رواية حب تحت الوصاية (كاملة جميع الفصول) عبر روايات الخلاصة بقلم عائشة الكيلاني
رواية حب تحت الوصاية الفصل الرابع 4
ناريمان بتضغط بغل:- موتي و خلصيني منك بقا انتي يا جربوعة عايزة تخطفي حب عمري مني مش هيحصل غصب عنك و عن اهلك يا من غير اهل انا لازم اخلص منك
امها كانت معدية بالصدفة شافتها وقفت مكانها شوية لكن جريت عليها و قالت برهب:- انتي بتعملي اي
ناريمان بجنون و حقد:- سبيني يا امي سبيني اموتها زى ما سرقت حياتي موووتي
الام خدت منها المخدة بقوة مسكتها من ايديها طبعا بعد ما اخدت ازازة المنوم الى وقعت على رجل سليمة الى مش حاسه بحاجة راحوا اوضتها
ناريمان زقت امها بغضب و انهيار:- سبيني انتي مش بتفهمي جبتيني ليه البت دى لازم اموتها النهاردة قبل بكرا مش كفايه انحرمت من ابويا و من حلم حياتي كمان هنحرم من الإنسان الى بحبههه ااانتي اااي
الام ربعت ايديها بهدوء مزيف لكن من جوها موجوعة:- و انتي فكرك لم تموتيها الموضوع هيمشي عادي طب مش خايفه على عمرك مفكرتيش فيا انا ممكن يحصلي اي من غيرك ولا من وجعي عليكي ناريمان والله هى مسألة وقت و كله هيتحل اثقي فيا تعالى و افهمك
الام مسك ايديها و قعدو على السرير حضنت ايد ناريمان بين ايديها و قالت بهدوء و ثبات:- انا امك و فرحتك فرحتي و انا معاكي بس مش بالطريقة دى زياد بيحبك ليه تخسريه و علشان مين علشان بنت الخدامة زياد هيتجوزها
ناريمان عينيها احمرت من الغضب الكلام كان زي الصاعقة على راسها امها سكتت شوية و قالت:- زياد هيتجوزها و هيخلوف و البيبي هينكتب باسمك لان اكيد ميتامنش ليها و خصوصا على حفيد الجريتلي تخدي البيبي و نرميها برا و تعيشي حياتك عارفه ان صعب عليكي بس هو دا الحل منها تبقي انتقامتي منها على حركتها فيكي و منها حققتي حلمك طفلك و حب حياتك معاك يعني ضربتي تلات عصافير بحجر واحد
ناريمان فرحت لكن قالت بقلق:- ط طب و جدو اكيد مش هيوافق على كدا و بعدين ممكن
نادين:- جدك دا كفاية عليه كدا سنة الحياة بقا كفاية يسبني احنا نحقق احلامنا هو عمروا في اي دا بيودع خليه بقا يروح لاولاده و مراته و خصوصا حبيب القلب سليم راس الحية جدك بيموت بى البطئ و كل املاكنا تبقا في ايدينا بعد ما تخلي زياد يتنزل على كل حاجة خدوها مننا طبعا بعد عمر طويل لجابر بيه
ناريمان بتوتر:- بس بابا باع نصيبه في الشركة بسبب الرهانات
نادين قامت و قالت بصوت عالي و توتر:- كدب محصلش الكلام دا ابوكي كان احسن واحد فيهم لا مدمن زي امجد ولا بتاع مزاج زي سليم ولا بيتجوز و يطلق زى حماكي في المستقبل ان شاء الله سليم هو الى لعب في دماغ ابوه لحد ما سحب كل حاجة من ابوكي لانه الصغير المدلع و دلعو طفح علينا و هو عايش و هو ميت و دلوقتي جاه الوقت ان نحرق قلبه على بنته الى مش متربية و نردلها الكف الف
ناريمان حطت ايديها في ايد امها بابتسامة:- و انا معاكي في اى حاجة انتي مش لوحدك هخد حق ابويا و حقي من البيئة دى و حقي من زياد علشان يبقا يخوني كويس
نادين بصت ليها بابتسامة و فخر
تاني يوم
سليمة بصدمة واقفة مكانها:- يعني اي يا سيف انت عارف بتقول اي انت لحد امتي هتفضل بى السلبية دى بقولك هتجوز فرحي بكرا اتصرف اعمل حاجة ان شاء الله تقتلني بس متسكوتش و تستسلم كدا و
سليمة بصتله بصدمة و اخدت منه السجارة و رمتها:- ما تفوق بقااا انت اي مش بتحس ااانا ضيعت وقتي و عمري بسببك كل شوية بهون على نفسي بحجة تافة معلشي يا بت اصل الحياة و الضغوطات معذور لان الدنيا مخبطة معاه انا الدنيا تسدني و مستحملة علشانك انا تعبت كفااية بقا و بصلي و انا بكلمك انت لازم تتجوزني المفروض تتمسك بيا و باحلامنا مش دا كلامك
سيف ابتسم بسخرية و وجع :- و انتي اي الى يجبرك تعيشي و تتذلي مع واحد عاطل يوم شغل و عشرة مفيش طب قوليلى هجببك شبكتك منين بيتنا الى بنحلم نبنيه مع بعض فرحك الى كل بنات حواء بتحلم بيه انتي اغلي و تستحقي احلي من كدا
سليمة هزت راسها بنفي و سرعة:- مش عايزهم مش عايزة شبكة ولا فرح ولا الكلام دا انا المهم عندي انت سيف علشان خاطري اعمل حاجة انا بضيع اوقف جانبي ا انا انا معايا فلوس الشبكة و كل حاجة بس انقذني منهم لو ليا غلاوة عندك
سيف بانكسار و الدموع في عينيه :- انا مش اد الجريتلي مش ادوهم انا واحد عندي اخت و ام و لازم اخاف عليهم بحبك بس مش هقدر والله ما هقدر امشي يا سليمة اتجوزيه
سليمة الدموع اتجمعت في عينيها :- انت جبان جبان هتعيش و تموت جبان يخسارة يا سيف
سيف رفع ايديه لكن اترعتش نزلها:- امشي يا سليمة مش عايز اشوف وشك تاني ربنا يوفقك مع شريك حياتك
سليمة بصتله بوجع و الدموع في عينيها لفت وشها و نزلت جري من على السطح بتاع بيتها سيف بص لطيفها بحزن و وجع و نزل وراها كانت ركبت العربية حط ايديه على الازاز سليمة رفعت ايديها و حطتها على الازاز دموعهم نزلت هما الاتنين اكنهم بيودعو بعض بتبصله برجاءا و وجع بصلها بياس و حب السوق اتحرك سليمة لفت وشها و مذل بتبص عليه و دموعهم بتنزل غمضت عيونها بألم و مرارة بعد وقت وصلت القصر الشغالة فتحت ليها
جابر قعد بيشرب القهوة بهدوء:- كنتي فين يا سالي
سليمة اتنهد بهدوء و قالت:- كنت بشوف امي ولا ميكنش حرام اصلا انا اكتشفت حاجة غريبة في العيلة دى انهم ميعرفوش معني الذوق و الإنسانية عايشين في كوكب تاني اكنهم مش في نفس الدنيا
جابر قام و قال بنبرة حادة:- طب اسمعي يا بنت سليم اما ما اتعدلتي و نسيت عيشت الحواري الى عايشة فيها لهتزعلي المرة دى سماح بس المرة الجاية هخليكي تزوري قبره أو ترحيلو سيف من النهاردة مات مفيش حاجة اسمها سيف ساامعة عندو اخت و ام اقولك لو بتحبيه اوى كدا خافي عليه و سبيه لحالو لانى انا مش بقول انا بعمل يلا انجري على اوضك انتي لسه واقفة يلااا
سليمة بصتله بخذلان و طالعت قفلت الباب و هنا انهارت في العياط بوجع حطت ايديها على قلبها غمضت عيونها و هى بتفتكر سيف و ايامها القديمة بصت لصورة ابوها اخدت البرواز من على الحيط بصتله بكره و قسوة:- كويس انك ميت لانى كنت هقتلك تعرف يا بابا كنت طول الوقت بحلم بيك و امتي اشوفك كنت بقول لبنات انك بتحبني اوى بس الظروف الى منعك عني كنت بقول انى عندي احسن اب
قالتها بوجع و هى بتملس على الصورة و الدموع على وشها
بابا جاه في الحلم بابا مش نسيني بابا ممكن يمحي اى حد يتعرض ليا لكن الى متعرفوش انك كسرتني يا بابا كسرتني حتي من غير ما نشوف أو نعرف بعض
بقت بتغني و صوتها مختلط بالدموع:- بيقولولي انى شبهك انى زيك حته منك روحي روحك وخدة قلبك في المشاعر و الحنان بيقولولي كل الى شافوكي كتير لقكي بنت ابوكي اكتر حاجة وجعني انى بنتك يا ابن الجريتلي انا بكرررهك
قالتها و هى بترمي البرواز على الارض بكره و قهرة اتكسر لمليون حته قعدت جانب الصور حطت ايديها على راسها و بقت بتعيط و جنون تضحك شوية و تعيط شوية الاتنين مع بعض :- حااا ااه حااا انت تعبت يارب انا مش عايزة الدنيا دى مش عايزة حاجة انا مش كويسة مش كويسة
حطت راسها على الارض فضلت تعيط و عينيها مفارقتش الصورة اكنها بتقولو الحقني شوف اهلك عملو فيا اي اتكسرت في غيابك تعال خدني انقذني منهم سبتني ليه كل دا كلام في قلبها و بتردد الأغنية
تاني تم جواز زياد و سليمة الكل كان فرحان كان بيبص عليها بدموع و وجع حب عمره مع حد غيره بقت لغيره خلاص الفرح كان في الجنينة حست بوجع قلبها أو بمعنى تاني حست بوجوده بتمثل القوة و الابتسامه و الفرح المزيفين و هى اكنها مضت على وفاتها مش فرحها كانت بترقص مع زياد لكن عيونها بدور على سيف قلبها بينادى باسمه مش حاسه بحاجة الا وجع قلبها من الفراق الى انكتب عليهم غصب عنهم مكنتش بتبص لزياد و حاسه بوجوده و دا عصبه اكتر صحيح هو ميعرفش انها بتحب و مش بيطيقها لكن بقت ملكهو
خلص الفرح و الكل راح على بيته في اوضة زياد
زياد بسخرية:- منورة يا عروسة ولا اقولك بنت عمي
سليمة بصتله بهدوء :- الافضل ميكنش في كلام بينا أنا انجبرت عليك زيك بالظبط و يمكن اكتر
مسكت فستانها و جريت على التواليت فتحت المياة و بقت بتعيط في صمت اخدت شور و لبست جلبية سودة و ربطت طرحة سودة على راسها و خرجت زياد بصلها و قال بسخرية:- تعيشي و تفتكري
سليمة بصتله بطرف عينيها و اخدت حبة مهدئ و حبة منوم و حطيتهم في بؤها و شربت المياة اتجهت لسرير و نامت و اتغطت زياد بصلها بغيظ و صدمة :- هو انتي ورثتني بالحيا قومي دا سريري
سليمة اتنهدت بهدوء و قالت بقوة و ثبات:- تعرف انا ايدي رجعت تاكلني نفسي اضرب حد مش الضرب بالعصا و الحاجات العجيبة دى تو نفسي اضرب حد الضربة الى تجيب الاجل ضربة تودي القبر عارف القبر نفسي ابقا أرملة تعرف اخر واحد ضربته قعد شهرين في الجبس حتي اسال جدو جابر ما هو الى حل الموضوع علشان متسجنش مبالك بقا جوزي و الى اقبل العمى ولا اطيقه انا كنت ساكتة لا بيقولو في المثل لو ليك حاجة عند الكلب قولوا يا سيدي بس انا بقول لو ليك حاجة عند الكلب اقولو يا بوبي سمعت عن الست الى كلت جوزها يا بوبي
زياد وشها اتغير:- لو عايزني انام و الجنينة عادي المهم راحتك
سليمة غمضت عيونها و طفت النور:- راحتي انك تخرس لاني عايزة اتخمد نام نامت عليك حيطة
زياد اتجه لسرير و نام على الطرف اتغط و نام اول مرة يحس انه خايف منها لكن ميعرفش اي الى وراء القوة و الثبات دا
تاني يوم في مكتب جابر
جابر بهدوء:- بيم ان زياد انسحب من إدارة الشركة انا قررت ان هعين حد بدله
خالد بابتسامة و فرح:- ربنا يخليك لينا يا جدي طول عمرك حقني
جابر ببرود:- و بيم ان العمر مبقش فيه في كتبت وصيتي الى واجب تتنفذ على حياة عيني او و انا ميت
زياد ببعض العصبية:- اي الكلام دا يا جدي على الصبح
جابر بحادة:- صوتك يا حيوان وصيتي ليك انت و الصغيرة على الحب انكم تخلفوا وصية الميت واجب تاني حاجة انا كتبت كل املاكي باسم سليمة لان ابوها اكتر واحد تعب فيها و ممنوع النقاش قدامكم سنة و لو خلفت يا زياد هكتب ليك نصيبك طبعا كل واحد نصيبه محفوظ بس النصيب الاكبر لسليمة صح يا سليمة وووووو
ولعت يا ناس ولعت و الى جاي ناااار 🔥 🫣
جابر جاه يحلها عماها يا تري الى عملو صح ولا غلط
يا تري زياد هيعمل اي و هل خالد و بقيت العصابة هيسلمو ولا هيعملو حاجة في سليمة
