رواية حبي الغامض الفصل الثالث 3 بقلم سلسبيل أحمد
رواية حبي الغامض الفصل الثالث 3
- جاي ليه حصل اية ماما كويسة؟؟
= اهدي شوية ، انتي موبايلك فين طنط بترن عليكي
طلعته من جيبها وحاولت تفتحه: يلهوي ده فصل
- اممم طب يلا عشان اروحك مش خلصتي برضو؟
= لاء لسة
- لسه اية؟
بص فالساعه بتاعته: الساعه 12 الا ربع
ليلي بسرعه: اصل..
قاطعهم دخول زين الى بص لأدهم من فوق لتحت: ليلي الورق اهو راجعيه كويس
ادهم كان ساكت وبيتفصحه
ليلي عارفة كويس ان ادهم لما بيركز مع حد كده يبقي مقرر يعمل حاجه بلعقت ريها وخدت الورق بسرعه: شكرا يا زين
زين: تحبي اوصلك؟
ادهم رفع حواجبه و وقف قدام ليلي وكلمه: هو انا مش مالي عينيك وبعدين توصلها ازاي؟
زين: معرفش مين حضرتك ، كنت هوقفلها تاكسي
ادهم: تاكسي اهاا لا شكرا لخدماتك.
ليلي كانت عايزه تلطم او الارض تبلعها ايهما اقرب: شكرا يا زين على الورق انا تمام هروح مع اخويا
ادهم ضحك بسخرية على كلمه اخويا و زين مشي
فا ادهم بصلها: اخوكي اها
ليلي: ممكن يلا؟
ادهم: ده ورق اية بقا ؟
ليلي بعند وهي بتردهاله: وانت مالك مهتم ليه؟
ادهم: طب يلا نغور
ليلي وهي ماشية وراه وقاصده تستفزه: بس هقولك من باب المعلومه وبالمره نودع بعض ده ورق بخصوص ألمانيا عشان كمان يومين هكون بسافر
ادهم وقف وهي خبطت فضهره عشان كانت وراه لف لها وقالها بهدوء: ورق اية؟
- السفر!
= هي طنط وافقت؟
- دي حاجه تخصني
= اها انتي اتجننتي بقا
- هو انت مالك برضو مش فاهمه انت مش قولت انك مرفضتش
ادهم بذكاء: اها بس طنط رفضت وانا مش هسمح لك تعملي ده غصب عنها عشان هي في مقام والدتي
= وانا خلاص قررت اني هسافر ده هيفيد شغلي
ادهم بزعيق: انتي فاكره نفسك اية ؟
= دكتورة جراحه وعندي 26 سنة مش صغيرة
-انتي هتفضلي مجرد عيله
ليلي بزعيق: لاء أنا مش عيلة والعيل ده بقا هو انت
ادهم اتنرفز جدا وراح شد منها الورق قطعه ميت حته" ورماه عالارض بغضب"
ليلي دموعها نزلت بصدمه وهي بتبص علي الورق الى بقي كله عالارض ومشيت من قدام ادهم
زعق تاني: استني هنا !
موقفتش فا مسكها لكن اتفاجئ انها زقته جامد وضربته بالبونيه فصدره: انا بكرهك يا ادهم بكرهك
جه يقرب تاني فسرخت فوشة وهي بتعيط: ابعد عني اوعي تقرب فاهم !!!! اوعي !!
و مشيت لوحدها فعلا و حس انوه اتشل مكانه ومش" قادر يتحرك وهي طول الطريق تعيط ومكنتش شايفه قدامها ركبت وروحت بالعافيه و اول ما وصلت و فاطمه شافتها اتخضت "
بخضه: مالك يا ليلي في اية !! انتي معيطه حصل اية قولي !
= محصلش حاجه يا ماما انا اتأخرت فالشغل وبعيط عشان وقعت وانا طالعه
فاطمه باستغراب: وقعتي ازاي يعني حصلك حاجه
- لاء انا كويسة خلاص بقي انا هدخل انام
___________________________
صلي على محمد
ليلي دخلت وبعد مده قليلة فاطمه كانت جايبه لها مياه و اكل ولما دخلت لقتها بتعيط جامد
- في اية يابت ! بتعيطي كده ليه!
ليلي بعياط: كده بعيط لوحدى كده سبيني..
- اسيبك اية انتي بتضحكي عليا ومكنتش بتعيطي عشان وقعتي بقا
= اها انا بكره ادهم اوي يا ماما ومضايقه منك انتي السبب انوه يعمل كده
- عمل اية!!
= قطعلي ورق في تفاصيل السفر ومش راضي اني اسافر هو ماله ها ؟ انا ادري بشغلي و دي حياتي انا و انا حرة فيها
فضلت تطبطب عليها لأنها كانت بتعيط بأنهيار: طب اهدي بس كل ده عشان عايزه تسافري! سافري يا ليلي
بصتلها بصدمه: اية! يعني انتي موافقه!
= اها.
__________________________
صلي على محمد
" ومن هنا بدأت الحرب على ادهم و للأسف امير اتاخد فالرجلين ومبقتش اروحله خالص هو بس بيجيلي ومشوفتش ادهم بقالي يومين و اصلا مش فاضيه بحضر ورق السفر وبقي فاضل تلت ايام خلاص و اسافر ويبقي يقولي هيعمل اية اصلي قولت لماما متعرفوش حاجه يا اما مش هكلمها تاني "
- امير اقعد معايا شوية الله!
= مش مرتحالك يابت
- وبعدين معاك
= تكوني هتنتـ.ـحر**ي وبتودعيني
- لاء قاعده على قلبك بص انت اخويا الصغير عارف كده ولاا لاء؟
= اكيد
- يعني لو خبيت حاجه وبعد كدا عرفتك هي اية هتزعل
= مش قولتلك مش مرتحالك
- مانا مقدرش اقولك عشان ادهم
= زي برضو ما مرضتيش تحكيلي حصل بينكم اية
- اتخناقنا زي ما قولتلك وبس
امير بتفهم: طب يعني هتحكيلي بعدين ؟
ليلي ابتسمت: ايوه
= طيب لما نشوف
_________________________
صلي على محمد
- ده كل الى حصل يا اسر
= طبعا غلطان ياعم ادهم وبعدين ولا هو انت بتحبها؟
- اسكت
= انت بتحبها يا ادهم !
- لاء
= امال متغاظ ليه عشان كانت هتسافر
- عشان امها رفضت وهي زي امي ازاي تعمل حاجه من وراها؟
= والله؟
- اها
= طب يلا يا طاهر القلب عشان نشوف هنطلع على فين انهارده في شغل كتير
- وسع انا الى هسوق عشان انت بتمشي على قشر بيض
= طيب
__________________________
" قبل السفر ب يوم "
* طق طق طق *
روحت افتح الباب لاقيته ادهم فضلت متنحه هو ازاي قعدت كل ده مشفوش ودلوقتي ظهر فجأه كان واحشني للدرجه دي ، فوقت على صوتة
- عايز طنط فاطمه
" اتوترت معرفش ليه معقول عرف اني هسافر! ماما قالتله ولا اية اكيد لاء !! "
فتحت الباب من غير رد و هو دخل
- ماما على السطح بتأكل الفراخ بتاعتها
= طيب
- اجبلك حاجه تشربها؟
= شكرا
قولت فسري: احسن وفرت جتك القرف يأخي وانت وبارد وتنح و... و حلو اوي من قريب انا هدخل احسن
- ماما جت و معرفش اتكلموا ف اية بختفي من قدامه عشان يعرف اني واخده موقف بس هو حلوف
_____________________________
استغفرالله
- ليلي
= نعم هو مشي ؟
- اها كان بيحكيلي الى حصل و اعتذرلي
بلامبالاه: سبحان الله بدل ما يعتذر ليا انا ماشي عادي
كملت وانا كنت ماشية: و عارف انك هتسافري
وقفت بصدمه: نعم عرف منين!!
= بيقول شافك بتعملي إجراءات
- وقالك اية بقا؟
= قالي ربنا يوفقها
- يعني اية!!! مش كان معترض انا مبقتش فاهمه حاجه
= هيعملك اية منتي مهتمتيش لرأية؟
- انتي هتغلطيني ولا اية
= معرفش بقي انتي حرة وسعي كده
___________________________
- نعم ياختي يعني كنتي هتسافري من غير ما تودعيني
= ما تهمد يا امير انت كمان ما بقولك خوفت تقوله طلع هو عارف اصلا و سكت
- يعني كنتي هتسافري وانا معرفش
= بقولك اية هديك بكوباية القهوه افتح دماغك
- طب وبعدين هتسافري بكره؟
= اها يحبيبي خلاص قررت
- مع زين السمج؟
= يابني قولتلك خاطب
- مش مرتاح له ، المهم كلميني كل يوم
= عنيا يا كتكوت
________________________
" و فعلا حضرت حاجتي و وامير و ماما وصلوني لحد المطار.. كان نفسي يبقي ادهم موجود.. "
* فالطيارة *
- دكتور زين بقولك
= اتفضلي
- ممكن تبدل مع فريده لأني متوترة جدا ومحتاجها جمبي و..
ابتسم: اهدي اهدي يا دكتورة هجبها جمبك حاضر..
"جت فريده و اول ما جت مسكت ف ايدها"
- جرا اية يا ليلي ده لسه الطيارة مطلعتش حتي
= خايفة اوي بجد
غمضت عيني برعب اول ما بدأت وحسيت بأيد فريده بتمسكني : اهدي كله هيبقي تمام اديني مسكتك اهو متخافيش
" بصيت لفريده بصدمه غصب عني افتكرت ذكري اخري ليا مع ادهم "
" فلاش باك قبل سنين كتير " #
- لاء! مش هركب الدوده دي بتلف جامد يا ادهم
= ليلي متبقيش خوافه
بزعل : هاة انا خوافة!؟؟؟
ضحك: ايوه اوي
بتحدي طفولي: طيب هتشوف بقي هركب ازاي دلوقتي ومش هخاف ولا حتي هعيط
بعد دقائق وهي فالدوده
بصريخ: ماماعععععععععععععع يا ماماععععععععععع عايزه انزلللل ماماععععع
- بس بس ايييييه ودني صفرت من سريخك اسكتي
بعياط: انا هقع يا ادهم اللحقني
ادهم قاوم الهوا الى كان بيطير ايده والللعبه بتلف و وصل لايد ليلي: ايديني مسكتك اهو متخافيش "
باك #
" فوقت من ذكرياتي وانا عيوني مدمعه اني دايما بفتكره هو اتغير ومشي بعيد عني انما لسه ذكرياته موجوده فقلبي و عقلي "
_________________________
سبحان الله وبحمده سبحان الله العظيم
" خلاص اخيرا سافرت وتخطيت كل حاجه ودلوقتي انا في فندق في ألمانيا وبجهز لبسي عشان اروح المؤتمر وانا مش مستوعبة اي حاجه ولا مصدقة المكان الى وصلت لي عيوني دمعت وافتكرت بابا واني اخترت ابقي دكتورة عشان اعالج اي حد لأنه تعب وانا مقدرتش اساعده "
" سمعت موبايلي بيرن فا رديت "
* تن تن تن *
- امير! وحشتني اوي ماما عامله اديهانييييي
= حيلك بس طمنينيا انتي الاول انا فاتح اسبيكر جمبها اهو
- رايحه اجهز للمؤتمر حالا مخضوضة اوي
فوفا بحب: هتبقي زي القمر يا حببتي انا واثقه
امير بتشجيع: انتي جراحه شاطره نجمد كدا
قولت بحزن: ادهم عامل اية غير على ايده ولا خفت مع انه مسلمش عليا بس يلا انا احسن منه
امير ابتسم: هو كويس
هحكيلك لما ترجعي حاجات مهمه روحي دلوقتي وعاوزك تبهريهم سلاااام
____________________________
" وصلت المؤتمر بعد تجهيزات كتير.. وقعدنا
و كان احدي الاطباء بيتكلم بالأماني ومعاه مترجم انجلش "
(( Medical conferences are held through the gathering of doctors on a regular basis, annually or semi-annually, through conferences that take place periodically, under different names related to specialties from around the world, and different languages and nationalities, in the name of the International Medical Conference, so that the scientific level is raised to the world and the definition is also With experience, brilliant minds
and competencies...))
* الترجمه *
(( المؤتمرات الطبيه بتتعمل من خلال تجمع الاطباء بشكل منتظم سنوي او نص سنوي وتحت مسميات مختلفة.. ترتبط بأختصاصات من حول العالم واللغات والجسنيات المختلفة ، بأسم المؤتمر الطبي الدولي عشان يتم رفع المستوي العلمي و نعرف العقول النابغة والكافاءات... ))
_______________________
" بعد ما المؤتمر خلص لقيت واحد جي عليا "
_ You are Lily Abdel Rahman??
(انتي ليلي عبد الرحمن )
= yes me
( ايوا انا )
- We want to offer you to work with us a
an experiment so that you can come tomorrow at 8 o'clock in the hospital
( احنا بنعرض عليكي تشتغلي معانا كا تجربه ليكي تقدري تيجي بكره الساعة 8 فالمستشفي )
رديت بدهشه ونسيت واتكملت عربي: انت بتتكلم جد
- what do you say??
(قولتي اية؟؟)
= nothing, just thanks
( ولا حاجه شكرا )
________________________
صلي على محمد
" روحت وكلمت امير عشان احكيله بسرعه "
- يخربيتك يا موكوسة وعملتي اية
= قبلت طبعا يا امير وهاروح بكره
.- ايوه يعني هتشتغلي معاهم مده اقامتك هناك بس؟ ولا هترجعي معاهم لما المؤتمر يخلص
= ايوه يابني اكيد مش علطول هما بس بيجربوني فاهمه وهرجع معاهم عادي
- وهيحصل اي لو عرفوا انك شاطرة لما يجربوكي
= مش عارفه تفتكر ممكن يخلوني هناك!
- ليه لاء انتي فعلا نابغة وبتحبي شغلك وشاطره فيه يا ليلي
= المهم ادهم فين ياواد
- ادهم ياستي قعد يتكلم معايا ويقولي خلي بالك من نفسك و بتاع و اخد بالي من فوفا طبعا وسابلي فلوس وقالي مسافر
= عيل قلود صحيح بيسافر زي ليه!
- زيك مين انتي حد قدك انتي في ألمانيا
= قر عليا يابن الحلوة لحد ما هتشل هنا
ضحك: بعد الشر عليكي يا لولو
- تفتكر الواد ده سافر فين و ليه
= مش عارفه اكيد مخرجش بره مصر يعني
- امممممم طيب هاروح انام بقي عشان اصحي بدري لحسن ف ألمانيا لازم اوصل معادي بالدقيقة والثانيه.
= ماشي يلا سلام هبقي ارن عليكي تاني برضو انا و فوفا عشان مش عارفه تكلمك من عندها
- خلاص اشطا طمنها انت
___________________________
" عند ادهم بينزل من طيارة و بيوصل ألمانيا في غموض و هو شبه متنكر وبعدين بيجيلة موبايل "
- ايوه
= انت وصلت؟
- اها يا اسر وصلت
= طب خلي بالك كويس جدا يا ادهم
****************************************
استغفرالله
* تاني يوم الصبح ليلي بتوصل المستشفي*
" من حظي انهم جابولي واحد بيتكلم عربي مكسر عشان يعرفني على المستشفي ويفهمني هعمل اية. "
- ده قسم فى آليات لسه بنشتغل عليها
= انا فعلا اول مره اشوف الاجهزه دي ؟
- اكيد العلماء لسه مخترعاها وبنكمل دراسة ليها يعني مثلا احنا شغالين على جهاز بيعرفنا الشخص ده ممكن يجيله مرض ايه فالمستقبل ونقدر نعالجه قبلها
= ازاي! يعني ازاي بتعرفوا قبلها
- من تشخيص حالة المريض بالجهاز
" كنت مندهشه كملنا في بقيت المستشفي الى كل اجهزتها جديده و متطورة جدا يمكن معرفش اغلبها بيشتغل ازاي اصلا لكن عندي فكره عنهم وكان في عمليه جراحيه دخلت فيها مع دكتور شاطر جدا فالمستشفي كنت مساعده له و استدفت من خبرته كتير "
قابلت الشخص الى اقترح عليا اجي المستشفي اسمه
" مرشال ديجيو "
- Dr. Lily, was your tour helpful?
الترجمه: الجولة كانت مفيده ليكي
= Yes it was great
الترجمه: ايوه كانت كويسة جدا
- If you get more training with us, you can work in the hospital in the name of Germany
الترجمه: لو اتمرنتي اكتر ممكن تشتغلي فالمستشفي معانا بأسم ألمانيا
= Well, I'll think about it well, thanks
الترجمه: هفكر فالموضوع كويس ، شكرا
___________________________
صلي على محمد
" نزلت من المستشفي وانا مدايقة يعني اية بعد مجهودي ده فمصر اشتغل هنا بأسم ألمانيا! ، دي حاجه تقر**ف صحيح استغلال خبرات اية زي الحدايه اوف ماهو الحلو ميكملش طبعا "
* تن تن تن تن *
- الو !
= اية يابت بتجعري كده ليه؟
- قرفانه يا امير اصبر اروح واحكيلك
= هما رفضوكي ولا اية!
- رفضوا اية بس ده انا قبلت وكنت هبيض واشتغل هناك دول متطورين اوي والدكتور الى كنت مساعده معاه شاطر جدا! وخلص فوقت قياسي بسبب الأدوات والمعدات بتاعتهم
= امال في اية!
- عاوزني اتدرب فتره وبعدين هشتغل بأسم ألمانيا مش مصر فاهم؟
= وحد يطول!
- مش عارفه بقي حاسه انهم بيستغلوني
= ليلي انتي ممكن تشتغلي هناك كام سنه وترجعي تفيدي بلدك برضو كتير بيعملوا كده
- طيب بص هروح واكلمك عشان شكلي سرحت واحنا بنتكلم وتوهت
= طب ها...
" مكملش كلامه ولقيت موبايلي فصل اهي كملت "
" فضلت امشي اسأل لكن محدش فاهمني اغلب الناس بتتكلم ألماني بس وانا بدأت اخاف الدنيا كلها والبيوت شبه بعض فجأه لقيت عربية جاية بسرعه وانا شيفاها من على بعد ركنت ونزل منها تلت رجالة و بنت واشكالهم غريبة البنت وقعت بتعب وكانت بتنز**ف من بطنها جريت بدون تفكير اساعدها لكن لاقيتهم حواليا وهما فثانيه رفعوا عليا سلا*ح "
يتبع..
>>>>>>>>>>>>>>>>>>>>>>>>>>>>>>>>>>>>
