رواية قمر تحت الأرض الفصل الأول 1بقلم أحمد حسن
رواية قمر تحت الأرض بقلم أحمد حسن
أنا (أشمودان ) من ملوك الجان وعشقتك لدرجة متتوصفش انا انطردت من قبيلتي بسبب عشقي ليكي
يعني بوضوح أكتر أختارتك رغم إن التمن كان غالي جدا ، بصي ياقمر أنا مستعد أعمل أي حاجة تتمنيها
أنتي بس تحلمي وأنا عليا أنفذ ، وياستي لو مش عاجبك شكل الشخص اللي أنا متجسد فيه ده !
أنا ممكن اظهرلك بأشكال كتير زي مثلا شوفي
كده أحمد عز ايه رأيك ؟
طب كريم عبد العزيز اممممم بيتهيقلي طويل عليكي شوية !!
طيب خدي المفاجئة دي إيه رأيك في توم كروز ؟!
أنا مستعد أحرق الدنيا عشانك اعمل كل المستحيلات اللي ممكن تتخيليها او متتخيلهاش المهم إنك ترضي عني ونعيش في سلام إيه رأيك ؟؟
قمر .. قلتلك لأ
أشمودان .. هعيشك في أحلى عيشة مفيش بشري يحلم بيها
قمر .. لأ
أشمودان .. أوعدك إني مش هضرك ومش هسببلك أي إزعاج هتكوني الملكة وأنا تحت رهن إشارة منك لأي حاجة تؤمريني بيها
قمر .. برضو لأ لأ لأ ، انت إزاي دخلت حياتي ! وليه دخلتها ! أنت بوظت علاقتي بكل الناس حتى أهلي بقوا شايفيني مجنونة !
أخرج من حياتي وأرجع من مطرح ما جيت أرجوك
أشمودان .. أنا معنديش حياة تانية أعيشها غير معاكي ،
أنا انطردت من قبيلتي ومبدأ الرجوع ليها اتقفل خلاص ، يعني انا خسرت كل حاجة قبيلتي ومكانتي وخالفت كل النصوص عشانك ، انا عايزك تعرفي حاجة ،انا اي نعم مش هأذيكي بس هحرق أي حد يفكر يقرب منك
أنتي ليا ومستحيل تكوني لغيري فهمتي ياقمر .
__________
مين هي قمر وحكايتها إيه
قمر .. فتاة جميلة ولدت بمركز الزيتون محافظة الشرقية عام 1997 ليس لديها أخوة يعني وحيدت أبوها وأمها حاصلة على معهد فني تجاري اما من ناحية الجمال فهي على قدر عالي من الجمال تمتاز بخفة دمها وفرفوشة بتحب الرقص والمهرجانات والسوشيال ميديا
الأب .. عم فهيم ناظر مدرسة راجل في حاله قليل الإختلاط بالناس معندوش غير صاحب واحد ويعتبر صديق عمره وهو الأسطى جميل
الأم .. الست تحية ودي بقا بتشتغل في مجال الخياطة عندها مكنة خياطة بتشتغل عليها في البيت رغم إعتراض عم فهيم وقمر على شغلها خصوصا عشان عينيها بس دي هوايتها ورثتها عن أمها
الموضوع بدأ مع قمر سنة 2017 وهي بعمر 20 عام
دائما كانت تقضي وقتا كثيرا إما امام التلفاز ومتابعة المسلسلات الهندية وغيرها وإما امام الهاتف تمر بين صفحات الأزياء والموضة وفي إحدى المرات نشبت مشادة بينها وبين أحد رواد صفحات الفيسبوك الساخرة ويدعى ( عمر ) وانتهت هذه المشادة بينهم بصداقة لم تطل كثيرا حتى تطورت وأصبحت علاقة عاطفية ،
عمر هو في الحقيقة مهندس ميكانيكا يعمل بميناء بورسعيد لديه من العمر 27 عام يسعى دائما أن يكون كيان خاص بنفسه لديه كاريزما خاصة في الكوميديا والموضوعات الساخرة وهذا دفعه الي إنشاء صفحة وإستعراض موهبته سواء بالسخرية من الفنانين أو من لاعبين الكرة
شخصية قمر وعمر متشابهة تقريبا خصوصا في طرق العناد يعني مثلا إذا حدث بينهم خلاف كلاهما يصعب عليه المبادرة بمصالحة الطرف الأخر لذلك كان من الممكن ان يصل الخلاف بينهم لشهر او أثنين حتى يرجع أحدهما بأمر الحب ،
ولكن خلافهما هذه المرة لم يعقبه خير بل على العكس تماما كانت بداية رحلة معاناة قمر تعالوا نشوف حصل إيه ،
_________
بعد مرور نصف ساعة من مكالمة الصلح
قمر .. أنت مجنون ! يعني إيه علاقة بالتليفون ؟!
عمر .. يابت اهدي مالك اتخضيتي كده !
قمر .. أنت فاهم أنت بتقول ايه !!؟ واضح إني غلطت يوم مافكرت اكلمك
عمر .. ليه لأ اهدي ياقمر وانا هشرحلك ..
قمر .. تشرح ايه وزفت إيه ! انت تقطع علاقتك بيا نهائي اياك تفكر تراسلني تاني !
عمر .. انا اسف ياقمر حقك عليا بس أنتي عارفة إني بحبك ومش عارف أعبرلك عن كمية الحب اللي جوايا ليكي
قمر .. واللي بيحب حد يعمل القرف اللي أنت بتقول عليه ده !!
عمر .. خلاص بقا حقك عليا مش هنقعد نتخانق طول الليل
قمر .. انا بدأت أخاف منك ياعمر !
عمر .. يالهوي دا كله عشان قولتلك ...
قمر .. متكررهاش تاني مش عايزة اسمع
عمر .. طب نغير الموضوع
قمر .. أنت فعلا في نيتك تيجي تخطبني ولا بتتسلى وخلاص؟!
عمر .. أيوة طبعا ياقمر هو انا بتاع تسلية برضو اخص عليكي بجد
قمر .. ياابني افهم انا كلام صاحبتي مسيطر علي دماغي إن مفيش حد بيتجوز عن طريق السوشيال ميديا وإنه كله بيقضي وقت وخايفة تكون واحد منهم ياعمر
عمر .. قلتلك ميت مرة سيبك من صاحبتك ،دي بتغير منك إكمنك أجمل منها وهي محدش معبرها
قمر .. لا ياعمر عيب متقولش كده على صاحبتي
عمر .. هي دي الحقيقة ياقمر البت دي غيرانة من علاقتنا وعايزة تفركشها بأي طريقة
قمر .. سيبك منها بقا هو أنت صحيح شايفني جميلة وأتحب ياعمر
عمر .. ياااااااه دا سؤال تسأليه ياقمر أنتي حتت بونبوناية كده على شيكولاتاية كده كلها رقة وإحساس ورومانسية
قمر .. بس ياخربيتك انا اتكسفت
عمر .. الا صحيح هو انتي فين دلوقتي ؟!
قمر .. في اوضتي هكون فين يعني ؟!!
عمر .. في حد جنبك ؟!
قمر .. لأ ليه ؟!!
عمر .. طب ممكن تاخديني جنبك
قمر .. اخدك فين وازاي!! خدك ربنا ياشيخ
عمر .. يابت تخيلي هو الخيال هندفع عليه فلوس
قمر .. اتخيل !!
عمر .. طب غمضي عينك كده
قمر .. اغمض ليه !؟
عمر .. يالهوي هو انا كل ما أقلك حاجة تقوليلي ليه ! انا كده بدأت أقلق
قمر .. تقلق من ايه!!
عمر .. يعني ، خايف يكون عندك برود عاطفي
قمر .. برود عاطفي ؟!! يالهوي انت بتتكلم بجد ؟!!
عمر .. مادمتي مش حاسة بحاجة خالص ، يبقا انت عندك برود ،متخافيش دا له علاج
قمر .. انا عندي برود !!
عمر .. بصي افتحي الكاميرا
قمر .. ها ، ليه ؟!
عمر .. برضو تاني هتقولي ليه ! امشي ورايا وانتي ساكتة ، مش انتي واثقة فيا برضو ؟
قمر .. ها ، ماشي !
عمر .. بسم الله ماشاء الله ايه القمر ده يابت
قمر .. بس متكسفنيش عشان والله هقفلها
عمر .. خلاص خلاص بس بجد كل مرة اشوفك فيها بحس إنها اول مرة واتفاجئ بجمالك كأني مشفتوش قبل كده
قمر .. يابني بس بقا يخربيتك
عمر ..اول مرة اشوف عيون سود بالجمال ده وانا اللي كنت فاكر ان العيون الملونة أجمل ، حتى شعرك الطويل الناعم وخدودك المحمرة وشفايفك ال ...
قمر .. بس بس بس انا مش قادر اتلم على نفسي انا هقفل
عمر .. وربنا لو قفلتي هتبقا دي اخر مكالمة بينا
قمر .. طب بس بقا انا مش قادرة افتح عينيا من الكسوف
عمر .. ايوة انا عايزك كده مغمضاهم عايزك تحسيني اكتر ما تسمعيني كأني قاعد جنبك
قمر .. تصدق انا حاسة فعلا إنك معايا في الأوضة
عمر .. حبيبتي ممكن اقرب شفايفي من ودنك واهمسلك ب......... ( بلاش نهتم بالتفاصيل الدقيقة اوي عشان السواد جاي تحت كمل بس 😅 )
بالفعل عمر قدر بفكره الشيطاني يوقع قمر في المحظور
طبعا قمر بعدها كانت بتدايق من نفسها أوي وحاسة إنها قرفانة من نفسها وكأن الموضوع حقيقي ، الغريب في الأمر إنها كانت دايما تاخد قرار إنها مش هتعمل كده تاني بس للأسف كان ييجي الليل وبمجرد ما تبدأ الكلام مع عمر تنسى كل حاجة كانت بتفكر فيها
لحد مافي مرة من المرات كانت قمر في العلاقة مع عمر ومغمضة عنيها كالعادة وكل شوية تحس إن اللحاف بيتشد من عليها شوية كمان وحست إن في حد بيمسك رجلها اتخضت وفتحت عنيها ملقتش حاجة ،المهم رجعت كملت في العلاقة عادي وفي لحظة كده حست إنها في علاقة حقيقية
فتحت عنيها برضو مفيش حاجة ، بعد شوية حست العلاقة حقيقية أكتر معاها وحست إن في حد بيحضنها بجد
(في نفس اللحظة امها خبطت عالباب )
ارتبكت قمر وبسرعة قفلت المكالمة وفتحت لأمها ، امها قالتلها إنها هتبات جنبها الليلة عشان اتخانقت مع ابوها وسابتله الاوضة
_________________
في اليوم التالي
الأم .. صاحبتك ياسمين بره
قمر .. ازيك ياياسمين
ياسمين .. في ايه يابنتي برن عليكي من الصبح
قمر .. لسه صاحية ياياسمين اصلي نمت متأخر
ياسمين .. أنتي رجعتي تكلمي الزفت ده تاني مش كنتم سايبين بعض ليكم اكتر من شهر !!
قمر .. رجعنا لينا اسبوع
ياسمين .. ياخوفي تقعي على وشك ويطلع الواد شمال
قمر .. والله مش عارفة مالك قارشة ملحته ليه ياياسمين
ياسمين .. ياختي انا مالي ربنا يهنيكم ببعض قوليلي بقا هييجي يتقدملك إيمتا ؟!
قمر ..بيقولي لما ظروف شغله تتصلح ويقدر يمسك قرشين في ايده
ياسمين .. أنتي متأكده من موضوع إنه بيشتغل في الميناء ده؟!!
قمر .. اشمعنا ؟!
ياسمين .. خايفة يكون بيشتغلك أنتي ياخايبة ؟!
قمر .. طب انا في ايدي ايه اعمله ؟!!
ياسمين .. رني عليه دلوقتي هو المفروض في الشغل وخليه يصورلك السفن والناس والحاجات اللي جنبه
قمر .. يابنت الناصحة ياياسمين تصدقي عندك حق
( فعلا مسكت قمر تليفونها ورنت علي عمر )
عمر .. اخيرا عملتيها ياقمر كنت عارف إني مش اهون عليكي وهوحشك
قمر .. يابني هو احنا لحقنا
عمر .. يااااه يعني شهر ونص عدو عليكي بسرعة في غيابي اخص عليكي ياقمر وانا اللي فاكر اني وحشتك
قمر .. ههههه شهر ونص ايه ياأهبل احنا لسه متكلمين بالليل
عمر .. بالليل ؟!!
قمر .. ايه مالك ؟!!
عمر .. اصلك بتقولي لسه مكلماني بالليل وإحنا بقالنا اكتر من شهر متخاصمين ؟!!
قمر .. أنت في وعيك ياعمر ؟!!
عمر .. سلامتك ياقمر فيكي حاجة ؟!!
قمر .. سلامتي ايه !! يابني مالك ! احنا لسه متكلمين فيديو امبارح بالليل ؟!
عمر .. أنا كلمتك فيديو ؟!! الواضح إنك بتترسمي على صاحبتك ووخداني كوبري سلام ياقمر وشكرا اوي!
( في اللحظة دي بدأت الخيوط تتجمع في دماغ قمر من أول شدت اللحاف من عليها ومسكت رجليها لحد العلاقة اللي كانت بتحس إنها حقيقية ؟!!!)
(في لحظة كده التليفون وقع من إيديها وبدأت ترتعش ولسانها بيردد امال يبقا مين ؟!!؟! )
ياسمين .. مالك ياقمر فيكي ايه ؟!!!
قمر .. لما مش عمر أمال يبقا مين !!!!!؟؟؟
يتبع..
مفاجئات كتير وأحداث بالجملة جمد قلبك عشان الحلقة القادمة دمااااار
تفاعل بقا عشان لو لقيت التفاعل على قده مش هكملها
بقلم #احمدحسن
يتبع
رواية قمر تحت الأرض الفصل الثاني 2
لقراءة باقي فصول الرواية اضغط هنا ( رواية قمر تحت الأرض )
