رواية حبي الغامض الفصل الثاني 2 بقلم سلسبيل أحمد
رواية حبي الغامض الفصل الثاني 2
- انت يابني ادم انت رد بدل ما احدفك بمشبك من البلاكونة
= عايزه اية؟
- انت ازاي تسخن ماما عليا وترفض اني اسافر
= والله طنط سألتني بحكم خبرتي وجاوبتها السفر مش سهل وانتي مستهتره
- وانا مش هبقي لوحدي
= برضو لاء كلامي قولته روحي اتناقشي مع طنط
- انت انسان بارد
= ..........
- ومستفز
= ..........
- انت مش بترد ليه !
" دخل و سابني !!!! من كتر غيظي وبما ان شقته فوش شقتنا خرجت وروحت ارزع عالباب بتاعهم وامير فتح مخضوض "
- في اية يابت !
= وسع كده فين البارد ابن ال.. اعاااااااااا انا مش هسيبه انهارده وحيات امي ل..
ادهم خرج وهوا قالع التي شيرت وبصلها من فوق لتحت
ليلي لفت بسرعه ومن الصدمه تقريبا رجلها لزقت فالارض لكن اخيرا اتحركت بصمت لحد عندهم
" حد يطلع بعضلاته دي للناس كده ولا انا عشان بحبه و وقعت في دباديبه!!! عيل مش محترم صحيح وبعدين مانا استاهل اية خلاني اروح شكلي اية دلوقتي بس "
- مالك يابت يا ليلي
= ها يا ماما؟
- مش عندك شغل بدري ؟
=اه ، فكري فموضوع السفر ها لسه فاضل اسبوع فكري براحتك وسيبك من الخرابة ده
- ادهم بيحبك زي اخته وخايف عليكي
" بيحبني زي اختة ءءءء الضربة طلعت بتيجي من اقرب الناس ليك فعلا قال اختة قال انا مليش اخوات "
= ماما ده مجرد جارنا
- والله؟ ومين الى كانت بتعزمهم عالغدا
= ده حسن جوار بس
- يابت ده انا مربياكوا انتوا التلاتة وكنتوا بتلعبوا سوا زي المجا**نين
= اديكي قولتي كنا واحنا عيال بقا
" مشيت وانا بفتكر قد اية كان حنين واحنا اطفال ! "
_________________________
فلاش باك #
= ادهم
- ليلي ! تعالي تعالي متعيطتيش خلاص
بعياط: انا مكنتش عارفة ارجع و..
بشحتفه: خ خ خايفة ءء اوي
= بس بس متزعليش انا لاقيتك اهو مش هخليكي تضيعي تاني
بعياط وغضب اطفال: انا خلاص مش لاعبة تاني لما بنجري وبستخبي بتوه وانا بخاف وكمان وقعت
طبطب عليها ومسك ايدها نفضها من التراب: خلاص يا لولي معلش وبعد كدا هنستخبي سوا
باك #
" مسحت الدموع من عيني و ابتسمت على ذكرياتنا واحنا عيال وافتكرت نفس الموقف لما حصل لكن واحنا كبار شوية كان عنده 12 سنة وانا 9 "
فلاش باك #
- ادهم الحمد لله انك جيت
= كنتي فين كل ده
رفعت كتافها ببساطه: امير ضيع الدبدوب وكنت بدور عليه عشان ميزعلش
- وبعدين
ضحكت ببلاهه: معرفتش ارجع كنت هنادي حد يرجعني
ادهم مسك كتافها: ليلي اوعي تطلبي مساعده من حد وتعرفيه انك تايهه لحسن يخ*طفك
= طيب خلاص انت لقتني اهو ، تعرف انا مستنياك اصلا ازاي بتعرف بتلاقيني دايما
ادهم ابتسم لها وقال ببراءه: بحس ان في حاجه بتجبني ليكي دايما لما تبعدي معرفش اية هي!
- امممم اكيد الملايكه
ادهم ضحك: ههههه ايوه يلا بينا
مسكوا ايد بعض ومشيوا..
باك #
" كالعاده هقعد اسأل نفسي ازاي اتغير معايا اكيد مش فقدان اهله الى عمل كده لازم في حاجه يارب رجعه ليا زي زمان يارب "
___________________________
- يلا يا ماما هتأخر عالمستشفي !
= اصبري
- بصي خلاص هنزل مش لازم اشتريلك الخضار انهارده
= اهي اهي ورقه الطلبات خدي
" فتحت بسرعه وكنت هنزل لقيت ادهم كان طالع عالسلم ببطء حاولت مبصش ناحيته ونجحت فدا لكن وانا نزله لقيت نقط د**م لفيت وبصيت عليه لقيت ايده بتنزف فا طلعت بسرعه مسكت ايده اتأكد "
- ينهار اسود!! اية دا!
ايدي بدأت تترعش وصوتي يتهز: دي عايزه خياطه!!!
ادهم سحب ايده: ششششش سبيها هعالجها
ليلي بعصبية: بقولك عايزه خياطه
فاطمه خرجت على صوتها و امير كمان
- في اية
= الاستاذ يا ماما متعور جامد! ومش راضي يخيطها
امير جري عليه بخضه و ادهم اتنرفز بسبب ليلي جداا وحاول يلم الموقف: انا سليم اهو مفيش حاجه دي مجرد تعويره بسيطه
فاطمه بقلق: يحبيبي انت نزفت كتير!!! ياحول الله حصل اية ؟؟ بعدين لازم تروح المستشفي
" ادهم فكر و قرر يهرب احسن من سؤال اية عمل فيك كده ويروح المستشفي فا نزل مع امير و ليلي و راح "
" في اوضة كانت ليلي قاعده بتخيط ايده بعد ما حطت بنج وهو ساكت تماما خلصت وبدأت تلف ايده كل شوية تبصله تلاقيه مش باصص عليها ولا مهتم بتعمل اية كأنه بس جه عشان يخدها على قد عقلها "
- انا خلصت لازم ايدك ترتاح ومتشلش بيها اي حاجه و كمان لازم يتغير لك عليها كل يوم وتتنضف
= طيب
- مين عورك كده ؟
= هو انتي دكتورة ولا ظابط عشان تحققي معايا؟
ابتسمت بسخرية: لا انا صحبتك الوحيده مش كنت بتقولي كده زمان برضو ؟
ادهم قام وقف: شكرا عشان ايدي بعد اذنك
امير بلهفه: بقيت كويس؟
- انا كده كده كنت كويس يلا نروح
" امير بص على ليلي ولاحظ انها مدايقه وطبعا هو عارف اكيد ادهم رمي كلمتين "
" فضلت ليلي فالمستشفي "
- ليلي
= ايوه يا دكتور علاء!؟
- اجهزي بسرعه في عمليه انهارده مهمه
= عملية استاذ احمد؟
- ايوة
= ايوه ربنا يقومه بالسلامه
" ليلي اتنهدت: يارب يشفيه هو والي فبالي. "
___________________________
سبحان الله وبحمده سبحان الله العظيم
" امير روح مع ادهم و اول ما دخلوا امير وقفه بكلامه ))
- عارف انك مش هتعرفني ايدك حصلها كده من اية ودي مش اول مره ترجع كده مره كانت دماغك و مره رجلك و مره تانيه بطنك اعتقد؟
= هو انت هتحاسبني ولا اية ؟
- لاء العفو بس ابقي افتكر اني سنه واحده وهيبقي عندي 20 سنه يا ادهم يعني انا مش عيل وتعرف حاجه؟ وقتها يمكن اسيبك وامشي مدام انا بالنسبالك كده كده مش مهم اصلا
ادهم مردش عليه: مش مهم ازاي .؟ دي حدثه ومش لازم احكي كل حاجه
بزعيق: انت مش بتحكي حاجه اصلا !
- انت بتزعق ؟؟ فرحان بال 19 سنه بتوعك يعني
- انا مدايق ليلي نفسها الى بتخاف عليك وبتعاملك كويس انت كل يوم بتضايقها
= وانت هتقارن نفسك بيها؟
- زيها زي بالظبط يا ادهم طنط فاطمه ربتنا احنا التلاتة زي الاخوات
= وانت شايفني جيت جنبها؟
- ادهم انت مش بتحبني ولا مش بتحب حد
= انت اخويا بطل هبل وادخل كمل مذاكره عشان اية؟ عشان انا عاوزك تنجح لاني مهتم ب ده وبمستقبلك اتفضل
امير دخل بعد ما زهق
___________________________
صلي على محمد
" رجعت بليل كان في شغل كتير دخلت البلاكونة بتعب وانا برن على امير يخرج عشان هموت واطمن على ادهم.
- مسا مسا يا رؤف شكلك مفرهد
= اها جدا قولي اخوك عامل اية!
- اخاف اقولك
= قول !
- نزل وطبعا معرفش راح فين
= يادي النيلة عليا!
- علفكره انا مسبتوش وشدينا مع بعض عشان حسيت انوه دايقك بكلامه الصبح
= ده العادي يا حبيبي اخوك مدب
- المهم انتي شكلك تعبان اوي وانهارده اتأخرتي
= اها والله هموت و انام كانت عمليه كبيرة انهارده وتعبتني اوي لكن الحمد لله نجحت
- طب الحمد الله انتي اشطر حد كدا كدا روحي روحي انا كمان عندي درس بدري.
______________________
صلي على محمد
" تاني يوم الصبح "
- انت قوم اصحالي كده
فتح عينه ببطء وقفلها: هو الواحد ميعرفش يهرب منك حتي فالحلم جيالي
رشت عليه مياة: لاء فوقلي يا حبيبي انا فالحقيقة فوق
- انت يابا قوم اصحالي كده
فتح عينه ببطء وقفلها: هو الواحد ميعرفش يهرب منك حتي فالحلم جيالي
رشت عليه مياة: لاء فوقلي يا حبيبي انا فالحقيقة فوق
ادهم فتح عينه وبصلها ب شر و قام فجأه
- جرا اية !!! انتي حد مسلطك عليا
= اها يخويا الدكتور مسلطني قوم قولي روحت فين بأيدك المتشر**حه دي
- ملكيش فيه !
امير دخل بالمياة و الكحول والبيتادين: اهدوا شوية
= اسكت انت لما نشوف اخوك هابه عليه ليه
- بت! امشي اطلعي برا
= ما انت عيل قليل الزوق
ادهم مسكها بقوة: مين ده الى عيل ؟؟
- انا الى عيلة حد يمسك عيلة كده سبني انا مش قدك سبني خليك رجولة
= يبقي امشي
- مش همشي غير لما اغيرلك عالجر*ح
= يعني هتغيري وتمشي؟
- اها صدقني
= لاء بردو ميخصكيش ان شالله امو*ت
ليلي بهدوء وبصتله فعينه: عشان خاطري خليني اطمن
ادهم نفخ ومبصلهاش وبعدين مد دراعه ليها بصمت وامير كتم ضحكه ومكنش مصدق انوه هيسبها تغيرلة عالجر*ح بعد ما صحته وهيسكت.
امير بنكش: جدعه يا ليلي
* ادهم بصله بصه سكتتة و خرج *
ليلي بأرتياح: الحمدلله الجر*ح سليم مع انك خرجت امبارح
= اها
- وكمان الغر*ز اهي كويسة هغيرلك و حاول متحركهاش شوية كمان لأنه بيلم بسرعه مع انه جرح كبير ؟! انت ازاي كده
= انتي هتقري عليا ؟
- لا مجرد سؤال
= طب بطلي رغي
- انا رغاية!!
= .........
- انا خلصت اهو!
= شكرا اتفضلي بقي
ليلي بتوتر: ادهم هو.. هو انت رفضت سفري عشان خايف عليا؟ ولا بتعاند فيا ولا عشان اية بالظبط
= انا مرفضتش ده مبدئيا ثانيا انا مش هخاف عليكي اكتر من نفسك يعني و تالت حاجه هعاند فيكي بتاع اي؟
ليلي عيونها دمعت ومكنتش قادره تمسكهم للأسف نزلوا بسبب قسوة كلامه معاها
بعياط: ع.. عش.. عشان انت دايما كنت بتخاف عليا واحنا صغيرين و دايما كنا بنعاند سوا
ابتسمت وسط دموعها: حتي كنا دايما نتفق على امير عشان اصغر مننا ونعاند معاه ونضايقه
مسحت دموعها وبصتله وعيونها كانت حمرا من كتم العياط: لكن كل ده مبقاش موجود من ناحيتك بس انا هفضل زي مانا مهما عملت معايا مش هديلك ضهري
" لميت حاجتي ومشيت وهو مبصليش كان بيهرب يمكن ضعف وخاف اشوف ضعفه او يمكن مكنش مهتم بكلامي اصلا و روحت على شغلي.. "
___________________________
" فالبيت عند ادهم كان قاعد مخنوق بسبب عياط ليلي مش قادر يمسك مشاعره وكأنها بتخلي كل حصونه تنهار فكر يعتذر ولكن الفكره اتلغت في ثانيه و قال ان كده احسن وهتبعد عنه "
- انت ترضي اختك حد يخليها تعيط كده
= اها شكلي مش هخلص منك يا امير ، انت مش عندك درس ؟ اتفضل انت كمان
(ادهم بيقول لأي حد يتفضل وناقص يطردني انا كمان ويقولي اتفضلي و متكتبيش الرواية)
- هقعد اللم وراك واصالحها بدالك لحد امته
= لحد ما امو**ت تقريبا
" و دخل و قفل الباب وراه وامير مشي وادهم عمل تلفون "
- الو.. الوو!
= ادهم بيه انت فين ياعم
- انا جاي على بليل بس عندي مشوار كده
= هغطي عليك
- طيب سلام
_____________________________
صلي على محمد
- دكتورة ليلي
= ايوة يا دكتور زين؟
- اتمني تكوني فكرتي فالسفر
ابتسمت: ايوه طبعا هاجي
بفرحه: بجد! ده خبر كويس جدا صدقيني هيفيدك كتير
= انا عارفه عشان كده قررت مفوتش الفرصة
" مشي زين الى مش مفسره اهتمامه بيا لانه خاطب فا مهتم بيا ليه؟ يلا ادينا بنتكلون "
" الساعه عدت 12 وانا فالمستشفي وتعبت جدا كان في اربع عمليات مكنوش اصعب حاجه ولكن جهد كتير فا خرجت بره قدام المستشفي كان في كراسي و زرع والجو حلو بصيت للسما و لقيت نجمه "
- انتي نجمه كبيرة اوي تفتكري انتي كبيرة كفايه عشان تحققي امنيتي؟ نفسي ادهم يحبني.
- ياريت لو أ
حسيت بحد ورايا فا وقفت كلام و بصيت لقيته ادهم اتفاجئت واتخضيت: انت كويس؟ ايدك كويسة ؟؟
استغرب وعقد حواجبه: انا كويس
" ازاي ليه بتقلقي عليا حتي بعد الى عملته معاكي الصبح! لسه مهتمه برضو!؟ "
- جاي ليه حصل اية ماما كويسة؟؟
= اهدي شوية ، انتي موبايلك فين طنط بترن عليكي
طلعته من جيبها وحاولت تفتحه: يلهوي ده فصل
- اممم طب يلا عشان اروحك مش خلصتي برضو؟
= لاء لسة
- لسه اية؟
بص فالساعه بتاعته: الساعه 12 الا ربع
ليلي بسرعه: اصل..
قاطعهم دخول زين الى بص لأدهم من فوق لتحت: ليلي الورق اهو راجعيه كويس
ادهم كان ساكت وبيتفصحه
ليلي عارفة كويس ان ادهم لما بيركز مع حد كده يبقي مقرر يعمل حاجه بلعقت ريها وخدت الورق بسرعه: شكرا يا زين
زين: تحبي اوصلك؟
ادهم رفع حواجبه و وقف قدام ليلي وكلمه: هو انا مش مالي عينيك ؟؟؟؟؟؟
يتبع..
>>>>>>>>>>>>>>>>>>>>>>>>>>>>>>>>>>>>
