رواية ايلين الفصل الثالث 3 بقلم مريم عبد الله
رواية ايلين الفصل الثالث 3
قمت من على المقعد وأنا راجعة البيت، لقيت نفس العربية الفخمه اللي شفتها ف الشركة واقفة قدامي، وقبل ما ألحق أستوعب شفت ايسل وحيدر نازلين منها. أول ما عيني وقعت عليهم قلبي اتقبض، فمشيت بسرعة لكن ايسل جريت ورايا ومسكت إيدي بقوة.
قالتلي:
– استني يا إيلين.
وقتها لقيت حيدر بيقرب وبيقول بنبرة واضحة فيها عتاب:
– ليه مش بتردي على تليفونك؟
اتلخبطت ومردتش، بس ايسل قالت بصوت هادي:
– برريلنا يا إيلين.
بصيتلها بعصبية مخنوقة وقلت:
– ايسل، أنا مش جايه الشركة عشان أبرر. ولما حاولت أتكلم وأبرر قدامكم، إنتوا اللي سكتتوني.
حيدر تنهد وقال:
– كنت متعصب ومش قادر أركز.
مردتش، فضلت ساكتة، لحد ما ايسل قالتلي برجاء:
– طب تعالي بكرة ونشوف الموضوع كله ونتفاهم.
طلعت تنهيدة من جوايا وقلت:
– تمام.
كنت ماشية لكن هما كانو حابيبن يوصلوني، وأنا كالعادة رفضت ورجعت لوحدي.
اليوم اللي بعده رحت الشركة بدري جدًا وكنت قاصده، وكنت ناوية أسيب المكان قبل ما أشوفهم. كتبت ورقة استقالتي وحطيتها على مكتب المدير ومشيت بسرعة. تليفوني ما بطلش يرن من أيسل، لكن أنا على طول عملت وضع الطيران.
بعد نص ساعة لقيت باب البيت بيخبط. فتحت ماما الباب، ولقيت ايسل وحيدر واقفين. اتفاجئت جدًا، ودخلوا الصالون.
حيدر بدأ الكلام وهو بيبصلي:
– ممكن أفهم إيه سبب الاستقالة دي؟
اتنهدت وقلت ببرود:
– أنت عارف كويس السبب.
أيسل قعدت جنبي وقالت بنبرة صادقة:
– إيلي، احنا جايين نعتذرلك. واللي عمل فيكي كده… مش إحنا. اللي ورا كل ده كانت "ميرا".
اتسعت عيني من الصدمة وقلت:
– مين ميرا؟
حيدر قال:
– البنت اللي طول الوقت بتحاول توقعك… هي اللي فبركت الموضوع وخليتني أصدق حاجة مش موجودة. صدقيني ما كنتش متوقع توصل للدرجة دي. أنا غلطت لما حكمت عليكي بسرعة، وده حقي عليكي. بس أوعدك إن المرة الجاية هتلاقيني واقف في صفك.
كلامه لمسني جدًا رغم إني حاولت أخفي ده. ايسل فضلت تلحّ عليا إني أرجع الشركة، وبعد محاولات كتير وافقت.
أول ما دخلت تاني يوم، لقيت ميرا واقفة وعينيها كلها صدمة وهي بتقول:
– إنتي… رجعتي؟!
تجاهلتها تمامًا ومشيت على مكتبي. بعد شوية الميكروفون نادى من جديد إن المدير عايزني.
دخلت مكتبه وقلتله بنبرة فيها قوة:
– مش ملاحظ إنك بتناديني كتير الفترة الأخيرة؟
ابتسم بخفة وقال:
– معلش… بس المرة دي فعلاً كنت محتاجك ف....
قبل ما ألحق أرد، دخلت ميرا..
يتبع
رواية ايلين الفصل الرابع 4 من هنا
لقراءة باقي فصول الرواية اضغط هنا ( رواية ايلين )
