رواية الزمن والمنطق والقدر عبر روايات الخلاصة بقلم فدوى خالد
- " إلِ بتحبيه هَملك من زمان، و إلِ بتوديه باعك مع أقرب ما ليكي، و إلِ مش قابلاه قرر يضحى علشانك "
كنت ماشية فى الشارع أنا و محمود خطيبى و لقيت واحدة لابسة أسود فى أسود شدتني و قالتلي كده وقفت فى صدمة شوية و لقيت محمود راجع بيقولي:
- فريدة واقفة كدة ليه؟
شاورتله على الست الى قربت منى بس ملقتهاش التفت حواليا و لكن مكنش ليها أثر فابتسمت بهدوء و توتر و قولتله:
- لا مفيش يلا نكمل.
ابتسم ليا و كملت مشي معاه بس لسه الجملة بترن فى دماغي روحنا كافية قعدنا فيه و كنت طول الوقت شاردة لحد ما حرك محمود إيده و قالي:
- فريدة روحتي فين؟
فوقت و أنا ببتسم و أقوله:
- لا موجودة .
- موجودة فين يبنتى، انتى مش مركزة خالص من اول ما دخلنا الكافية.
- تعبانة شوية يمكن.
- طب أنتى كويسة؟ نروح؟ نأجل الخطوبة لو عايزة؟
بصيتله بشك:
- أي حوار تأجيل الخطوبة الى طالع على لسانك اليومين دول ده.
اتوتر:
- تأجيل اى ...انا ...انا ....اه فصدى عشان صحتك.
- اى علاقة ان سرحت شوية بتأجيل الخطوبة بردوة.
- بحسبك تعبانة فقولت نغيرها ليه عاملة مشكلة من مفيش؟
- أنا الى دلوقتى عاملة مشكلة.
- أيوة انتى علطول بتعملى كدا اقلبى الطرابيزة على كلمة قولتها.
قومت و انا بمسك شنطتي:
- انا بقا الى هفشكلها بجد و الخطوبة هتتفركش يعنى هتتفركش.
مشيت شوية ف مسك ايدى:
- فريدة اقفي هنا مش من كلمة هتمشي!
لفيتله:
- و هو طبيعي من يوم ما قرينا الفاتحة من شهر و انت بتتهرب من الخطوبة و كل المشاكل على اننا نأجلها أو نفشكلها.
- ي حبيبى أنا قصدى.......
قاطعته:
- حبك برص انا مش خطيبتك حتى عشان تقولي كدا و عشان اريحك الحوار خلااص قفل معايا.
مشيت فمسك إيدى تانى و هو بيقول:
- فريدة اهدى بس و اسمعينى انا دا كله مش قصدى.
- بجد!! قصدى انا ولا اى مش فاهمة القاعة و اتحجزت و المعازيم و اتعزمت اى تانى بقا ناقص؟
اتنهد و هو بيلعب فى شعره:
- مش عارف؟
- اى ؟
- مش عارف بجد مش بهزر؟
- يعنى مش عارف انا من حقى اعرف؟
- يعنى خايف اننا منبقاش مناسبين.
- و انت اكتشفت دة قبل الخطوبة بيومين.!
يتبع...
فصول رواية الزمن والمنطق والقدر بقلم فدوى خالد
اضغط على الفصل الذي تريد قراءته:
- رواية الزمن والمنطق والقدر الفصل الأول
- رواية الزمن والمنطق والقدر الفصل الثاني
- رواية الزمن والمنطق والقدر الفصل الثالث
- رواية الزمن والمنطق والقدر الفصل الرابع
- رواية الزمن والمنطق والقدر الفصل الخامس
- رواية الزمن والمنطق والقدر الفصل السادس
جاري كتابة باقي فصول الرواية.. عاود زيارتنا..
