رواية وعود الحب الفصل الثاني 2 بقلم ملك ياسر
رواية وعود الحب بقلم ملك ياسر
اسفه جدا جدا على تأخير الروايه و زمنكم دلوقتي نسيتوا بس هنتظم من انهارده ان شاء الله و انزل بقيتها اتمنى ترجعوا تشجعوني من تاني بحبكووو✨
بارت 2💜
ايناس بدأت تفوق و لقت نفسها في شقتهم: مين جابني هنا و ايه اللي حصل انا مش فاهمه حاجه.
مامت ايناس و اسمها هدير: اهدي ي حببتي انتي بس اغم عليكي في المكتبه و في شاب جابك هنا و مشى.
ايناس بدات تفتكر اللي حصل و اللي اسلام قاله ليها و علامات الصدمه بدأت تظهر على وشها تاني و قالت: معلشي ي ماما ممكن تسيبيني لوحدي شويه.
هدير: طبعا ي حببتي خدي راحت... و طلعت و قفلت باب الغرفه وراها.
ايناس قاعده بتكلم نفسها و بتقول بصدمه: طب ازاي انا مش فاهمه حاجه ده مات من 3 سنين و ازاي ملامحه اتغيرت كده لا لا لا ده اكيد بيكدب عليا و عايز يخدعني بس ده على اسمه فعلا هو اسلام و ده اسلام يووووه انا دماغي هتنفجر من كتر التفكير لازم اعرف الموضوع ده بكره ان شاء الله لازم اعرف كل حاجه.... و قامت تاخد شاور و غيرت هدومها و صلت و نامت...
تاني يوم الصبح....
ايناس: صباحووو ي ست الكل عامله ايه ي دودو.
هدير بإبتسامه: صباح الفل ي حببتي انا الحمدلله بخير انتي اخبارك ايه دلوقتي طمنيني عليكي و ايه حصلك امبارح انا مرضتش اسألك و قولت ترتاحي و بعدين نتكلم.
ايناس بإبتسامه حلوه: انا بخير الحمدلله متقلقيش عليا اغم عليا بس عشان مكنتش كلت كويس بس ههتم بصحتي متقلقيش يلا عن اذنك رايحه الجامعه.
هدير: ربنا معاكي و يوفقك ي بنتي.
وصلت ايناس الجامعه و سلمت على صاحبتها اللي متعرفه عليها بقالها 3 سنين من ساعه ما دخلت الجامعه.
صديقه ايناس: وحشتيني خالص ي يويو كنتي فين يبنتي امبارح.
ايناس: اسكتي ي مريم ده انا مش عارفه اتلم على اعصابي من امبارح حصلت حاجه انا مش قادره اصدقها ولا استوعبها لحد دلوقتي.
مريم بإستغراب: في ايه يبنتي قلقتيني حصل ايه.
ايناس حكتلها على اللي حصل و مريم كانت مصدومه و مش مصدقه حاجه.
مريم: لا لا لا انتي متسكتيش على الموضوع ده نهائي روحي المكتبه انهارده و اعرفي منو كل حاجه اكيد هتلاقيه هناك.
ايناس: منا هعمل كده يلا نروح نحضر المحاضره دي و بعدين ناكل عشان جعانه.
دخلوا و حضروا المحاضره و خلصوا و راحوا ياكلوا و كل واحده روحت بيتها بس ايناس راحت المكتبه....
ايناس كانت واقفه و عماله بتدور عليه بعيونها... و فجأه
: في حاجه ي أنسه بتدوري على حد.
ايناس بخضه: أ.. أه كنت بدور على استاذ اسلام ممكن اعرف هو فين؟
: استاذ اسلام مجاش انهارده.
ايناس بضيق: طيب شكرا... و مشت
ايناس: لا ما هو انا مش هسيبك لازم الاقيك ما انت مش هتطلعلي كده فجأه و تقولي انك ابن خالتي اللي مات من 3 سنين اصلا و الملامح مش هي هي ده احنا دفناااك يبني... و حطت ايديها على راسها و حست انها هتنفجر من كتر التفكير..... روحت البيت و دخلت اوضتها تراجع دروسها و لقت ورقه بخط ايد في كتاب مكتوب فيها (بحبك) و قعدت تبص للورقه جامد و تعيط على احلامها اللي انتهت قبل ما تبدأ من و هي في تالته ثانوي.... فاقت من شرودها على مامتها و هي داخلها...
هدير بخوف: مالك يبنتي بتعيطي ليه انتي كويسه؟
ايناس و هي بتمسح دموعها: اه اه كويسه ي ماما ده بس في حاجه دخلت في عيني حضرتك كنتي محتاجه حاجه؟
هدير بإبتسامه: كنت جايبالك كوبايه عصير كده عشان تقويكي.
ايناس باست ايد مامتها و قالت: تسلم ايدك ي ماما ربنا يديمك ليا تعالي اقعدي.
هدير قعدت و قالت: خير ي حببتي في حاجه؟
ايناس بتوتر: هو.. هو اسلام مات صح.
هدير بحزن: لسه الموضوع مقصر عليكي ي ايناس.. اه ي حببتي مات الله يرحمه كان اطيب قلب في الدنيا دي كلها ده كفايه ضحكته و هزاره.
ايناس بتوتر: معلشي ي ماما ما انتي عارفه انه كان معايا دايما و كان مكان بابا الله يرحمه.
هدير بحزن: الله يرحمهم ي حببتي يلا نامي عشان عندك جامعه بكره تصبحي على خير ي بنتي.
ايناس بإبتسامه: و انتي من اهل الجنه ي دودو.
ايناس فضلت حاضنه الورقه لحد ما نامت...
فضلت ايناس كل يوم تروح المكتبه بأمل انها تشوفه تاني و تعرف منو اي تفاصيل و لكن مكنش بيجي ولا بيظهر ولا حتى العمال عارفين هو فين او مكان بيته فين.... عدا شهر و ايناس على الحال ده لحد ما في يوم...
ايناس قاعده على الشط بليل و ضامه رجلها ليها و قاعده حزينه و بتفتكر ذكريات من الماضي الجميل بتاعها و نزلت من عيونها دمعه.... فاقت من شردها على اللي كان بيمسحلها دموعها و قالها: لسه بتحبيه؟؟؟
يتبع…
رواية وعود الحب الفصل الثالث 3
لقراءة باقي فصول الرواية اضغط هنا ( رواية وعود الحب )
وعود الحب💔
بقلمي/ ملك ياسر الشرقاوي🌗
