رواية حب غير متوقع عبر روايات الخلاصة بقلم ٱية موسى
رواية حب غير متوقع الفصل السابع 7
لقيت ورقة تانية مكتوب عليها
ليلياس فؤاد البنهاوي
مسكت الورقة واتجمدت
سمعت صوت خطوات عمي
رجعت كل حاجة مكانها بسرعة وقعدت في مكاني
جه عمي وقعدنا نتكلم وبعدها جاب من الدرج ..ايفون
ـ ده لاحلى ليلياس.. سيف قالي وانا ما كنتش مركز انك معكيش تليفون
ـ شكرا
قالتها بخفوت
كنت حكون سعيدة فيه جدا .. بس لما اكون مش شايفة الورقة
بدأت أفكر وانا مش فاهمة
استأذنت من عمي وقمت على اوضتي
معقول!!.. لالا مستحيل
معقول فريد مايبقاش ابويا ..وسمر مش امي !!
ومروان و لبنى مش اخواتي !!
يمكن في حاجة جوايا ابتسمت اني بنته للراجل ده .. لو فعلا حنانه من الاول اعتبرته حنان اب كنت متغرقة بيه
دق الباب
ـ مين
ـ أنا محمد
لبست الاسدال وفتحت
ـ ايوه يا محمد
ـايه لسا ما لبيتيش .. مش اتفقنا نطلع نمشي الصبح
ـ معلش عشرة وأجهز
جهزت ونزلت
قعدنا نلف شوية في شوارع البلد وهي فاضية بحبها اووي
ـ عارفة يا ليلو
ـ قول
ـ كان نفسي اووي يكون ليا اخت زيك
ابتسمت وبصيت ليه بحزن ..
ـ ساكتة ليه
ـ بفكر
ـ بايه ؟؟
كدبت وقلت
ـ بالكلية .. انت عارف اني بقالي فترة مش مقابلة ناس وكدا
ـ اهااا .. لا متخافيش احنا جمبك
ابتسمت ومشينا وروحنا ولقينا مرات عمو بتعمل فطار
ـصباح الخير يا ...... ماما
قعدت فترة على ما قلتها .. مش قادرة استوعب انها ممكن تكون حقيقة
ـاهلا يا حبيبتي.. يلا افطري
اكلت شوية وقمت .. النهاردة الجمعة .. إجازة من الجامع
قعدت اساعد مرات عمي ..أو امي .. مش عارفة بقا
والرجال راحوا لصلاة الجمعة واحنا قعدنا نحضر بالغداء
ـ مالك يا نور عيني سرحان
ـ ها .. مفيش ..بفكر بالجامعة
ـ انشاء الله حتكون جميلة .. احنا جمبك كلنا
نفس كلمة محمد .. أمه بقا يا جدعان
اكلنا وطلعت فوق .. فتحت الموبيل الجديد .. عملت ايميل وفيس بوك واول اسم دورت عليه هو مريم الشرقاوي ..وطلعت لي اول واحدة ..عملت طلب صداقة وقبيلته فورا .. قعدنا نتكلم وكانت مبسوطة اووي اني كلمتها
ـمريم ممكن طلب
ـ اومري يا حبيبتي
ـ عاوزة رقم جاسر .. ومن غير ليه
بعته بكل هدوء من غير زن .. اكيد ادهم ما كانش جمبها
اتكلمنا وبعدها بعت لرقم رسالة
السلام عليكم
ازيك يا جاسر
معك ليلياس
لو سمحت محتاجة منك خدمة ضروري .. ممكن تقابلني يوم السبت الساعة ١٢ عند المسجد
واتمنى محدش يعرف
دي كانت رسالتي البسيطة .. حسيب الدام واطلع علشان اضمن ما يكونش لا سيف ولا محمد ولا اي حد
لو قولتولي ليه جاسر الي طلبت منه
لانه الوحيد الي يمكن اعتمد عليه
حمين حعتمد .. بابا !! ولا مروان
خلصت كل حاجة وضمنت أن مرات عمي في اوضتها لوحدها وطلعتلها
دقيت الباب وفتحت .. ابتسمت لما شافتني
ـ ليلياس..تعالي يا حبيبتي تعالي
دخلتني جوا وقعدنا على كنبة في البلكونة
ـ هو ممكن اطلب منك طلب
ـطبعا يا نور عيني
قبل ما اطلبه ..مثلت اني بكح .. كحة جامدة .. لقيت مرات عمي نزلت جري تجيب ميه
قمت أنا جري على التسريحة ... اخدت شعره من مشط عمي .. وشعره من مشطها وحطيتهم في كيس ورجعت قعدت
طبعا مرات عمي طولت لأنها في الدور التاني والمطبخ بالدور الاول
قعدت ورجعت اكح وجابت المي وشربت وبعدين طلبت طلب اهبل ونزلت
تاني يوم قابلت جاسر
ـالسلام عليكم
ـوعليكم السلام .. ازيك
ـالحمد الله .. جاسر أنا عاوزة خدمة
ـاه طبعا اتفضلي
ـ عاوز تعمل Dna للعينة دي والعينية دي
بص باستغراب
ـاعمل الي عاوزة .. ولما تجيب النتيجة كلمني قبلها
كان بيهز رأسه وساكت
قبل ما يمشي ندهت عليه
ـ جاسر
ـ نعم
ـ أنا وثقت فيك لانك الوحيد الي اقدر اثق فيه ويساعدني .. شكرا
ابتسم ـ عفوا
ركب عربيته ومشى .. وانا رجعت للمسجد
كنت مش مركزة .. ما وافقتش اسمع لحد .. قعدت على جنب وانا ضامة نفسي وبفكر .. وبعدها بديت اقرأ قرآن
رن محمد وطلعت ومشينا
ـمالك يا ليلو
ـ قولتلك موضوع الكلية شاغلني
ـانتي متوترة زيادة عن اللزوم.. وبعدين بقالها ٣ ايام
ـ اممم ..ماشي
وصلنا ومر كل شيء عادي بدون ذكر تفاصيل
* بعد تلت ايام *
كنت اغلب وقتي قاعدة باوضتي .. على عكس ما كنت .. الكل لاحظ .. والكل جه اتكلم معايا .. أنا مش قادرة.. عاوزة اعرف الحقيقة.. الموبيل رن .. كان جاسر
ـ الو
ـ ليلياس .. ازيك
ـ الحمد الله .. حصل ايه بالموضوع الي قلتلك عليه ؟
ـ أنا عاوز اقابلك في مكان واديكي العينة
عرفت أنه بتلكك علشان يشوفني
ـماشي .. تعال بكرا الساعة ١١ .. عند المسجد
ـ بس عاوز نقعد بكافيه
رفعت حاجبي
ـ وده ليه بقا
ـ كدا
ـ ماشي يا جاسر
ـ تمام حخددك من هناك ونروح
ـ عاوز تقول حاجة تانية
ـ اهتمي باكلك.. مريم قالت انك لما بتتوتري ما بتاكليش
ـ أوامر تانية جاسر بيه ؟؟
سكت وبعدها قال
ـ ليلياس أنا آسف
قفلت السكة في وشو
**
كنت قاعدين بالكافيه .. كنت قاعدة متوترة
ـ يلا النتيجة ايه ؟؟
كان ساكت بس بيبص ليا
ـ حتقول النتيجة وتديني الورق ولا امشي
ـ بس تكوني هادية
ـ اخلص
اعطاني الورق
ـ النتيجة متطابقة للعينتين
كانت ايدي بترتعش .. يعني ايه
ـ أنا بنت فؤاد البنهاوي
ـ ايه !!!
*جاسر *
كدا كل حاجة وضحت قدامي .. رفضه لتجوزي لبنى .. قسوته عليها ..كره مروان ..بس ثانية هو معقول مروان يعرف
ـ ليلياس..هو مروان من وهو صغير بيعملك كدا
ـ لا ..كنا عادي ... كان بيغير كتير مني .. بس ما كانش بيكرهني
ـ يبقى عارف
*ليلياس*
ماكانش مهم بالنسبالي مروان عارف ولا .. كان مهم اني انا بنتهم هما .. مش بنت فريد وسمر .. أنا مش اخت مروان .. أنا اخت محمد ويوسف وسيف
ابتسامة ظهرت على وشي لثواني .. مفكرين حنهار والكلام ده .. بالعكس أنا سعيدة اني بنتهم .. قسوة ابويا .. وعدم حنان امي .. وكره مروان .. كنت اتمنى اصلا .. بينما عمي .. أو بابا .. كان بيعملني بكل حنان الأرض .. مرات عمي .. ماما .. شفتوا معاملتها .. واخواتي .. هما اكيد مش عارفين بس هما اصلا بيعاملني كويس
قلت بصوت مسموع
ـ ايه الي يخلي اب يرمي بنته لأخوه
ـ بتحبيه ؟؟
ـ مين
ـ فؤاد
ـ جداا
ـ يبقى تديه عذر وتاخدي الورقة دي وتروحي على مكتبه تسأليه وتفهمي منه
ابتسمت .. كنت أنا مبارح أقوله يعمل ايه . و النهاردة هو
اخدت الورق ومشيت
وصلت المسجد .. رنيت على سيف يجي يا خدني لانه كان حيموتني لو روحت لوحدي
جه ومشينا وكان بيحاول يضحك ويضحكني معاه
بس كنت مش قادرة اضحك
وصلت وطلعت على غرفتي بسرعة
مسكت الورقتين .. كتبت اسمي واسم عمي في واحدة .. واسمي واسم مرات عمي في واحدة
وصورتها وبعتها للكل .. يوسف ومحمد وسيف وعمي ومراته
طبعا اول واحد جه جري على اوضتي هو سيف .. الي ماسك الموبيل طول النهار
وبعده محمد
وبعده يوسف
وآخرهم كان عمي ومراته
بصيت ليه وقلت
ـليه ما قولتش .. ليه سبتيني عنده .. طالما أنا بنتك انت .. ليه .. ما كنتش شايف العذاب الي انا فيه
ـاهدي يا ليلياس وانا حفهمك
ـ ياريت كلنا عاوزين نفهم
اتنهد وقعد على السرير
ـ امك وسمر حملوا في نفس الوقت .. فالشهور الأخيرة .. جدتك أصرت انهم يبقوا عندها علشان تهتم فيهم .. للاسف .. سمر و سهير ( امي الحقيقة) ..ولدوا بنفس اليوم ... بنت سمر ماتت وانت اتولدتي .. قبل ما نعرف كان فريد راشي الممرضة ومغيرة العيال .. بقت بنتنا الميتة وانتي العايشة .. بعد ٣ شهور .. الممرضة جات وقررت تعترف .. ضميرها دلوقتي فاق .. كان الكل عارف انها بنته .. ما رضيتش اكسر اخويا خصوصا لما شفته بيعيط وعاوزك تفضلي عنده .. وكمان الكل عرف وحتكون فضيحة لعيلتنا .. أنا سبتك وانا كنت حموت .. كانوا دايما بيوريني انك سعيدة ..وانك لو عيشتي بالبلد مش حتكوني بالسعادة الي انت فيها .. سامحيني .. سامحيني ..ما كنتش متوقع أنه كدا .. محدش كان متوقع
كنت ببص للكل .. ماما بتعيط ومحمد حاضنها .. ويوسف باصص للورق الي كان على سريري .. وسيف كان بيبص ليا
بصيت لبابا .. كانت ماسكة نفسي اني اعيط .. بصيت ليه وقلت
ـ مسمحاك
ونزلت اجري مش عارفة فين حروح .. بس عاوزة اطلع من هنا
يتبع
