رواية ايلين في عالم مالك الفصل الثالث 3 بقلم حور
رواية ايلين في عالم مالك الفصل الثالث 3
البارت التالت
مالك بيفضل يكسر كل حاجه لحد ما بيقع من كتر التعب ومش بيحس بي بالوقت لحد ما بينام
عند ايلين بتوصل بيتها وبتدخل بتنادي علي امها كالعاده
يا هوبه يا هوبه بس مش بتلاقي اي رد فبتقلق عليها
بتدخل الاوضه بتاعت مامتها بتلقيها تعبانه ومش قادره تتحرك
فبتفضل جنبها وبتديها علاجها وبتعملها اكل
وبتنسي أنها كانت متفقه مع روح أنهم ينزلوا
ايلين : ااه صح شوفتي يا هوبه خلتيني انسي مشواري مع روح
الام : حقك عليه يبنتي والله مكنتش عاوزه اقلقك عليه
ايلين: متقوليش كد يا ست الكل انتي الخير والبركه
هسيبك بقي واروح اكلم البت روح
بتتصل ايلين بي روح
ايلين : اي يا روح عامله اي
روح : الحمد الله هوبه عامله اي طمنيني عليها
ايلين : روحت لقتها تعبانه ومش قادره تتحرك بس الحمد الله بقت احسن
روح : الف سلامه عليها
طب خلاص متنزليش وخليكي جنبها وانا هنزل المول اشتري شويه حاجات علشان فرح محمد اخويا قرب
ايلين : خلاص ماشي يقلبي
بتقفل ايلين مع روح وبتدخل اوضتها تقرأ روايه
بس كل تفكرها كان في مالك
نسبها بقي ونروح لي روح
عند روح بتنزل تروح المول وبتشتري حاجات كتير ومن غير ما تاخد بالها بتخبط في حد
روح : بدموع انا اسفه والله مكنتش اقصد انا اسفه
سليم: اهدي اهدي يا انسه محصلش حاجه لي ده كله
بيستغرب جدا سليم من رد فعلها علشان هو الي خبطها والمفروض أنه هو الي يعتذر
سليم : اهدي بقي وقوليلي اسمك اي
روح : اسمي روح
سليم بيفضل سرحان في جمالها الي مشفش زيه قبل كد
برغم أنه عرف بنات كتير بس هي فيها حاجه مميزه وبتشده
وبيفضل يقول في سره روح سليم وبيفضل يدندن بالاسم في سره لحد ما بيلاحظ أن روح بتكلمه
سليم : بتقولي حاجه يا انسه
روح : لاء خلاص وعمتا بعتذرك تاني وبتسيبه وبتمشي
سليم : بيفضل باصص لي طيفها لحد ما بتخرج من المول خالص
ولي اول مره سليم يروح بيته من غير ما يسهر مع صحابه
وبيفضل طول الليل يفكر في روح وليه عيطت اول ما خبطها
واي الي يخلي بنت زيها تكون بالضعف ده
بيفضل يفكر لحد ما بينام
وبيعدي اليوم علي ابطالنا
وتاني يوم بتصحي ايلين وبترن علي روح
ايلين: عامله اي يبت انتي قولتي انك عوزاني في موضوع ومعرفتش اكلمك امبارح علشان فضلت جنب امي خير في أي بقي
روح : ايلين انا عاوزه انزل اشتغل علشان اخلص من زنهم
ايلين: حظك حلو علشان منزلين أنهم عاوزين سكرتيره جديده لي مستر سليم وده حته سكره تعالي اشتغلي معاه
ونكون مع بعض في نفس الشركه
روح : انا خايفه يا ايلين
ايلين: يبنتي انسي بقي ومتخافيش انا هكون معاكي
روح : خلاص ماشي هروح بكره
ايلين : بكره اي انتي تيجي معايا النهارده
وفعلا بيتفقوا أنهم يتقابلوا في الشركه
وبتلبس روح طقم كلاسيك عباره عن بنطلون ابيض وشميز باللون الاحمر وهيلز وبتسيب شعرها علي ضهرها
فكان شكلها يخطف قلب اي حد يشوفها
بتخرج من اوضتها وبتدخل تطمن علي مامتها
هوبه حبيبتي عامله اي النهارده
الام : الحمد الله يا حبيبتي بقيت احسن
انتي رايحه الشغل
ايلين : اه يا ماما عاوزه حاجه اجبهالك وانا جايه
الام : لاء عاوزه سلامتك
ااه صح بقولك اي اخوكي هيكلمنا النهارده كول فلازم تكوني موجوده علشان عاوزنا في حاجه مهمه
ايلين : ماشي يا هوبه يلا سلام
بتنزل تركب عربيتها
بتروح الشركه بتلاقي روح واقفه مستنيها
روح : كل ده يا بنتي بقالي ساعه واقفه
ايلين: معلش يقلبي يلا ندخل بدال ما نتأخر
بس بقولك اي
اي الشياكه دي كلها اوعي يبت يكون في بالك توقعي مستر سليم في حبك
روح : يست اسكتي يعني انا كنت شوفته قبل كد
بيفضلوا يضحكوا لحد ما بيدخلوا الشركه
بتدخل ايلين تسأل علي سليم علشان تقوله علي روح
بس بتدخل تلاقي مالك بس
ايلين: احم مستر مالك متعرفش مستر سليم فين
مالك : خير في حاجه
ايلين : لاء بس صحبتي جت علشان تقدم علي الانترفيو فكنت عاوزه أقوله الاول
مالك : تمم بس سليم لسه مجاش
وهو انتي يا استاذه فكرها شركه ابوكي علشان تجيبي اي حد يشتغل
ايلين بتتعصب وبتقوله علفكرا روح ممتازه جدا وانتوا الي منزلين اعلان عن الانترفيو ولسه هتكمل
بيقطعها مالك خلاص يا بنتي والله كنت بهزر معاكي اي كل ده
وبيضحك مالك ضحكه رجوليه بتخطف قلب ايلين وبتسرح فيه
مالك : اي هتفضلي سرحانه فيه كتير
بتتكسف ايلين جدا وبتقوله هو انت بتشوف
مالك : قولتلك كذا مره لاء بس طبيعي انا اي واحده بتشوفني بتسرح فيه فده شئ طبيعي
ايلين : ده اي الغرور ده
بس عمتا انا مسرحتش فيك انا كنت ماسكه الموبيل
وبعد اذنك بقي وبتسيبه وبتخرج
بيضحك مالك وبيقول مجنونه وبيكمل شغله
عند روح بتزهق من الانتظار فبتقوم تسأل الموظفه علي سليم
فبتقولها اهو لسه داخل بتلف علشان تشوفه فبتلاقيه الشخص الي خبطت فيه فبتحاول تستخبي فبيشوفها سليم
وبيروح ليها
سليم : انسه روح عامله اي
روح : الحمد الله حضرتك عامل اي
سليم : الحمد الله بتعملي اي هنا
روح : كنت جايه علشان الانترفيو
سليم : طب كويس حظك حلو هتبقي السكرتيره بتاعتي
روح : اي ده انا كد اتعينت خلاص
سليم : فيكي تقولي اه
روح بتفرح جدا ومن كتر الفرحه بتحضنه من غير ما تحس
سليم بيفضل متنح من الصدمه
وروح بتفوق ولسه هتعيط بيسكتها سليم
سليم : خلاص يا بنتي مفيش حاجه مستهله انتي زي اختي
* هل هتفضل أخته ولا القدر ليه رأي تاني !!!
يلا نكمل
سليم : تعالي بقي نطلع المكتب علشان اشوف السي ڤي بتاعك علشان الشغل شغل بردو وبيضحك
روح : بتضحك ودي كانت اول مره يشوف ضحكتها وبيسرح فيها
فبتتكسف روح
فبيقولها سليم يلاا وبيروحوا لي الاسانسير
بس روح بتبعت مسدج لي ايلين بتعرفها أنها هتروح مع سليم علشان الانترفيو فبتشوف ايلين المسدج وبتطمن عليها وبتروح تكمل شغلها
في الاسانسير مره واحده بيعطل والنور بيطفي
وروح بتخاف وبتعيط
بيفضل سليم يهديها بس مش بتهدي فبيخدها في حضنه علشان تطمن شويه
وفعلا روح بتهدي بس العطل بيطول فروح بتنام من غير ما تحس
بيبص عليها سليم وبيسرح في جمالها ومره واحده الاسانسير بيتفتح والناس بتبدا تبص لي بعض بسبب منظر سليم وروح بس بيزعق فيهم سليم وبيشيل روح وبيسبهم ويدخل مكتبه
بيدخل يحط روح علي الكنبه وبيقرب منها جدا
فبتصحي روح وبتتصدم من قربهم وبتخاف منه جدا
فبيستغرب سليم جدا
سليم : اهدي يا انسه محصلش حاجه
روح : ابعد عني متلمسنيش وبتفضل تصرخ وتعيط
بيقلق عليها سليم
وبيحاول يهديها
لحد ما بتدخل ايلين عليهم
ايلين: في أي يا مستر سليم اي الي حصل
سليم : انتي اي الي دخلك هنا
ايلين : اسفه يا مستر سليم بس انا سمعت صويت روح فجيت اشوفها
سليم : انتي تعرفيها
ايلين : اه دي روح صحبتي
سليم : بيقولها شوفيها وبيروح يقعد علي مكتبه وبيفضل يبص عليها من بعيد ومضايق أنها خافت منه
ايلين : روح حبيبتي اهدي مفيش حاجه حصلت اهدي
روح : ايلين انا خايفه قولتلك بلاش انزل الي زي مينفعش ينزل وبتعيط
وكل ده كان بيتابعها سليم وسمع كلامهم بس مش فاهم
بتهدي روح وبتروح لي سليم
روح : احم مستر سليم انا اسفه علي الي حصل
سليم : حصل خير مفيش مشكله ومن بكره تيجي تبدأي شغلك
روح : لاء خلاص انا اسفه مش هينفع اجي تاني كفايه الي حصل بسببي
بيقطعها سليم وبيقولها انا قولت هتيجي بكره وده قرار نهائي ويلا اطلعي بره علشان اكمل شغلي
بتخرج روح مع ايلين
روح : شوفتي متكبر ازاي
ايلين : معلش ويست افرحي هتشتغلي معايا في نفس الشركه
ايلين بتوصل روح لي باب الشركه وبتدخل تكمل شغلها
وبيتصل عليها مالك علشان تدخله
بتدخل مكتب مالك
ايلين : مستر مالك حضرتك طلبتني
مالك : اه تعالي خلصي الورق ده واقرأي اي الي مكتوب في الأوراق علشان اعرف الحاجات الي فيهم
وبتبدأ تقرأ وبيفضلوا يشتغلوا لحد وقت متأخر
بيخلصوا شغلهم وكل واحد من ابطالنا بيروح بيته
عند ايلين هوبه انا جيت
الام : واخيرا يختي حنيتي علينا وجيتي البيت كل ده في الشغل ليه بتعملي اي كل ده
وكمان اخوكي كلمني وسأل عليكي وادايق انك كل ده بره البيت
ايلين : حقك عليه يست الكل بس كنت بعمل شغل لي مستر مالك
الام : ماشي يختي يلاا روحي نامي
ايلين : خلاص متزعليش يست الكل
الاخ : خلاص مش زعلانه بس متتاخريش تاني
ايلين : حاضر يلا بقي هروح انام علشان مش قادره
وبيفضل الحال كد لي مده اسبوع
وجه اليوم المنتظر مالك هيعمل العمليه ومن غير ما يعرف حد
بيروح سليم الشركه زي ما أمره مالك أنه يروح بداله اليومين دول
وبيفضل سليم يشتغل بدال مالك وبتبقي معاه روح وايلين
وطول الوقت بيهزروا مع بعض وقربوا من بعض جدا
وبقوا هما التلاته صحاب
عند مالك العمليه بتنجح وبيرجع يشوف من تاني
الدكتور محمد : الف مبروك يا استاذ مالك مش قولتلك هترجع تشوف تاني
مالك : بدموع ولي اول مره تظهر من ساعت الحادثه بجد مش عارف اشكرك ازاي يا دكتور
وبيخرج مالك من المستشفي
وبيروح الشركه اول ما بيدخل بيشوف واحده بتخطف قلبه اول ما عينه جت عليها
بيروح عليها
ايلين: مستر مالك حضرتك عامل اي
الشركه وحشه من غيرك والله
مالك بيعرفها من صوتها
وبيفضل باصص عليها
وهي بتستغرب نظراته ليها
ووو
يلا نكمل الفصل الجاي
تتوقعوا اي الي حصل مع روح خلها تبقي كد ؟!
تتوقعوا مالك هيعرف ايلين أنه رجع يشوف ؟!
يلاا توقعواا لحد ما اشوفكوا الفصل الجاي
ومتنسوش التفاعل يشباااااب😂♥️
' جبتلكوا بارت طويل اهو اي خدمه 😂
الكاتبه:حور
يتبع
رواية ايلين في عالم مالك الفصل الرابع 4
لقراءة باقي فصول الرواية اضغط هنا ( رواية ايلين في عالم مالك )
