رواية وتلتقي القلوب عبر روايات الخلاصة بقلم عائشة الكيلاني
رواية وتلتقي القلوب الفصل الأول 1
في الطيارة كانت سندة راسها على شباك الطيارة غمضت عيونها بتعب تعب روحي بعد وقت طويل في المطار كانت سلمى بتجر شنطتها و خرجت برا المطار لبست نظارتها الشمسية خرجت من المطار اتنهدت بارتياح و مرح و هى بترفع ايديها:- الله يا مصر اخيرا جتلك اللحظة دى لازم تتسجل بسلفي
طالعت الفون من شنطتها و قعدت تتصور كتير قفلت الفون
ماما سلمى اهي
لفت وشها لمصدر الصوت كان طفل صغير بيجري عليها و هو بيقول اسمها سلمى سلمي
سلمي قلعت النظارة الطفل و الام كانوا قدامها نزلت لمستوى الطفل:- اي القمر دا هو في كدا
اي دا دى سلمي بجد
سلمي قامت بابتسامة و مرح:- ايوة انا سلمي
احنا بنحب كل اعمالك فيكي كاريزما و قبول من رغم ان سنك صغير بس بصراحة الحقيقة احلي من الشاشة
سلمي بابتسامة:- شكرا دا من ذوقك انا كدا لانكي انتي جميلة و شايفني كدا
عايز اتصور معاكي
عمرر
سلمي بابتسامة :- بس كدا انت تأمر
سلمي شالت الطفل اتصورت معاه كتير
عمر فتح شنطته و طلع منها رسما و عطتها ليها سلمي بصت على الرسمة على اد ما هى ملخبطة على اد ما حبيتها ابتسمت :- اي القمر
عمر:- عجبتك
سلمي:- دى احلي حاجة شوفتها في حياتى
عمر:- امضي هنا اكتبي اسمك
سلمي بابتسامة:- حاضر معاك قلم
سلمى فتحت كراسة عمر و كتبت فيها اسمها و اسم عمر و عطيته هدايا و بست خده و مشي مع مامته سلمي وقفت عربية و ركبت :- العمادي
السواق اتحرك سندت راسها على الازاز و هى بتبتسم بامل بعد وقت وصلت الفيلا حسبت السواق و دخلت خبطت على الباب الشغالة فتحت ليها :- اااع سلمي
سلمي اتسعت عينيها و ابتسامة هى متعرفش انها مشهورة في مصر كمان متعرفش ان في ناس تعرفها في مصر رمشت عينيها:- انتي تعرفيني
الشغالة :- طبعا هو في حد ينسا شريرة المسلسل دا انتي تقولي لشيطان قوما و انا اخد مطرحك حقيقي كنتي عايزة مليون جزمة على وشك انتي خربتي بيت اخوكي و
سلمي غمضت عيونها و هى بتسمع كلام الشغالة فتحت عيونها:- خلاص حضرتك و بعدين دى الشخصية أما أنا ف انا واحدة هبلة و طيبة
الشغالة:- اصلك متعرفيش انتي كنتي مستفزة ازاى هو قلبي دا الى موديني في داهيه تعملي المصيبة و تقولي الجملة
سلمي لسه واقفة :- انا اسفة جدا نادر بيه موجود
الشغالة:- الا. موجود اتفضلي نادر بيه في الصالون مع العائلة اتفضلي
الشغالة وصلتها لصالون سلمي جريت على ابوها بفرح أو بتمثيل الفرح نادر شالها بفرح و مش مصدق نفسه اخيرا بنته الى مش بيشوفها غير قليل اوى قدامه دلوقتي شالها و بقا بيدوخ بيها فرح نزلها :- وحشتيني اوي كل دا بعيدة عني
سلمي بابتسامة و مرح:- انا قولت اول ما اخلص دراسة لازم ازورك حقيقي وحشتني اوى يا دادي
نادر بيشاور على اخوه:- سالمي على عمك
سلمي بابتسامة:- اخوك الكبير عنك بكام سنة
نادر هز راسه باه سلمي سلمت على عمها:- ازى حضرتك يا عمي
سلمي سلمت جت تسلم على هشام :- هاي
هشام بصلها بضيقة و مدتش ايديه سلمي حست باحراج و سحبت ايديها:- هشام مش كدا دادي حكلي عنك كتير بس مكنتش اعرف انك بالغرور دا
هشام:- انتي بتتكلمي مصري
سلمي بابتسامة:- طبيعي لانى مصرية حتي لو عشت برا سنين فرصة سعيدة يا ولد عمي
محمود بابتسامة:- ماشاءالله بقيت عروسة اخر مرة شوفتك فيها كنتي صغيرة اوى كان عندك شهر و نص شهرين حمدالله على سلامتك
سلمي:- الله يسلمك يا عمي
نادر مسك ايديها قعد على الكنبة و سلمي جانبه الكل كان فرحان بس هى كانت في عالم تاني و هشام راح لتواليت غسل ايديه بص لنفسه في المرايا و كلام مامته في دماغه
فلاش
الام بزعيق و احتقار:- انت ولا حاجة انت مش هتعرف تعمل حاجة انت فاشل يا هشام هتعيش و هتموت فاشل ما تشوف ابن خالتك بيعمل اي و اعمل زيه هو دا مش من سنك و ماشاءالله ناجح في دراسته مش زيك فاشل هو برقبتك
مشهد تاني
الام بابتسامة سخرية :- و يعني اي بقيت ظابط عادي هو من كل الى لبس بدلة بقا ظابط و بعدين هو ماخك مستوعب دا يا ابني انت بتخاف من خيالك انت مش نافع تكون ابني علشان تكون ظابط ، انت غلطت حياتي
باك
عينيه احمرت من الغضب بص على انعكاسه في المرايا كان حاسس بألم وجع مامته مش شايفه دائما شايفة ابن اختها احسن و دائما تقول له انت غلطت حياتي :- خالص يا هشام الكلام دا زمان هى مش قصدها مش معقول هتاخد كلامها كدا هى بتحبك و خايفة عليك روق
كانت الماية سخنة جدا بس هو مكنش حاسس بيها سرحان في الماضي و المقارنة الى لسه مستمرة قفل الماية و مسح ايديه و خرج كان الكل على السفرة هشام قعد على الكرسي لكن قام راح التواليت غسل ايديه و قعد مكانه و بدا ياكلو سلمى كانت غصب عنها بتبصله و هى مستغرباه وسيم و عاقل محترم بس تصرفاه معصبها يعني اي ميسلمش عليها الناس بتتجنن لم تشوفها و نفسهم يسلمو عليها و هو احراجها هشام قام دخل التواليت
سلمي لنفسها:- بياكل بشك و سكينة كرتون بيستخدم ادوات كرتون تلات مرة يدخل التواليت في خمس ثواني
مامت هشام بتكبر:- و انتي بقا اتخرجتي من كلية اي
سلمي بابتسامة:- من كلية اداب قسم فلسفه
مامت هشام:- مش معقول بنت الالفي تبقا في كلية قليلة اكيد مجموعك كان قليل معلشي بنات الجيل دا ملهمش في تعليم
سلمي بصتلها بهدوء و غض*ب مداري:- بالعكس يا طنط انا دائما الاولي في كل المراحل بس حبيت ادرس الحاجة الى بحبها و بعدين مانا عندي شغلي بعون الله هبقا لا بقيت أشهر ممثلة في الشرق الأوسط
نادر اتنهد بهدوء لكن مش موافق كلام سلمى:- التمثيل مش كل حاجه انا بقول كفاية كدا و بعدين طنط معاها حق
سلمي بصتلهم و قالت ببرود و هى بتلعب بالشوكة:- والله دى حياتي و انا حره فيها كلية قوية ضعيفة عجبني و بحبها و التمثيل ف دا كان حلم حياتي و انا اهد الدنيا ولا حد يقف بيني وبين حاجة بحبها الحمدلله
سلمي قامت طالت اوضتها الجديدة و هشام راح شغله
سلمي نامت على السرير و مفتحة عينيها
فلاش
سلمي واقفة في نص الصالة:- يعني اي الكلام دا انا مش فاهمه حاجه
حياة و هى مربعة ايديها:- سلمى انتي احلي حاجة في حياتي انتي مش بس بنتي انتي بنتي و اختي و امي و صاحبتي و معاكي في كل حاجة بس انتي مسيرك هتتجوزي و انا هكون لوحدي و بعدين انا مش هبعد عنك انا هبقى معاكي
سلمي بصتلها قالت توتر و زعيق:- ف تتجوزي اااي الأنانية دى الأمهات اقصي احلامها ان يتمنو عيالهم يكونوا بخير و انتي رايحه تتجوزي و انتي في العمر دا مفكرتيش فيا مفكرتيش في شكلي قدام الناس ااانتي مش طبيعية بجد
حياة ضربت*ها بالقلم مسكتها من دراعها و قالت بثبات:- اااخرررسي اانتي مش متربية انا معرفتش اربي ياريتك كنتي ، انا ضحي*ت بنفسي و عمري علشانك اا اناا استحملت المرار بسببك استحملت كلام الناس و حاجات كتير اوى بس بسببك انا الى ربيت و انا الى كبرت و انا السبب في الى انتي فيه اوعي تسوقي فيها اياكي سااامعة يا بنت نادر
سلمي بتبصلها بصدمة :- والله العظيم ما انا قعدلك فيها انا هروح لدادي
حياة بعص*بية- لو عملتي كدا يا سلمى هعتبر ان معنديش بنات و بعدين ابوكي مين ابوكي الى مش بيسال عليكي غير كل فين و فين ابوكي الى مش بيديكي ولا جنية ابوكي الى ما صدق انه خلص منك
سلمى قالت بدموع:- دادي مش كدا انتي كدبة بتقولي كدا علشان بتكرهيه انتي الى منعاه انه يزورني انا عمري ما هسامحك
حياة سبتها و خرجت سلمي بقت بتعيط حطت ايديها على قلبها و عمل تعيط قامت دخلت اوضتها :- الو ، انا موافقة على المسلسل الى في مصر ، مش هشوف حاجة بكرا ولا بعده هكون عندك باي باي
قفلت مع المخرج و حجزت على اول طيارة لمصر دخلت التواليت خدت شور و غيرت هدومها و جهزت نفسها و حطت هدومها في الشنطة و خدت فلوسها و الكاردت قرض بتاعتها و مشيت
باك
سلمي و هى بتلعب فى شعرها :- ليه كدا يا مامي تتخلي عني علشان راجل ليه انا مكنتش عايزة اسيبك انا من غير حياة من غيرك ا انا مكنتش هسيبك مكنتش هتجوز بعتني بارخص تمن بس خلاص كدا كله انتهي
سلمى نامت و هى بتبص لسقف و دموعها بتنزل على خدها بالليل سلمى صحيت غيرت هدومها و لمت شعرها و اتصلت باصحابها علشان يتقابلو صح اصحابها جم مصر قبلها لانها كانت رافضة المسلسل المهم كلمت صاحبها و اتفقت معاهم على المكان الى هيتقابلو فيه و نزلت و الابتسامه و المرح على وشها
نادر:- خارجة يا حبيبتي
سلمي:- اه يا دادى عندي معاد مهم جدا و لازم اخرج دلوقتي
مسك ايديها ::- طب تعالي عايزك
سلمى بهدوء و أستغرب:- مين حضرتك ، اكيد قريبتنا عمتي مثلا
منال ضحكت :- فعلا يا نادر البنت ظريفة جدا مش معقول عمتك ،
كملت بخبث*ة:- هو انت نسيت تقول لبنتك انك متجوز و انها اكبر اخواتها ملكش حق يا حبيبي
سلمي اختفت ابتسامتها:- اي ، انتي بتقولي اي يا ست انتي
نادر بحادة:- سلمى الزمي حدودك و انتي بتتكلمي مع مراتي اتكلمي بادب الست دى مراتي و احترامها من احترامي و اياكي تنسي نفسك بعد كدا فاااهمة
سلمى بصتله بذهول و قالت بهدوء :- تمام بعد اذنكم
فتحت الباب و خرجت من الفيلا وهى تايها مش عارفه تكلم مين تحكي على وجع*ها وقفت تاكسي و هى متابعة اصحابها من خلال اللوكيشن بعد وقت طويل وصلت دخلت مكان التصوير سلمت على أصحابها و قعدت تقرا الدور و كان حلو اوي فضلت تقراه مشهد مشهد
المخرج :- تمام ولا اي
سلمى هزت راسها بهدوء و عيونها تايهة :- انا جاهزة
جهزت نفسها و بدأوا يشتغلوا سلمى كانت واقفة مكانها مش حاسه بحاجة الرؤية بدات تشوش قدامها وقعت على الارض ببطء راسها خبط*ت فيها غمضت عيونها باستس*لم لقدرها ووووو
يتبع...
