رواية انتقام ملغم بالحب كاملة (جميع فصول الرواية) بقلم سارة الحلفاوى
رواية انتقام ملغم بالحب بقلم سارة الحلفاوى
 |
| رواية انتقام ملغم بالحب |
بعد انتشار رواية انتقام ملغم بالحب وفرناها لكم كاملة (جميع فصول الرواية) بقلم سارة الحلفاوى قراءة ممتعة اختر الفصل الذى تريده
في قاعة أفراح فخمة جدًا و مليانة ناس من عِلية القوم و من الطبقة المخملية زي ما بيقولوا، الناس كلها فرحانة إلا هي، قاعدة في الكوشة المُزينة برُقي، مشبكة صوابعها ببعض، باصة قُدامها بفارغ حقيقي على قلبها، عينيها مليانة دموع محبوسة بس قلبها كان بينزف دم، لابسة فستان أبيض كان من أحلامها إنها تلبسه لشخص تحبُه و يُحبها، ولبست الأبيض بجد،
ألتفتت براسها و شعرها الطويلة البني التي سابته مُتحرر مُنساب على ضهرها، بـ تبُص للشخص اللي قاعد جنبها راجل أقل ما يُقال عنه من أوسم الرجال، راجل أمتلك قلبها في أقل من دقيقة، مش بس قلبها دة إحتل عقلها في وقت لا يُذكر، كان لابس بدله سودا كان زياداه جمال، كل أحلامها إتحققت، فستان أبيض و راجل بتعشقُه عشق، و فرح كله هيتكلم عنه،
بس اللي ناقصها بجد قلبُه! حُبه ليها اللي مش موجود! مقدرتش تاخد قلبه زي مـ هو خد قلبها، بصتله بحُزن وقلبها بيتقطع، بدأت تتأمل في ملامحه، شعرُه البني الناعم، و عينيه اللي شبه غابات الزيتون، و مناخيره الحادة و اللي بتدُل على شخصية مغرورة متعجرفة، و شفايفُه المرسمومة بإبداع من اللي خلقه، مركزتش في كل دة غير في عنيه، عينيه المليانة قسوة لو إتوزعت على دولة بحالها هتفيض و تكفي، عينيه باردة بشكل بشِع!!!
بصت للأرض بحُزن و هم، ياريتها تقدر تنسى كلامه اللي رماه في وشها الصبح زي القنبلة الموقوته، على الأقل كان خلاها على عماها اليوم دة بس، كانت هتبقى أسعد بني آدمة في الكون!!!
فتحت عينيها لما حالها صوته، صوته الرجولي القاسي. واللي بقت حافظاه حفظ، بيقولها بجمود خلَّى قلبها يتفتت!! :
- أضحكي .. متحسسيش حد بـ حاجة!!
أبتسمت، أبتسامة ساخرة كانت بتنبض بالحزن، بتبُص قدامها بأسف و ألم، زادوا أضعاف لما لقت أبوها جاي عليهم، أبوها اللي عمرها مـ كرهت حد زي ما كرهته، أبوها اللي دمرها و خلاها متحطمة من زمان، فجأة و بدون أدنى مقدمات كانت عيناها بتتملي بقوة غريبة لما شافت أبوها بيبُصلها بشماته!! إتحدته بنظرات قوية ف ظهر الضيق على وشُه! جِه ناحيتها و مسك دراعها بعنف مالوش مثيل و بَث لجوزها اللي كان بيراقب اللي بيحصل بجمود، فـ قال أبوها بإبتسامة سخيفة!:
- بعد إذنك يا فَهد، هاخد عروستك منك دقيقتين و هرجعهالك!!!
- متتأخرش!
مشيت مع أبوها و طلعوا برا القاعة كلها، و لما إطمنت إن مافيش حد شايفهم بعدت إيديها عن إيده وقالت بحدة:
- في أيه؟! عايز مني أيه تاني!
وشُه تحول لخبث رهيب، و هو بيقول بنبرة مليانة مكر!:
- أسمعي يا تاليا، أنتِ محظوظة أنك أتجوزتي فهد الصاوي! و كمان خليتيه يدفع فيكي ملايين! أول مرة يبقى ليكي فايدة يا بنت حنان!!!
بصتله بقرف حقيقي فقال بعنف:
- متبُصليش كدا يا بنت الـ****!!! ولا نسيتي عُلَق زمان!!! لو نسيتي أنا ممكن أفكرك!!
يتبع ....
فصول رواية انتقام ملغم بالحب
اضغط على الفصل الذي تريد قراءته:
رواية انتقام ملغم بالحب الفصل الأول 1
رواية انتقام ملغم بالحب الفصل الثانى 2
رواية انتقام ملغم بالحب الفصل الثالث 3
رواية انتقام ملغم بالحب الفصل الرابع 4
رواية انتقام ملغم بالحب الفصل الخامس 5
رواية انتقام ملغم بالحب الفصل السادس 6
رواية انتقام ملغم بالحب الفصل السابع 7
رواية انتقام ملغم بالحب الفصل الثامن 8
رواية انتقام ملغم بالحب الفصل التاسع 9
رواية انتقام ملغم بالحب الفصل العاشر 10
رواية انتقام ملغم بالحب الفصل الحادى عشر 11 والأخير
اقرأ روايات مكتملة فقط من (هنا)
