رواية علي ونور عبر روايات الخلاصة بقلم نورهان علام
"يا ماما، الحقيني... دا طلع ديلر، وتاجر أعضاء بشرية، الأستاذ المحترم علي الدهان، طلع بيعرف نسوان، أيوه يا ماما زي ما بقولك كده، وكمان بيتكلم وهو نائم."
"مش مغتصب حيوانات بالمرة!"
أوبس، هو سمعني؟
دا بقى علي جوزي، اللي هيبقى طليقي فيما بعد، بعد ما رفض طلبي الوحيد منه.
"كمان بتعترف على نفسك يا مجرم؟ انت أكيد شغال مع المافيا الروسية."
ضحك بيأس مني، وأخذ الفون وأنا بزعق له وبقوله إنه حرامي، وقال لماما:
" معلش يا حماتي قلقناكي بليل، الأمر كله إني رفضت إنها ترسم على وشي وأنا نازل الشغل بكرا، وخلاص بقى ناقص تبلغ أمن الدولة وتقول إرهابي."
سمعت ضحكة ماما في التليفون وهي بتقول:
"معلش يا حبيبي، انت عارف هرمونات الحمل بقى."
"حمل إيه يا طنط؟ بنتك هبلة أصلًا، دي لسه حامل في شهر، وتقولي أنا بتوحم على يوسْتفندي وإحنا في الصيف."
"الله يعينك يا حبيبي، ربنا يسعدكم."
قفلت معاها وأنا ببص لها وبقرب منها وبقولها:
"ينفع ننام يا روحي... والله تعبان وعندي شغل بدري أوي."
بصّت ليا بقمص، ولحظات وملامحها بدأت تلين، وبصّتلي بحب، وراحت بايْسة خدي، وأخذتني إيدي للأوضة. ابتسمت وأنا باخدها في حضني، وبحاول أخليها تنام كعادتنا أنيمها وبعدها أنام.
يتبع...
فصول رواية علي ونور بقلم نورهان علام
اضغط على الفصل الذي تريد قراءته:
جاري كتابة باقي فصول الرواية.. عاود زيارتنا..
