رواية جحيم الغيره الفصل العشرون 20 بقلم أماني السيد
رواية جحيم الغيره بقلم أماني السيد
البارت العشرون بدون لينك
فى اليوم التالى لعزال ابتهال كان يوم اجازه وقرر بعض اصدقائها المقربين ان يذهبوا ويساعدوها فى فرش منزلها الجديد
ظلت ابتهال طوال الليل تفرش غرفتها وتضع اشيائها فى اماكنها إلى أن شعرت بارهاق شديد وخلدت فى نوم عميق لليوم التالى إلى أن قرر اصدقائها أن يذهبوا اليها ويساعدوها
وفى منزل ابتسام اتصلت بعمران والحت عليه أن يأخذها لمنزل ابتهال
تحت ضغط من ابتسام قرر عمران أن ياخذها ولكن أتصل بوفاء أولا واخبرته أن يجعلها تذهب
مر عمران على منزل ابتسام وجدها جالسه تنتظره اخذها وتوجهوا لمنزل ابتهال
فى منزل ابتهال كان الجميع منشغل
أتت منى صديقتها المقربه وقررت أن تساعدها فى فرش المطبخ
والاخريات الصاله ومساعده منى فى المطبخ
وتركت ابتهال الغرفه الثانيه فارفه هى اكتفت فقط بالاساسيات التى تحتاجها
وصلت ابتسام برفقه عمران لمنزل ابتهال ووجدت أصوات ضحك آتيه من شقتها
طرقت ابتسام على الباب وفتحت لها إحدى اصدقاء ابتهال
ـ مين حضراتكم
ـ انا ابتسام مامت ابتهال وده عمران ابن عمها
ـ أهلا يا طنط اتفضلى
دخلت ابتسام وتركت عمران خارج المنزل حتى تنبه باقى الفتيات وجدت ابتهال تمزح مع اصدقائها
لأول مرة ترى ابتسام الابتسامه على وجهه ابنتها
وقفت ابتسام فى منتصف الصالة تنظر حولها…
تشعر انها غريبه
ضحك، حكايات متداخلة، وأصدقاء بيحاولوا يخلقوا فرحة وسط شقة لسه ما دبتش فيها روح.
كانت ابتهال واقفة جنب منى، بتضحك من قلبها وهى بتحكى موقف حصل لهم أيام الجامعة.
وفجأة لمحت والدتها…
سكتت لحظة، نظراتهم تقابلت…
لكنها ما قالتش حاجة،
مش عارفه تعمل ايه .
شعرب منى بالتوتر الذى بدأ يظهر عليهم
و اقتربت من ابتسام بابتسامة خفيفة:
ـ حضرتك أم ابتهال؟
ـ أيوه…
ـ أهلا يا طنط إحنا اول مره نشوف حضرتك انا منى صاحبه ابتهال من ايام الجماعه ودول اصدقائنا وبدأت تعرفهم على المتواجدين
ـ اتفضلى اقعدى يا طنط تشربى ايه .
شعرت ابتسام انها غريبه بجوار ابنتها
من المفترض أن يكون ذلك دورها أن تسالهم ماذا يشربون وليس العكس
حاولت فتح جو من الافله
ـ لا يا حبيبتى أنا مش هشرب انا جايه اساعدكم ...
ايه رايكم هعزمكم انهارده على الغدا
اجابتها منى
ـ شكرا يا طنط انا ماما هتجهز الغدا وهتبعته مع اختى لما يخلص ...
إحنا بيتنا قريب من هنا وماما بتحب ابتهال وهى عامله الاكل اللى بنحبه
ثم نظرت لباقى البنات
ـ يلا يا بنات احنا كده مش هنخلص انهارده يلا ماما عملتلكم محشى اللى مش هتخلص مش هتاكل معانا
بدأ البنات فى المزاح مره اخرى وبدأوا يسرعوا فى عملهم حتى ينتهوا فى اقرب وقت
اجابت احدى صديقات ابتهال
ـ بقولكم ايه احنا سايبين عيالنا مع اهالينا عشان نقعد براحتنا وننبسط عايزين نخاص بسرعه عشان نلحق نقعد مع بعض شويه
بدأو البنات فى المزاح وكلا منهم ذهبت لتكمل عملها
كانت تنظر لهم ابتسام لا تعلم ماذا تفعل أو من هم هؤلاء الاصدقاء من منهم من يحب ابنتها حقا ومن يتظاهر لم تستطع أن تصبح لها أما تنصحها فى مراهقتها كما كانت تفعل مع فردوس ...
تذكرت وجود عمران ووقوفه خارج الباب
خرجت له ابتسام وطلب منه ان يوصلها لمكان تجلب منه بعض الحلوى والمشروبات
وبالفعل ذهبت ابتسام برفقه عمران واشترت تورته كبيره وبعض المشاريب الغازيه
وعادت لمنزل ابتهال وطلبت من عمران أن يذهب وشكرته ...
ولكن عمران صعد معها وتحدث مع ابتهال وسالها إذا احتاجت شئ وتركها حتى تظل براحتها مع اصدقائها
ظل الجميع يعمل على قدم وساق الى أن انتهوا وحاولت ابتسام الاشتراك معهم فى احاديثهم وظلت تسالهم كيف عرفوا ابتهال
واخبروها أن ابتهال صديقه قديمه لهم من ايام الدراسه وقبلها من ايام الثانويه و أن مساعدتهم لها جزء مما فعلته معهم ابتهال فهى كانت تقف مع الجميع ولا تبخل بمساعده أحد منهم
ووجودهم اليوم معها جزء من رد جميلها اليهم
انتهوا اخيرا من تنظيف وتنظيم المنزل وأتت اخت منى ومعها الطعام الذى احضرته والدتها
وبعد الانتهاء من الطعام احضرت ابتسام الكعكه التى جلبتها وظلت تتحدث مع ابتهال واصدقائها واندمجت معهم فى الحديث واكتشفت انها لا تعلم شيئا عن ابنتها
مر اليوم سريعا وانصرف البنات وظلت ابتسام جالسه مع ابتهال
وساد الصمت فى المكان
ـ ابتهال انا لاحظت إن فى اوضه واحده بس مفروشه
ـ أه انا جبت حاجات بسيطه وافرشها بقى بعدين
ـ طيب انا هبات فين
نظرت لها ابتهال بتعجب فهى ظنت انها ستنصرف أو سيأتى عمران ليوصلها مره اخرى
ـ نامى فى الاوضه وانا هبات فى الصاله
ـ طيب ما نبات انا وانتى فى الاوضه هو عيب انا مش غريبه انا مامتك .
نظرت لها ابتهال للحظات…
نظرة فيها اندهاش،
كانت بتحاول تفهم، هل فعلاً والدتها عايزة تقرب؟
ولا دي لحظة عابرة من لحظات الندم اللي بتيجي وبتروح؟
تنهدت وقالت بهدوء:
ـ لا يا ماما… مش عيب…
بس يمكن أنا اللي مش متعودة.
ـ متعودة على إيه؟
ـ متعودة أنام لوحدي
ـ معلش استحملينى انهارده بقى كان يوم مرهق وطويل وماتخافيش انا مابتحركش وانا نايمه
اماءت ابتهال رأسها لا تعلم ماذا تفعل فوالدتها تحاول اقتحام حياتها
خلدت ابتسام وابتهال على السرير ولم تستطع ابتهال النوم عكس ابتسام فاخذت احد الاغطيه وخرجت لتنام فى الصاله
و أثناء خروجها وجدت اتصالا من عمران ،
ابتسمت ابتهال واجابت عليه
ـ ألو عمران
ـ روح عمران وقلبه
ـ عمران لو سمحت ماينفعش كده وبعدين عيب على سنك
ـ ماله سنى 😅😅 يسمح على فكره انتى بس اللى مكسوفه بزيادة بس معلش بكره تتعودى
ـ أنت متأكد إنك دكتور
ـ اه وبعد بكره افتتاح العياده ولازم تكونى موجوده عشان اعرفك على زمايلى
ـ حاضر زى ماوقفت جمبى لازم اقف جمبك
ـ لا يا ابتهال ماينفعش يبقى وجودك معايا رد جميل ...
انا ماليش جمايل عليكى عشان ترديها
انا عايزك جمبى بصفتك حبيبتي وخطبتى وبنت عمرى وشركتى ومراتى المستقبيله اللى ببنى حياتى ونجاحى معاها خطوه بخطوه وحابب انها تكون حاضر كل نجاح بعمله
ابتسمت ابتهال بخجل، وهي لا تزال تمسك بالهاتف في يدها كأنها تخشى أن تهرب منه الكلمات التي قالها منذ لحظات.
حديثه لم يكن فقط كلمات،
كان دفء ناعم تسلل بين ضلوعها،
دغدغة رقيقة مست حياءها الأنثوي، وأربكت سكونها.
لم تكن معتادة على هذا النوع من الاهتمام،
كلامه اخترق كل الجدران التي بنتها حول نفسها،
ولمسها من الداخل…
لمسة لم تكن خادشة، بل حنونة… مطمئنة… ومُربكة في ذات الوقت.
كل حرف خرج منه كان كأنّه بيت له مكان خاص في صدرها،
وصوته…
كان أشبه بموسيقى بطيئة تُعزف على وتر قلبها المنكمش،
فجعلته ينبض على إيقاع جديد… إيقاع فيه نبض اسمه "أنثى مرغوبة… ومحبوبة".
انهت المكالمه بخجل من ذلك الحديث
نظرت لوجهها في مرآة امامها ،
ورأت بنتًا جديدة تولد من قلب الخجل،
وعيونًا تتألق بشيءٍ يشبه الاعتراف الخفي…
اعتراف لا يُقال… لكن الدمعة الصغيرة اللي لمعت في زاوية عينها كانت شاهده عليه.
دمعه سعاده وفرح وليست دمعه حزن
فى اليوم التالى
استيقظت ابتسام اولا ووجدت ابتهال تنام فى الصاله
دخلت المطبخ ووجدت يعض الاساسيات غير متواجده
ذهبت لتشترى بعض الاطعمه والشاى ومستلزمات الطعام لتضعها فى منزلها الجديد
بالرغم أن منزل ابتهال صغير عكس منزلها
إلا انه كان مريح وذلك الاثاث البسيط جعله اكثر راحه
فهو فقط عباره عن غرفتين صغيرتين ومطبخ وصاله
وضعت ابتهال ركنه فى الصاله والمطبخ ليس به كثيراً من الاشياء يكاد يكون فارغاً فقط احضرت به المستلزمات الأساسية وغرفه نومها وغرفه اخرى فارغه
انتهت ابتسام من شراء بعض الاشياء وعادت للمنزل وقامت بتحضير الطعام ووضعته على الطاوله الصغيره أمام الركنه التى تنام عليها ابتهال وقامت بإيقاظ ابتهال لتأكل معها
استيقظت ابتهال واستغربت من تصرف والدتها
تناولوا الفطور فى جو هادئ وبعدها دخلت ابتهال المطبخ وجدت تلك الاشياء التى جلبتها والدتها
خرجت لها مره اخرى لا تعلم بما تناديها
فقررت الدخول فورا في الحديث
ـ هو حضرتك اشتريتى الحاجه دى امته
ـ وانتى نايمه نزلت اشترتها وجيت
ـ طيب حسابها كام
ـ نعم
ـ حضرتك جبتى حاجات فى بيتى طبيعى اسالك حسابها
ـ أنا امك لو ناسيه
ـ انا متعوده على كده مش هعرف اخدهم
ـ لا يا ابتهال اتعودى على كده مافيش بنت بتدى فلوس لانها المفروض العكس لو احتاجت حاجه انا اللى اديكى
قطع صوت حديثهم اتصال فردوس بوالدتها وطلبت منها أن تأتى لتجلس مع ابنائها حتى تذهب لوفاء
ـ حاضر جايه مش هتاخر اجهزى انتى عشان لما اجى تنزلى على طول
ـ ابتهال انا ماشيه دلوقتي لكن هاجى تانى والكلام اللى قولتيه من شويه ده مش عايزه اسمعه تانى
كلدت أن تعترض ابتهال مره اخرى ولكن تركتها ابتسام ورحلت
فى منزل فردوس كانت متردده فى الذهاب لوفاء تفكر الف مره
هل تذهب وتفعل كما فعلت ابتهال هل ستساعدها وفاء أن تتغير كما ساعدت ابتهال
انهت ذلك الصراع بقراراها بالذهاب لوفاء
اتت والدتها وتركت فردوس معها ابنائها وذهبت لوفاء كما اتفقت معها امس عندما اتصلت بها ....
فعندما
تركتها والدتها وذهبت لابتهال بدأت تشعر فردوس بالخوف من ضياع كل شئ من يدها وظنت أن والدتها ممكن أن تتخلى عنها
فقررت الذهاب لوفاء لعلى تساعدها أن يعود إليها كل شىء كما فى السابق
دخلت فردوس العياده واستقبلتها وفاء وكانت ترى التردد في عينيها
دخلوا الغرفة الخاصة بالكشف
جلست وفاء على مكتبها وكانت امامها فردوس
ـ ازيك يا فردوس عامله ايه
ـ الحمد لله بخير
ـ انا مبسوطه انك جتيلى انهارده ...
ومش هسالك عن السبب اللى خلاكى تيجى طالما جيتى يبقى اكيد انتى محتاجه تتكلمى مع حد صح
ـ لأ مش كده .... انا جيت عشان حاسه انى تايهه وكل حاجه بتروح منى
ـ إزاى
ـ جوزى راح وماما حاليا بتقرب من ابتهال ولو ماما راحت انا مش هلاقى حد جمبى
صمتت وفاء تركت لفردوس المجال للحديث فهى من البداية تريدها هى لانها هى من تحتاج للمساعده
ـ فردوس اننى مكنش ليكى اصدقاء وانتى صغيره
ـ لأ
ـ ليه ؟؟؟ احكى يا فردوس وأنا سمعاكى ماتقلقيش كلامنا مش هيطلع بره الاوضه دى
ـ وأنا صغيره ماما وبابا كانوا بيخافوا عليه أوى مكنوش بيخلونى العب مع حد بيخافوا حد يذقنى او يضربى او يضايقنى
حتى ابتهال كان بينى وبينها حاجز دايما زيها زى باقى قريبنا
كبرت وخفيت بس هما مش شايفنى بكبر ولا بخف
كانوا قريبنا بيجوا يزورونا ومعاهم ابتهال كنت بشوف ازاى ابتهال بتلعب معاهم وتتفاعل معاهم
عكسى اللى مكنش ليه صحاب بسبب خوف أهلى
اتملمنى شعور أنى عايزه ابقى مكان ابتهال زيها
عايزه صحابها عايزه قرايبنا عمامى وعمتى وتيتا يحبونى زيها
ـ بس انتى كنتى بتتمتعى بحب باباكى ومامتك عكس ابتهال
باباكى ومامتك كانوا بيحبوكى عشان كده بيعاملوكى بالطريقه دي
انما ابتهال كانوا بيشفقوا عليها وهى كانت بتحس بده
وفى فرق كبير بين الحب والشفقه
الحب بيكون مستمر مدى الحياه انما الشفقه وقت وبتروح والدليل فين عمتك دلوقتي ؟؟؟
حتى عمك بيحب ابتهال وبيشفق عليها وبيعتبرها زى بنته
بس ..... عمرها ما هتكون فى مكانه بنته
كملى انا عايزاكى تطلعى كل اللى جواكى انا سمعاكى ومش هقاطعك
بعد ما كبرت جت ابتهال تعيش معانا بعد وفاه تيتا
وقتها حسيت انى ممكن اكون زيها وقرايبنا يحبونى زيها
بما فيهم عمران
ـ وقدرتى تعملى كده
ـ فى الأول قدرت وانا وعمران بقينا اصدقاء حتى مرات عمى لاحظت اننا قريبين من بعض وبدأت تلمح بارتباط وماما كانت بتشجعها وبابا كان عمى لأ عشان هو بيحب ابتهال أكتر وعايز يجوزها عمران
ـ طيب عمران عمل ايه
ـ بعد عنى وبعدها سافر
ـ فردوس انتى بتحبى ابتهال ؟؟ طيب بلاش عايزاكى تحكيلى من الاول خالص من بدايه طفولتك كل حاجه بالترتيب ممكن وانا هسمعك مش هقاطعك تانى والمره دى بجد ؟؟
ياترى فردوس هتقول ايه
وهل تلك الاسئله والاجابات العشوائية هتساعد وفاء تعرف الماضى بشكل صحيح وبعيون فردوس
يتبع
لقراءة باقي فصول الرواية اضغط هنا ( رواية جحيم الغيره )
