رواية السرعة والغضب الفصل الأول 1 بقلم سلسبيل أحمد
رواية السرعة والغضب الفصل الأول 1
- ها موبايلك مفتوح؟
= مفتوح و مشحون ومش سايلنت حاجه تاني؟
- هكرر حاجه اخيرة متصاحبيش اي حد
= امممم حاضر
- انا بقالي في الجامعة دي كتير و عارف الى فيها كويس
= هيقرفنا عشان دخل قبلي بـسنه
- بتقولي ايه؟
= ماشي مش هصاحب حد حاضر
- واحد يقولك رقمك مفيش واحده تيجي تحاول تظبطك مع واحد هعجنك يا نانسي
= خلاص يا أسر!
- اتفضلي انزلي وخلي بالك من نفسك يارب متكلميني بعد دقيقة تقوليلي اللحقني يا أسر
= باي يا ظريف!
____________________________
- ألو.. أسر اللحقني
= في ايه!!!
- انا عند حمام كلية تربية تعالي
= حاضر جايلك في أيه!
- تعالي بس
= طب متعيطيش جاي
" بعد دقايق "
- مالك في ايه ؟؟ ايه الى حصل
= انت مش شايف؟؟
بصلها بتركيز: في ايه مش واخد بالي يا نانسي مالك ؟؟
- رجلي مش شايف الطين! مش شايف البنطلون!
مسح على وشه: يعني انتي خلتيني استأذن من المحاضره واجي واتخضيت عشان رجلك داست في الطين و البنطلون اتوسخ شوية؟ وهو اصلا اسود ومش باين !!!
= انت كمان بتتريق عليا طب روحني بقا مش الجامعه دي بنخرج براحتنا مش زي المدرسة؟ خرجني لو سمحت و روحني وبعدين اي كل الفصل ده ؟؟ ده فيه ناس كتير جوه ! ولاد وبنات! وانت عارف يا أسر اني بتوتر من الزحمه روحني انا عايزه اروح
- هو انتي طفله يابت !!! زحمه ايه و فصل ايه ؟؟
الله يخربيت الى دخلك كليه قومي روحي محاضرتك يا نانسي قومي!!
= لاء
- يعني مش هتخشي؟
ربعت ايدي: لاء بقا ها
- تمام
___________________________
- أسر خلاص ونبي هاروح المحاضره بتاعتي سبني اخرج ابوس ايدك
= لو اتحركتي الدكتور هيفتكرك معانا و هينفخك
- مش قادره هيغم عليا من الى بيقوله اي كل الرسومات الهندسية الى توجع البطن دي انا اصلا بكره الرياضه وجايبه فيها ملحق انا ادبي يا أسر
كتم ضحكته: اخرسي شوية بطلي كلام وبعدين تستاهلي عشان تتربي شوية.
>>>>>>>>>>>>>>>>>>>>>>>>>>>>>>>>>>>
|| بعد سنتين ||
" فوقت من افكاري على فرمله العربية واحنا بنوقف قدام الجامعة "
- جرا ايه يا اسر موتنا أحسن
= احمدي ربنا انك راكبه معايا ده فيها واسطه وبعدين كنتي سرحانه ف اي كده ؟
ضحكت: اصلي افتكرت أول يوم جامعة وانا سنه اولة و الوقت جري وبقيت تالتة وفاضلي سنه خلاص!
فضل يضحك فا بصتله: بتضحك على ايه؟
- افتكرت ساعه ما اخدتك معايا محاضره الهندسه بالعافيه وكنتي ناقص تعيطي
- تصدق انك سخيف
= ما انتي بتخضيني يابت عشان أسباب تافهه! خلتيني فكرت حد كلمك كنت هاكله
- يا سلام هو ده الى انت فالح فيه
ابتسم بتناحه: أها هو ده
= طب سلام يا تنح قبل ما اتأخر والدكتور ميرضاش يدخلني
- سلام يا نان.
>>>>>>>>>>>>>>>>>>>>>>>>>>>>>>>>>
بقلمي: سلسبيل أحمد
" كنت بدور على امنيه صحبتي ندخل سوا بس لما الوقت اتأخر قولت اطير انا وادخل بسرعه بقا مكنتش مركزه ولقيت الى جاي عليا حْبطني جامد و وقعت!! "
بصيت للبنطلون: أءءءهااا ينهار اسود لاء!!! طين تاني !!! و فنفس المكان كمان ده كتير !!
بصتله بغضب: انت أكيد مجنون !
- معلش والله اسف صاحبي الى زقني !
= زقك ايه و هباب ايه على دماغك و دماغه هو ده مكان تهزروا فيه ؟؟ ولا دي حركه جديده من بتوعكم!
- حقيقي مكنش قصدنا مخدناش بالنا هاتي ايدك طيب قومي
"ادركت اني كل ده بزعق وانا مازلت على الأرض"
قومت وبصتلهن بقرف و زعقت: مش محتاجه مساعده حلو*ف زيك غور من وشي بقا بدل ما اناديلك الأمن
" غالبا شوية ناس صغيرين اتفرجوا على الخناقة دي مشيت ودخلت الحمام وفضلت اعيط.. "
- ايه يا نانسي فيه ايه مالك !! ينهار أبيض اي بهدلك كده انتي وقعتي
= واحد متحْلف براس حما*ر يا اميره وقعني خبط فيا جامد وجعلي كتفي و كمان اتبهدلت
طبطبت عليا: طب بس اهدي خلاص معلش بتعيطي ليه
طلعت مناديل ومسحتلي وشي: معلش خلاص يا كوتي متعيطيش بقا
"ضحكت وسط عياطي بسبب طريقتها معايا اميرة اها قدي و معايا في الكلية لكن بحسها اكبر مني و اعقل مني كمان و بحبها جدا مش مصاحبه غيرها.. "
- كنتي هزقتيه بدل ما بتعيطي كده
= مانا هزقته ياستي
- امال بتعيطي ليه يوه!
= عشان شكلي كان وحش ومازال همشي ازاي كده وكمان حسيت اني لوحدي و اتهانت
- متقوليش كده انا معاكي! وبعدين أسر كمان معاكي ده محدش يقدر يقربلك والجامعة كلها عارفه انك تبعه
= ما علينا انا عايزة اروح دلوقتي و أسر لسه في المحاضرة بتاعته اصلا
= انتي مش هتقوليلة؟
- لاء طبعا انا اصلا هزقت الواد بقولك انما أسر بقي لو عرف هيقوم رايح صْاربه ويعملنا مصيبه
= على رأيك.. بس متأكده انوه الواد ده مكنش بيعاكس! او قاصد يعمل كده
- مش عارفه يا اميرة اول مره اشوفه في كلية تربية اصلا مشوفتش قبل كده
= عموما خلي بالك ولو شوفتيه تاني و فكر يعملك اي حاجه وقتها لازم تقولي ل أسر!
- ماشي بصي انا هكلمه لو يعرف يخرج ويروحني لو معرفش بقا هاخد مترو
= طيب وانا هنقلك الحاجات المهمه
" باستني وانا ابتسمتلها وبعدين خرجت وهي راحت تدخل المحاضره "
- احمم.. ألو أسر ممكن تلحقني؟!
= انا في المحاضرة يحـ ـيوانه لو سبب تافهه هعجنك
- والله مش سبب تافهه
= سلام
- هتلاقيني عند
قاطعني: عارف باي
"قفل فوشي و انا خرجت قدام الحمام وشوية ولاقيته جاي واول ما شافني بصلي بدهشه"
- ايه الى عمل فيكي كده وطينك؟؟
= وقعت يخويا وبنطلون ابيض اهو عشان متقوليش مش باين هتعرف تيجي توصلني بقا ولا اخد مترو
- تروحي بمترو وانتي مطينه كده يفتكروكي متسوله ويحْدوكي يا نانسي
ضحكت بتمثيل: هاهاها دمك دم صراصير يا أسر
= بقولك ايه لفي كده
- ليه؟
= تؤ لفي انجزي!
- أهو مطينه برضو مانا عارفه
= أها
"قلع الجاكيت بتاعه و ادهولي اللفه حولين وسطي وبعدين خرجنا ركبنا العربية و روحني "
- اتفضلي انزلي وسختي العربية تعرفي لو حد غيرك كنت د* بحته
نزلت من العربية وبصتله من الشباك: ياريت ترجع الساعه 6 على الغدا و متتأخرش عشان انت عارف ان مواعيد جدك مقدسه
- اوكيه باي
" دخلت البيت و أول ما ماما شافتني صوتت"
- اي الى مطينك كده ؟!
= يادي السؤال ده وقعت يا ماما وقعت
- طب فيكي حاجه!
= لاء!
- جيتي لوحدك.؟؟
= أسر وصلني كفايه اسئلة بقا هموت واغير الطين ده
" طلعت السلم و دخلت حمام اوضتي.. احنا قاعدين في قصر جدو انا و ماما بعد ما بابا ما*ت بس لينا شقتنا حتي أسر برضو عنده شقته ولكن في خلافات كتير مع أبوه بسبب انوه اتجوز بعد ما مامة أسر ما* تت فا مش بيكلم باباه وقاعد مع جدو برضو. "
>>>>>>>>>>>>>>>>>>>>>>>>>>>>>>>>>>>
|| في الكلية | الساعة 5 ونص ||
" خلصت المحاضرة و خرجت بعد ما بصيت في الساعه وادركت اني متأخر.. "
- احمم أسر
= نعم
- انت مستعجل؟
= أيوه
- كنت عايزه اتكلم معاك بس شوية
= عندي معاد ضروري يا اميرة معلش.
" مشي ومستنهاش ترد"
" فضلت واقفه مضايقه بعد ما مشي"
- اي يا امنيه نفضلك برضو؟
= مش وقتك يا بسمله
- ما قولتلك يابنتي شكله بيحب بنت عمه الى لازقه فيه 24 ساعه دي
= البت دي مستفزه اصلا وشايفه نفسها على الفاضي
- طبعا لازم تشوفي كده
= تقصدي ايه بقا!
- أقصد انك دايما شايفه ان محدش احلي منك ولا حد ينفع يبقي محور الكون غيرك فا بديهي انك لازم تصاحبي أسر نجم الجامعه و سبق العربيات
اميره بصتلها بغل: طب غوري من وشي يا فريده
بسملة ضحكت: خلاص ياستي متزعليش تعالي نجيب اكل هعزمك
اميرة بتناكه: انتي هبله تعزميني انا ؟
ده انا اعزم الجامعه كلها يا ماما
- أكيد أكيد يلا
>>>>>>>>>>>>>>>>>>>>>>>>>>>>>>>>>>
استغفروا..
|| في قصر حسين المهران | الساعه 6 و ربع ||
- شوفتي يا نانسي؟ اهو اتأخر برضو
= هيجي يا جدو
ميلت على ودنه: وبعدين هو في الكلية مش بيصيع اطمن
ابتسم: دافعي عنه ماشي
- طب ابدأو كلو بقا يا هدي يابنتي الأكل هيبرد
"اول ما بدأنا ناكل سمعنا صوت الباب دخل بسرعه وجه سلم على جدو وقعد"
- الواحد عشان اتأخر دقيتين تاكلوا من غيره؟
بصتله: تقصد ربع ساعه
ذغدني براحه: اخرسي احمم
" بدأنا ناكل في هدوء لكن واضح ان ماما مش بتحب الهدوء.. "
هدي: مش لسه مقابلني فيديو سباق ليك على النت
" بصيت لماما بمعني مش وقته! "
أسر بلع الأكل وبص ناحيه جدو و بعدين رد عليها: فعلا؟ طب و اي رأي حضرتك!
- تضيع وقت ركز في الكلية احسن
ابتسم: اممم اكيد هعمل كده
" خلصنا أكل و على آخر اليل خرجت البلاكونه شوفت أسر قاعد تحت في الجنيه فا قولت انزل اقعد معاه "
- رايحه فين؟
= نازله الجنينه شوية يا ماما
- الوقت اتأخر خشي نامي
= يوه هو انا طفله وبعدين ما يتأخر انا هنزل الجنينه مش رايحه الملاهي
- ايه اسلوبك ده يا نانسي !
= حقك عليا.. هنزل شوية واطلع!
بصتلي ب قرف فا ضحكت: حببتي يا هدهد
"نزلت و كان قاعد سرحان فا حْضيته"
- بخ !
= مبتبخش انا
- متحْضتش ازاي
= متعود على تفاهتك
- طب انت اضايقت بسبب ماما؟
= انتي هبـ ـله هضايق ليه
- عشان فتحت موضوع السباق قدام جدو وهو منبه عليك متسابقش تانى
= انا الى مضايقني انوه مش راضي يخليني اخش اي سباق براحتي وشبه مراقبني
- خايف عليك!
= ما علينا مش فارقه قومي انتي نامي
- لا بحب اتفرج على النجوم بليل
= وبتحبي تشوفي نور القمر و ساعات بتعدي النجوم الى حوليه و اوقات توصليهم ببعض و تتخيلي اشكال في دماغك عارف
"بصتله بتركيز وابتسمت"
- بتبصيلي كده ليه؟
= عرفت كل ده ازاي
- حفظتك احنا بقالنا اربع سنين قاعدين مع جدو اهو فا حفظتك تقريبا
= اربعه ازاي يا أسر ؟
= انت اول ما دخلت سنه اولة كلية كنت اوردي قاعد مع جدو وبعدها بسنه انا جيت و كنت داخله اولة ودلوقتي انا في تالتة كلية وانت ف رابعه يبقي انت بقالك معاه اربع سنين وانا تلاتة و كده بقالي معاك انت تلت سنين
- منتي حلوة اهو وبتعرفي تحسبي
= واقولك التقيلة انت فاضلك سنه وتخلص هندسه وانا سنه برضو واخلص تربيه بس عارف؟ انا نفسي نفضل سوا علطول
كان بيكلمها وهو باصص قدامه من اول ما قعدت وفي اللحظه دي بص لعيونها: علطول؟
هزت راسها: اممم للأبد
- تيجي نعد النجوم؟
= والى يعد اكتر؟!
- يوعد التاني انوه هيفضل معاه للأبد
ابتسمت: موافقة.
>>>>>>>>>>>>>>>>>>>>>>>>>>>>>>>>>>>
صلي على محمد
|| تاني يوم الساعه 8 الصبح ||
- يلا يا أسر عندي محاضره بدري!
= بربط الكوتشي اهو الاه !!
- طب هات مفتاح العربية اسوق انا
= بس ياحببتي بس انتي اخر مره جربتي تسوقي كنتي هتقلبي العربية وبتمشي على ابطئ سرعه في التاريخ اصلا
- أها ماهو انت هتقرفنا عشان بتعرف تسوق
= لعبتي عندك اعتراض!
" خلص و ركبنا العربية وأول ما وصلت مشيت بسرعه جدا ناحيه الكلية وكنت مستعجله فا خبطت في بنت وانا ماشية "
- اوووف اسفه جدا انتي كويسة
كانت شبه مخبيه وشها: ولا يهمك
حسيتها مش كويسه وشها متغرق دموع اتكلمت وهي بتتجنب تبصلي: معاكي مناديل لو سمحتي
- أها اكيد لحظه
"ادتلها المناديل و مكنتش عارفه اسيبها ولا اعمل اي"
- هو انتي كويسة!
= اها متشغليش بالك
- طب بتعيطي ليه بس حد مزعلك؟
= متخانقه مع خطيبي وتقريبا هنسيب بعض
- طيب اهدي ان شاء الله كل حاجه هتبقي كويسة
= شكراً
" فضلت واقفه شوية صغيرين معاها لحد ما هديت شوية وبعدين افتكرت المحاضره لما لقيت امنيه عماله ترن عليا فا جريت بسرعه على المدرج لقيت الباب مقفول والدكتور مستحيل يدخلني خرجت قعدت عند الكافتيريا وانا مضايقه! انا بحب المحاضرة دي مش كفايه فوت امبارح! "
>>>>>>>>>>>>>>>>>>>>>>>>>>>>>>>>>>>
صلي على محمد
- أميرة
= عايزة اي يا بسمله!
- عينك متنحه مع أسر بقالها ساعه و سايبه المحاضرة!
= خليكي في حالك يا بومه
- ماشي
الدكتور بصلهم: انتوا الاتنين اطلعوا بره ولو اتكلمتوا تاني في المحاضره بتاعتي مش هدخلكم مره تانيه
" خرجوا وشكلهم كان وحش جدا و اميرة اضايقت اوي انوه طردها قدام أسر "
- كله منك بجد !!!! بتتكلمي معايا ليه !
= انا غلطانه بنبهك عشان تركزي
- ياستي وانتي مالك عاجبك الى حصل دلوقتي
= مش مهم بقا خلاص
- بومه... هنروح فين دلوقتي
= مش عارفه
اميرة بخبث: انا عايزه أروح الكافتيريا الى في كلية تربية انجلش
- اشمعنا بقي!
= مزاجي كده هتيجي ولا لاء!
- يلا ياستي
"وفعلا بسمله و اميرة راحو وقعدوا بمسافه بعيده عن نانسي وكانوا شايفينها"
- وبعدين يا اميرة انتي اتهبلتي بقالنا ساعه قاعدين نبص عليها!
= دلوقتي أسر يخرج ويجي هنا يطمن علي الحلوة
- ايوه واحنا بنعمل ايه برضو
= قومي بقي لو زهقتي انا قاعده اتفرج
"بسملة كانت قايمه وقعدت تاني"
- اللحقي دي شكلها هتتعرف على مز جديد!
"نانسي كانت قاعده و بعدين لقت حد بيقرب عندها"
- ازيك يا ؟
ردت بنفاذ صبر: خير !
= انا خالد الورداني ملحقتش اعرفك بنفسي امبارح
بزهق: وبعدين؟
= مفيش اطمن عليكي عشان وقعتك وكده
- لا كتر خيرك انا تمام
قعد قصادها بكل تناحه: طب مش هنتعرف اسمك ايه؟
ربعت ايدها وبصتله برفعه حاجب: انت حد قالك اني عايزه اتعرف عليك ؟
" في اللحظه دي أسر خرج وكان متجه ناحيه نانسي و استغرب لما واحد قاعد معاها ! "
- اميرة اللحقي أسر رايح وشكله هيعمل مشكلة مع الى بيرخم على نانسي ده
= أوف بت حربا ية
"نانسي اول لما شافته قامت بسرعه وارتبكت بعدين اتحركت ناحيته اما خالد فا قام وبص عليها"
أسر بحده: مين ده الى كنتي قاعده معاه؟
- مكنتش قاعده معاه!
= اعمي انا بقا ؟؟؟
- أسر معرفوش بجد!! جه قعد لوحده عادي وانا قومت اهو يلا بينا
"مسكت ايده عشان يتحركوا لكن أسر بصلها بشك و سابها وراح عنده"
يتبع..
>>>>>>>>>>>>>>>>>>>>>>>>>>>>>>>
#السرعة_والغضب 1
بقلمي Slsbell Ahmed سلسبيل احمد
