رواية حبيتك مرتين (أدهم وكارما) عبر روايات الخلاصة بقلم سلسبيل أحمد
رواية حبيتك مرتين الفصل الرابع 4
- هو انت رجعتلك الذاكره صح؟
عيني بدأت تدمع - ادهم قولي انها رجعتلك وانك افتكرتني؟
= لاء
بعدت بصدمه وانا مش مصدقه - يعني انت لسه مش فاكرني؟
= انا جيت علشان ترجعي معايا
صوتي بدء يعلي - امال عرفت كراميلا ده منين !!!!
= كنت بقلب في موبايلي شوفت فيديو لينا كنتي زعلانه و كنت بصالحك وبقولك يا كراميلا
- تصالحني ! وتصالحني على ايه انا بقيت حاسه انك غريب عني؟انت مش عاوزني ولا انا ولا ابنك ولا فارقين معاك
= عشان انا مش عارفكوا!! بس اكيد مش هقولك امشي انتي او الولد انتي مراتي وهوا ابني
- لا كتر خيرك وبقولك اي خلاص لما تبقي تعرفنا نبقي نرجع
= يعني انتي مش عاوزة ترجعي؟
- اها
= طيب براحتك
- شوفت ؟
= في ايه
- انت مش بتحاول حتي بتقولي براحتك؟
ضحك بسخريه= انا مش فاهمك هو انتي عاوزة اية
- انت جاي لي؟
= جيت اشوف انتي مشيتي ليه وانا مبتحايلش علي حد لو مش عاوزاني انتي حره!
- طب تمام اطلع بره
بابا اتدخل= كارما اية الي بتقوليه دا عيب كدا؟؟؟
- انا تعبت يا بابا
دخلت اوضتي وسبتهم
- معلش يا حبيبي هي متعصبه اليومين دول
= حصل خير يا عمي بعد اذنك
..
بعد ما مشي بابا خبط عليا ودخل لقاني بعيط
- وبعدين يا كارما؟
= انا تعبت يا بابا حاسه ان ادهم اختفي انا بحبه انا عاوزه يرجع يا بابا اعمل اية
- اهدي وبطلي عياط تفتكري لو كان مكانك كان عمل كدا
= لاء مكنش هيعمل كدا عشان انا مهما حصل عمري ما كنت هعامله كدا ولا هجرحه
- وانتي تعلمي منين ؟ جوزك محصلوش حاجه هينه دا فقد ذاكرته وشغله وفاق لقي نفسه عنده زوجه وابن ميعرفهمش مستنيا يتعامل ازاي عاوزه يلحق يتعود ازاي؟
= انا مقلتش كدا بس انا حتي مش لاقيه منه تقدير
- واحده واحده هيتعود ويفتكر وبعدين انا قولتلك من البدايه ترجعي بيتك وهوا جالك لحد هنا يخدك وانتي اتصرفتي غلط
= انا كنت هموت لما افتكرت الذاكره رجعتله وسحب املي في الاخر مكنش قصدي
- تخيلي نفسك صحيتي لقيتي حد متعرفهوش بيقولك انا جوزك ودا ابنك
فضلت ساكته لحد ما طبطب عليا
- ارجعي بيتك وتتصرفي بالعقل شوية يا كارما
مسحت دموعي = اول مره تدافع عنه يا بابا
ابتسملي - عشان الظروف الي هو فيها بس لولا كدا مش هنحاز لحد غيرك
ابتسمتله= ربنا يخليك ليا يا بابا
حاولت اسمع الكلام واصبر نفسي بأن ادهم لو فاكرني مستحيل يعمل كدا وبأني فعلا لو مكانه هكون مخضوضه وقررت ارجع
_________________________
- اية الزريبه دي
= انتي جيتي؟
- لا لسه
= طيب لما تيجي عرفيني
- بقولك اية انت زعلان
= عشان طردتيني يعني
بصيت للارض بندم
اتكلم ببرود = مش فارقه عادي
بدء يشيل المخدات وحاجته الي رميها
- بتعمل اية؟
= بروق الزريبه
- لا ازاي هروق انا
= كتر خيرك
- لا دا مش خير خد شيل كريم
= يييييييي
ضحكت بخباثه - هروق واعمل غدا تحب اعملك اية
بص للولد الي في ايده وبصلي = تحب وبتسأليني؟
- امممم
= مش عارف اي حاجه
- انت بتحب البطاطس بالفراخ
= بجد
- اه بتحبها مني جدا هعملها
= طيب
__________________________
خلصت الاكل وحطيته بحماس رهيب .
- حلوة ؟؟
= لسه هدوق
- انت مش شامم الريحه!
= بس عايز ادوق
- طيب دوق بسرعه
كل منها وعارفه انها عجبته بس يموت لو قالي
اتكلم بتناكه = كويسة ، هو العصير دا مانجا؟
- استني بس انت مبتحبهاش انا عامله ليك برتقان
= هوا في حد مش بيحب المانجا
- ما دي الكلمه الى قولتلها ليك لما قولتلي مش بحب المانجا
= مش مهم يمكن احبها
مسكت ايده - لاء بقولك مش بتحبها
= انتي زعلانه ليه اوعي ادوق
سبته يدوقها وبان علي ملامحه الاشمئزاز بس عشان هو عنيد مقلش انها معجبتوش
بكدب - جميلة اوي
فضلت باصه لي اشوف هيستحمل قد اية
- اية بتبصيلي ليه
= اصلك هتقوم ترجع دلوقتي
- ههههههه ومالو فاكرن..
مكملش كلمته وجري على الحمام يرجع
فضلت واقفه لي بشماته وبعدين ناولته الفوطه
- ينفع كدا؟؟
بصتله بغل = انا برضو!!
- قعدت اقولك مش بحب المانجا تقوليلي طب بس دوقها استغفر الله ناس مؤذيه
فضلت اضحك على طريقته في قلب الترابيزة الي لسه متغيرتش..
= طيب روح كمل اكلك روح
فات بالظبط اسبوع كان كويس نوعا ما مكناش بنتخانق حسيت انه بدء ياخد عليا انا وكريم زي مثلا..
- بتعمل اية يا ادهم
= هشيل كريم شويه وحشني
- امممم وانت كنت فين كدا
= عند الدكتور
- قالك حاجه جديده؟
= نفس الكلام الذاكره هترجع بس ميعرفش امته
- طيب حلو المهم انها هترجع وهيجي يوم ترجع شغلك برضو متقلقش وانت كويس دا اهم حاجه
بصلي بصه طويلة
ضحكت - مالك وشي في حاجه ؟
= انا مش عارف هو انتي ازاي مكمله معايا بجد
- يعني اية
= يعني ازاي
- انا مش مكمله عشانك اصلا
بسخريه = عارف انتي عندك امل كبير ذاكرتي ترجع
- لا دا عشان ادهم حبيبي لما يرجع اقوله اني فضلت مستنيا الحبه الي غابهم عني
غير الموضوع = طيب بقولك اية عندي فرح واحد صاحبي
- اكرم؟
= عرفتي منين
- ماهما صحابنا احنا الاتنين يا ادهم ومراتو دفعتي
= طيب حابه تروحي
- ومالوا
= ماشي خدي كريم بقي
- رايح فين
= هجيب حاجه واجي
اتنهدت و خت كريم منه ونزل فضلت مستنيا كتير لحد ما سمعته بيقفل الباب الساعه 11 بليل
- انت كنت
قاطعني = شششش مش كريم نايم برضو!
- ايوا نايم انت كنت فين
= بصي
يتبع..
اسفه اني خالفت توقعاتكم والذاكرة لسه مرجعتلوش💖😂
