رواية حبيتك مرتين (أدهم وكارما) عبر روايات الخلاصة بقلم سلسبيل أحمد
رواية حبيتك مرتين الفصل السادس 6
- كارما استني هنا!
= .........
مسكت دراعها و وقفتها - بقولك اقفي !!!
زعقت = اوعي يا ادهم وكفايه الي حصل
- اهدي واستني بقولك !!
= وانا بقولك اوعي ايدك دي وابعد عني
- انتي كنتي عوزاني اعمل اية لما اللقي واحد ماسكك كدا!!!! هشم على ضهر ايدي انوه ابن خالتك! ولا انتي معداش عليكي اني فاقد الذاكره!!
= تسأل في حاجه اسمها عقل وتفكير مش داخل تضرب كدا وتفرج علينا الناس
- وهوا ان شاء الله يمسكك كدا ليه اصلا
= هوا دا الى همك؟؟ انت معندكش عقل!!
- عقل ايه؟؟ وانتي بتقوليله وسع سبني وباين انوه ضايقك وانا اول مره اشوفه عوزاني اطبطب عليه!!
= يبقي عشان اول مره تشوفه على الاقل تسأل مين دا بدل الفضيحه الي عملتها
- والله بقي انا مش هاممني انا لقيت واحد ماسكك وانتي مضايقه والموقف لو اتكرر هعمل نفس الي عملته
= لا والله العظيم هوا الي دايقني انوه ماسكني؟
- امال اية الي كان ضايقك!!
= انت بتستعبط؟
- كارما اتكلمي عدل!
= بلا عدل بلا زفت انا تعبت ومش عايزه اتكلم ابقي روح كلم الي حضنتك
- طب استني اسمعيني !
= مش عايزه اسمع وسع من وشي
- لا افهمي الاول
= انا ماشيه مع زين و رايحه عند بابا سلام
اتصمرت مكاني وانا جوايا خناقه بين اني امنعها تمشي معاه وبين اني اسكت وكفايه الي عملته بس همنعها ليه؟
وقررت اسكت
_________________
- شكرا يا زين و اسفه جدا عشان الي حصل
= ولا يهمك انا مقدر موقفه
- موقف اية بس وشك باظ خالص
اتكلم بهزار = اية يا كارما انتي بتذليني ولا اية
- بتهزر يعني
ابتسم = علفكره هوا ادهم بيحبك
- بيحبني اية بس بيحبني اية
عيوني دمعت - دا ولا وكأن واحده حضنته قدامي كدا عادي
= طيب اهدي بس ليه مسمعتيش منه؟
- لا بقي اسمع اية شكله كدا ادهم ضاع مني من من يوم ما عمل الحدثه
= يا كارما دا ادهم الي كلنا كنا بنحسدك عشان حبه ليكي معقول نسيتي يعني
- نسيت؟ ولا عمري نسيت لحظه واحده بينا عشان كدا مش قادره اتعامل مع شخصيته الجديده البارده دي بحسه غريب عني وبحس اني فارضه نفسي عليه
= دا فى الاول لكن دلوقتي اكيد اتأقلم
- بيتهيألك
= متشليش هم ادخلي انتي عشان كريم وياريت ترجعي البيت قريب
- اها ان شاء الله بقي
= فكري تاني و سلميلي على الحج
- الله يسلمك
= يلا باي
______________________
بفتح الباب وفاكرها هي الي جت لقيت قدامي اكتر بني ادم كرهته تقريبا ( زين )
- ممكن نتكلم؟
= افندم!
- هنتكلم عالباب
= لا ازاي اتفضل
- انا مش زعلانه منك لانك فاقد الذاكره مع ان وهيا معاك برضو مكنتش بتحبني اوي
بصتله باستفهام من صراحته = مش فاهم
- انت طول عمرك بتغير على كارما وتقريبا دا طبع فيك حتي وانت مش فاكرها بتغير عليها
= انا مش بغير
- امال دا اسمه اية
= شوفت واحد معرفوش بيدايقها عاوزاني اعمل اي
- يمكن كلامك صح
= اعتقد الموضوع ميخصكش!!
- عمتن انا وصلتها وهي كانت مدايقه بسبب البنت الي حضنتك تقريبا فا قولت اقولك لانها رافضه تتكلم ونصيحه مني متسبهاش كتير مع افكرها وتوضحلها عشان متخسرهاش..
= على اساس اني هموت من غيرها متفهم الي تفهمه هي مخلتنيش اوضح لها
- معتقدش انك لو بذاكرتك هتقول كدا ودلوقتي برضو افتكر انك مش قد كلامك.
= امممم هوا انت عارفني اكتر من نفسي يعني؟
- انت غلطت والاعتذار مش عيب!
= وهيا كانت ادتني فرصه هيا كل همها اني ضربتك كان حقك تطمنها برضو
ابتسمت وخت نفس - كارما زي اختي مش اكتر وعشان تهمني انا جيت وكلمتك بس انت عارفها اكتر من كدا هيا اديقت عشان البنت مش عشاني انا وبس فا الاحسن توضح لها
= وانت اية مخليك متأكد كدا انوه دا سوء تفاهم
- قصدك الحضن
= اها يمكن بمزاجي
- لا معتقدش ، بعد اذنك بقي
مشي وانا قاعد افكر انا ازاي مفضوح قدامه كدا ومتغاظ منه كارهه بدون سبب ومش طايقه !!!
رنيت عليها مره وكنسلت فا قررت مرنش تاني
عدا يومين وهي عند بابها البيت من غيرها مخيف حاسس بحاجات ناقصه زن كريم بليل وكلامها هي معايا اهتمامها بيا حتي لو عارفه اني عنيد ومش محتاج دا
تعبت من غيرها
وتالت يوم الصبح كنت قدام بيت باباها وبقالي ساعتين بفكر هعمل اية وادخل ولا لاء لحد ما شوفت باباها خارج قولت فرصه نتكلم انا وهي وقررت اروح
خبط بتوتر وفتحت
- ايوا مي.. هو انت ؟
= انا جاي اطمن على كريم
- لا والله؟
= اه
- ومالوا اتفضل
دخلت وقعدت قدامي - كريم نايم هصحيه
مسكت ايدها = استني .
بصت علي ايدي فا سحبتها بهدوء
علفكره انتي مفروض ترجعي مش كل
شوية تيجي تقعدي هنا وتسيبي البيت
- هو انت مالك بيا انت مش جاي لكريم!
جزيت على سناني = ردي يا كارما!
اتكلمت بجمود - اصلي حبيت اسيبك براحتك تخرج بقي تقابل الحلوة تحضنوا بعض براحتك
= اخرج اقابل مين انتي عبيطه!
اتكلمت في نفسي زين عنده حق مينفعش اسبها لدماغها
- اه عبيطه
= يا كارما انا اصلا معرفهاش و
بحده - أدهم ! قولتلك مليش دعوه انت حر لو سمحت
= انا حر ؟
- اها وياريت ملكش دعوه بيا انا كمان لما ابقي فارقه معاك ابقي اعمل مهتم
انا بعمل مجهود معاك بقالي حوالي شهر وانت مش مقدر دا لو مش عاوزاني خلاص انا همشي وكدا كدا انت قعدت يومين من غيرنا تقدر تكمل من غيرنا برضو
= كارما بلاش القسوه دي
- قسوه؟ ادهم افتكر انت كنت بتعاملني ازاي واتكلم عن القسوه انا عمري ما هفرض نفسي عليك وياريت نطلق كمان
اتخضيت الكلمه خلتني مشلول نطلق؟
فضلت افكر اطلقها؟ وتكون لحد تاني غيري؟ وتكون مش معايا هي وكريم طب ازاي؟
= انا مستحيل اطلقك
- وانا مستحيل اقبل بالخاينه
= صدقيني مخونتكيش كارما انا .. انا ب
- لو سمحت انا مش عايزه اتكلم امشي
زعقت - امشي يا ادهم امشي!!!
دموعها بدأت تنزل فا خرجت بهدوء روحت البيت بسرعه وقعدت لوحدي بصيت في كل ركن وانا بفتكرها عندها حق هي فقدت جوزها وحببها وجالها واحد لا يطاق زي ليه تستحمله؟
فضلت افكر لحد ما حسيت دماغي تقلت بقالي يومين مش بنام ومرهق ومحستش بنفسي...
..
صوت كأني بحلم صوت زي صوتها كارما؟؟
- يارب يا ادهم تقوم يارب متسبنيش انا مش هقدر اكمل من غيرك ارجوك فوق
فتحت عيني ببطء ولقتها جمبي وماسكه ايدي - كارما؟
قربت مني وشكلها مخضوض= ادهم انت كويس؟
- كارما انتي هنا
= انا جمبك متقلقش
- حصل اية؟
= اغم عليك فالبيت بعد ما جتلي كنت باخد هدوم لكريم وشوفتك وجينا المستشفي
فضلت باصص ليها
= مالك يا ادهم
- انا بحبك
برقت بعينيها وكأنها بتحاول تستوعب = اية؟
الدكتور دخل وخرجني عشان يطمن عليه فضلت بره بحاول استوعب انوه اعترفلي بحبه؟ معقول ادهم بيحبني واعترف ب ده كمان
- لو سمحت يا دكتور طمني
= عنده ضغط مش اكتر هو محتاج يرتاح
- هو ماله حساه تايهه
= تأثير البنج الي خده لاننا كنا محتاجين نعمله تحاليل
ابتسمت بسخريه - اكيد دا كان تأثير البنج
روحت اجيب فطار وكلمت بابا عشان اطمن على كريم
دخلت اوضه ادهم ملقتوش ؟! كان في ممرضه فا سالتها
- لو سمحتي ؟
= ايوا
- كان في مريض هنا؟
= ايوا شوفته وهوا خارج
مكنتش فاهمه - خرج !!!
مسكت الموبايل بصربعه ورنيت عليه موبايله مقفول
ازاي ينزل وهوا كدا قعدت ادور عليه روحت البيت وملقتوش!!
- الو جه عندك يا بابا ؟؟
= انزلي
- انزل فين!
= انزلي تحت بيتك
نزلت بسرعه لاقيته واقف جمب عربيته واتفاجئت ب...
يتبع..
