رواية عشق الوقح الفصل الثالث والعشرين 23 بقلم مايا النجار

 رواية عشق الوقح الفصل الثالث والعشرين 23 بقلم مايا النجار

رواية عشق الوقح الفصل الثالث والعشرين 23

البارت الثالث والعشرون 

عشق الوقح 

مايا النجار

&&&&&&&&&&&&&&&&&

وهم يروا نجلاء وهي تجرح نفسها بالسكين نظر الجميع لها بزهول لا احد يتوقع ذلك ابدا تقع نجلاء علي الارض وقبل ان تقع تقول بتعب. انا حبيتك اكتر ما حبيت نفسي يا فاروق انا عملت كل حاجه وخسرت كل حاجه علشانك وانت في النهاية تعمل فيا انا كده احسن منى في ايه هي علشان تحبها وتسيبني انا ليه يا فاروق ليه 

نظر اليها فاروق ونظر إلى شغف التي كانت تنظر بخوف و زهول لا تعرف ماذا يحدث ليقول بصوت عالي. عماااار هات عربيه ناخد البت دي علي المستشفي بسرعه 

ذهب عمار لكي يحضر السياره كما قال ينظر فاروق الي شغف ويقول لصباح. اما خدى شغف علي فوق انا هشوف البت دي وجاي علي طول 

تهز صباح رأسها وتمسك كتف شغف لكي تذهب معها ولكن شغف لا تتحرك ولا تقوم برد فعل سوا انها تنظر الي فاروق فقط ليقترب منها فاروق ويقول بهدوء جانب أذنها. اطلعي الشقه وانا ساعه و هاجي يلا 

تحرك شغف رأسها وكأنها تقول لننتظر لنرى إلى أين سيصل هذا الأمر وتذهب مع صباح الي الاعلي تنظر خلفها روان وتقول بهمس. بسم الله ماشاء الله البت مطيعه طلعالى

تنهي حديثها بغرور تسمع الذي يقول. طب كويس علي الاقل مش هتعب في ترويضك 

تنظر اليه روان وتقول بغيظ. ليه يا حبيبي مفكرني اسد 

سراج ببرود. لا كلب مفكرك كلب يا حبيبة حبيبك بت انتي بصيتي علي نفسك قبل ما تنزلي 

روان بغيظ. بت في عينك 

سراج بغضب وهو يجز علي أسنانه. ردي كويس بدل ما اهبدك بالكرسي في راسك 

روان بصوت عالي. تهبد مين و الناس نايمين يا عمر 

ينظر سراج حوله يري الجميع ينظر اليهم يحمد ربه ان عمار ذهب مع فاروق الي المستشفي ينظر الي علياء ويقول. شايفه بنتك يا حجه شايفه تربيتك بتعلى صوتها علي جوزها المستقبلي 

كادت علياء تتحدث ولكن توقفها روان وهي تقول بصوت عال. جوز مين يا بابا انت 

سراج بغضب. تعرفي لو صوتك على تاني انا هعمل فيكي ايه 

تنفزع روان وتبلع ريقها بتوتر وتقول وهي تخبي خلف ظهر والدتها. تعالي قدامي يا علياء علشان لو هيضرب يضربك انتي انا مش حمل قلم واحد خدي الضرب مكان بنتك 

تنظر اليها علياء بقرف مصطنع وتقول. امشي علي البيت يا روان امشي وانت التاني مش واخد بالك من المصيبه الي حصلت 

سراج ببرود. مصيبه ايه 

علياء. البت اللي لسه دمها علي الارض دي 

سراج ببرود. حد يرش ترب بدل ما تموت و يطلع عفريتها يقرفنا بقي 

روان بخوف. ياما يعني انا كنت طايقه نجلاء علشان يطلعلي عفريتها 

علياء بغيظ. فعلا انتوا الاتنين جزمه و لقت فردتها 

ينظر سراج الي روان ويبتسم وهي يري نظرتها الي والدتها ويقول بهدوء. طب مقبوله منك يا حماتي بس سبيني مع البت هنتكلم شويه مع بعض في حاجه كده

علياء بصوت عالي. نعم يا روح حماتك انت عايز عمار يجي يموتني جنب نجلاء لا طبعا لما اخوها يجي تبقي تقوله عاوز اتكلم معاها ام انا لا يا خويا 

سراج ببرود. يا وليه عيب عليكي روحي بس عشره دقايق بالظبط و هتلاقي البت عندك يلا بس 

علياء. طب احلف بالله ان الكلام مش هيبقي في تجاوزات 

سراج بغيظ. يا خالتي انتي تعرفي عني كده طب والله عيب عليكي ده انا سراج يا خالتي 

تنظر اليه علياء بشك وتنظر إلى روان التي كانت تنظر لها لكي ترفض ولا تتركها معه ولكن تذهب علياء الي المنزل وتنظر خلفها روان بصدمه وغيظ وتقول. ام وتطيه فعلا مش مسامحكي يا علياء قلبي و معدتي غضبانين عليكي 

سراج ببرود. بترطي في ايه 

روان بغيظ. مش في حاجه ممكن تقول اللي عندك علشان عاوزه اروح انام 

ينظر سراج حوله ويقول. طب تعالي جوه علشان الناس بتفرج علينا 

تنفخ روان بغيظ وتقول. انت يا عم انا مش هروح في حته الي عايزاه قوله هنا 

سراج ببرود. انتي قلبه وشك عليا ليه يا بت 

روان بعتاب. والله أسأل نفسك انت عملت ايه يخليني مش طايقه اشوفك حتي 

سراج بهدوء. الي فات مات يا روان احنا ولاد النهارده مش امبارح حاسبيني علي الي حصل النهارده 

روان وهي تحاول ان تكتم دموعها. وماله يا سراج احاسبك علي النهارده عينك بتروح علي بنت ماجد ليه ندي دي احسن مني في ايه علشان تكون مركز عليها اوي كده 

سراج بستغرب. انتي بتقولي ايه يا بت ندي مين الي ابص عليها ده اكبر مني 

روان بغيظ و دموعها تنزل علي خدها. والله ده علي اساس ان حضرتك بترحم كبيره او صغيره 

يبتسم سراج بستفزاز ويقول وهو يحك في ذقنه. هو اه سن التلاتين ده مع النسوان حكايه بس لا متوصلش اني ابص عليها قدام الناس كده عيب يا اخت روان

تنظر اليه روان بخيبة امل وكانت ستتحرك ولكنه امسك بيدها وهو يقول. اصبري بس رايحه فين 

تنزع روان يده من عليها وهي تقول بغضب ولكن بصوت منخفض. ايدك يا سراج اوعي تفكر اني من الزباله الي انت تعرفهم انا انضف من انك تفكر فيا انا كده حقيقي عمار كان عنده حق في وجهة نظره فيك انت عمرك ما هتغير

سراج بغضب. روان بلاش الكلام يهلفط منك كده انا بهزر مش اكتر و ام دماغك بلاش تسوحك ندي مين الي ابص عليها انا واخوكى انا قولتله ان السكه الشمال دي انا مش همشي فيها تاني عاوزه تصدقي صدقي مش عايزه عنك ما صدقتيني ابو شكل ام نكدك ده 

روان بغيظ وعناد. طيب يا سراج انا مش مصدقاك ولا هصدقك و اخويا ممكن انت ماسك عليه حاجه علشان كده هيوقف في صفك عادي انا مش بثق في اى راجل اصلا 

سراج ببرود. فعلا ممكن اكون ماسك عليه صور ولا حاجه بت انتي عايزاه ايه دلوقتي لو دماغك هترميكي اني ممكن اقولك كل واحد في طريق يبقي يا خسارة عيالي الي هياخده ذكائك انا مش فضلت احايل في اخوكي واخده يمين و شمال علشان فالاخر حضرتك ترمي كلمتين زي دول اظبطي حالك يا بت انتي 

روان. و لو مظبطش يا خويا هتعمل ايه 

سراج بغضب. ما بلاش اخوكي ده علشان دمي بيتحرق منها قال اخوكي قال بت انا اهلي مجبوش غيري هسمع منك كلمة اخويا دي تاني هقولك كلام بلس عشرين تمام كده 

نظرت اليه روان ولم تتحدث ليقول هو بهدوء. بصي يا روان انا لو مش عاوزك او ناوي العب بيكي فمش هختارك انتي مش هختار اخت صاحبي اكيد يعني فكري كده بالعقل انا هروح اخسر عمار علشان العب بواحده يعني العقل فين في ام الحوار ده انا داخل جد و الفرح خلاص مش ناقص عليه غير يومين فامسكى العقل كده يا روحي 

تنظر اليه روان من الاسفل الي الاعلي وذهبت الي المنزل نظر خلفها سراج وقال. هي بتبص عليا كده ليه هو انا عملها علي نفسي ولا ايه ينعل ابوها جوازه عمار باصص فيها 

في منتصف الليل يدخل الشقه بإرهاق ممزوج بالسعاده لأنه يعلم بأنها في داخل الشقه التي سيفتح بابها الآن دخل وهو ينظر إليها وهي تجلس على الكرسي ولا تفعل شئ سوا أنها تنظر الي الارض فقط يشعر فاروق بان هذا اليوم لن بمر بالسهل يقترب منها ويقبل رأسها وهي لا تأخذ بالها منه فالشئ الذي تفكر به لا يجعلها تدري بشئ تنظر اليه وتقول. نجلاء عامله ايه

فاروق بهدوء. كويسه الحمدالله السكينه مقطعتش وريد 

تهز شغف رأسها بنفاذ صبر وتنهض وهي تقول بغضب. ان شاء الله كان قطع رقبتها يا شيخ انت يالا مالك فرحان كده ليه اه صح ما حبيبت القلب ربنا رد فيها الروح و مخدهاش صح انا غلطانه علشان وثقت فيك يا فاروق انا بنت ستين في سبعين علشان سبت قلبي يحب واحد زيك

كان فاروق يسمع حديثها ولاول مره يشعر بأنه يعجز عن الحديث لم يكن من الخجل من الذي فعله بل انه مصدوم من حديثها و الطريقه الذي تتحدث بها شغف الفتاه الرقيقة الجميله كيف تحولت هذه الفتاه التي لا يخرج من فمها سوا اجمل الحديث الان تقول (يالا) 

 يفيق فاروق من الصدمه ويقول. نعم يا قلبي يالا انتي حد لعب في الاعدادات عندك شغف مالك يابا 

شغف بصوت عالي. شغف طلع عين اللي جابوها يا فاروق انا ممكن اتسامح في ايه حاجه الا حاجتين الخيانه وان حد يقرب من ميجو 

فاروق بغضب. ميجو يا جزمه بت انتي انا راجع مش شايف قدامي 

شغف بغضب و دموع. اه صح مش شايف قدامك زعلان اوي علي ست نجلاء يا حرام انت سبتها وجيت ليه كنت فضلت معاها تطمن عليها تشوفها محتاجه حاجه عايزه تاكل تاكلها عايزه تشرب تشربها عايزه تدخل الحمام ت

يقطع حديثه فاروق الذي قال بصوت عالي. ايييييه تدخل الحمام ايه يا بت الناس صلي على النبي كده الموضوع مش مستاهل والله بتحرقي في دمك ليه النهارده ليلتك يا جميل سيبك من نجلاء ومن الي جابوها طب وحياتك عندي ماحد غيرك في القلب مفيش حد سكن قلب الونش غيرك انتى يا عروسه مفيش واحده ملت عيني غيرك انتي اقسم بالله العظيم انتي الروح ونبض القلب و الحاجه الحلوه الي مخليه لحياتي طعم انتي كل حاجه حلوه يا شغف بتتكلمى في ايه و نجلاء ايه ما هي مرزوعه قدامي مبصتش عليها ليه علشان كل البنات دول ميجوش حاجه جنبك انتي يا حياة الونش و عمره كله 

شغف بدموع وحيره. فاروق انت بجد بتحبيني

فاروق بعشق. كلمه زي كده تخليني احس انك بتغلطي فيا يا شغف لما اكون مش قادر اوصلك حبي ليكي لدرجه انك تقولي كده انتي مش حاسه بيا يا شغف يعني انا مش قادره

 اوصف حبي ليكي لهفتي عليكي مش وصلالك يا شغف ليه بتقولى كده ده انا حياتي بتوقف مع كل دمعه بتنزل منك انا لما بشوف ضحكتك كأن الدنيا بتنور قدامي انا كل حاجه في حياتي بقيت متعلقه بيكي انتي يا شغف الله يخربيتك يا شيخه انا مكنتش احلم ان اقول لبنت كده تعرفي يا شغف اني عمري ما توقعت ان اتجوز و افتح بيت عمري ما قولت البت دي هتبقي مراتي او بصيت علي واحده علي اساس الجواز قبل دخولك حياتي انا كنت انسان تاني بعد ما دخلتي حياتي كنت خايف الدنيا تعاقبني علي الي عملته انها تاخدك مني مكنتش هستحمل حاجه زي كده انا بعشقك يا شغف ده حتي كلمه بعشقك مش هتوصف ربع الحب الي قلبي شايله ليكي كفايه كلام بقي انا عاوز افعال 

قال حديثه وهو يقربها منه تضع شغف رأسها علي كتفه. فاروق انت لو خذلتني انا ممكن اموت والله انا مكنش ليا خير مع اهلي علشان خاطري بلاش تيجي عليا انت كمان والنبي يا فاروق اوعي تعمل فيا حاجه تخليني اقول انك شبهم انا هقدر علي كل الخساير بس مش هقدر علي خسارتك انت انا شوفت فيك حاجات كتير حاجات كانت ناقصانى اوعي تسيبني او تخليني اندم وحياة ربنا يا فاروق والنبي 

كانت تقول حديثها وهي تبكي بكاء بحرقه هي فى الحقيقه تخاف من أنها تُخذل و بالاخص من فاروق يرفع هو رأسها التي كانت تدفنها في حضنه ويقول. حبيبتي انا جنبك و عمري ما هسيبك انتي بقيتي مراتي يا شغف بقيتي حته مني هتبقي ام عيالي الوقت الي كنا بنقول امتي يجي احنا دلوقتي بنعيشه بطلى دموع بقا خلينا نعيش اللحظه مع بعض النهارده اول يوم لينا في شقتنا وفي الحلال 

شغف ببراءة. يعني انت معترف انك كنت بتعمل حاجات حرام صح 

فاروق بغيظ. هو اي نكد و خلاص يا شغف يا قلبي نقفل علي الحاجات اللي هتقلب علينا الليله ولا انتي عايزه تنكدي علشان تهربي 

تهز شغف رأسها وهي تقول. طب انا عاوزه اعرف انت ايه علاقتك بنجلاء 

فاروق بغضب. مش قولتك اي نكد و خلاص يا حبيبتي قفلى علي الموضوع مش طالبه نكد هي 

شغف بصوت عالي. انت ليه مش عايز تتكلم ما انت اكيد مخبي حاجه قولي والنبي و ريحني 

فاروق بغضب. يا قلبي علشان انتي ترتاحي مش لازم تعرفي انسي اللي حصل يا شغف 

شغف بغضب. مش هنسي يا فاروق مش هنسي وهتقول دلوقتى يا هاخد بعضي و همشي انت ازاي ضيعت نجلاء ازاي واحده توصل انها كانت هتموت نفسها علشانك ليه ده كله

فاروق ببرود مصطنع. بت هبله جايه ترمي بلاها عليا سيبك منها وحياة امك خلينا نخلص في الليله دي هي اولها مختار و في نصها نجلاء و بتنتهي بشغف 

شغف بدموع. فاروق انت مخبي حاجه وحشه صح اصلي لو حاجه عاديه انت هتقول بس انت مخبي حاجه عارف انها هتزعلني علشان كده مش عايز تقولها 

يحملها فاروق بين يده وهو يقول. بصي ندخل جوه و هسمعك احلي كلام 

يقول حديثه ويسير بها الي غرفه النوم لتقول شغف بصراخ. لالالالالالا يا فاروق نزلي انت بتهرب من الاجابه ليه خليني انزل بقي مش هتقرب مني غير لما اعرف كل حاجه ليه واحده زي نجلاء عايزه تموت نفسها علشانك كانت تقصد ايه بأنك دمرتها قولي علشان خاطري 

ينظر اليها فاروق ويقول بهدوء وهو يغلق باب بقدمه. نقفل باب علشان محدش يسمع الصوت وعلشان ارتاح من زنك علي موضوع ميستهلش انا هقولك نجلاء كانت بتحبني وانا مش هكدب و اقولك اني كنت بصدها لا مكنتش بصدها خالص و ده اللي خلاها تفتكر اني كده بحبها بس ده والله ما حصل انا عمري ما حبيت ولا هحب ولا عاوز غيرك هي الي هبله لما عرفت اني مش بحبها راحت تلعب علي ناصر وهو راح معاها اتخطبوا علشان تغظني بس محصلش حاجه و الموضوع بنسبالي كان عادي تسكت هي لا تسخن ناصر عليا علشان يحصل مشاكل بيني و بينه و علشان كده ناصر شايل مني و دلوقتي ناصر سابها يعني ولا طالت ناصر ولا فاروق فتعمل ايه جت تعمل نمرة هنا علشان تصعب علينا بس اللعبه بتاعتها قلبت جد و حصل الي حصل ها هتسبينى اشوف شغلي بقا 

كادت شغف ان تتحدث بتعجب ولكن كان فاروق يهبط علي شفتيها وهو لا يريد ان يسمع شئ الآن يقبلها بقوه ليجعلها تصمت ولا تتحدث ولا تستطيع ان تبعده عنها يتسطح علي السرير بهدوء ولا يريد ان يجعلها تخاف منه يريد ان يطمأنها لكي لا يحدث بها شئ وبعد فتره كان فاروق يهبط علي شغف التي كانت لا تعرف ماذا يفعل هذا الوقح بها ويجعلها فاروق له وتحمل اسمه الي اخر العمر والان نقول بأن شغف أصبحت شغف الونش و (عشق الوقح) الي الأبد 

في صباح يوم جديد يفتح عيونه التي نظرت امامها علي الفور ويرى اجمل مشهد ممكن ان يفيق عليه الونش العشق و الادمان تنام بجانبه وهي عاريه تماماً وهو يغطيها ببطانية ثقيله لكي لا تبرد كان يريد ان يجعلها تأخذ حمام دافئ ولكنها كانت متعبه بشده يقول فاروق وهو يقبل رأسها. شغف حبيبي يلا قومى الوقت اتأخر خلينا ناخد دش مع بعض يلا يا حبيبي كفايه كل ده نوم

و لكن لم تفيق شغف يضرب فاروق علي وجهها بخفه ولكنها لم تفيق ينهض فاروق بفزع وهو يردد اسمها لكي تفيق ولكنها لا تفيق وكأنها لم تكن في هذ العالم فاروق بلهفه وهو يقول. شغغفغغفففففففف قومي يا شغف بت شغغغغغغغغغغغغغغغغغغف

كده بارت خلص رأيكم و توقعاتكم في الكومتات و البوستات انا هسيب لينك البيدج و الجروب في الكومتات استنوننننننننننننني في بارت جديد بقلم مايا النجار باي بااااااااي 🫰 ♥️ 💋

رواية عشق الوقح الفصل الرابع والعشرين 24 من هنا

رواية عشق الوقح كاملة من هنا