رواية خداع العشق عبر روايات الخلاصة بقلم نور رمضان
رحمة انهارت والدموع ماليه وشها، صوتها متقطع وهي بتصرخ:
ـ "ولما إنت مش قادر كدا يا عيسى... كملت ليه؟! أنا كنت بدأت أحبك..."
عيسى غمض عينه، صوته مكسور:
ـ "مش قادر يا رحمة... تعبت. كل يوم دكاترة وعلاج وعياط. أنا محتاج واحدة تستحملني، مش العكس..."
رحمة شهقت وهي بتمسح دموعها بإيد مرتعشة:
ـ "امشي يا عيسى... امشي ومتجيش تاني. أنا خلصت خلاص."
وقف ساكت لحظة، عينه بتلمع بالحزن:
ـ "رحمة... أنا آسف."
خطا خطوتين بعيد، وسابها واقفة لوحدها. في اللحظة دي حسّت رحمة بكسر نفس ما يتوصفش. وجع ست بيقولوا عليها "ناقصة"... كلمة باردة قاسية اسمها "عقم". حمدت ربنا جواها، لكن قلبها كان بينزف.
"عيسى... حب حياتي... كنا سوا في كل حاجة... مستحملش للآخر ونكر كل الحلو اللي بينا علشان حاجة مش بإيدي."
مشيت رحمة وهي مش شايفة قدامها، دموعها مغيمة عينيها.
دخلت البيت ،
صوت امها _
اتصدمت وشها اتغير:
ـ "رحمة!! مالك يا بنتي؟ يقلب أمك مالك في أي... ردي عليا."
رحمة انهارت في حضنها:
ـ "عيسى... سابني يا ماما. قولتلك من الأول... مش هيقدر يكمل."
سعاد شدّت بنتها في حضنها بقوة، وهي بتحاول تخبي دموعها:
ـ "اهدي يا قلب أمك... كل حاجة بتتصلح، وربك كبير."
رحمة كانت بترتعش من كتر البكا:
ـ "هو كان أملي يا ماما... كنت شايفاه سندي وضهري. فجأة لقيته بيبعد كأني تقيلة عليه..."
يتبع...
فصول رواية خداع العشق بقلم نور رمضان
اضغط على الفصل الذي تريد قراءته:
- رواية خداع العشق الفصل الأول
- رواية خداع العشق الفصل الثاني
- رواية خداع العشق الفصل الثالث
- رواية خداع العشق الفصل الرابع
جاري كتابة باقي فصول الرواية.. عاود زيارتنا..
