رواية شيطان امرأة كاملة (جميع الفصول) بقلم ناهد خالد

روايات شيقة ❤️

رواية "شيطان امرأة" هي واحدة من الروايات الدرامية الرومانسية التي لاقت رواجًا واسعًا على مواقع التواصل الاجتماعي، خاصة فيسبوك. وتتميّز الرواية بأسلوبها المشوّق الذي يجمع بين الرومانسية العميقة والصراعات النفسية والدرامية المعقدة.

الكاتبة ناهد خالد أبدعت في رسم شخصيات قوية وأحداث مشوّقة تجعل القارئ متشوقًا لمعرفة ما سيحدث في كل فصل. ومنذ صدور الفصل الأول، جذبت الرواية انتباه عدد كبير من عشاق الأدب الرومانسي والدرامي.

رواية شيطان امرأة كاملة (جميع الفصول) بقلم ناهد خالد

_ نيرة هي اللي زقتني وسقطتني.. هي كانت قاصدة توقعني من على السلم.

صدمة احتلت وجوه الكل بعد كلامها، الكل سكت وكأنهم اتجمدوا في مكانهم، و خصوصا المتهمة "نيرة" اللي وشها ظهر وكأنها فقدت الروح، والصدمة بتتردد في ودنها وعقلها مش مستوعب الاتهام البشع اللي اترمى عليها، عشان تكمل الصدمة وتثبت عليها التهمة وواحده من الواقفين تخرج عن سكوتها وتقول:

_ وانا شوفتها.. مكنتش احب اتدخل في الموضوع بس دي شهادة حق، انا شوفت نيرة وهي بتزق ندى عشان توقعها على السلم..

والكل في اللحظة دي بص لنيرة اللي حرفيًا على وشك الإغماء، نظرات الكل مكانتش فارقة معاها، واتهام الكل ليها ملوش أي معنى.. كل اللي كان فارق معاها نظرته هو "زياد" جوزها وجوز "ندى" في نفس الوقت لكن "نيرة" هي الزوجة الأولى، الزوجة اللي سمحت لجوزها يتجوز لغرض الخلفة اللي اثبت كل الدكاترة ان أمرها مستحيل عند نيرة.. بصتله وهي بتتمنى تشوف نظرة مختلفة عنهم في عينه، نظره معناها انه مصدقها وواثق انها متعملش كده، لكنها اتفاجات واتوجعت لما لقته بيبصلها زيهم.. باستفهام وعتاب.. هزت رأسها برفض وهي بتسأله:

_ أنا أعمل كده؟؟

وقبل ما يرد خرج صوت والدته "ماجدة" وهي بتقول:

_ ومتعمليش كده ليه! انتِ اكيد مش متحملة انه اتجوز عليكِ، لأ وكمان حامل وهتجيب العيل اللي اتحرمتي منه، اكيد الغيرة دبت في قلبك ومتحملتيش كل ده يحصل حواليكي.

يتبع ....