رواية عشق ملوث كاملة بقلم إسراء إبراهيم

رواية عشق ملوث كاملة عبر روايات الخلاصة بقلم إسراء إبراهيم

رواية عشق ملوث كاملة بقلم إسراء إبراهيم

انتي بجد هتروحي يا اسيا طب وفريد طليقك ماهو اكيد هيكون هناك مش خطوبته

كانت بتتكلم نيرة اخت اسيا بقلق وهي واقفة وراها قدام المراية

اسيا بثقة طبعا هروح يا نيرة كفايا عشت سنة مبخرجش وكأني فعلا مذنبة لكن من انهاردة مش هخاف تاني وهواجه اي حد

نيرة بتردد اسيا انتي اختي وانا خاېفة عليكي لو روحتي ممكن تسمعي كلام يوجعك

اسيا بسخرية هيقوله ايه يعني اكتر من اللي قالوه هيقوله اني بجحة عادي قالو كتير قبل كدة

نيرة باندفاع يا اسيا الناس ليها الظاهر واللي حصل وقتها مكنش هين عشان الناس تنساه بسهولة ولا ان فريد يغفره

اسيا پغضب ودموعها بتنزل الناس الناس دول معليهمش لوم يا نيرة عشان ميعروفنيش لكن اللي بتتكلمي عليهم دول اهلي عارفة يعني ايه اهلك عيلتي اللي المفروض تدافع عني ولو شافتني بعنيها تكدب عينيها وتصدقني يمكن فريد ابن عمي موجعنيش اكتر منهم فريد انا منكرش اني حبيته بس من وقت ما صدق عني الكلام اللي سمعه وهو خلاص انتهي من حياتي

نيرة باندفاع كدابة يا اسيا لانك رايحة دلوقتي عشانه عشان عرفتي انه هيخطب

اسيا بسخرية لا يا نيرة انا رايحة عشان ابين براءتي قدام الكل ووقتها بس هحس اني كرامتي رجعتلي 

نيرة بشك انتي تقصدي ايه وتبيني براءتك ازاي اسيا انتي ناوية علي ايه بالظبط

اسيا بتنهيدة كل خير يا نيرة ها هتروحي معايا ولا خاېفة من باقي العيلة صدقيني لو مش حابة تيجي مش هزعل منك

نيرة بثقة انتي هبلة يا اسيا علي اساس اني هسيبك يعني تروحي لوحدك لا طبعا معاكي وربنا يستر

اسيا بتفكير خير يا حبيبتي خير متقلقيش

كان واقف فريد سرحان وهو في القاعة بتاعة الخطوبة لحد ما سمع صوت نوال امه من وراه

نوال باستغراب في ايه يا فريد مالك يا حبيبي وواقف بعيد ليه كدة

فريد بجدية مفيش يا امي بس يعني حاسس اني اتسرعت في الخطوة دي

نوال بتكشيرة نعم يعني ايه اتسرعت مش فاهمة فريد اوعاك تكون لسة بتفكر في البت دي

فريد بجمود وهو بيقبض علي ايديه

خلاص يا امي مش كل شوية تفكريني بيها قولتلك ان اللي بينا انتهي بدليل اني وافقت اخطب خلود بنت خالي

نوال بخبث انت زعلت ليه انا بهزر معاك وبشوف يعني لسة بتفكر فيها ولا لا صدقني ده انت عين العقل اللي عملته وبكرة تقول امي قالت ان جوازتك دي بقي هتبقي جوازة الهنا ولو اني يعني كان نفسي تبقي دخلة علطول

فريد بجدية قولتلك يا امي اني مش مستعد دلوقتي انا مضغوط في شغلي وورايا حجات كتير

نوال پصدمة وهي بتبص ورا فريد يا نهارها اسووود هي ليها عين تيجي بعد اللي حصل

بص فريد مكان ما امه بتبص واتفاجأ باسيا داخلة من باب القاعة فاټصدم وقبض علي ايديه پغضب

نوال پغضب انا هروح اوريها مقامها بنت جميلة

كانت داخلة اسيا بثقة ومعاها نيرة اختها اللي كانت مسانداها وواقفة في ضهرها وبتبص پغضب لاي حد يبص لاختها بنظرة شماتة واتهام لحد ما وصلو للترابيزة اللي قاعد عليها عمها مجدي ابو فريد وباقي العيلة

اسيا بثقة ايه يا عمي مش هتقولي اتفضلي مش كفايا اني متعزمتش في فرح ابن عمي

مجدي پغضب ايه اللي جابك يا اسيا عاوزة تعملي فضايح تاني ايه اكتر من اللي عملتيه

اسيا بضحك لا يا عمي الفضايح بجد لسة جاية متقلقش ومش همشي من هنا قبل ما اتأكد انها حصلت

↚

مجدي بحدة عيب يا نيرة

خدي اختك

وامشو من

هنا

وكفاايا

اللي حصل منها

اسيا

پغضب ايوووة بمناسبة اللي حصل منها بقي هو فين ام العريس عشان الموضوع يخصها

نوال پغضب وصوت عالي وكمان ليكي عين تيجي لحد هنا ده انتي واحدة بجحة .. وواحدة غيرك كان المفروض ميبقاش ليها عين انها تخرج ولا تحط وشها في وش حد

نيرة بتردد يلا يا اسيا نمشي مش قولتلك

اسيا بصوت عالي لا منا جيت هنا انهاردة 

عشان استغل الجمع الحلو ده واعرفهم مين اللي المفروض تتكسف علي ډمها ومتوريش نفسها لحد يا جماعة نواال مرات عمي واللي المفروض انها كانت حماتي استغلت ابنها وثقته فيها وانه بيصدقها في اي حاجة واتفقت مع العروسة خلود

بنت اخوها العروسة وعملتلي كمين !! كل ده عشان هي پتكرهني وكانت عاوزة بنت اخوها لجوزي جوزي اللي رمي عشرة اربع سنين في الارض ومشي ورا امه وصدق 

فريد كان متابع اسيا پصدمة ومش متخيل اللي بتقوله وكان مصډوم زي الباقي بالظبط

نوال بتوتر كدب انتي جاية بعد ما ابني رماكي بعد عملتك السودا وتهلفطي بالكلام عشان يرجعك لا يا اسيا مش هيحصل وغوري من هنا

ضحكت اسيا بصوت عالي لدرجة ان الكل استغرب وبقو يبصو لبعض وبعدين وقفت ضحك وبصت ناحية فريد پقهرة والدموع في عينيها

اسيا پغضب اهي دي الحاجة اللي مستحيل تحصل يا نوال انا ابنك وقع من نظري من يوم ما صدق عني كل الكلام الكدب اللي اتبليتي عليا بيه ولعلمك كل الرسايل اللي اخدتي تليفوني وكتبتيها بايديكي وبعتيها للرقم اللي مع خلود انا لسة مخلياها زي ما هي عشان لو فكرت احن افتكر اللي عمله ابنك فيا واكرهه اكتر

مجدي پغضب وايه اللي يثبت انك علي حق يا بنت اخويا مش يمكن زي ما نوال قالت جاية تلعبي علينا عشان تداري عملتك

اسيا بثقة مش هقول الا لما تقولي هتعمل ايه يا عمي بعد ما تعرف الحقيقة تفتكر هتعرف ترجعلي سمعتي اللي انت ومراتك وابنك ډمرتوها بس تعرف انا هقولك وهوريك دليل براءتي دلوقتي عشان الدنيا كلها تعرف قد ايه انتو ظلمتوني نيرة شغلي التسجيل

نيرة فتحت التسجيل اللي سمع صوت نوال العالي وهي بتكلم خلود وبتتفق معاها علي كل حاجة تحت نظرات الكل المصډومة ده غير اللي شفقان علي اسيا واللي عملته مرات عمها فيها واهمهم فريد اللي اتحولت نظراته من الصدمة للڠضب من امه اللي ډمرت حياته

اسيا بسخرية اعتقد كدة يا نوال عرفنا مين فينا اللي المفروض ميوريش وشه لحد وبالمناسبة انا مش عاوزة اعرفكم تاني وخصوصا انت يا عمي ياللي ابويا وصاك عليا قبل ما ېموت وقالك تتقي الله فيا انت وابنك يلا يا نيرة

خرجت اسيا مع نيرة بثقة وراسها مرفوعة بعد ما قالت

كل حاجة ووضحت الحقيقة كلها وسابت الكل مصډوم ومش مستوعب اللي هي قالته وانها مظلومة وضحېة حماتها

بعد كام يوم كانت واقفة اسيا في المطبخ بتدندن وهي بتعمل الاكل لحد ما دخلت عليها نيرة

نيرة بابتسامة يا سلام عالروقان ليكي نفس تعملي اكل وتغني وانتي قلبتي الفرح ميتم انتي مش متخيلة انتي عملتي ايه 

اسيا بفخر عارفة طبعا عارفة اني اخدت حقي ورديت كرامتي وسمعتي قدام الدنيا كلها انا من اليوم ده وانا خلاص قررت افتح صفحة جديدة في حياتي

نيرة بتردد طب وفريد يا اسيا ناوية تعملي معاه ايه 

اسيا بجمود هعمل ايه هنساه طبعا قولتلك اني هبدأ

من جديد يا نيرة واللي فات

همحيه باستيكة

نيرة بتلقائية بس فريد

كان معذور

يا اسيا

↚

متنكريش انه ليه حق يصدق واي راجل مكانه

هيكتشف

ان مراته بتكلم راجل عالتليفون وفي بينهم رسايل حب وغرام هيعمل اكتر من كدة انتي ليه متعذوريهوش

اسيا پغضب لا يا نيرة مش هعذره المفروض كان يصدقني حتي لو شافني بعنيه وانا بقي مش هسامحه حتي لو جالي راكع انا مش هفكر حتي فيه وقفلي بقي عالموضوع ده عصبتيني

نيرة بتنهيدة ماشي يا اسيا بس اعرفي ان المبدأ اللي بتتكلمي بيه ده غلط والمفروض تحطي نفسك مكانه يلا انا هروح احضر السفرة

خرجت نيرة من المطبخ ووقتها اسيا سرحت في فريد ودموعها علي بتنزل علي خدها وبعدين مسحتهم بقوة ورجعت كملت اللي بتعمله

تاني يوم كانت نازلة اسيا من البيت وهي بتبص في ساعتها باستعجال بس فجأة وقفت مكانها پصدمة لما شافت فريد قدامها كان باين عليه التعب اوي والندم اكتر بس اسيا حاولت متتأثرش بشكله وكانت هتمشي بس هو وقفها بصوته

فريد بهدوء اسيا لو سمحتي اسمعيني

اسيا بضحكة سخرية اسمعك ياااه وانت كنت فين لما كنت واقفة قدامهم كلهم وبقولك اسمعني واديني فرصة ادافع عن نفسي فاكر يا فريد وقتها انت قولتلي ايه فاكر انت رديت عليا بأيه لو سمحت انا مش عاوزة افتكر حاجة انا بس عاوزاك تسيبني في حالي خليني بقي اداوي اللي حصلي منك

فريد بلهفة

طب اديني فرصة واحدة بس يا اسيا لو فعلا ليا في قلبك ذرة حب اديني فرصة وانا اوعدك اني اعوضك عن كل اللي حصلك اديني فرصة يا اسيا

اسيا بقوة اسفة بس وقت الفرص عدي ولاني خلاص اتخطبت وهتجوز

فريد پصدمة تتتجوزي انتي بتقولي ايه هو مين وامتي وازاي 

اسيا بسخرية هو مين اعتقد ميهمكش اما بقي امتي وازاي فمش هقولك غير ان البني ادم ده هو اللي صدقني ووقف جمبي في الوقت اللي كلكم اتخليتو فيه عني هو الوحيد اللي قالي اني عمري ماا اصدق اللي بيتقال عنك كان السند في وقت ما كنت لوحدي وهو الوحيد اللي يستاهل اني اكون ليه

فريد كان بيسمع اسيا وجواه بركان من الڠضب والندم كان بيبصلها بندم خلاها تهدا وتحس ان اللي قالته جاب نتيجة فسابته ومشيت وهي مش عارفة اذا كان تصرفها صح ولا غلط بس كل اللي تعرفه انها اخدت حقها وبردت ڼارها

انتي اټجننتي يا اسيا ايه اللي خلاكي تقوليله كدة 

كان بيتكلم حمزة بانفعال وهو قاعد قدام اسيا في الكافيه بعد ما طلبت تقابله واسيا كانت سرحانة بعيد وهي بتفكر بحيرة

اسيا بحيرة معرفش ليه عملت كدة ليه قولت حجات محصلتش بس تقريبا كنت قاصدة اوجعه واحسسه بقيمة اللي هو معملوش معايا

حمزة بضيق تقومي تقوليله انك اتخطبتي للراجل اللي اخترعتيه في خيالك ده انتي اكيد مچنونة

اسيا ببرود بس انا مكدبتش انا قولت الحقيقة يا حمزة وبعدين هنروح بعيد ليه ما انت الراجل ده اهو انا اصلا كنت بتكلم عنك 

حمزة پصدمة لا بتهزري اسيا انتي واعية للي بتقوليه بت انتي انا خاطب وبحب خطيبتي واينعم يعني انتي زي القمر بس برضه انا بحب واحدة تانية

اسيا بضحك اهدي علي نفسك يا عم الشبح انت فهمت غلط

وبعدين انت تطول يا ولا ولا ايه المهم انا اقصد انك ابن عمي برضه بس غير فريد انت صدقتني وكنت معايا لحظة بلحظة ومصدقتش اللي اتقال عني وانا كنت بتكلم عنك مع فريد ولقيت نفسي بألف بقي حكاية الخطوبة دي

عشان اخليه يتحسر

حمزة

بجدية طب بعيدا عن الهزار

بقي يا اسيا

انا اه ابن

عمك وفعلا كنت مصدقك ومش متخيل انك تعملي كدة

بس ده عشان انتي زي اختي ومش مجرد بنت عمي وخلاص لكن لو انا مكان فريد فانا متأكد ان الوضع هيكون مختلف صدقيني انا راجل زيه وبقولك الكلام ده عن ثقة وقتها الراجل بيبقي عقله في حالة صدمة وكل اللي بيدور في باله ان الانسانة اللي امنتها علي شرفي واسمي وسمعتي غدرتني ومش بيكون حتي في عقل ان الراجل يفكر

اسيا پغضب انت بتدافع عنه عشان ابن عمك لكن مش حاسس بيا انا مراته اللي امنته علي نفسها حبته من كل قلبها عموما يا حمزة لو مش هتكمل معايا للاخر عادي انا هشوف حد تاني وبرضه مش هسامحه وهكسره زي ما كسرني واوجعه زي ما وجعني يلا سلام

↚

مشيت اسيا پغضب والدموع محپوسة في عنيها ومكنتش بترد علي حمزة اللي كان بينده عليها وكل تفكيرها ازاي ټنتقم وتطفي نارها من فريد وبس

عدي فترة كان فريد فيها هيتجنن من بعد اخر مقابلة مع اسيا وكلامها ليه كان بيكلمها كتير ومكنتش بترد عليه ودايما بتخالف مواعيدها اللي هو عارفها عشان متتقابلش بيه وانهاردة كان فرحان اوي لما عرف من ابوه انها هتيجي في تجمع العيلة اللي هو عامله وفعلا راح هناك وكان مستنيها بفارغ الصبر لحد ما الجرس ضړب ودخلت اسيا ومعاها حمزة ووقتها فريد كشړ باستغراب لكنه معلقش

مجدي بفرحة اهلا ببنت الغالي تعالي يا اسيا تعالي يا حبيبتي

اسيا ببرود خير يا عمي حضرتك طلبتني وانا عشان صلة الرحم والعيش والملح اللي بينا جيت

مجدي بأسف انا يا بنتي طلبتك انهاردة وقدام العيلة كلها عشان اعتذرلك بشكل شخصي علي اللي حصل اتمني تسامحينا وترجعي تاني وسطنا

اسيا بهدوء متشكرة يا عمي بس انا للاسف مش هينفع ارجع تاني وسطكم لاني مش هقدر طول الوقت اتعامل عادي وانا من جوايا شايلة وده لاني اللي حصلي مش هين وكمان عشان خلاص اتخطبت وهتجوز حمزة

فريد پغضب اعمي ايييييه ……..

فريد پغضب حمزة مين ده ان شاء الله 

اسيا ببرود حمزة ده ابن عمي منير هو طلب ايدي وانا وافقت

حمزة بصوت واطي منك لله يا اسيا فريد هيقتلني

ملحقش حمزة يكمل كلامه لما قرب فريد پغضب من اسيا وسحبها وراه لحد اوضته وقفل الباب عليهم تحت صړيخ اسيا اللي مكنش مهتم بيه فريد

اسيا پغضب افتح الباب ده وخرجني انت اټجننت 

فريد پغضب ايوة يا اسيا اټجننت ومش هتكوني لحد غيري انتي فاهمة

اسيا بحدة انت بتحلم انا خلاص قولتلك اني نسيتك ومش هرجعلك انا هتجوز حمزة

فريد فجأة شد اسيا اوي فبص في عيونها وقالها بهمس لو جبتي اسمه تاني علي لسانك يا اسيا هطلع اقتله وانتي عارفة اني اعمل كدة اسيا ارجوكي سامحيني وارجعيلي انا كنت هتجنن من غيرك مش متخيلة السنة دي عدت عليا ازاي كل يوم كنت بسأل نفسي ايه اللي قصرت فيه عشان تعملي كدة قلبي كان بيقولي انك لا يمكن بس عقلي كان بيجيب ليا دايما صورة الشات اللي علي تليفونك والكلام اللي بينكم فكانت الڼار بتقيد فيا حطي نفسك مكاني يا اسيا

وانتي تعرفي

اسيا بدموع لا يا فريد مش هحط نفسي مكانك لاني لو عملت كدة

صدقني مكنتش هصدق الشات واصدقك لاني كنت واثقة فيك لكن

انت انت صدقت ده

عني وانا مش مسامحاك

فريد بلهفة وهو بيسمح دموعها بايديه حقك علي قلبي يا اسيا ارجوكي خلاص بقي ننسي اللي فات ونبدأ من جديد

اسيا پغضب ننسي ولو

انت اللي مكاني كنت هتنسي لا

يا فريد مش هنسي

اسيا زقت فريد بعيد عنها پغضب وبعدين بصتله بقوة وهي بتمسح دموعها

اسيا بقوة افتح الباب ده حالا والا هصرخ والم عليك الدنيا

فتح فريد الباب بيأس فخرجت اسيا پغضب تحت نظرات الكل

مجدي بحنية ها يا اسيا خلاص يا بنتي اتصافيتو 

اسيا بسخرية هو خلاص يا عمي فعلا بس خلاص نهينا كل حاجة يلا يا حمزة

مجدي بأسف طب

وخطيبتك يا حمزة انت سيبتها 

حمزة بكدب وهو بيبص لاسيا اايوة يا عمي لاني اكتشفت اني بحب اسيا وهتجوزها

فريد قبض علي ايديه پغضب وهو بيبص لحمزة اللي اتوتر ومشي بسرعة ورا اسيا

بعد اسبوع كانت قاعدة اسيا في الكافيه مع حمزة وهي باين عليها الحزن

اسيا بحزن انا بجد متشكرة اوي يا حمزة علي كل اللي عملته معايا وخصوصا ريهام خطيبتك القمر اللي وافقت انك تساعدني

حمزة بجدية بس ده مش معناه اننا موافقينك علي اللي انتي بتعمليه يا اسيا انتي لسة بتحبي فريد يبقي ليه تعملي كل ده

↚

اسيا بتهرب بحبه لا طبعا انا لو بحبه كنت وافقت ارجعله من اول او تاني او عاشر مرة يترجاني ارجع

حمزة بقصد لا بتحبيه يا اسيا وباين عليكي دلوقتي وانتي متوترة وبدليل انك لسة بتفكري تضايقيه وټنتقمي منه وده اكبر دليل انك لسة بتحبيه

اسيا بهدوء لو سمحت يا حمزة ياريت نبطل نتكلم عنه وغير الموضوع بقي والا هقوم امشي

حمزة بخبث لا واضح ان انهارده مش بس هنتكلم عنه ده احنا هنشوفه كمان البيه لسة داخل الكافيه اهو لا ومعاه مزة جامدة اوي

بصت اسيا بسرعة وشافت فعلا فريد داخل ومعاه بنت حلوة اوي وبيتكلمو سوا ووقتها حست بڼار في قلبها فقامت وهي بتشاور لحمزة

اسيا بهدوء قوم يا حمزة يلا انا عاوزة امشي

حمزة بخبث ليه ما كنا قاعدين والقاعدة حلوة

اسيا بانفعال هتمشي ولا امشي انا لوحدي 

حمزة قام بسرعة بس وهو بيقوم تعمد يوقع الشوكة عالارض فانتبه فريد وبص ناحيتهم واتفاجئ بيهم فقبض علي ايديه پغضب وقام راحلهم

حمزة بابتسامة اهلا يا فريد ازيك عامل ايه ومين القمر دي 

فريد بص لحمزة پغضب لانه افتكر ان هو بيسأله عن البنت عشان يوحش شكله قدام اسيا وعشان كدة رد بسرعه وهو بيبصلها

فريد بسرعة دي كارما وتبقي خطيبة فادي صاحبي وكانت عاوزاني في موضوع يخصها هي وهو عشان يعني عارفة اني قريب منه و

اسيا ببرود عكس اللي جواها واحنا ميخصناش يلا يا حمزة هنتأخر علي حجز القاعة

فريد پغضب قاعة ايه 

اسيا ببرود قاعة الخطوبة اصل

خلاص خطوبتنا قربت اوي وهنبقي نعزمك

حمزة پصدمة انا بدبس منك لله يا فريد

اسيا بهزار اخس عليك يا حموزي يلا بينا بقي هنتأخر

مشيت اسيا تحت نظرات فريد اللي كان في قمة غضبه وكان قابض علي ايديه پغضب وهو متابعهم بعنيه

واخرتها يا اسيا 

قالت كدة نيرة بقلة حيلة وهي بتقعد جمب اسيا اللي سرحانة وفي دنيا تاني

اسيا بحيرة مش عارفة حقيقي مش عارفة انا كنت فاكرة لما اجننه واخليه يتعذب بسببي هرتاح بس الحقيقة اني مش عارفة اذا كنت

كدة بنتقم منه ولا من نفسي

نيرة بجدية قولتلك يا اسيا انك لسة بتحبي فريد خلاص سامحيه بقي وعيشي حياتك من جديد

واهو ربنا انتقملك من امه وعمي طلقها واهي مشيت من البيت خالص وفريد

وحس بغلطه رغم ان اي

راجل مكانه كان هيعمل كدة

يبقي ليه تكابري بس

اسيا بحزن ودموعها بتنزل مش قادرة اسامحه يا نيرة حاسة اني لو رجعتله مش هنسي اللي حصل ومش هيبقي في بينا غير الخناق والشك

نيرة باصرار مين

قالك كدة يا عبيطة بس بالعكس ده فريد ما هيصدق انك سامحتيه وهيعيش عمره كله يعوضك عن اللي حصل انتي اللي حاسباها غلط

اسيا بتفكير تفتكري 

نيرة بحب وثقة طبعا يا حبيبتي ده انا متأكدة كمان هو بس يحس انك رضيتي عنه وشوفي هيعمل ايه وبعدين خلاص بقي متشوقيش فيها احسن الواد يمل ويزهق ويبطل يري وراكي ويقول اروح اشوف عروسة غيرها وخلاص بقي

اسيا پصدمة يا لهوي ده يبقي معندوش ډم تفتكري فريد يعمل كدة يا نيرة 

نيرة بضحك قال مبحبوش قال ده انتي مېتة في دباديبو كمان

اسيا باحراج بس يا بت انتي انا ولا بحبه ولا نيلة ماشي

نيرة وهي بتغمز بعنيها هعمل نفسي مصدقاك يا جميل انت

كان رايح فريد يفتح الباب بعد ما الجرس ضړب بس كان باين عليه الڠضب لانه كل شوية يفتكر موقف المطعم واول ما فتح الباب ملامحه اتشجنت اكتر وعنيه احمرت من الڠضب اول ما شاف حمزة قدامه وحمزة وقتها بلع ريقه پخوف اول ما شاف فريد متعصب كدة وكان لسة

هيتكلم بس فريد قاطعه ببونية جامدة في وشه خلاه وقع عالارض

حمزة بۏجع يخربيتك افهم الاول وبعدين مد ايدك

فريد پغضب وهو بيقومه من الارض وكمان ليك عين تيجي لحد هنا يا حيوان انا هوريك

حمزة بسرعة متبقاش مچنون واسمع انا عاوز مصلحتك وهساعدك ترجع لاسيا

فريد باستفهام هتساعدني ارجعها ده ازاي بقي وانت عاملي فيها تامر حسني ورايح جاي معاها في كل حتة 

حمزة بضيق ماهو لو نفهم الاول قبل ما نمد ايدينا مش هيبقي في خساير منك لله ورمت وشي

فريد باحراج طب اقعد وبعدين بعد اللي انت عملته كنت عاوزني اخدك فهمني بقي ايه موضوع انك تساعدني ده وازاي وانت من يومين قولت لبابا انك بتحبها وانك سيبت خطيبتك عشانها

حمزة بتررد رغم اني ممكن اخسر اسيا كصديقة واخت بس قلبي مطاوعنيش مجيش اقولك واتكلم معاك

فريد بنفاد صبر يا مسهل ما تنجز يا عم البارد انت جاي ليه دلوقتي وايه صديقة واخت دي فهمني 

حمزة پألم هقولك يا ابو ايد حديد بص يا سيدي اسيا وانا مش مرتبطين ولا نيلة دي لعبة هي لعبتها عليك عشان يعني تخليك ټندم اكتر وټوجعك زي ما انت وجعتها

↚

فريد پصدمة يعني اسيا طول الوقت ده كانت بتلعب بيا كانت مفهماني انك بتحبها وانها هتتجوزك عشان تغيظني وتضايقني 

حمزة بتوتر حقها يا فريد اللي انت عملته فيها مش شوية ومتنكرش انك جرحتها جامد برضه لما صدقت امك وكدبتها رغم انك عارف انها مبتحبش مراتك ومع ذلك طاوعتهم في كدبتهم وطلقت اسيا بمنتهي القسۏة

فريد بندم وندمت يا حمزة عارف اني اتسرعت بس كان ۏجعي منها علي قد حبي ليها وعشان كدة مكنتش شايف قدامي ليا ليه اسيا مش قادرة تفهم ده

حمزة بهدوء هتفهم لما تحس انك فعلا ندمان وتوصلها انك مهما حصل لا يمكن هتفكر تشك فيها تاني

او تصدق عنها اي حاجة من دي المهم انا قولتلك اني جاي اساعدك وهساعدك ترجعها يا فريد

فريد بابتسامة بجد يا حمزة انا مش عارف اشكرك ازاي انا

بجد ممنون اوي لكل اللي بتعمله

بس من جوايا حزين لاني اتأكدت ان اسيا بقت پتكرهني

لدرجة انها بتفكر ازاي تكسرني

حمزة بثقة بالعكس تصرفات اسيا بتثبت انها لسة بتحبك

واوي كمان وان هو ده السبب اللي ببخليها تعمل كل ده لانها من جواها عارفة ومتأكدة انها لسة بتحبك رغم كل اللي حصل

فريد ابتسم بتلقائية اول

ما فهم كلام حمزة وقام

و فجأة فزقه حمزة بضيق وهو بيقوله يا نحلة لا تقرصيني ولا عايزة عسل منك خليك في حالك واول ما ترجع لاسيا مش عايز اعرفكم انتو الاتنين فاهم 

فريد بلهفة طب قولي هنعمل ايه 

حمزة بغرور هقولك بس تنفذ بالحرف

كانت رايحة اسيا بيت عمها بعد ما اقنعتها نيرة بكلامها وقررت انها تنسي كل حاجة وترجع زي الاول وكانت من جواها متأكدة ان فريد هيطير من الفرحة وفعلا راحت بيت عمها هي وحمزة بعد ما كلمتو وخليتو يجي معاها وكان الكل فرحان بيها وانها وافقت تسامحهم علي سوء ظنهم بيها بس طول الوقت كانت اسيا عنيها رايحة وجاية بتدور علي فريد اللي كانت متوقعة انها هتيجي تلاقيه وفعلا وقتها شافته داخل من باب الشقة ومعاه نفس البنت بتاعة الكافيه فكشرت اسيا پغضب

مجدي باستغراب ايه ده يا فريد مين دي يابني

فريد بقصد دي كارما يا بابا انا جبتها عشان تتعرف عليكم اصلي هخطبها وده الوقت المناسب بقي

اسيا اټصدمت وبصت لحمزة باستفهام بس حمزة بصلها بتوتر وبص بعيد بهروب

حمزة بتردد مبروك يا فريد مش دي نفس البنت اللي شوفناك معاها في الكافيه واضح انها مكنتش علاقة صداقة بقي

فريد بقصد وهو بيقرب منهم اه يا حمزة انا حتي بفكر تبقي خطوبتي معاكم اهو تبقي الفرحة فرحتين

اسيا بصوت مخڼوق الف مبروك فعلا لايقين علي بعض

فريد بغموض الله يبارك فيكي عقبالكم

خلص فريد كلامه وقعد هو و كارما عالسفرة معاهم تحت نظرات اسيا اللي قبلها ۏجعها ومش متخيلة انه بجد خلاص اتخطاها وجه في بالها كلام نيرة لما قالتلها تلحقه قبل ما يزهق ويمل منها ويشوف واحدة تانية

فريد بغموض انتي مش بتاكلي ليه يا

كارما تحبي اجبلك دليفري 

مجدي بتوتر خف شوية يا فريد عيب كدة احنا قاعدين يابني في ايه 

فريد بخبث معلش يا بابا اصلي مش بحس بتصرفاتي وهي معايا بنسي الدنيا

اسيا وهي بتقوم انا شبعت بعد اذنكم

ابتسم فريد وهو متابع اسيا واتأكد من غيرتها الواضحة اللي حافظها و انها لسة بتحبه فاتنهد براحة

تاني يوم كانت رايحة جاية اسيا پغضب ودموعها علي خدها بعد اللي حصل من فريد امبارح وكانت طول الليل بتسأل نفسها ليه فريد عمل كدة وازاي بسرعة كدة قدر يزهق ويمل منها فضلت كدة لحد ما دخلت نيرة عليها

نيرة بخبث مالك بس يا اسيا ما انا قولتلك من الاول اديكي فضلتي تسوقي فيها لما الواد زهق

اسيا باڼهيار زهق المفروض بعد اللي عمله يقعد عمره كله ندمان عليا مش يشوف حياته ويخطب وينساني

نيرة بخبث لا لسة عارفة من عمي دلوقتي بقي انه خلاص هيتجوز انهاردة علطول

اسيا ببهتان هيتجوز 

نيرة بقصد ايوة انا معرفش مستعجل علي ايه لو الاقي اجابة بس

اسيا پغضب عندك حق وانا هعرف الاجابة دي

قالت اسيا كلامها وهي بتروح ناحية دولابها عشان تغير

هدومها وتخرج وكانت متابعاها نيرة بفرحة وحماس

كان واقف فريد قدام المراية بيظبط جرافتته وهو مبتسم لحد ما الجرس ضړب فخرج وراح فتح واول ما شاف اسيا ابتسم رغم انها كانت بتبصله بحزن الدنيا كله 

فريد بلهفة مكنتش متخيل انك هتيجي وبالسرعة دي

اسيا پغضب ودموع يعني كنت عارف اني جاية طب عارف جاية ليه 

فريد بتنهيدة عارف يا اسيا

اسيا بحزن طب جاوبني ازاي انا عملت معاك ايه يخليك بالسهولة دي

تنساني وتكمل حياتك وكأنك مدمرتليش حياتي ازاي هتتجوز وانت عارف انك السبب في ان حياتي تقف

فريد وهو بيقرب من اسيا انا عارف اني عملت كل ده فيكي يا اسيا

وصدقيني ندمان اوي ونفسي اعوضك عن كل اللي شوفتيه بسببي

اسيا بحيرة تعوضني بايه بجوازك من غيري وانك تنساني 

فريد بابتسامة انا عمري ما اقدر انساكي يا  اسيا انا اصلا عملت كل ده عشان تسامحيني

اسيا باستفهام اانا مش فاهمة انت تقصد ايه وايه اللي انت عملته

فريد بابتسامة جذابة عملت زي اللي انتي عملتيه يعني اتفقت مع صاحبي يسلفني خطيبته بنية اني ارجع مراتي زي اما انتي اتفقتي عليا مع حمزة اهو مبقاش في حد احسن من حد

اسيا پصدمة هو اللي قالك صح ماشي يا حمزة

حمزة من وراها ما خلاص بقي يا اسيا ميبقاش قلبك اسود الراجل طلع بېموت فيكي

فريد بعشق وهو مركز في عيون اسيا وزود عليهم يا حمزة اني ندمان وحقيقي لو رجع بيا الزمن كنت غيرت حجات كتير واني هعيش عمري كله اعوضها عن كل اللي شافته بس هي تصفالي وتسامحني

اسيا ابتسمت بتلقائية خلاص يا حمزة افكر 

فريد بهيام لا بقولك ايه يا حمزة قولها ان المأذون في الطريق ومفيش وقت للتفكير

اسيا بخبث امممم خلاص يا حمزة بس بلغه اني ليا شروط ولازم يوافق عليها

فريد بتقييم خير يارب قولي شروطك يا ست البنات وربنا يستر

اسيا بتنهيدة نبعد انا عاوزة ابعد عن هنا حاسة ان كل مكان هنا بيفكرني باللي حصل وده هيخليني طول الوقت متحفزة وخاېفة

فريد بحب حبيبتي انا موافق من غير ما تتعبي نفسك انتي بس اؤمري بس انا ليا رأي انتي في اي مكان مش هتنسي يا اسيا لكن لما تواجهي وتثبتي لنفسك ان اللي حصل كان مجرد كابوس وفوقتي منه وقتها هتقدري تكملي وهنعرف نعيش بصورة طبيعية ومع ذلك انا هعملك اللي انتي عاوزاه

بصت اسيا لحمزة اللي حرك راسه ليها بتأييد فاتنهدت هي براحة وتشجيع وبصت لفريد

اسيا بهدوء موافقة

فريد بفرحة وهو ليه اوعدك اني اعيش اللي باقي من عمري عشان اعوضك بس عن كل اللي حصل واني افضل احبك لحد اخر نفس ليا

اسيا بسعادة وانا مصدقاك يا فريد وشايفة ده في عيونك عشان كدة قررت افتح صفحة جديدة معاك

تمت 

بقلمي اسراء ابراهيم

وفر وقتك… لو بتدور على رواية كاملة وممتعة… اضغط (هنا)