رواية حب غير متوقع عبر روايات الخلاصة بقلم ٱية موسى
رواية حب غير متوقع الفصل السادس 6
أنا عاوزة ارجع مع عمي
مسكت بايده جامد وهو ابتسم
ـ سمعت .. ارمي اليمين
ـ انتي .. انتي طالق
اخدني عمي وخرج
قبل ما اركب العربية بصيت لقيت ادهم ومريم واقفين على الباب ..مسحت الدموع الي بدأت تنزل وعملت ليهم اشارة باي .. ركبت
كنت ماشيين وساكتين أنا وعمو
ـ ابن نبيل كان بيضربك
ـ لا هي مرة .. يوم ما شفتني
ـ حيندم ..و حياتك حيندم
سكت وهو متنرفز .. بصيت لطريق .. مش ده طريق بيت بابا
ـ هو احنا رايحين فين
ـ على البلد .. أنا مستحيل اسيبك مع فريد بعد الي عمله
ضحكت بسخرية .. عمي خايف عليا اكتر من ابويا
وصلت ..ولقيت مرات عمي مستنياني واستقبلتني استقبال حلو كالعادة
قعدت واتكلمنا و أنا بجد بحبها اووي
دخل علينا ابن عمي يوسف
ـ الله ليلياس عندنا .. يا دي النور
بعده دخل محمد
وانا اقول ليه المكان منور .. طلع نورك يا ليلو
ابتسمت ليهم .. ولا عمره مروان قالي كلمة حلوة زي ما كل مرة ولاد عمي يشوفوني فيها بيقول لي
آخرهم دخل سيف ..اخر العنقود
ابتسم لما شافني
ـ الحمد الله على السلامة .. وحشتيني يا أبلة
ـ ابلة !!! ..كل مرة بقولك ما بحبش أبلة .. دي
ضحك
ـ ما أنا عارف انك ما بتحبهاش .. علشان كدا بقولك
ـ بقيت شب يا سيف ..كم عمرك ؟؟
ـ16 سنة
ـ ما شاء الله.. محافظ على مذكرتك
ـ مذكرتي وصلواتي
ـ شطور
ـ كبرت على شطور يا ليلو
ـ صح
قعدوا وقعدنا نتكلم
استأذنت وطلعت ارتاح
وانا اول ما غمضت عيني ..سمعت صوت حد بيدق على الباب
قمت وفتحت ..لقيتها مرات عمي ومعناها بطنيتين
ـ ايه ده
ـ خايفة عليكي من برد الشتاء
ـ جايبة دول فوق الي مستغطيه بيهم وبتقولي خايفة عليا من برد الشتاء ! .. قولي انك عاوزة تخنقيني علشاني بنت سلفتك الي ما بتحبهاش
قولتها وضحكت وهي بصت ليا وقالت
ـ انتي عارفة اني طول عمري معتبراكي العوض الي عوضني بيه ربنا ... اعتبرتك بنتي الي ما جبتهاش .. ما يهمنيش انتي بنت مين المهم اني اعتبرتك قطعة من قلبي
ابتسمت .. واضح أن ده العوض الجميل
ـ شكرا
ـ عفوا .... يا بنتي
ضحكت وهي ضحكت معايا و خرجت من الاوضة
اخيرا حنام وانا مرتاحة .. بدون هموم. .بدون قلق ووجع .. مرتاحة .. في بيت عمي ..
صحيت الفجر على صوت عمي وهو بيفوقني
ـ ليلياس .. ليلياس قومي يا حبيبتي
ـ ايوه يا عمو .. اهو قومت
ـ قومي صلي الفجر
ـ حاضر
قمت وصليت وقعدت على البلكونة ابص للجنينة الكبيييىرة الي عندهم .. مليانة ورود ونعناع وريحان .. وفي عندهم شجرة ليمون جميلة .. لقيت سيف بعد ما روح من الصلاة قاعد في الجنينة .. لما شافني اشارلي وقالي انزل
نزلت وقعدت معاه
ـ ازيك ياض
ـ الحمد الله يا أبلة
ـ لا واضح ايدي حتلعب على خدك الابيض الجميل ده
ـ بتعاكسي بقا ..ده انتي خطر
ضحكت وبصيت ليه بابتسامة وقلت
ـ فاكر يا سيف لما كنت بجيبلك شوكولاتة وبعطيهالك لما بتعيط
ـ فاكر .. بما كانت اختك المفترية بتضربني .. كنت بتقوليلي دي شوكلاتة الصلح .. تعرفي أنا من يوم ما جاتلك الغيبوبة وانا ما اكلتش النوع ده .. قلت لما ليلياس تفوق نأكله أنا وهي
ـ طب يلا ..قوم جيب منها
ـ الدنيا الفجر .. لسا بنقول يا صباح يا عليم .. استهدى بالله يا شيخة
ـ لا اله الا الله .. أنا بجد تعبانة
ـ من ايه ؟؟
ـ مخنوقة من كل حاجة .. كل حاجة بتخنق .. طلاقي من جاسر ..قسوة ابويا .. قسوة مروان .. تتخيل اتصلت بيه اشتكيله وشوية وحبوس أيده ياخدني من هنا وهو رفض
ـ بجد !!
سكت شوية وقال
ـ مروان طول عمره قاسي .. بس تعرفي انتي غلطانة بايه
ـ إيه ؟
ـ انك اتصلتي بيه هو ..كان المفروض تتصلي بيا أنا وكنت حاجي ما اخليش فيه عظمة سليمة
وضحك بعدها .. بيفكرني بادهم .. بيحب الضحك .. بس سيف أهدى من ادهم
ـ أنا كنت فاكرة حاجي القي سيف الصغير ابو ٩ سنين
ـ لا كنت حابب اكسر القاعدة واكبر بسرعة .. انتي الي سبتينا ٧ سنين بحالهم يا ظالمة
ـ صباح الخير
لقيت مرات عمي جاية وفي أيدها صنينة فطار كبيرة
ـ الله على الدلع يا ست ليلياس .. ده أنا يا ماما بقعد ازن فوق دماغك تعملي سندوتش وما بتقبليش .. علشان ليلياس صاحية من الفجر تعملي فطار .. خليكي عندنا يا ليلياس لو سمحتي
ـ اقعد افطر يا يوسف وانت ساكت
ـ حاضر يا ست الكل
ضحكنا وفطرنا كلنا
**
بعد الظهر .. رحت لعمي مكتبه ..دقيت الباب ودخلت
ـ ليلياس .. تعالي اقعدي يا حبيبتي
ـ عمو هو ممكن أنا أطلب طلب .. أو طلبين
ـ اطلبي ١٠٠ طلب يا حبيبتي.. عاوزة ايه
ـ بما أن الغيبوبة ضيعت فترة الجامعة وما درستهاش .. فعاوزة ابقى محفظة في جامع البلد
ابتسم عمي وقال :عيوني والطلب التاني
ـ عاوزة اتحجب
ابتسامته وسعت اكتر
ـ أنا كنت عايزة اتحجب من زمان بس بابا كان رافض علشان المجتمع الي حوالينا
بانت على وشه العصبية
ـهو قالك كدا
قلت باستغراب من عصبيته
ـ اه
ـ ماشي ... انتي تقدري تقولي لمحمد وهو حيزبط كل حاجة .. و لموضوع الحجاب فمرات عمك حتساعدك
ـ شكرا
قمت ولما وصلت الباب ناده عليا
ـ نعم يا عمو
ـ عاوزة تسجلي جامعة
الفرحة غمرتني من جوا
ـ اه اه .. أنا اصلا يوم الحادث كان آخر يوم بامتحانات
ابتسم
ـروحي ليوسف وهو حيطلع النتيجة ويجيب ليكي التخصصات
ـ شكرا .. شكرا جدا
خرجت وانا سعيدة ورحت لمحمد ويوسف أقلهم ..ورحت لمرات عمي علشان ننزل السوق نجيب الي عاوزينه .. ولما نزلت السوق اخترت كل الي انا عاوزه واخترت حاجات حلوة كتير .. وجبت لبس شرعي كمان
جه محمد بالليل وقالي اني من بكرا اقدر اروح المسجد
صحيت الصبح بحماس وقمت لبست ونزلت
وانا ماشية في شوارع البلد الصبح .. كانت هادئة ورايقة وجميلة .. أشجار على أطراف الشارع ..بجد حلو جدا الواحد يمشي هنا
كان معايا محمد .. كزيادة امان زي ما عمي بيقول
وصلت ودخلت .. كمية راحة نفسية في المسجد
خلص يومي وروحت
مر خمس ايام على الحال ده .. اروح من الصبح مع واحد من اولاد عمي وارجع مع واحد فيهم على العصر ..اكل وانام واصحى بالليل اقعد معهم وبس .. بجد كنت مبسوطة جدا .. حسيت بأجواء عائلية أنا ما كنتش حاسة بيها .. كنت طبعا طول الوقت لابسة حجاب
في يوم وانا خارجة من المسجد .. شفته في وشي .. جاسر .. كان واقف مستانيني على جنب
ـ ليلياس
لفيت ومشيت ناحيته
قبل ما اتكلم لقيته بيقول
ـ ازيك يا الي مفيش زيك
ابتسمت وانا كاتمة الضحكة
ـ والله بتقول شعر يا جاسر
ـ شكلك بالحجاب الشرعي تحفة
ـ شكرا
ـ ما وحشكيش تسميعك ليا
ـ لاسف لا .. أنا بقيت محافظة بالجامع ده .. حفظت كام
ـ٨ .. ٨ اجزاء
ـ عقبال كله
ـ يارب
ـ اخبار ادهم ومريم ايه
ـ واحشهم .. زي ما انتي واحشاني
ـ لو سمحت يا جاسر ما تتعداش حدودك .. أنا دلوقتي طليقتك
قبل ما استأذن وامشي .. لقيت سيف جاي
ـ مين حضرتك بقا
ـانت الي مين حضرتك
قلت قبل ما تقلب خناقة
ـ سيف .. ابن عمي .. جاسر
لقيت سيف ماسكني من ايدي و سحبني وراه من غير ولا كلمة
سابني بنص الطريق
ـ ليه متعصب وماسكني كدا
ـ ليه واقفة تتكلمي معاه !!.. بقا ابويا يبعت واحد فينا ياخدك ويجيبك علشانه ..والقيكي واقفة معاه
ـ طلعت لقيته في وشي
ـ ليه ما اتصلتيش
ـ معيش موبايل
ـ حنشوف الموضوع ده .. قدامي
مشيت قدامه فعلا بس كنت بجري .. كنا داخلين من مناطق زراعية واسعة ما فيهاش حد .. كنت بجري وسيف ورايا بيجري .. وصلنا .. كنت بلهث أنا وهو
ـمبسوطة يا خيتي
ـ جداا
ـ ربنا يديم عليكي السعادة
دخلت وسلمت وكانت مرات عمو محضرة الاكل على موعدي بالظبط
قعدنا ناكل
ـ ليلياس
ـ ايوه
ـ عارفة مجموعك كام
قلت بخوف وانا بسيب الاكل
-كام
ـ٩٦.٨
كنت مبسوطةةةة جدا ..سيف قعد يصفر .. عمو بأن عليه السعادة
ـ مبروك يا حبيبتي
ـ الله يبارك فيكي يا طنط
ـ قوليلي يا ماما مش طنط
بصيت ليها وابتسمت .. حسيتها احسن من مامتي.. امي كانت زي اي ممثلة طالبين منها تمثل انها ام .. وطبعا بابا مابيمثلش خالص .. لبنى اختي بحبها جامد .. ومروان عارفين طريقة معاملته
ـ حاضر يا ماما
لقينا محمد ويوسف بيزقفوا وباركولي
قررت ادخل تصميم داخلي
كان نفسي بطب .. بس مش حرجع اضيع ٧ سنين تانية من حياتي
دخلت اوضتي ... رميت نفسي على السرير وانا مبتسمة
ـ الحمد الله
نمت وانا سعيدة ومرتاحة
تاني يوم صحاني عمو فؤاد على الفجر
ـ قومي صلي الفجر يا حبيبتي..وتعالي عاوزك بمكتبي .. ومش لازم تتحجبي .. الولاد نايمين
نزلت ودخلت المكتب وعمي أصر هو الي يجهز القهوة
كنت قاعدة على المكتب .. لفت نظري البرواز الي مخطوط على ناحية عمي .. لفيته ..كان ... كان صورتي وانا صغيرة !!
ليه عمي ممكن يحط صورتي أنا
كنت ماسكة الصورة ومبتسمة
فجاء .. البرواز من وراء فك
ووقعت الصورة على الأرض
حطيت ازاز البرواز والإطار ونزلت اخد الصورة
لقيت ورقة تانية مكتوب عليها
ليلياس فؤاد البنهاوي
مسكت الورقة واتجمدت
سمعت صوت خطوات عمي
رجعت كل حاجة مكانها بسرعة وقعدت في مكاني
جه عمي وقعدنا نتكلم وبعدها جاب من الدرج ..ايفون
ـ ده لاحلى ليلياس.. سيف قالي وانا ما كنتش مركز انك معكيش تليفون
ـ شكرا
قالتها بخفوت
كنت حكون سعيدة فيه جدا .. بس لما اكون مش شايفة الورقة
بدأت أفكر وانا مش فاهمة
يتبع
