رواية العقدة والحب معًا (براء وإيلين) الفصل الثالث 3 بقلم أمل بكر

رواية العقدة والحب معًا (براء وإيلين) عبر روايات الخلاصة بقلم أمل بكر

رواية العقدة والحب معًا (براء وإيلين) الفصل الثالث 3

والعمارة شكلها مريح البيت كان الدور التاني 

رنيت علي الجرس وقلبي بيدق معا وماما الي فتحت بحماس علشان اتصلنا و عارفناها اننا طالعين 

حضنتني وبعد سلامات دخلنا وخالو كمان دخل 

قعدنا في الصالون وعمو مجدي اجي وهو بيمد ايده يسلم علي خالو 

-متأسف كنت بعمل اتصال 

خالو بتفهم،

-لا عادي ولا يهمك 

ابتسم وبعدين وجه نظره عليا 

-ازيك ياإلين 

ابتسمت بهدوء علي طريقته اللطيفه،

-بخير الحمدالله 

اتكلم وهو بيبص لزياد،

-ازيك يازيزو ياحبيبي

-الحمدالله ياعمو 

كمل كلامه بفرحه طفل ،

-ممكن اقولك بابا 

فتحت بوقي بدهشه وضيق 

وعمو مجدي بص علينا وبعدين رد عليه ،

-طبعاً ياحبيبي قول الي انت عايزه 

زياد ضحك بفرحه وهو بيتكلم،

-هو فين مازن 

-مازن في اوضه روح ادخلو الي علي اليمين دي 

خلص كلامه وهو بيشاورلو علي الاوضه 

بلعت ريقي بضيق وحزن علي زياد طبيعي طفل محتاج اب وماصدق لاقا بس مش معقول بالسرعه دي هيكون اب لينا 

خالو اتكلم ،

-احم استاذ مجدي انا جبت العيال علشان مامتهم عايزاهم ووحشوها بس يعني ..

لو ابنك موجود فامتأسف هاخد إلين علي الاقل واسيب زياد 

ماما بصتله بخوف وبعدين بصيت علي عمو مجدي وكأنها بتقولو اتكلم قول حاجه 

عمو مجدي،

-طبعاً انت عندك حق وعارف انك مش هتكون مش واثق فيا للدرجه بس إلين زي بنتي واكيد مش هضرها

اتكلم خالو بثبات،

-اكيد واثق فيك والا مكنتش اديتك اختي بس تقدر تقولي مين عايش هنا؟!

-ايوا طبعاً مفيش غير مازن حالياً وبراء ابني من يوم ماتجوزت وهو مجاش البيت 

كمل كلامه بحزن،

-لانه طبيعي يكون مضايق يعني 

خالو بتفهم،

-اكيد هيجي وقت وهيقدر 

عمو مجدي،

-يارب 

اتنفست بفراغ صبر ده علي اساس ان انا يعني اللي فرحانه قال مضايق قال اشمعنا انا يعني معملتش زيه واخد هدومي ومشيت اوف علي تفرقه البنات من الولاد 

قطع تفكيري خالو وهو بيقوم،

-ماشي هستأذن انا 

عمو مجدي ،

-خليك مشرفنا نقعد نتعشا مع بعض 

-بالف هنا يوم تاني ان شاء الله 

-ان شاء الله اكيد 

خالو سلم علي ماما وعمر مجدي بعدين وقف قدامي 

و حضني جامد وانا كمان حضنته 

اتكلم بهمس جمب ودني ،

-لو احتاجتي حاجه كلميني ماشي 

بعد عنه وانا ببتسم بهدوء ،

-حاضر 

خالو،

-خلي بالك من نفسك ياإلينو

-حاضر وانت كمان سوق براحه ياخالو 

ابتسم ،

-ماشي ياستي 

خالو مشا وماما قفلت الباب 

ماما اتكلمت ،

-تعالي ياحبيبتي اوريكي اوضك 

مشيت معاها باستغراب 

اوضي!!

فضلت ابص حواليا وانا ماشيه في الشقه كانت كبيره وجميله وهاديه اوي ماشاء الله وفعلاً شكلها شقه قديمه مفيش منها تاني 

-بصي حلوه ازاي 

بصيت عليها وفعلاً كانت حلوه اوي لونها كان ابيض وفي جانب تاني لونه بيج وشكلها مريح 

-حلوه ياماما شكراً 

-علي اي ياحبيبتي بس دي بقا اوضك 

بصتلها ،

-ماما بس لو ابنه اجي انا همشي 

-متقلقيش هو مش هيجي وحتي لو اجي اوضه بعيده عنك في اخر الطرقه وانتي شايفه البيت كبير ازاي 

عقد حواجبي بتساؤل،

-تقصدي انه لو اجي هفضل عادي!!

-خلاص ياإلين ربنا يسهل 

بصتلي شويه وبعدين ابتسمت وهي بتمسك خدودي ،

-وحشتيني اوي انتي واخوكي 

ابتسمت ،

-وانتي كمان جداً ياماما 

ابتسمت بفرحه في عيونها وفي نبرتها،

-شوفتي اخوكي زياد حب مجدي ازاي 

فكرت هتضايق بس هتضايق لي بس وهي شايفه ابنها محروم من ابوه وهو عايش اكيد هتفرج وهي شايفه ابنها مبسوط علشان بقي ليه اب وحتي لو كذب 

-إلين بكلمك 

بصتلها بانتباه ،

-ا اه شوفت ياماما فرحان اوي فعلاً

-وكمان حاب مازن

-ايوا كويس 

-وان شاء الله انتي كمان هتحبيهم

قعد علي السرير باستنكار وضيق اتسلل جوايا ،

-انا مش بكره حد ياماما الفكره تعود بس مش اكتر 

-مجدي طيب اوي ياإلين صدقيني هتحبي 

-ماشي ياماما 

-طب انا هطلع دلوقتي وانتي لو عايزه تطلعي اطلعي  براحتك ها

هزيت راسي ،

-تمام 

طلعت وانا بصيت  في الفراغ بشرود بصراحه علي قد مااندهشت من كلام زياد علي قد مافرحانه انه حب عمو مجدي وكمان حس انه ممكن يكون اب ليه فرحت لاني مش عايزا يبقي زي عديت بكل حاجه وبابا موجود وعايش بس بعيد عننا 

مسحت الدمعه الي بكرها لما بتنزل من عيني 

مبحبش تصعب عليا نفسي ولكن غصب عني 

مبقدرش امسك نفسي من التفكير طول الوقت 

مسكت موبايلي وفتحت نت لقيت صحابي في الجروب 

بيتكلمو عن اننا نتقابل لان بقالنا كتير مش بنشوف من وقت تخرجنا عن كليه تجاره 

قفلت النت ورميت الفون بزهق علي قد مانا عايزه اخرج واشوفهم بس محروجه اقولهم اي ماما اتجوزت 

حطيت ايدي علي وشي بكسوف وانا بتخيل 

-يلهوي علي الاحراج 

بعد وقت 

قومت غيرت هدومي ولبست اسدال خفيف لونه نبيتي 

وحسيت بالزهق وخصوصاً اني مبحبش افضل وقت كتير قاعده في الاوضه فتحت الباب وانا محرجه لانه مش بيتي بصيت علي  الصالون كان فيه نور خفيف 

مشيت شويه وبصيت علي الاوضه بتاعت مازن الي كان عمو  شاور لزياد عليها

وقفت قدامها وانا متردده افتح وا اعمل اي وبعد تفكير خبط براحه 

لقيت مازن بيفتح الباب وهو بيضحك 

بصتله وبصيت علي زياد الي قاعد جوه وملبوخ في البلاستيشن 

اتكلمت ،

-احم ازيك يامازن 

-كويس ياإلين 

ضحكت باستغراب ،

-انت تعرف اسمي منين 

-ماما چيهان بتتكلم عليكي وانا عرفتك لان بابا قالي انكو جاين

ماما!!!

مش للدرجه وسعت اوي يعني اي الاطفال دي !!

-ط طيب يامازن تصبح علي خير 

كنت همشي وانا كلمته بتصفر في وداني حسيت بغيره ولكني بحاول انكرها ده طفل عادي يعني 

وقفني صوته،

-تعالي اقعدي معانا نلعب مع بعض 

دخلت بصراحه انا زهقانه ومش بعمل حاجه غير اني ببص علي الحيطه ولونها الخطير 

كانو بيلعبو وانا بتفرج وزياد كان مندمج جداً وانبسطت لانه مش مضايق ولا زعلان حمد ربنا ان في حاجه افرح عليها 

اتكلمت وانا بحاول اقول اي اصل انا معرفش اقعد ساكته كتير ،

-انت قد اي يامازن 

-انا في سته ابتدائي

-امم طب وانت فين مامتك 

بصلي وشوفت في عيونه الزعل ورد بصوت خلاص هيعيط ،

-ماما ولدتني ومشت 

ندمت اني سألت طفل السؤال ده ازاي اقول كده بس 

ولكني سألته باستغراب ،

-مشت فين ؟!

-معرفش براء قالي انها مشت وكل لما اسألو يعني اي مبيردش عليا 

-براء اخوك مش كده 

-ايوا 

-طب مسألتش باباك

-بابا لمًا بسألو بيتعصب مش عليا بس بيضايق من سؤالي وبيرد عليا وبيقولي توفت وهي عند ربنا 

غمض عيوني بندم اني فكرته لان بان عليه الزعل لما شوفت عيونه دمعت مقدرتش وقربت منه وحضنته 

وانا بمسح علي شعره ،

-متزعلش انا اسفه اني فكرتك بس صدقني ان شاء الله في مكان في الجنه ياحبيبي 

بصلي وهو لسه في حضني باستغراب وهو بيتكلم ،

-انا اول مره حد يقولي اني ماما ممكن تكون في الجنه 

استغربت زيه بالظبط ان محدش قاله كده 

ولكني رديت عليه،

-ان شاء الله ياحبيبي محدش يعرف غير ربنا الله واعلم برده 

كملت كلامي وانا ببتسم،

-بس تعرف ادعيلها انت انها تدخل الجنه وان انت تتجمع معها في الجنه بإذن الله 

-اي ده انا كمان ممكن ادخل الجنه 

-طبعاً بس لما تعمل اعمال صالحه الجنه مش ببلاش 

-ممكن بتقوليلى ازاي بس مش دلوقتي علشان عايز العب 

ابتسمت عليه وهزيت راسي وبصيت علي زياد الي بيبصلنا وهو مضايق 

قربته مني وبوسته من خده وهو ضحك ورجعو يلعبو من تاني 

كلمت نفسي بفضول،

-هو لي بيتعصبو لما بيجيب سيره امه 

-ولي اخوه ده ميواسيش مازن ويبقي حنين عليه

-اي الي بقولو ده وانا اي الي يعرفني هو بيعمل معا اي 

فضلت اتفرج عليهم ومليت تاني لاني بقالي كتير ساكته ..

اخيرا زهقو لعب وعايزين ينامو ومازن ماشاء الله شكله منظم قفل الشاشه وحط كل حاجه مكانها 

دعيت ان زياد يتعدي منه ينفعني بحاجه 

بصيت لزياد وانا بكلمه،

-هي ماما قالتلك هتنام فين؟!

زياد ،

-قالتلي ده سريرك 

خلص كلامه وهو بيشاور علي السرير التاني الي في الاوضه والي جمب مازن 

هزيت راسي ،

-تمام انا هطلع وانتو نامو تصبحو علي خير 

مازن اتكلم ،

-ممكن تحكلنا حدوده 

رجعت الخطوه الي مشيتها،

-طبعاً 

نمت جمب زياد سند ضهري علي السرير 

وبصراحه حسيت بالذنب ان مازن لوحده 

قولتله يجي ينام جمبنا 

فضلت العب في شعرهم وانا بحكي الحدوته 

-وبس كده خلصت الحدوتة رائيكم اي 

بصيتهم عليهم لقيتهم راحو في النوم 

اتكلمت بهمس وانا بضحك،

-بس انا كنت عايزه رائيكم 

شيلت مازن ونيمته علي سريره مهمه صعبه كان تقيل الصراحه وانا بنت رقيقه 

غطيتهم كويس وطلعت جريت بسرعه علي اوضي علشان العفريت ميمسكنيش 

نطيت علي السرير وانا بتغطي كويس وقلبي عمال يدق يدق من الجري فتحت موبايلي وقرات سوره الملك  قبل ماانام

لاني قرأت مره بوست  ان قراءه سوره الملك قبل النوم بتنور القبر وبتخلي ريحته حلوه 

وبصراحه من وقت لمًا عرفت المعلومه دي وانا بفتكر ديماً اني اقرءها لي يبقي بايدي اعمل حاجه واستغني عنها 

علشان كلمه مكسله ولا مش قادره بدعي ربنا ديماً علي الثبات والقرب وبصراحه ربنا فعلاً بيعيني 

صحيت تاني يوم علي صوت مازن وزياد 

بنوم،

-في اي

مازن ،

-يلا ياإلين الفطار اتحط 

زياد،

-يلا قومي بقي 

قومت قعد بزهق منهم،

-خلاص صحيت اهو 

طلعو بره وانا لبست الاسدال وطلعت بره لقيت ماما 

ماما،

-الحمام هناك اهو ياحبيبتي 

-ماشي 

دخلت الحمام وغسلت وشي وطلعت لقيت السفره جاهزه وعمو مجدي قاعد في الصالون بيتكلم في التلفون 

وزياد ومازن عاملين يجرو ورا بعض 

وماما اجت من المطبخ وهي في ايديها اخر طبق خيار 

-يلا ياجميلتي اقعدي 

=يلا ياولا يلا يامجدي 

قعد ومازن وزياد قعدو قدامي 

وعمو علي راس السفره وماما قاعده من الجمب وانا جمبها 

ماما 

-افطرو كويس ياحبايبي 

خلصت كلامها وهي بتبص لزياد ومازن 

حسيت بالغيره للحظه هي لي مقالتليش كلي 

ضحكت علي نفسي بسخريه 

-بلاش عيط ياإلين مش هتغيري من الاطفال يعني 

قطع تفكيري صوت مازن 

-حبيت إلين اوي يابابا 

عمو مجدي ابتسم وهو بيبصلي ،

-هي إلين ماشاء الله تتحب 

ابتسمت وانا قلبي بيدق من كميه لطف عمو

اتكلمت ،

-شكراً ليك ياعمو 

زياد اتكلم بسرعه وببساطه ،

-إلين لي متقوليش لعمو يابابا ؟!

بصيت لزياد بدهشه وبلعت ريقي بصعوبه من الكلمه والفكره 

ماما ردت عليه بهدوء ،

-حبيبي زياد كل يلا وخلص الطبق

وعمو مجدي معلقش وكمل اكل بهدوء 

خلصنا اكل وعمو مجدي نزل  واخد زياد ومازن يوصل كل واحد علي دروسه وماما دخلت المطبخ و انا دخلت معاها 

ماما،

-قوليلي عملتي اي عند خالك 

-عادي ولا حاجه كلهم كانو كويسين الصراحه معايا

-كني مرتاحه 

-اه بيت خالو ماحنا علطول بنروح لي بتسألي 

بصتلي بخوف وتوتر،

-بصراحه انا عايزاكو تقعدو معايا 

-اكيد واحنا كمان ومش عايزين نفضل راحين البيت ده وجاين من ده 

-طب حلو لو خالك قالك تعالي قوليلو عايزه اقعد مع ماما 

-ماما انتي عارفه خالو مش هياخدني غصب اكيد هو بس خايف عليا مش اكتر 

-عارفه طبعاً بس انا برده عايزاكو تقعدو معايا ياإلين

-ربنا يسهل ياماما اما نشوف اخرت الراجل المجهول ده اي 

-خايفه بصراحه ليكون براء مش حاببنا 

-وهو لي ميحبناش؟!

-يعني علشان ابوه اتجوز 

-طب ما انتي امي واهو اتجوزتي عملت اي يعني 

-ماشي بس هو راجل ياإلين واكيد مضايق 

رفعت حاجبي ،

-لا والله ده علي اساس اني معنديش مشاعر يعني 

-اكيد مقصدش كده يعني 

-مع علينا هو ماما مازن توفت ازاي ياماما؟!

"3”

يتبع

#براء_إلين. ♡

#العقده_والحب_معاً

رواية العقدة والحب معًا (براء وإيلين) الفصل الرابع 4 من هنا

رواية العقدة والحب معًا (براء وإيلين) كاملة من هنا