامد همووووت
حبيبة : كام مرة قولتلك الشيشة غلط عليكي .. انتي بنت يغبية ممكن تاثر على صحتك اكتر
دينا بكحة اكثر : اخبطي كويس خلصيني
خبطها زياد بقوة على ظهرها لدرجة انها اندفعت للامام و وقعت فوق الشيشة
دينا : يخربيتك هتموتني
اطلقت حبيبة ضحكة عالية على شكلها فجعلت اوس يسرح بها و يبتسم و كأن قلبه يضحك من اعماقه
تميم : كل ده عشان ضحكت ؟
اوس بانتباه : ايه ؟
تميم بخبث : يا ابني عيب حركات المراهقين دي .. كل الي قاعدين واخدين بالهم من نظراتك ليها .. ده انت هتموت على ما تعبرك
اوس بغيظ : تميم لو تسكت يكون احسن
تميم : ايه زعلت من الحق ؟ ما انت عمال تجري وراها زي العيال .. يا ابني انتو كبرتو اعقل شوية
اوس بحدة : و ربنا لو ما سكت هبعترك قدام الكل
تميم : خلاص يا عم سكت اهو … بس بجد يا اوس خليك وراها .. كان باين عليها الزعل من ساعة ما وصلت .. و لما انت جيت فكت شوية بس برضو واضح انها لسا مش راضية
اوس : انا عارف هراضيها ازاي .. خليك بحالك
تميم : و الله انت بني ادم زبالة و ما تستاهل النصيحة حتى
فارس : ايه الزهق ده ما تيجو نلعب
حلا : تلعبو كوتشينة ؟
فارس : لا قديمة اوي
فريدة : ايه ده فكرتوني .. انا وصلتني لعبة جديدة .. هقوم اجيبها
غادة : لعبة ايه دي يا فريدة
فريدة : لعبة اسمها مغامرات عائلية .. فيها 50 بطاقة و كلها اسئلة .. كل واحد بيسحب بطاقة و بيقرا السؤال قدامنا و بيجاوب عليه و لو مش عايز يجاوب يقدر يتجاوز عنه
دينا بحماس : الله حلو اوي هاتيها نلعب
غادة : طيب خلينا نلعب بنات بس
فارس : وحياة امك يا بت .. ما احنا كمان زهقانين .. جبيبي اللعبة يا فريدة هنلعب كلنا
فريدة : يلا هقوم اجيبها
احضرت اللعبة و جلسو جميعا على الارض على شكل دائرة
فريدة : هنبتدي من عندك يا دينا .. اسحبي ورقة و اقري السؤال
سحبت دينا البطاقة و قالت : يا انهار اسود … السؤال بيقول ما هي اكبر كذبة كذبتها بحياتك ؟
فارس بضحك : شكلها قعدة فضايح من اولها
فريدة : جاوبي يا دينا
دينا بابتسامة : اكبر كدبة كدبتها كانت على خالو حسين .. يومها قولتله ان جارنا الي بالدور الرابع بيصرخ من الوجع و شكله تعبان .. هو راح جري عشان يلحقه قامت الكدبة بقت حقيقة و لما خالو كسر الباب لاقاه مغمى عليه و اسعفه .. بس نقدر نقول كانت كدبة بيضا كأن ربنا سخر لساني عشان ينقذ الراجل ده
غادة بتأثر : يااه .. طب و ليه كدبتي عليه ؟
توترت حبيبة و ابتسم اوس بخبث
دينا بغيظ : كنت بغطي على اتنين كانو هيفضحونا في بير السلم
تميم بضحك : خلاص يا دينا وصلت الفكرة
فارس باستغراب : هما مين دول يا دينا
دينا بضحك : الي ساتره ربك ما نفضحهوش يا فارس
فريدة : خلاص يا فارس .. اسحب يا زياد
سحب زياد بطاقة و قال : لو استطعت العودة بالزمن ما الخطأ الذي لن تكرره أبدا ؟
دينا : اوبا .. جاوب يا عم
زياد و هو ينظر لعيون غادة : لو رجع بيا الزمن مكنتش هسمح لحد يتدخل بحياتي .. و لا هقول مشاكلي لحد .. و هحط حدود للكل .. عشان كتر التدخلات دي خلتني اخسر ناس
كنت بحبهم و كانو الحياة بالنسبالي
تميم : تصدق عندك حق .. احيانا الناس الي بيكونو قراب مننا لما بيدخلو في مشاكلنا بيزودها اكتر و بيعقدو كل حاجة
فريدة : فعلا بيكونو فاكرين انهم بيصلحو بينهم بس هما بالفعل بيكونو اذوهم اكتر
فارس : طب يلا اسحب يا دكتور
سحب تميم بطاقة
ابتسم و قال : من أول شخص تلجأ إليه عندما تضيق بك الدنيا؟ و لماذا هو بالتحديد ؟
نظر لفريدة و قال بحب : الشخص الوحيد الي بيفهمني بالدنيا دي و بروحله هو حبيبتي فريدة .. مفيش مرة احتجتلها الا و لقيتها بضهري و سانداني .. كانت دايما شايفاني صح لو كل الناس شافت اني غلط .. دايما واقفة جنبي وقفة رجالة من و احنا عيال
ابتسمت فريدة بخجل
دينا : ايه يعم .. ما تراعو السناجل الي في القعدة .. سيبو المحن ده لبعدين ده انتو شوية و هيتقفل عليكو باب واحد
حلا بخبث : ما تسيبيهم يا بت خلينا نتعلم شوية
غادة : و بتقولي عليها سافلة ده انتي اسفل منها
حبيبة : كفاية بقا .. خلينا نكمل
اتت كارما
كارما : ممكن العب معاكو ؟
دينا بسخرية : لا دي لعبة للكبار بس … انتي روحي نامي عندك مدرسة الصبح
زياد : دينا اتلمي .. اه يا حببتي اقعدي يلا
جلست كارما
فريدة : اسحب يا اوس يلا
سحب اوس البطاقة و قال : ما أكثر شيء تخاف أن تخسره ؟
فارس بضحك : اكيد حبيبة
نظرت له حبيبة بحدة و حلا ضربته في بطنه
اوس بابتسامة و هو ينظر لحبيبة : صحيح
ازاحت نظرها الى غادة و حاولت اخفاء خجلها
فريدة : بس يجماعة البت اتكسفت .. اتنيل اسحب يا فارس
سحب فارس بطاقة و قال : كيف تصف نفسك في ثلاث كلمات ؟
زياد بضحك : فاشل و حمار و صايع
فارس : تسلم الله يخليك
مصطفى : ده بقا قلقاسة القعدة .. مش لازم نعبره اصلا
حلا بغيظ : ما تتلمو بقا و ما تتريقوش .. جاوب يا فارس
فارس بضحك : لا ما خلاص انا اتقمصت … تجاوز يجماعة
سحبت حلا بطاقة و قالت : لو طلب منك وصف عائلتك بكلمة واحدة ماذا ستكون؟
نظرت لهم و قالت : عيلة زبالة و حياة ربنا
غادة بضحك : صح و الله .. هسحب انا
سحبت بطاقة و قالت : ما الشيء الذي لا يمكن شراؤه بالمال في حياتك ؟
دينا : امم اتفضلي احكيلنا
غادة : السعادة و الاخلاص .. صعب نلاقيهم الايام دي و صعب نشتريهم .. اصلا نادرا ما نلاقي حد يسعدنا و يكون مخلص مية بالمية
فارس : ده انتي يا بت فيلسوفة زمانك .. ايه النكد ده
فريدة : اسحبي يا حبيبة يلا
سحبت حبيبة بطاقة و قالت : هل ترى نفسك شخص عاطفي ام عقلاني ؟
دينا : عاطفية و بجدارة
حبيبة : ايوة عاطفية اكتر
زياد : طب طالما عاطفية ايه سر هدوئك ده يا حبيبة ؟
حبيبة باستغراب : ازاي يعني ؟
زياد : يعني بحس انك هادية زيادة عن اللزوم و منطوية على نفسك مش انفعالية
حبيبة : عادي يعني دي طبيعتي
كراما بغيظ : ايوة بس دلوعة بزيادة مش روشة زي حلا .. ده انتي حتى اوفر اوي بستورياتك جيرلي جدا
دينا باندفاع : صحيح عشان دي بنت و فاهمة انوثتها صح .. مش قالبة فيها دكر
كارما : و الله الانوثة مش بالسهوكة و الدلع
حبيبة بنرفزة : و انتي مالك ؟؟؟ انا حرة بحياتي اتدلع براحتي .. شيلي الفولو لو مش عاجبك محتوايا
نظر اوس الى زياد بحدة يشير له باسكات كارما
زياد : كفاية بقا يا كارما .. هيا جاوبت على السؤال مش عايزين ندخل بتفاصيل كتير
قامت حبيبة و هي غاضبة : تصبحو على خير
فريدة : استني انا و مصطفى و كارما لسا ما سحبناش
حبيبة : معلش يا فريدة انا نعست .. المرة الجاية نكمل
و ذهبت من امامهم
دينا بغضب : كل ده من قلة ادبك يا كارما
حلا : بجد كنا مبسوطين لولا رخامتك دي
كارما : و الله ؟ دي بتدلع و اهي اتقمصت بسرعة
اوس بحدة : و انتي مالك بيها ؟ هيا حرة لو مش عاجبك ما تقعديش معانا
ابتلعت ريقها بتوتر و قالت : انا معملتش حاجة عشان كلكو تهزقوني كدة
حلا : لا عملتي .. انتي دايقتيها و لولا كلامك السخيف ده كنا هنكمل لعب
زياد : كفاية خلاص .. كارما ما تزعليش يحببتي بس انتي غلطتي بحقها .. اما تقابليها اعتذريلها
كراما بضيق : حاضرر
قام اوس و اتجه الى الداخل
فارس بخبث : هيزنقها
تميم بحدة : فارس اخرس
زياد بضحك : مهو عنده حق .. اجري يا دينا غطي عليهم
دينا بضحك : لا انا فرهدت كفاية بقا خليه يصالحها و يتلمو
فريدة : بس باين عليهم بيحبو بعض جدا .. حتى بعد كل السنين دي تحسو انهم ما اتغيروش … على طول حبيبة بتتقمص و اوس بيجري يراضيها
حلا : ده عيل زبالة و اختي هبلة الي قبلت بيه
تميم بغضب : انتي مبتعرفيش تتلمي يا بت ؟ الي بتتكلمي عليه ده اخويا و جوز اختك يعني احترمي نفسك
حلا بسخرية : اوه ماي جاد .. تصدق هموت من الخوف
فارس : بس بقا كل شوية حد يطب بالتاني .. كفاية .. انا هطلع انام
زياد : و انا كمان
و كلهم قامو و اتجهو لاوضهم
********************
على البلكونة المطلة على الساحة الخلفية
وضع يداه على خصرها بهدوء مباغت …. استدارت له و كانت نظراتها تدل على شوقها له
وضع كفه على وجهها بهدوء
اوس : …………يتبع
مغامرات عائلية
همس كاتبة
رواية مغامرات عائلية الفصل الخامس 5 من هنا
رواية مغامرات عائلية كاملة (اضغط هنا)
