رواية فريدة الفصل الثالث 3 بقلم نجلاء عبد الظاهر

رواية فريدة الفصل الثالث 3

ريان دخل شاف فريده بتعيط وندم على ال قاله

ريان بحزن : انا أسف يافريده سامحيني

فريده مسحت دموعها وقالت : متشغلش بالك

ريان راح عندها ومسك أيدها وقال بندم : انا فعلا ندمان أن قولت كده بس بس صدقيني أنا مشاعرى متلغبطه كل حاجه جت فجأه و

قاطعته فريده وقالت : بس ده ميعطكش الحق انك تجرحن"ي

ريان : ده غلطي فعلا انتي ملكيش ذنب فى ال انتي فيه كل الحكايه وما فيها أن كله نصيب وقدر

فريده قالت بتنهيده : عارف ياريان انا ساعات بقول الحمد لله أن ربنا ابتلاني ابتلاء زي ده علشان يخفف عليا من حمل الذن"وب بس أحيانا بزعل على نفسي اوي أن دايما حاسه بالع"جز وال حواليا هيجيلهم وقت وهيزهقوا احساس انك تقيل على ال قدامك ده بيكون اصعب احساس خصوصا لو انت بتحبه

ريان بعدم فهم : قصدك ايه

فريده ابتسمت بح"زن وقالت : متحطش فى بالك خالص حقك ياريان تروح تتج"وز تاني وتالت وحقك تروح تتقدم لل بتحبها انا موافقه على اي حاجه

ريان : لاء يافريده انا هفضل معاكي لحد لما الش"هرين يخلصوا ولما ينتهوا هتقدم ليها إنما طول مانتي معايا انا مش هعمل معاكي كده ابدا انتي متستاهليش مني كده

فريده : بجد ياريان

ريان بابتسامه : بجد يافريده مش ناويه برضوا تاكلى معايا النهارده على فكره انا فى بيتنا أهلى مكانوش بيسبوني أكل لوحدي إنما من وقت ماجيت هنا وانتي مج"وعاني

فريده بضحك خفيف : حاضر

ريان بفرحه : هقوم أحضر الأكل بقا انا

فريده بإحراج : انا هعمله و

قاطعها ريان وقال علشان ميحسسهاش بالزعل : هنساعد بعض يلا

فريده فرحت وقامت دخلت معاه المطبخ

روان : عرفت هتعمل ايه

الشخص : انا عايز افهم بس انتي هتس"تفادي ايه من ده كله

روان : انا عايزه ريان هي أخدته مني كل ال عليك انك تحاول تش"ككه فيها بأي طري"قه ترن عل"يها وهو هناك تبع"تلها ماسدجات وتحاول توضح"له ان هي معاك عايزاه يكر”هها

كريم : وانا هستفاد ايه

روان : لما أخد الفلو"س من ريان هيكون ليك نصيب فيها

كريم بصلها وقال : هو عنده فلوس

روان بخب"ث : كتييير وفريده عايزه تاخد كل ده يرضيك

كريم بخ"بث : لاء طبعا ميرضنيش خلاص معاكي

روان بضحك : أيوه كده

تاني يوم

وفاء : عامله ايه مع ريان

فريده بتنهيده : الحمد لله اتفقنا نتط"لق بعد شهرين

وفاء بصدمه : ايه يابنتي الكلام الفارغ ده

فريده بد"موع : عايزاني أعمل ايه يعني ياماما ريان بي"حب واحده تانيه واقرب صديقه ليا وعمره ماهيحبني

وفاء : بس بتحبيه

فريده : وهو ميعرفش ومش عايزاه يعرف مش عايزه أقل"ل من نفسى مليش الحق فى ده

وفاء : بس انتي مراته ليكي كل الحقوق

فريده بدم"وع وضيق : بس عام"يه ياماما عارفه يعني ايه عامي"ه يعني حتي ابسط حقوقى مينفعش أطلبها هو مش مج"بور يفضل معايا وكمان لو اتجوز مقدرش اعترض لأن عنده الحجه إنما أنا ايه انا ولا حاجه

وفاء بابتسامه وحنان : انتي هب"له

فريده : انا ياماما

وفاء : أيوه ياختي انتي الحمد لله عندك جمال عندك التزام كفايه احترامك انتي ماشاء الله صفاتك الحلوه كتير انتي بس ال بتبصي على حاجه مش بإيدك الامي بجد بيكون أعمي القلب مش العين انتي جميله يافريده

فريده حضنت امها وقالت بدم"وع : بحبه اوي ياماما

وفاء : خليه ليكي يابنتي بإيدك تقدري تخليه يكمل معاكي ويحبك كمان

فريده : بس

قاطعتها وفاء وقالت : مفيش بس خلاص الشهرين دول قر"بي جوزك منك مش عي"ب ولا حرام خليه ينسي ال اسمها روان دي ال متستاهلش حتي كلمة صديقه

فريده : بس ياماما روان

وفاء : متدافعيش عنها انتي فاهمه انتي عارفه هي عملت ايه كويس باعت"ك فى اكتر وقت محتجاها فيه دي متقدريش تقولى عليها كلمة صديقه حتي فوقى لنفسك يافريده محدش يستاهل كلمة صديقتي دي دلوقتى كله بيقول نفسي نفسى

فريده : يعني أعمل ايه ياماما

وفاء : حافظي على جوزك يافريده حافظي عليه

فى المساء

ريان : اتعشيتي

فريده : لاء لسه كنت مستنياك

ريان بابتسامه : كويس لان جعان جدا هدخل اغير هدومى وأخرج علطول

فريده بإحراج : ريان كنت عايزه اروح بكره الشركه معاك ممكن

ريان سكت شويه

فريده بسرعه : خلاص لو مش هينفع خلاص و

قاطعها ريان بضحك : فى ايه يابنتي هو أنا لسه اتكلمت ماشى معنديش مشكله هتيجي تقعدي معايا فى المكتب

فريده : اي حاجه بس أخرج شويه من هنا لأن زهقت من قعدة البيت

ريان بابتسامه : تحت أمرك المهم تكوني مبسوطه