رواية العقدة والحب معًا (براء وإيلين) الفصل الخامس 5 بقلم أمل بكر

رواية العقدة والحب معًا (براء وإيلين) عبر روايات الخلاصة بقلم أمل بكر

رواية العقدة والحب معًا (براء وإيلين) الفصل الخامس 5

بصتلي وكاني قولت حاجه غلط،

-بتسألي لي؟!

-عادي انتي تعرفي !!

-مجدي قالي انها يعني خانته والراجل الي كانت بتخونه معا قاتلها

شهقت وانا بحط ايدي علي بوقي بدهشه 

=بس اوعك تقولي حاجه لحد 

علشان هو متأثر جامد بالموضوع ده 

-علشان كده مازن بيقولو ان ابوه بيتعصب اما بيجيب سيرتها

-هو مازن اتكلم معاكي 

-ايوا وقالي كمان ان اخوه براء ده بيتعصب ومش بيرد عليه 

-بس مظنش ان اخو يعرف مجدي استحاله يقولو حاجه زي دي ماهما كان دي امو

طلعت من المطبخ وانا بفكر وزعلت اوي علي مازن ده طفل كان محتاج ام فعلاً مش كل حاجه ناخدها بالشكل 

اكيد عمو مجدي موجوع ربنا يكون في عونه 

برقت وانا بفكر انه ممكن يكون عنده شك ويشك في ماما ولا حاجه 

ضربت دماغي وانا بشتم افكاري همست بهدوء 

-ربنا يسلمنا يارب ويحمينا من كل سوء 

قومت اتوضيت وصليت الضهر ورجعت طلعت الصالون قعد جمب ماما علي الركنه 

اتكلمت وانا بحاول نبرتي عاديه،

-مازن بيقولك ياماما 

بصتلي وابتسمت،

-فعلاً انبسط اوي ياإلين كان صغير ومشافش امه 

هزيت راسي بتفهم ،

-يارب يجعلك ام كويسه لي 

ضحكت،

-فاهمه دماغك هاا انتو كمان بحبكو طبعاً بس لو شوفتي اهتمامي بيه زياده هيبقي علشان طفل وملاقاش الي يبقي حنين عليه زي الام 

ضحكت انا كمان،

-متقلقيش انا بالنسبالي عادي بس خلي بالك علشان زياد وزني بينهم 

-اكيد ان شاء الله 

بصيت اي البيت وانا بقوم اقف بفضول،

-ماما هو انا ممكن اتفرج علي البيت 

-طبعاً ياحبيبتي اتفرجي براحتك 

مشيت باعجاب عجبني اوي الوانه حلوه ومريحه مشيت الطرقه الي فيها اوضي وفي اخرها فيها اوضه اظن دي بتاعت ابنه الي ماما قالت عليها 

وفي الجمب كان فيه حمام 

همست،

-ولو ده في اتنين حمام في البيت 

رجعت الطرقه تاني وكان في اوضه مازن وبعدين في اوضه تانيه شكلها بتاعت ماما وعمو اكيد لقيت جمبهم حمام وهو ده الي دخلته الصبح 

والصالون شفته بتاع الضيوف وفيها سفره ونيش ومرايه كبيره علي الحيطه 

واوضه تانيه فيها تلفزيون وركنه وسفره صغيره برده دي الي اكلنا عليها الصبح 

قعد جمب ماما تاني 

ماما،

-عجبك؟!

-بصراحه تحفه ماشاء الله 

-نعيش فيه براحه بال يارب 

رديت،

-يارب 

-اقلعي الاسدال لما يجي مجدي البسي

بعد وقت ،،،،،

العصر اذن ودخلت اصلي وجرس البيت رن طلعت من الاوضه وشوفت ان عمو مجدي هو الي اجي ومعا مازن وزياد 

بصلي وبعدين بص بعيد عني ،

-انا رنيت الجرس علشان تعرفو اني جيت 

هزيت راسي بهدوء وعجبني احترامه ،

-لا مفيش حاجه كنت بصلي 

-تقبل الله هدخل انا كمان اصلي 

دخل يصلي وماما بدأت تجهز الاكل وانا ساعدها 

قعدنا علي السفره 

ماما،

-حبايبي عملتو اي انهارده في الدرس 

زياد،

-الحمدالله فهمت 

مازن ،

-وانا كمان 

ماما ابتسمت ،

-طب الحمدالله يارب ديماً 

عمو مجدي وجه كلامه ليا،

-إلين انتي مش بتشتغلي؟!

بصتله واتكلمت باختصار،

-لاء

-طب مش حابه؟!

بصيت لماما بتردد،

-يعني مش عارفه مجربتش قبل كده

-لو عايزه قوليلي وانا اشغلك معايا في العياده 

-هو حضرتك دكتور؟؟

-اي ده متعرفيش 

ايوا ياستي انا دكتور باطنه 

-ماشاء الله 

ماما،

-يعني ممكن تشتغل اي يامجدي 

-السكرتيره الي كانت موجود هتتجوز وهتسيب الشغل اخر الاسبوع لو إلين حابه اتشرف انها تكون مكانها طبعاً

بصراحه انا عايزه اعمل اي حاجه وكمان الشغلانه مش متعبه اوي مش كده ولا اي 

قطع تفكيري صوت ماما 

-اي رائيك ياإلين بصراحه شايفها حلوه

-مش عارفه بس تمام اجرب 

عمو مجدي ابتسم بموده،

-هتحبي ان شاء الله 

خلصنا اكل وماما وعمو مجدي بيتفرجو علي التلفيزيون ومازن وزياد بيلعبو في الاوضه وانا قاعده باكل لب وانا زهقانه 

ببص جمبي صدفه لقيت بلاكونه في اخر الشقه من ناحيه الباب 

اتكلمت بدهشه،

-عمو هي دي بلاكونه 

رد عليا وهو مندمج في الشاشه،

-ايوا ياحبيبتي 

قومت روحت عندها وفتحتها واوو كبيره اوي وكأنها اوضه والسجاده الي علي شكل زرع والسور الي شكله حلو والمركيحه الي موجود 

-انا ازاي ماخدش بالي منك ياتحفه فنيه انتي 

خلصت كلامي وكأني بكلم البلاكونه 

قعد علي المركيحه بفرحه وانا ببص علي الناس القليله الي ماشيه في الشارع الي بيجيب حاجه من السوبر ماركت الي في وشي 

والاطفال الي  بيتلعب بالكوره والعطار الي طالعين وداخلين من عندو وووو 

محلات كتير جمب بعض وشكلهم حلو اوي 

فضلت اتفرج علي الناس وانا سرحانه وبفكر في كلام عمو اروح اشتغل معا ولا لاء 

وياتري بقي هو عايزني اشتغل معاه لي

برقت بصدمه وانا بتخيل وهمست

-يانهار ابيض ليكون هيتحرش بيا في العياده وحركات جوز الام

-لاء لاء مينفعش اثق فيه بس هو شكله طيب 

فضلت حيرانه وافكر اروح ولا لاء 

بصيت في الساعه لقيتها ١٢ بليل 

يلهوي انا قعد كل ده زمانهم نامو ولسه بعدل الطرحه 

سمعت البلاكونه وهي بتفتح وبيدخل حد وبيقول 

-اي ياعبدالله عايز اي 

صوت برعب وانا شايفه واحد قدامي معرفهوش

-يلهوييييي ياعموووو الحقني يامامااااا

بلعت صويتي وانا شايفا بيبصلي بخضه وهو جاي نحيتي 

رجعت لورا برررعب واتكلمت بترجي وانا شايفه مفاتيح في ايده قولت بس هيقتلني بيها،

-لا لا بلاش تقتلتني وو 

اتكلم بثبات ،

-اقفل دلوقتي هرجع اكلمك 

وجهلي السؤال وهو عيونه ثابته عليا،

-انتي مين 

بخوف وانا مش عارفه اتكلم من قربه ،

-ا ان ت الي مين!!!

-ده بيتي انتي عبيطه 

-بيتك منين ده بيت عم…

وقفت كلامي وانا بسأله ،

-انت براء مش كده 

رفع حاجبه،

-وعرفتي منين !!

-ممكن تبعد شويه الاكسجين هيروح من عندي 

بعد واتكلم،

-اخلصي مين انتي ؟!!

بعصبيه من طريقته الزفت،

-وانت مالك انا مين 

-نعم واقفه في البلاكونه وفي بيتنا وانا مالي!!!

اتعصبت من انه عمال يقول بيتنا بيتنا بس هو عنده حق يعني امال بيتي!!

-لما تتكلم معايا باحترام هرد عليك 

بصلي بنفاذ صبر،

-ماتخلصي وتقولي 

برق بدهشه وهو بيسألني وهو مش مصدق،

=متقوليش انتي الي ابويا اتجوزها 

نهي كلامه بنبره سخريه 

اتكلمت بسرعه،

-لا لا انا بنتها 

-نعممم بنتها!!!!

-اه في اي 

سند ايده علي السور وهو مغمض عينه وعمال يتنفس 

مش فاهمه ماله ده ليكون تعبان 

اتكلم،

-اطلعي 

بغيظ من طريقته رديت عليه وانا طالعه،

-كنت طالعه اصلاً

اتنفس بفارغ صبر وهو بيكلم نفسه،

-ده الي كان ناقص جايبلنا بنتها كمان 

دخل اوضه علشان ينام تلفونه رن وكان عبدالله 

-اي ياعم الصويت الي كان عندك ده 

مسح علي شعره بعصبيه،

-دي بنت الي ابويا متجوزها 

بخبث ،

-قد اي دي يابراء 

بعصبيه وهو بيغمض عينه،

-وانا اي الي يعرفني تعالي اسألها بنفسك 

-تمام هجبلك بكره الصبح 

-طب يلا تصبح علي خير 

-لا لا استني قولي كانت بتصوت لي 

بسخريه،

-معرفش اتخضت باين وغور بقي عايز انام 

بضحكه،

-خلاص هاجيلك بكره وبالمره نتعرف 

قفل الفون في وشه بضيق وحط المخده علي وشه ونام 

قلعت الاسدال بغيظ من الراجل ده 

نمت علي السرير وانا بفتكر عيونه ووو

استغفر الله العظيم ده شكله وحش اصلاً

فضلت انكر شعوري وحاولت اهدي نفسي من العصبيه 

تاني يوم الصبح صحيت علي حد بيبوسني من خدي 

قومت وكأني بغرق

-ههههي ابعد عني ياحي

وقفت كلامي وانا شايفه مازن وزياد الي قدامي 

شكلي كده انهبلت وحطيت في مخي ان عمو ممكن يعملي حاجه 

مازن،

-في اي ياإلين احنا كنا بنبوسك علشان تصحي 

مسحت علي شعري  بضيق مبحبش اتخض وانا نايمه 

-مفيش يامازن اتخضيت بس 

زياد،

-طب احنا نازلين الدروس 

بصيتله ،

-لي الساعه كام 

-١ الضهر 

هزيتله راسي ،

-ماشي يازياد 

ماما اتكلمت وهي واقفه علي باب الاوضه ،

-إلين انا ومجدي نازلين هنوصل مازن وزياد علي الدروس وانا راحه ازور صحبتي تعبانه 

-طيب ياماما 

-مجدي قالي هسيبك انهارده وتبدئي تروحي معا من بكره بقي 

-ممكن البس دلوقتي واروح معا 

-لا خلاص علشان هو متأخر وانتي لسه صاحيه افطري بقي وخلي بالك من نفسك 

-ماشي ياماما وانتي كمان 

بعتتلي بوسه في الهوا واتكلمت ،

-يلا ياحبايبي نمشي 

لبست الاسدال وقومت غسلت وشي واتوضيت وصليت 

وبعدين دخلت المطبخ علشان اعملي فطار 

دوست علي زرار الكاتل ولسه بلف علشان اجيب مج من الي علي الرخامه صوت برعب وانا شايفه نفس كائن امبارح 

حضيت ايدي علي قلبي بخضه،

-يامامااااا

بصلي  بضيق وهو داخل يجيب مج ويحط فيه شاي

-بقولك اي انا بصدع بسرعه فامش كل شويه ماما وبابا 

بصتله ببرود ومسكت مج وحطيت السكر والنسكافيه

برقت بدهشه وانا بلفله وبسأل،

-اي ده هو انت هتفضل قاعد في البيت؟!!

 بعدم فهم ،

-نعممم!! 

بتوتر ،

-يعني محدش في البيت غيري وانت هنا !!

-والله ده بيتي واقعد فيه زي مااعوذ

خلص كلامي وهو بيبصلي ببرود 

لفيت وشي بضيق واخد الساندوتش الي عملته ودخلت اوضي بغيظ من كلامه الي يحرق الدم 

افتكرت ان لو خالو عرف هياخدني واستحاله يرضي 

بس ماما لو كانت عارفه انه هنا مكنتش سابتني اكيد 

اكلت الساندوتش بعنف كل اما افتكر بروده 

شويه وطلعت دخلت البلاكونه وهو كان قاعد قدام التلفيزيون عديت من ورا ودخلت علطول 

الحمدالله ان فيه تنده علشان الشمس 

سمعت صوت الجرس قولت ماما اجت 

فتحت الباب وطلعت 

ولكن مكنتش ماما ده واحد راجل 

برقت بدهشه,

-هو هيملي البيت ولاد ولا اي

دخلت بسرعه لما لقيت صاحبو بيبصلي 

فضلت راحه جايه بعصبيه ولسه جايه اتصل بماما 

لقيته دخل وبيقولي

-متطلعيش بره علشان صاحبي موجود 

قربت منه وانا خلاص متعصبه،

-وانت ازاي تجيب صاحبك اصلاً في البيت 

رفع حاجبه ،

-معلش هو انتي بتتكلمي بمناسبه اي علشان نسيت؟!!

بغيظ من كلامه وطريقته،

-علفكره بقي لو عمو عرف هيزعلك

بسخريه ،

-عمو!! ماتقولي بابا علطول 

قال كلامه وخرج وانا عصبت علي شفايفي بغيظ

عبدالله،

-هي فين البت ياعم فكرتك هتجيبها معاك 

بضيق،

-اجيبها معايا فين ياعبدالله ماتظبط

-انت مالك مضايق لي 

-مش فكره مضايق يعني بس انت في بيتي 

-طب ماتجيبها نتعرف بالله عليك ياعم ده انا عايز واحده كويسه واتجوزها بقي 

عض علي شفايفه بغيظ،

-في ي ياعبدالله مالك في بنات كتير حلوين اكتر منها روح شوف واحده منهم اتعرف عليها 

-ياعم ماهي اهي موجوده في اي يعني مانشوف هنرتاح لبعض ولا لاء

-هو انت شايفني خاطبه ولا اي واسكت بقي علشان مش هعمل حاجه بلاش تعبط في الكلام 

وبعد وقت طلعت راسي ملقتش حد في الصاله اتنفست  براحه ومشيت لغيت باب اوضي ولسه هفتحها 

لقيت باب اوضه اتفتح وطلع منه صاحبه وهو ورا 

دخلت بسرعه ومفيش شويه والباب اتفتح عرفت ان صاحبه ده اكيد مشا 

اتفقعت من القاعده لوحدي وخلاص نفسي ضاق 

فتحت الباب وطلعت قعد علي الركنه وفتحت التلفيزيون فضلت ابص حواليا مكنش موجود حمد ربنا وشكله كده نزل مع صاحبه 

اندمجت مع التلفزيون وشويه وماما وعمو مجدي وزياد ومازن اجو البيت 

كانو جايبين معاهم اكل قعدنا علي الركنه وبدائنا ناكل 

اتكلمت بتوتر،

-ماما انتي كنتي تعرفي ان ابن عمو اجي البيت 

عمو بصلي باستغراب ،

-هو براء اجي هنا 

اتكلمت،

-ايوا من امبارح بليل 

عمو مجدي،

-مشوفتهوش حتي الصبح 

=ضايقك في حاجه؟!

نفيت براسي ،

-لا لا هو اصلاً صاحبه كان هنا و

قاطعني وهو بيتكلم بعصبيه،

-هو جاب صاحبه هنا !!

بخوف لاوقع بينهم رديت بلاعبكه،

-ه هو كان في الاوضه وانا في اوضه 

عمو بضيق،

-ولو ازاي يدخل واحد وانتي موجوده في البيت 

بتوتر،

-لا ياعمو بلاش تقولو 

باصرار،

-لا لازم يفهم ان معتش ينفع يجيب حد وانتي موجوده 

بلعت ريقي واتكلمت،

-لا ماهو انا هروح عند خالو مش هينفع افضل هنا 

ماما بحزن،

-لي ياحبيبتي هو براء بعيد عنك المره دي بس علشان احنا مكناش نعرف انه اجي اصلاً

-بس عرفتو اهو مينفعش اقعد تاني 

عمو مجدي ،

-متقلقيش هتكلم معا ولما يجي البيت يعرفني علشان چيهان علي الاقل تبقي موجوده 

بضيق اني ممكن اكون عاقك ،

-لا ياعمو بلاش انا هروح عند خالو وبهاجي كل فتره 

ماما باصرار،

-لا هتقعدي معايا واقفلي الموضوع ياإلين 

اتنهد بضيق خايفه لايفهم اني بفرقه عن ابوه 

اي ده مايفكر هو مين اصلاً يستاهل علشان بيعصبني وبارد 

بس لا حرام انا مرضاش يحصل مشاكل برده 

اجي الليل 

وبعد زن مازن وزياد علشان العب معاهم خلاويص 

وماما وعمو مجدي نامو

كنت سانده ايدي علي الحيطه،

- ١ ٢ ٣ ٤ انا جااايه

بصيت حواليا مكنش فيه حد

مشيت خطوه وانا راحه البلاكونه

-انا جايه ياتري انتو فين؟!!

فتحت البلاكونه ومكنوش موجودين

-الله روحتو فين 

رجعت ولسه همشي وراحه الاوضه الي بنقعد فيها 

باب الشارع اتفتح ودخل الكائن ده منه 

غمض عينه بضيق لما شافني مش فاهمه هو انا بعمله اي!!

"4"

_______________________

"5”

اتكلم ببرود وهو رايح البلاكونه،

-هو مفيش غيرك في البيت !!

نهي كلامه بسخريه 

مقدرتش امسك نفسي اكتر من كده ورديت،

-خليك في حالك 

لفلي وبصلي ،

-انتي بتكلميني !!

بصيت حواليا وانا برد عليه بسخريه،

-هو في غيرك! 

مشا ناحيتي خطوه وانا قولت خلاص هو مكتوب عليا اموت بالمفاتيح الي في ايده 

ولسه جاي يتكلم النور قطع 

صوت بخضه وانا بمشي ناحيته 

-ان انت فين ؟؟؟

اتكلم ببرود وانا سامعه صوت باب بيتفتح 

-في السقف بصي كده 

اتكلمت وانا حاطه ايدي علي وشي بخوف،

-بلاش استظراف لو سمحت افتح كشاف ولا اي حاجه 

شال ايده من علي باب البلاكونه ورجع نحيتها تاني 

-علفكره مبحبش الجو التمثيل ده 

اتعصبت ومكنتش عارفه ارد علشان النور مقطوع والدنيا ضلمه خالص وانا بخاف 

غيرت نبرتي لاهدي 

-لو سمحت افتح كشاف ادخل الاوضه طيب 

وصلي صوته وكانه قرب مني،

-تلفوني فاصل اخلصي امشي معايا 

-امشي معاك فين هو انا شايفه !!

-وانا اعملك اي؟!!  انا داخل انام 

-لا لا خلاص استني

خلصت كلامي وانا بمد ايدي ناحيته علي اساس امسك تيشرته بسرعه ولكن ايدي اجت علي صدره بالغلط بعدها بسرعه وانا بتكلم بتوتر

-آسفه عايزه امسك تيشرتك مش عارفه 

سمعت صوت نفسه المضايق والي معصبني انه محسسني اني بمثل وانا مبحبش حد يفكر فيا بالشكل ده 

اتكلم ،

-طب يلا اخلصي مش هفضل واقف كتير 

ياربي اي الكائن المستفز ده بس وفين العيال السبب في وقفتي هنا فين ؟!! وربنا اما اشوفوهم 

مديت ايدي بسرعه تاني والحمدالله مسكته وانا بشد التيشرت جامد علشان ملمسهوش 

حسيت بمشيته التقيله بسبب الماسكة ضحكت وانا حاطه ايدي علي وشي وهموت وانام علي السرير علي اخبي وشي في المخده من الخوف 

-خفي ايدك شويه انتي الي بتسحبيني مش انا 

قلت كلامه في سري بسخريه 

اتكلمت 

-هو انت مودينا فين وازاي انت شايف في الضلمه دي ؟!!

اجالي صوته ،

-رايح اوضي واسكتي شويه 

وقفت مكاني وانا بشد التيشرت بتاعه وجايبه ناحيتي علشان ميضعش مني 

-انت عبيط موديني اوضك !!

اتكلم بعصبيه،

-طب لمي لسانك احسنلك 

مردتش عليه وهو اتكلم تاني ،

-اوضك الي جمب اوضه مازن ؟

هزيت راسي ونسيت انه مش شايفني

-انتي يابتاعه انتي 

-ماقولتلك اه

-الصبر ياربي مبحبش هبل

اتكلمت بسرعه وببرائه،

-والله هزيت راسي

-استغفر الله يارب 

-انت مودينا فين كده ؟؟

-اوضك وكفايه كلام صدعت 

وقفته تاني وانا بوقفه ،

-استني لا لا بلاش الاوضه بص وديني البلاكونه 

-يارب ارحمني يارب انتي عارفه انا عامل اروح وارجع تاني ؟!!

-اي ده بجد مش حاسه بحاجه 

واخيراً فتح البلاكونه وانا دخلت لوحدي لان كان فيه نور من الشارع طبعاً 

لقيته هيطلع من تاني ولكني سألته بسرعه،

-انت ماشي!!!

رجع وبصلي ،

-عايزاني انيمك بالمره ولا اي ؟!

قلبت عيني ببرود واتكلمت بتمثيل الهدوء،

-معلش اقعد بس علشان بخاف لوحدي اول لما النور يجي امشي 

اتنفس ببطئ ولاكأني قولت حاجه وراح فتح باب البلاكونه وطلع كنت هعيط خلاص ولسه جايه اشتمه 

لقيته دخل وفي ايده باور بنك وحطه في موبايله علشان يتشحن بصيت قدامي ببرود وعامله نفسي منبسطش علشان رجع يعني 

فضلت قاعده كتير علي المركيحه زهقانه علشان مبتكلمش والنور لسه مجاش وهو قاعد علي الركنه الصغيره اوي الي في البلاكونه يعتبر قريبه مني 

اتكلمت،

-احم هو النور هيطول 

رد وهو باصص في الموبايل،

-اه هايجي الصبح

بصتله بدهشه،

-لا بتهزر !!وانا مش هنام النهارده كده

بصلي ،

-وانا ههزر معاكي لي معلش!!

ضغط علي ايدي بغيظ ياربي معدش قادره امسك نفسي هموتت والله 

طنشت كلامه وسألته،

-طب وانت عرفت ازاي انه هيجي بكره؟!!  اي شيخ الحاره !!

خلصت كلامي بنبره سخريه  وانا عايزه اغيظه زي مابيغظني 

قام وقف وهو بيتكلم ،

-وربنا انا غلطان اني مذنب نفسي وقاعد علشان واحده جبانه 

رفعت حاجبي واتكلمت بسوقيه،

-لا والله لاء ياحبيبي وعلي اي اتفضل امشي 

-علفكره ده بيتي وامشي ولا اقعد براحتي هاا 

قال كلامه وطلع وانا اتنفست بغيظ 

اعععععع رخمممم

هو مشا وانا ندمت اني قولته يمشي وانا اصلاً مرعوبه بجد حاولت انام علي المركيحه وانا مغطيه وشي بايدي 

بعد ساعه 

"براء"

حسيت اني عايز اشوفها عملت اي راحت الاوضه ولا لسه في البلاكونه قومت اروح اشوفها 

ووقفت مكاني لما لاقتها نايمه وشويه وكانت هتقع اصلاً من علي المركيحه 

قربت منها علشان اصحيها 

-انتي يابتاعه انتي 

بنوم،

-امم

-قومي نامي في الاوضه 

-سيبني بق

مكملتش كلامها لانها نايمه اصلاً دي شكلها هبله بجد 

-طب قومي بس نامي في اوضك الجو ساقعه هنا 

قومت بنوم وانا ببصله بضيق،

-بتصحيني لي!!

بص بعيد عن عيني ،

-قومي ادخلي الجو ساقعه

قومت معا وانا هموت وانام مشيت ورا وكنت هتكعبل في الكنبه بس لحقت نفسي 

اتكلم ،

-مانا فاتح كشاف وبرده عاميه 

رديت بنوم،

-د دمك تقيل ا اوي

مردش عليا اكيد علشان خايف مني انا مش اي حد برده 

=وديني عند مازن وزياد

-لي؟!

مسكت تيشرته وانا خلاص متروخه من النوم،

-هنام معاهم 

-وده ازاي دول كبار اكيد مينفعش 

اتكلمت بصوت متروخ من النوم ،

-وديني ليهم مبعرفش انام لوحدي في الضلمه 

سمعت صوت نفسه اكيد كان متعصب ولا مضايق يعني 

دخلني الاوضه وهو اخد التلفون الي كانو ماسكينو ونايمين جمب بعض وقفلو

اتكلم ،

-كويس السرير فاضي اهو نامي عليه 

هزيت راسي ونمت بسرعه 

"براء"

طلعت بره الاوضه ومش فاهم مالي حسيت بسخونته في قلبي لي لما قالت هنام مع مازن وزياد 

اي ده هو مين زياد صح!!!

اكيد اخوها 

اتكلمت بسخريه وانا بنام علي السرير ،

-ماشاء الله بابا جايب العيله 

نمت وانا مضايق ومعرفش لي 

——————

(صلو علي النبي)

صحيت بصيت جمبي لقيت مازن وزياد نايمين مع بعض وانا اي الي نايمني هنا ؟!!

فضلت افتكر لغيت لما افتكرت ان الكائن ده هو الي وصلني 

قومت وفتحت الباب دخلت الحمام واخد شاور طلعت ولسه هدخل اوضي سمعت صوت عمو مجدي بيتكلم بعصبيه والصوت جاي من ناحيه اوضه براء 

روحت لماما الي واقفه في المطبخ

-ماما هو عمو مجدي صوته متعصب لي ؟!!

-بيتكلم مع ابنه علي امبارح 

بضيق،

-لي ياماما كلمه ودلوقتي هيقول عليا فتانه

-والله قولتلو خلاص متكلمهوش بس هو اضايق جداً واصر انه يكلمه 

-ماهو بصراحه ياماما هو حر وده بيته يجيب الي يعوزو

-ماشي ياإلين لكن مش في وجودك 

-ايوا وهو اي الي يعرفه يعني واحد شافني بليل يومها وتاني يوم صاحبه اجي ممكن ملحقش يعرفه ان في حد في البيت الله واعلم برده 

-ربنا يستر 

كنت لسه هرد ولكني شوفت عمو مجدي الي جاي علي المطبخ وطبعاً شوفته علشان المطبخ امريكي "مفتوح يعني"

عمو مجدي،

-متقلقيش ياإلين معتش الموقف ده هيتعاد

اتكلمت باحراج ،

-ياعمو مكنش لي لازوم تكلمه والله 

-لا طبعاً انتي بنتي وانا مرضاش بكده 

اي بينتك !!!علي قد ماكان نفسي اسمعها من ابويا علي قد مازعلت انها جت من حد غريب بس تعرفو فرحت اوي اوي فوق ماتتخيلو رغم انها كلمه عاديه بس عمري ماحسيت بالابوه ولا بتكون عامله ازاي 

والي مخوفني من عمو مجدي انه حنين وشكله فعلاً اضايق من ان براء جاب صاحبه وانا في البيت حسيت انه خايف علي بنته بجد شكله مش بيمثل

ولا انا الي بصدق بسرعه؟!!  كتر التفكير بيخليني اتعب وبحاول ابطل تفكير واخليني اشوف الظاهر وبس 

اتكلمت بشكر،

-شكراً ليك ياعمو علي خوفك بس انا مش هبقي مبسوطه وحضرتك متخانق مع براء بسببي 

-متخاديش في بالك هنرعل شويه وبعدين هنتكلم عادي كده كده مع بعض علطول 

مفهمتش يعني اي مع بعض علطول بس هزيت راسي وخلاص 

عمو مجدي ،

-هتيجي معايا انهارده الشغل ؟!

ابتسمت بهدوء،

-تمام 

مسحت الابتسامه بسرعه وانا شايفه براء الي لابس قميص ابيض وبنطلون اسود مشا بسرعه وشكله مضايق ماهو علطول مضايق اي الجديد!!

-خلاص روحي غيري هدومك يلا وننزل 

ابتسمت بفرحه اول يوم شغل وكده،

-ماشي 

دخلت لبست فستان واسع لونه رمادي وعليه طرحه سودا لفتها وطلعت بحماس 

-يلا ياعمو خلصت 

ماما،

-طب خدو كلو السندوتشات دي في الطريق

عمو مجدي اتكلم وهو بياخدهم منها ،

-ماشي شكراً ياست الكل 

ماما ابتسمت بخجل ،

-العفو كلوهم بقي كلهم 

شاور علي عيونه ورد،

-من عيونا 

خلاص ياعمو بقي ده انا الي هعمل بيبي من الاحراج مش ماما والله 

عمو مجدي،

-يلا ياإلين نمشي 

-ماشي باي ياماما 

-باي ياحبيبتي بالتوفيق 

ركبت العربيه مع عمو والعربيه لونها سودا وعاليه شكلها يلهوي بجد عايزه اقولو يسبني امسك الدركسيون شويه بس 

عمو مجدي اتكلم وهو بيمد ايده بالسندويش وعينه علي الطريق،

-كلي بقي لامك تزعل مننا 

ضحكت بهدوء وانا باخد منه السندوتش

فعلاً هو بيقدر زعلها ولا بيمثل قدامي؟؟!

لاء لاء خلاص انا وعد نفسي مش هفكر تاني 

وصلنا العياده بصيت عليها بسرعه من بره البرج كان عالي شويه صغيرين 

ركبنا الاسانسير وطلعنا الدور الخامس 

وصلنا وكان فيه مكتب كبير

وقدامه كراسي كتير 

روحنا وقفنا قدام المكتب وكان فيه بنت

عمو مجدي،

-ازيك يا بسمله 

-الحمدالله يادكتور 

شاور عليا وهو بيتكلم بابتسامه هاديه،

-دي إلين هتشتغل مكانك عارفيها الشغل ازاي وانتي لو حابه تسيبي الشغل دلوقتي مفيش مشكله المرتب هتاخدي مفيش نقص

بسمله،

-شكراً ليك يادكتور 

-العفو مبروك يابنتي ربنا يتمملك علي خير 

"علشان فرحها"

ابتسمت ليه بهدوء 

-الله يبارك فيك يادكتور 

عمو مجدي دخل الاوضه بتاعته "الكشف"

واتعرفت علي بسمله واخد رقمها وبدأت تفهمني الشغل 

بصيت قدامي بفضول وانا بشاورلها علي المكتب الي السكرتير الي قاعد قدامنا علي مكتب زينا بالظبط بس بعيد عننا خالص وده لان المكان ده واسع اوي

-هو ده سكرتير تاني للدكتور؟!!!

ضحكت،

-لاء ده فارس سكرتير دكتور براء

غمض عيوني وفتحتها تاني بدهشه،

-معلش تقصدي براء براء ؟!!

-ايوا ابن دكتور مجدي 

ياربي مش معقول 

-انتي تعرفي؟!

بصتلها،

-ايوا 

-دكتور عصبي جداً وبيتعصب علي اتافه الحاجات 

رفعت حاجبي وانا كنت مفكره انه بيعاملني انا بس كده علشان بنت مرات ابوه بقي وكده 

-طب والسكرتير ده طايقه ازاي 

-يعمل اي بقي اتعود عليه 

-امم هو دكتور اي بقي؟!

-دكتور اطفال ياستي والغريبه ان الاطفال بيطلعو من عنده فرحانين 

-يمكن يكون طيب بس بيحب يتصنع شخصيته 

-مظنش انه كده خالص 

فضلت افكر هو لي عصبي يمكن يكون مريض ولا حاجه!! قطع شرودي صوت بسمله 

-إلين حبيبتي خطيبي مستنيني تحت دخلي انتي الحالات الي عليها الدور الاسامي مكتوبه عندك اهي 

ومتنسيش تيجي الفرح هبعتلك برده وافكرك

هزيتلها راسي بابتسامه،

-ان شاء الله 

نزلت وانا اتوترت لاول مره اشتغل 

ندهت اسم واحده ودخلت 

وبعديها بفتره ندهت علي اسم واحد وكان شاب لسه هيدخل بس وقف اما واحد قرب من المكتب الي انا قاعده عليه 

اتكلم بزعيق،

-المفروض انا الي عليا الدور حضرتك !!

بصيت علي الورقه الي قدامي واتكلمت بضيق من صوته العالي ،

-حضرتك الي عليه الدور اسمه مروان السعيد

بعصبيه وهو بيخبط علي المكتب،

-هو اي الكلام ده بقولك انا جاي قابليه

اتكلم الشاب ،

-حضرتك هي كاتبه الاسامي وهي ندهت اسمي يعني مش هاخد دورك انا بالعافيه 

كنت لسه هتكلم بلعت ريقي وانا شايفه براء فتح الباب و بيقرب مننا 

باستغراب وهو بيبصلي وبيبص علي الي واقفين

اتكلم بحده،

-في اي هنا ؟؟! 

اتكلم الراجل الي متعصب ده،

-حضرتك السكرتيره دي شكلها بتاخد رشوه ولا اي مش عارف بس المفروض انا الي عليا الدور وهي ندهت علي الشاب ده كلام حضرتك؟!!

فتحت بوقي بدهشه من كلامه واتكلمت بغيظ،

-رشوه اي لو سمحت اتكلم كويس 

ومش انا علفكره الي كاتبه دي السكرتيره التانيه وهي اكيد مش هتكتب غلط تمام 

براء بصلي وبعدين بص للراجل ده ،

-اظن سمعت قالت اي اتفضل اقعد ولما يجي دورك اكيد هتدخل 

اتكلم بعصبيه،

-اقعد اي؟!! بقولك ده دوري 

بصلي واتكلم وهو بيشاور بصابعه في وشي بتهديد،

-انتي واحده فاشله وانا هطلب من الدكتور  مجدي يطردك علي قله اهتمامك وعامله ترغي وتتكلمي انتي وصحبتك علي الدكتور براء وانه هو عصبي ومش عارف اي 

خلص كلامه وشكله ميعرفش ان الواقف جمبه ده يكون براء 

سمعت كلامه وانا دموعي اتجمعت في عيني وكملت اكتر لما قال اننا كنا بينتكلم علي براء مقدرتش امسك نفسي اخد شنطتي ونزلت السلم علي رجلي 

براء غمض عينه بضيق وبص لفارس وطلب منه يكمل بدلها وده لان مكنش فيه حالات لسه وصلت عنده 

"براء"

نزلت وراها ركبت الاسانسير بسرعه وانا مستعجل علشان الحقها 

مسحت دموعي الي مش قادره اتحكم فيها 

وصلت للدور الارضي وطلعت من البرج ولسه جايه امشي وقفني صوته الي عرفته علطول 

-استني 

مسحت دموعي بسرعه ولفيتله

قرب مني وهو بيبص علي وشي بتفحص ،

-انتي بتعيطيي ؟!!

بتمثيل وانا بحط ايدي علي وشي،

-بعيط!! لا الجو خانقه بس 

بعدم اقتناع اتكلم،

-انتي اي الي جابك هنا؟!

اتكلمت وانا بفرك في ايدي 

-عمو شغلني معاه سكرتيره

برفعه حاجب،

-بابا!!! وانتي بقي مش عارفه تمشيني ازاي من البيت جايه تحاولي هنا بقي 

بصتله بسرعه وانا بتكلم باستغراب ،

-وانا هعوز  امشيك لي من البيت؟؟

-ده علي اساس مش انتي الي خليتي بابًا يتشاكل معايا بسبب الي قولتيهولو؟! 

افتكرت انه يقصد علي الصبح بس اضايقت انه ظن فيا السوء ،

-انا اتكلمت بتلاقئيه ومكنتش قصدي انه يكلمك علفكره وعلي العموم انا همشي وانت براحتك بيتك وتجيب  الي تجيبو 

مسكت نفسي من اني اعيط قدامه وروحت مشيت 

ولكن سمعت صوته المهزوز من ورايا 

-طب خلاص حصل خير 

كملت مشي ولا عبرتو كان فيه كراسي علي الطريق قعد عليها واضايقت جداً من كلام الراجل ده ومن براء ومن الدنيا كلها فضلت افكر اعمل اي اكلم خالو يجي ياخذني علشان ميحصلش مشاكل بسببي او حاجه 

قومت علشان اركب واخد قراري ان لازم امشي 

ماما اتصلت وانا في التاكسي 

-ايوا ياماما 

-إلين انتي فين مجدي مش لاقيكي وهو مش معا رقمك وقلقان عليكي ومش عارف يوصلك انتي كويسه وانتي فين إلين الو ردي 

خلصت كلامها بسرعه وخوف 

-اهدي ياماما انا جايه اهو 

-طيب ماشي مستنياكي 

وصلت البيت واتكلمت مع ماما من غير مااغير هدومي 

حتي 

-ماما انا هكلم خالو يجي ياخذني او هروح انا اي حاجه 

بصتلي بزعل،

-لي كده؟!! حد ضايقك في حاجه

-لا خالص بس كل الموضوع ان مش عايزه اكون السبب في علاقه عمو وبراء يبقي فيها مشاكل بسبب وجودي في البيت 

-مين قال بس ان هيحصل مشاكل بسببك

-هو حصل وكمان براء ده شايف كده 

خلصت كلامي وانا بمسح دموعي الي نزلو بسرعه 

سألتني بقلق،

-هو كلمك؟! قالك اي قوليلي 

-قالي ان انا مش عارفه امشي من البيت جايه كمان مكان شغلو ده كان معني كلامو 

-ممكن هو متعصب وكلامو اجي فيكي اكيد مش قصدى كده برده تفهمي هو راجل وشويه شويه هيتقبل فكره جواز ابو 

اتعصبت جداً وانا برد،

-هو اي ده الي راجل !! طب مانا كمان ممكن يكون لسه جوايا خوف وعدم تأقلم ولا هو علشان راجل وخلاص 

-لا لا مش القصد ياإلين انا بتكلم كده علشان مجدي بيقولي انه بقي عصبي جداً وغريب من وقت وفاه امه 

-علي العموم انا هكلم خالو ياماما علشان خاطري 

-طب خلاص علي اخر الاسبوع هتخليكي تروحي بس هتجيلي علي او الاسبوع الجديد 

باستسلام ،

-طيب انا هدخل اغير هدومي 

دخلت لبست بيجاما وفوقيها اسدال علشان لما اطلع قعد علي السرير شويه فاتحه الفيس بسمع فديوهات في الدين 

بعد وقت طويل طلعت ولقيت ماما بتحضر السفره ولابسه اسدال وكأن حد جاي 

-انتي لابسه الاسدال لي  ياماما؟!

-علشان براء جاي 

قالت كده وحطت في ايدي الطبق علشان اودي علي السفره 

(صلو علي النبي)

"5”

يتبع..

طويل اهو نتفاعل بقي ياريت لان من موقعي هذا احب اقولكم الي جاي خطير

‏#AmlBakr ʚɞ

#أمل_بكر

#براء_إلين.♡

#العقده_والحب_معاً

رواية العقدة والحب معًا (براء وإيلين) الفصل السادس 6 من هنا

رواية العقدة والحب معًا (براء وإيلين) كاملة من هنا