رواية قمر تحت الأرض الفصل الثاني 2 بقلم أحمد حسن
رواية قمر تحت الأرض بقلم أحمد حسن
نهاية مؤسفة تنتظر كل شاب وفتاة يفعلون الفاحشة عبر الإنترنت 🤚 أنتم لستم بمفردكم هيا نعرف من الطرف الثالث الذي ينتظركم ..
ــــــــ
يوم عصيب مرت به قمر ودماغها مش مستوعبة الأسألة اللي بتدور فيه والأصعب هو خوفها من الإجابات على الأسألة دي ونفسها الموضوع كله يبقا كابوس وتفوق منه وترجع لحياتها الطبيعية بس للأسف المأساة لن تنتهي ،
في نهاية الأمر قمر مستفيدة من خناقة أمها مع ابوها لأنها هتبات معاها في الأوضة
طبعا كحال كل ست حنينة بتحس إنها غلطت في حق جوزها لما الزعل بيبرد بتروح تصالحه ،هو ده اللي حصل مع ام قمر اللي قامت من جنب قمر بأخر الليل وراحت اوضتها تصالح زوجها وتركت قمر نايمة لوحدها
بعد دقائق من خروج الام تليفون قمر رن عشان تقوم قمر مفزوعة من نومها بتبص جنبها ملقتش امها !! بصت لتليفونها وهي مرعوبة لقت مكالمة من عمر فإزدادت رعبا !!
بسرعة عملت الفون صامت !! ايه ده الصوت مسكتش !
كنسلت المكالمة ، برضو مازال بيرن !!
قفلت الفون خالص ، ايه ده ! الفون مبيقفلش !!!
مفيش قدامها غير إنها تفتح ، بالفعل وهي في حالة رعب وإيدها بترتعش فتحت
عمر .. ازيك ياحبيبتي
قمر .. تت ؟!!
عمر .. مالك ساكتة ليه ؟!
قمر .. أنت مين !
عمر .. ايه السؤال ده ! انا عمر حبيبك ياقمر
قمر .. انا عارفة إنك مش عمر قولي انت مين ؟!
عمر .. طب انا أعملك إيه عشان تصدقي ؟! خلاص أفتحي الكاميرا وشوفيني عشان تتأكدي ؟!!
قمر .. انا مش فاهمة حاجة ؟! طب انت ليه قولتلي إنك مكلمتنيش من يوم ما اتخاصمنا ؟!
عمر .. معرفش بقا هي جت معايا كده لما حسيت بصوت صاحبتك جنبك قلت يمكن بتترسمي عليا قدامها
قمر .. يعني انت فعلا كنت بتهزر ؟
عمر .. ايوة ياحبيبتي
قمر .. طب لحظة ؟!! تليفوني مكانش بيقفل ولا عارفة اخد عليه أي إجراء غير اني افتح عليك ؟!! ده تفسره بإيه ؟
عمر .. ما احنا عارفين ان فونك بيهنج كتير من كتر من بنتكلم بالساعات ياقمر ههههه
قمر .. طب بص بقا ياعمر انا خدت قرار إني مش هعمل العلاقة اللي بنعملها بالفون دي تاني ولو بتحبني وعايز تكمل معايا يبقا نكمل على نضافة يا عمر
عمر .. لو ده هيريحك انا موافق
قمر .. بفرحة وإطمئنان ، بجد ياعمر
عمر .. بضحكة ، بس على الأقل نعمل حفلة اعتزال النهاردة
قمر .. لا طبعا احنا قلنا خلاص كده
عمر .. انا وافقتك على اللي انتي عايزاه مجتش بقا على طلبي
قمر .. امممم ماشي ياعمر بس دي اخر مرة
بالفعل بدأت قمر وعمر العلاقة وبعد مدة من الإنسجام ما بين الطرفين بتفوق لنفسها قمر شوية بتلاقي تليفونها واقع على الأرض والهاند فري في ودنها ،بتجيب تليفونها حطته جنبها ومكملة عادي في العلاقة وفي لحظة كده مخها أدرك إنها وهي بترفع تليفونها من على الأرض الهاند فري مكانش راكب في التليفون !!! قمر بخوف ورعب بتبص بجنب عنيها على الفون جنبها على المخدة وهي بتتمنى اللي شافته ميكونش حقيقي ! بصت قمر على فونها لقيت فعلا الهاند فري مش راكب في الفون !!! مسكت فونها بسرعة بصت فيه اكتشفت إن فونها مقفول أصلا !!
كل ده ولسه عمر بيكلمها وصوته في ودنها ومنسجم في العلاقة !!
قمر قلبها وقع واترعبت وبأعلى صوت صرخاتها كانت بتلف المكان كله
ابوها وامها على صرخاتها في لحظة كان جنبها
الاب .. في ايه ياقمر مالك يابنتي ؟!!
قمر وهي بتصرخ .. حوشو عني يابابا الراجل ده هيموتني
الام .. هو مين يابنتي !! انتي كنتي بتحلمي بكابوس ولا ايه ياضنايا
قمر .. لا ياماما دي حقيقة ياماما
الاب .. بقا حتت كابوس يعمل فيكي كده اه ياجبانة هههههه
قمر .. بقولكم دا حقيقي والله حقيقي
الأم .. خلاص يافهيم روح نام أنت وأنا شوية وهاجي وراك
قمر .. لا ياماما متسبينيش وحدي هيموتني
الام .. خلاص ياحبيبتي انا هنام جنبك الليلادي وبعدين مش إحنا كبرنا عالكلام ده دلوقتي ياقمر؟
قمر .. انتي مش مصدقاني ليه ياماما
الام .. طب إحكيلي ياحبيبتي شفتي إيه ؟
قمر .. ها ! ( قمر سكتت مكانتش عارفة تقول لأمها إنها قعدت أسبوع تعمل علاقة مع صاحبها وفي النهاية إكتشفت إنه مش صاحبها وإن في حاجة غريبة بتحصلها !
الأم .. مالك سكتي ليه ؟!!
قمر .. ها ! مش فاكرة ؟!!
الأم .. مش قولتلك ياحبيبتي إنه كان كابوس يلا بقا ننام
_______
في اليوم التالي
قمر كلمت ياسمين صاحبتها وطلبت منها تحضر فورا
ياسمين .. في ايه ياقمر جايباني على ملا وشي عالصبح كده!
قمر .. إلحقيني ياياسمين انا في حاجة غريبة بتحصل معايا
ياسمين .. خير ياقمر في ايه ؟!
قمر .. بصي بقا انا هقولك على كل حاجة بصراحة بس اوعديني متجبيش سيرة لحد ومتزعقيش فيا اتفقنا ؟
ياسمين .. اتفقنا انطقي بقا وقعتي قلبي !
قمر .. انا عملت علاقة جنسية مع عمر في التليفون
ياسمين .. نعممم..
قمر .. اكتمي الله يخربيتك هتفضحينا
ياسمين .. يانهار اسود ، بقا انتي ياقمر تعملي كده !!
قمر .. مش دي المصيبة ياياسمين المصيبة اكبر من كده
ياسمين .. اوعي تكوني حامل !!
قمر .. حامل ايه يخربيت امك
ياسمين .. ما تتكلمي علطول ياقمر بتنقطيني كلمة بكلمة ليه
قمر .. هحكيلك كل حاجة بس فتحي مخك معايا شوية
( بالفعل حكت قمر كل حاجة لياسمين )
ياسمين .. يالهوي عفاريت يااماااا
قمر .. كتمت صوت ياسمين وقالتلها اترزعي مكانك واقفلي بقك هتفضحينا ياجبانة
ياسمين .. بص بقا ياقمر احنا صحاب لينا اكتر من 12 سنة انا بقول كفاية كده انا جتتي متستحملش ياأختي والله
قمر .. اخص عليكي ياياسمين هتتخلي عني برضو وانا اللي بقول اني طلعت بيكي من الدنيا
ياسمين .. خلاص اهدي متزعليش مني بس بترعب وبخاف من الحاجات دي والله
قمر .. طب قوليلي ده يبقا ايه والمفروض اعمل ايه ؟!
ياسمين .. انا بقول تعرفي ابوكي وأمك وأكيد هما اكتر مننا خبرة
قمر .. انتي عبيطة !! هقولهم ايه ! اني بعمل علاقة مع واحد صاحبي واكتشفت إنه مش صاحبي !!
ياسمين .. اه صح مش هينفع دا ابوكي ممكن يقت،لك فيها!!
قمر .. انتي هتباتي معايا اليومين دول
ياسمين ..وربنا مايحصل انا فقر وعارفة نفسي هيسيبك ويركبني انا
قمر .. اه ياجبانة ياندلة
ياسمين .. بقولك ايه ماتيجي نشوف شيخ ، البت سهير صاحبتي قالتلي إن اخوها كان حاصل معاه حوار كده وراحو لشيخ خلص ليهم الموضوع في قاعدة
قمر .. سهير ! لا البت دي مايعة وانا مبحبهاش شوفيلنا حد تاني
ياسمين .. مالك ياختي محسساني إني الراعي الرسمي للدجل والشعوذة ! ياكش بس هي ترضى تساعدنا
________
بالفعل ياسمين عرفت طريق الشيخ عن طريق صاحبتها وخدت قمر وراحوا ليه وهناك حصلت حاجة غريبة
الشيخ طلب خروج ياسمين بره وقمر بس هي اللي تبقا معاه في الاوضة وسرعان ما بدأ الشيخ بقرائة القرءان وأيات التحضير والصرف
الغريب في الأمر إن في نفس اللحظة إبتسامة قمر اترسمت على وشها وبدأت الإبتسامة تتحول إلى ضحكات شريرة بصوت عالي وكأنه لا يبالي بما يقول الشيخ !!
استغرب الشيخ من اللي بيشوفه وسرعان ما بدأ يضخ كل ما أوتي به من علم ليظهر في الأخير الجن للشيخ وهو يكمل قرائة ما يتلو الشيخ من أيات الصرف معلنا تحديه للشيخ
ساعة ونصف مرت بيهم قمر وهي تتعرض لجميع انواع التحديات مابين الشيخ والجن ليعلن الشيخ بشكل مفاجئ توقف الجلسة لأنه أحس أن الجن شرس وسيسبب لها أذي كبير إذا أحس بضعفه امام الشيخ
___________
الشيخ خلص ودخلت ياسمين فوقت قمر وقعدو يستفسرو من الشيخ
قمر .. هو ايه اللي حصل ياشيخ ؟!
الشيخ .. بصي يابنتي انا مش هخبي عليكي الموضوع صعب
قمر .. يعني ايه صعب ؟!
الشيخ .. الموضوع فيه خطر على الطرفين يابنتي سواء عليكي أو على اللي هيحاول يعالجك من غير مايكون عنده خبرة
قمر .. امال إحنا جينا هنا ليه ياعم الشيخ ؟!!
الشيخ .. الموضوع مش بالبساطة دي يابنتي ، الموضوع إن اللي ساكن جسدك ياقمر جن عاشق وأسمه أشمودان أبن زوفائيل من قبيلة الميامين ودول يبقا ابوهم أبانوخ جن يهودي كان من العصاة المتمردين في عهد سيدنا سيلمان وعشان كده سيدنا سليمان سلسله
ياسمين .. يانهار اسود
الشيخ .. الموضوع يابنتي عايز استعداد قوي وحد يكون معاه جند قوي يكون عندهم القدرة اللي تخليهم يقفوا في وش اشمودان، اما عن جنودي انا فالموضوع صعب عليهم ومقدرش أجازف بيهم لأن بنسبة كبيرة هخسرهم
ودلوقتي بقا أستئذنكم تتفضلوا عشان أشوف الحالة اللي بعدكم .....
__________
إليكم في الفصل القادم
أشمودان هيبدأ في أستخدام قوته والبداية شرسة ومؤسفة
كل من حول قمر سيدفعون ضريبة قربهم منها والضريبة ستكون فاحشة الثمن
تحدي أشمودان وظلم أحدهم وخذلان الباقي وأولى ضحايا قمر كل هذا وأكثر في الفصل القادم
فضلا وليس أمرا إدعمنا 🤝
هذه الرواية بقلمي #احمدحسن
يتبع
رواية قمر تحت الأرض الفصل الثالث 3
لقراءة باقي فصول الرواية اضغط هنا ( رواية قمر تحت الأرض )
