رواية قمر تحت الأرض الفصل الثالث 3 بقلم احمد حسن
رواية قمر تحت الأرض بقلم أحمد حسن
اللي ساكن جسدك ياقمر جن عاشق وأسمه أشمودان أبن زوفائيل من قبيلة الميامين ودول يبقا ابوهم أبانوخ جن يهودي كان من العصاة المتمردين في عهد سيدنا سيلمان وعشان كده سيدنا سليمان سلسله
قمر .. يانهار اسود !!
الشيخ .. الموضوع يابنتي عايز استعداد قوي وحد يكون معاه جند قوي يكون عندهم القدرة اللي تخليهم يقفوا في وش اشمودان، اما عن جنودي انا فالموضوع صعب عليهم ومقدرش أجازف بيهم لأن بنسبة كبيرة هخسرهم
ودلوقتي بقا أستئذنكم تتفضلوا عشان أشوف الحالة اللي بعدكم .....
ـــــــــــــــ
قمر ماشية وتحس إن رجلها مش شايلاها من الخضة والخوف اللي حست بيهم من كلام الشيخ
ياسمين .. هو ايه اللي حصل في الساعة ونص اللي انا اتلطعتها بره ، بصراحة انا كنت مرعوبة عليكي ياقمر
قمر .. معرفش! انا بعد انتي ماخرجتي محسيتش بحاجة غير لما لقيتك بتفوقيني
ياسمين .. ازاي ده ؟!
قمر .. بقولك ايه ياياسمين انتي فهمتي حاجة من كلام الشيخ ؟!يعني ايه جنود !ومعاه! وقوي !؟! انا مش فاهمة حاجة ؟! انتي فهمتي حاجة ؟!
ياسمين .. وربنا انا كنت قاعدة متنحة ومش فاهمة حاجة واللي مصبرني قلت يمكن انتي فهمتي وهتفهميني
____________________
رجعت قمر عالبيت لقيت عندهم ضيوف
الأم .. كنتي فين يازفتة أبوكي بيرن عليكي من بدري وتليفونك مقفول
قمر .. هو احنا عندنا ضيوف ولا ايه ياماما ؟!
الأم .. دي خالتك صفية وجوزها وإبنهم ضياء, يلا اغسلي وشك وظبطي نفسك بدل ما أنتي مبهدلة كده وتعالي سلمي عليهم
قمر .. بصي ياماما اعذريني معلش انا جاية هلكانة ومش قادرة اقف على رجلي
الام .. ايه اللي بتقوليه ده يامقصوفة الرقبة ! خالتك نفسها تشوفك وقاعدة منتظراكي من بدري !
قمر .. خلاص ياماما هدخل ممكن تهدي بقا شوية
فعلا دخلت قمر تسلم على الضيوف ولسه يدوب بتسلم على خالتها راحت واقعة مغمى عليها قدامهم !!!
بعد شوية فاقت قمر في أوضتها وكلهم حواليها امها وابوها وأسرة خالتها وكان الدكتور حضر وطمنهم إنها حالة إغماء عادية نتيجة مجهود كبير وإرتفاع في ضغط الدم
خالة قمر .. ألف سلامة عليكي ياحبيبتي
ضياء .. ألف سلامة عليكي ياقمر
قمر .. الله يسلمكم
خالة قمر .. طب بمناسبة إننا ملحقناش نقعد مع عروستنا فأحنا عازمينكم تنورونا عالعشا بكرة إن شاء الله
استاذ فهيم .. والله ولا ليها لازمة التكاليف دي ياأم ضياء
ضياء .. ولا تكاليف ولا حاجة ياعمي وعلى فكرة انا هاجي أخدكم بالعربية إن شاء الله
_______________
الضيوف مشيت وأسألة قمر بدأت
قمر .. ممكن بقا أفهم إيه اللي بيحصل ياماما ؟!
الأم .. مفيش يابنتي دول جايين يتكلموا عليكي
قمر .. ياسلام !! وأنا بقا مليش رأي في الموضوع ولا إيه ؟!
الأم .. يابنتي الموضوع كله تلميح لسه الكلام مش مباشر
قمر .. بس في النهاية هيبقا في كلام مش كده برضو !!
الأم .. وبعدين معاكي بقاااا ما تقول حاجة يافهيم ساكت ليه ياراجل ؟!
استاذ فهيم .. والله بنتك عندها حق , النهاردة الكلام مش رسمي بكرة وبعده هيبقا رسمي فلازم تقعدي مع بنتك وتشوفي رأيها عشان منلبسش في الحيط بعد كده
الأم .. والله محدش هيبوظ البت غيرك يافهيم ، وماله ضياء ابن اختي راجل محاسب قد الدنيا وأخلاق وكفاية إنه شاريها
أستاذ فهيم .. ياولية مش معنى إنه شاريها يبقا لازم تتجوزه عالعموم ياقمر يابنتي إحنا بردو مينفعش نرفض من غير ما ندي نفسنا فرصة ، شوفيه يابنتي ولو مفيش نصيب أنا مش هكسرلك كلمة ،قولتي ايه ياقمر ؟
قمر .. اللي تشوفه يابابا
_________________
الساعة 2 بعد منتصف الليل
قمر من التعب والإرهاق نامت حتى من غير ما تاكل لقمة
وعلى بعد منتصف الليل كده حست بحاجة بتجري على وشها بنعومة فتحت عينها لقيت شخص لابس بدلة شيك قاعد على الكرسي جنب السرير وماسك في أيده ريشه بيحاول يصحي بيها قمر بكل لطف عشان متتخضش
قمر .. إيه ده إلحقو......( الشخص ده حط إيده على بوقها قبل ما تصرخ بصوت عالي وبدأ بالراحة يقنعها بالنقاش)
.. بصي ياقمر انا عايزك تهدي خالص متخافيش مش هأذيكي
اوعدك مش هأذيكي ممكن بقا تهدي انا هشيل إيدي من على بوقك وخلينا نتكلم بهدوء ماشي ياقمر ؟!
قمر برعب ورعشة .. أنت مين ؟!
.. أنا حد بيحبك جدا، بيعشقك جدا، بيخاف عليكي جدا جدا من الأخر كده انا حد كل حلمه إنك ترضي عنه
قمر .. مش فاهمة ! ممكن أعرف إنت مين ودخلت هنا إزاي؟!!
.. أنا مفيش باب في الدنيا يقدر يمنعني من إني اوصلك وأكون جنبك
قمر حرفيا بدأت تحس بالخوف وبدأت تقريبا تفهم إن ده له علاقة باللي بيحصلها .. أنت مين ؟!
.. أنا الشخص اللي في بالك واللي أنتي خايفة اكون هو
ياقمر أنا أشمودان إبن زوفائيل
قمر .. لا !! مستحيل !! يالهووو.. ( برضو للمرة التانية كتم صوتها وقالها )
برضو ياقمر خايفة ؟! إيه اللي حصل ! ما إحنا كنا بنتناقش بهدوء من غير أي خوف ؟!!
قمر .. انت ازاي كده ؟!! انا مش فاهمة حاجة ؟!
أشمودان .. بصي ياقمر انا واقف قدامك أهو يعني ولا شكلي وحش ولا جاي اعور ولا حتى جايلك على شكل غوريلا ولا أي حاجة من الخزعبلات اللي بتشوفيها في الأفلام أو بتسمعي عنها في الحواديت
قمر .. ها ؟!! هو انا ليه حاسه إني بحلم والحلم مش راضي ينتهي ؟! انا عايزة أفوق !
أشمودان .. أنا هحكيلك كل حاجة بوضوح ياقمر
انا (أشمودان ) من ملوك الجان وعشقتك لدرجة متتخيلهاش انا انطردت من قبيلتي بسبب عشقي ليكي
يعني بوضوح أكتر أختارتك رغم إن التمن كان غالي جدا ، بصي ياقمر أنا مستعد أعمل أي حاجة تتمنيها
أنتي بس تحلمي وأنا عليا أنفذ ،
وياستي لو مش عاجبك شكل الشخص اللي أنا متجسد فيه ده ! أنا ممكن اظهرلك بأشكال كتير
زي مثلا شوفي كده إيه رأيك في أحمد عز ؟!
او كريم عبد العزيز اممممم بيتهيقلي طويل عليكي شوية !!
طيب خدي المفاجئة دي إيه رأيك في توم كروز ؟
أنا مستعد أحرق الدنيا عشانك اعمل كل المستحيلات اللي ممكن تتخيليها او متتخيلهاش المهم إنك ترضي عني ونعيش في سلام إيه رأيك ؟؟
قمر .. قلتلك لأ
أشمودان .. هعيشك أحلى عيشة مفيش بشري يحلم بيها
قمر .. لأ
أشمودان .. أوعدك إني مش هضرك ومش هسببلك أي إزعاج هتكوني الملكة وأنا تحت رهن إشارة منك لأي حاجة تؤمريني بيها
قمر .. برضو لأ لأ لأ ، انت إزاي دخلت حياتي ! وليه دخلتها ! أنت بوظت حياتي ولا عارفة انام ولا عارفة افكر
حتى أهلي بقوا شايفيني مجنونة !
أخرج من حياتي وأرجع من مطرح ما جيت أرجوك
أشمودان .. أنا معنديش حياة تانية أعيشها غير معاكي ،
أنا انطردت من قبيلتي ومبدأ الرجوع ليها اتقفل خلاص ، يعني انا خسرت كل حاجة قبيلتي ومكانتي وخالفت كل النصوص عشانك
انا عايزك تعرفي حاجة ،انا اي نعم مش هأذيكي بس هحرق أي حد يفكر يقرب منك أنتي ليا ومستحيل تكوني لغيري فهمتي ياقمر
( قال الكلمتين دول وإختفى )
___________
في اليوم التالي
ضياء .. يلا بقا ياخالتي ماما مش مبطلة رن
أم قمر .. خلاص يابني نازلين أهوه
فعلا نزلت قمر وأمها وابوها مع ضياء وبعد ما ركبت العربية أفتكرت إنها نسيت تليفونها فوق ، طلعت قمر تجيب تليفونها
وأول ما دخلت من باب الشقة الباب أترزع وراها بصت قدامها اتفاجئت بأشمودان قاعد على الكرسي
قمر .. بصت لأشمودان وهي مرعوبة!
اشمودان .. الزيارة دي غير مسموح بيها ياقمر
قمر .. نعم ؟!! يعني ايه ؟!!
اشمودان .. ضياء عايز ياخدك مني وانا مش هسمح بكده
قمر .. طب إيه رأيك بقا إني مش بحبه بس هتجوزه عشان أخلص منك
اشمودان .. وأنا قلتلك مش هسمح لأي حد ياخدك مني
في نفس اللحظة كان ضياء جه ورا قمر يستعجلها وبمجرد ما وصل عند باب الشقة كان الباب اتفتح لوحده وبدون أي مبالاة بيدخل ضياء وهو بينادي ياقمر
في اللحظة دي باب الشقة اتقفل وراه وبالمفتاح
بعد 10 دقايق بييجي وراهم أبو قمر اللي قلق من تأخيرهم فتح باب الشقة وأول ما دخل شاف ....... يتبع
بقلم #احمدحسن
يتبع
لقراءة باقي فصول الرواية اضغط هنا ( رواية قمر تحت الأرض )
