رواية حبيتك مرتين (أدهم وكارما) عبر روايات الخلاصة بقلم سلسبيل أحمد
رواية حبيتك مرتين الفصل السابع 7 والأخير
لاقيته واقف جمب العربيه وماسك ورد!! قربت بعصبيه
- انت كنت فين كل دا ازاي تخرج من الستشفي وانت تعبان وليه مش بترد بقالك تلت ساعات و
قاطعني وشدني لحضنه فضل ماسك في حضني فتره كبيره رفعت ايدي وطبطبت علي ضهره براحه
بصلي بحنيه
= ممكن افهم؟!
بعد وقدملي الورد بمنتهي الهدوء - ممكن تيجي معايا؟
= علي فين
- محتاج اوريكي حاجه ضروري
= طيب
- استني
طلع قماشه سودا وحطها على عيني وهمس جمب ودني
= عشان دا سر
ركبنا العربيه حوالي عشر دقايق طول الطريق ماسك ايدي زي الطفل كأنو خايف اسيبو وبعدين وقف تقريبا وصلنا فتح الباب ومسك ايدي وفضلت ماشيه وراه
- احنا وصلنا بس قبل ما اشيل القماشه عايز اقولك حاجه
= قول
- كل دا ولا حاجه قصاد الي عملتيه..
شال القماشه ولقيت اننا فى مكان قدام البحر المكان منور أنوار جميلة ومليان بلالين بنفسجي لوني المفضل وفي هديه كبيره على لوح خشب وبرضو لونها بنفسجي من بره وعليها بلونه هيليوم
فضل باصصلي ومتابعني وانا منبهره
طلع من جيبه خاتم ولبسهوني وانا لسه مصدومه مش مصدقه حاجه
= تعرفي ان الخاتم دا فيه ماسه نادره
بصتله وانا بحاول استوعب - اية!! دي ماس؟
= انا حاولت اجيب حاجه شبهك بالظبط بتلمع ونادره ومفيش زيها انا جبت ماسه صغيره جدا لماسه كبيره يا كراميلا نهي كلامه بغمزه كان دايما بيعملها زمان
برقت اول ما نده بالاسم والطريقه عيوني كانت بتدمع
ودموعي نزلت فعلا
بصتله بأستفهام - هو انا فاهمه صح؟ ادهم انا فاهمه صح
= انا فاكرك
جريت على حضنه بسرعه وفضلت حضناه جامد وانا بعيط
= اهدي انا خلاص رجعتلك يا قطتي
- انت وحشتني اوي انا مش مصدقه بجد
خرجني من حضنه ومسح دموعي
= مفيش عياط تاني وانا موجود؟؟
- انت فاكرني بجد يعني خلاص
= ايوا يا كراميلا خلاص..
- كل دا مش مفرحني قد ما فرحانه انك رجعت انا مكنتش عاوزة كل دا كنت عاوزاك انت يا ادهم
حاولت أتمالك نفسي وقربتها مني = انا اسف على دا صدقيني انا مش عارف عملت كدا ازاي
معاكي انا مكنتش قادر اسامح نفسي انا عملت كل دا وانا عارف انه ميجيش ذرة قدام الى عملتيه وصبرك عليا
- متقلش كدا انت عارف كويس انت اية بالنسبالي
مسحت دموعها وهي بتبتسملي - وبعدين مانا هنكد عليك يا ادهم واخد حقي مالك جرا اية
ضحكت وانا ببوس ايديها = انا بحبك
- قد اية
= قد السما والدنيا
-و انا بحبك اوي
= تعرفي اني حبيتك مرتين؟
- ازاي يعني
= يعني حتي وانا فاقد الذاكره خلتيني احبك ومش بس كدا اعترف بحبي تلقائي واحنا فالمستشفي مكنتش لسه افتكرت حاجه كل الى فاكره اننا اتخنقا حسيت اني هخسرك خوفت اوي فا اول ما قومت لاقيتك جمبي! ساعتها مقلتش حاجه غير بحبك..
- يعني مكنتش لسه افتكرتني!!
= ابدا ، كنت متلخبط ودماغي وجعاني الدكتور دخل قولتله يديني حقنه عشان مفعول البنج يروح اول ما ختها بدأت اهدا .. افتكرت يوم الحدثه بكل تفاصيله دماغي بدأت تلف وكل الاحداث وراه بعض زي الشريط
الدكتور خد باله عرف ان الذاكره رجعتلي
فا طلبت منه ميقلش لحد بعد ما افتكرت كل الى عملته معاكي قررت اجي قدام البحر واعمل كل دا عشان اقدر اعتذاري بس مع ان دا قليل جدا عليكيي
وبالمناسبه الهديه البنفسجي دي فيها اكتر حاجه كنتي هتموتي عليها قبل الحدثه..
فضلت باصه وحب الدنيا كلها في قلبي من ناحيته
- انت عملت كل دا عشاني انا؟
باس ايدي= انا عملت كل دا ولسه هعمل تاني وبرضو هيبقي ولا حاجه جمب تحملك ليا الفترة دي
خدني ناحيه الهديه - افتحيها بقي.
= ياتري اية؟
- استني
= ها
- انا عارف انها عبيطه بس اعتقد هتعجبك جدا
= اكيد عشان منك..
بدأت افتح الهديه واول ما شلت الغطا طلع بلالين صغيره خالص بتطير بعد كدا لقيت كتاب كبير اوي ولما فتحته كنت مصدومه صوري انا وادهم طول حياتنا سوا اول معاد بينا بدأت اقلب بشغف لقيت كلام ليا وجوابات كنا كتبنها لبعض و ورقه شجر محفور عليها اسمي و ورده بنفسجي كانت اول ورده يجبهالي كملت تقليب لقيت صور كريم وصوري وانا تعبانه في فترة الحمل وهوا جمبي تفاصيل كتيره اوي جزء صغير اوي من الزمن متكون في صورة في اية اجمل من كدا ؟؟ لقيت باقي الكتاب فاضي
فوقت اخيرا من الجمال الى اخد عقلي ورفعت راسي وبصتله عشان يفهمني
= فاضي عشان لسه هنملاه ذكريات تاني انا وانتي وكيمو
سبت الكتاب وحضنته بقوة - بحبك يا ادهم لو حصل اية هفضل احبك 100 مره وبحبك 1000 مره
باس خدودي = بتعلي عليا ولا اية يا كراميلا
- بعد كل دا بعلي عليك انت عملت كل دا ازاي فالتلت ساعات دول اصلا يا جبار
= الكتاب كنت بعملهولك بس نسيت مكانه لكن خلاص الذاكره رجعتلي وروحت جبته فورا
- بموت فيك
غمزلي = ما نروح بقي عشان اقولك كلمه سر
- انت قتلت موفاسا
= لا دا سر اخطر
- انت قصدك قلة ادب صح
= ابدا اطلاقا نيتك وحشه
ابتسمتي اختفت فا اتخض
= اية مالك!
- هي مين الي حضنتها دي ؟؟؟؟؟
= كارما حببتي اكيد مش هنبوظ كل دا وهتنكدي دلوقتي ؟
- مين الى حضنتها دي يا ادهم؟؟؟؟
اها دا انتي علقتي
- ادهمممممم حضنت مين
= هو انتي مش قولتي براحتك احضنها؟
- ادهم هرمي الخاتم
= كدا بردك؟ هترمي الشبيه الوحيد بتاعك
= طب خلاص هي الى حضنتي والله وانا مكنتش فاكرها اصلا افتكرت انها عرفاني واتفاجئت بيها طلعت معجبه وانا زقتها بعيد عني وكتاب الله
- معجبهههههه!!!!! وبتسلم بالحضن!!!
= وربنا اتحولت عليها تنكري!!!
- لا منكرش جتها القرف
= جتها ستين قرف ياستي
- اممممم
= كارما متبوظليش المفاجاه
- اتلهي ياخي
* لقيت زين داخل علينا
- ايوا يانجم خلاص ثبتها؟
= لا دي بتنكد عليا تعالي اللحقني
بصتلي انا وزين - انت عرفت ! وبتنحاز لي كمان
= ايوا دا كلمني قالي سوري عالخناقه كمان اينعم عشان مصحلته وكان عاوزني اجبله البلالين دي بس عدتها عشان خاطرك
- جرا اية يا زين انت عاوزني اديك بونيه في عينك التانيه!
= لا علي اية ! انا هتكل انا سلام يا كارما
ابتمست وبصتلي - انت مشكله علفكره
= وانتي اكبر مشكله يابا
- قولتلك اني بحبك؟
مثل الحزن = ولا مره
- يلهوي ولا مره!!
= شوفتي
- طب بحبك
بتوهان = هاهه
- ب ح ب ك
= الله يلا على بيتنا
- طب استني بس أ..
شالني = اكتر من كدا هيبقي فعل فاضح فالطريق العام قدام البحر والسمك
قعدت اضحك - نزلني بس براحه هتخبط
ركبنا العربيه = على بيتنا وهاتي ايدك لحد ما نوصل
- يخرابي عليك مجنون ، ادهم الكتاب والحاجه طيب!!!
= متخفيش زين هيجبهم
- طب وكريم !!
= كريم عند عمي تلاقيهم بيلعبوا استغمايه سوا
- انت هتستفرد بيا
= اها
- هتنفرد بيا اكمني وحيده!!
= هيحصل بفكر اجيب كارما صغيره تلعب مع كيمو
- اتقي الله يخربيت الجبروت
= انا برضو؟
- أمال انا
= اكيد انتي
- ليه عملت اية
= خلتيني حبيتك مرتين..!!♡
تمت♥️😂
و بكدا خلصت الروايه الحمد الله
