رواية حب غير متوقع عبر روايات الخلاصة بقلم ٱية موسى
رواية حب غير متوقع الفصل الخامس 5
كلامها باول كان موثر ..بس بعدها بدأت تشتمني .. اول ما سمعت انت مش راجل ..ايدي ما قدرتش تستحمل .. اديتها قلم ..كنا أنا وهي مصدومين ..كان قوي لابعد حد .. أنا ازاي عملت كدا ..هي كانت بتبصلي بصدمة وايدها على خدها ..
قربت منها بأسف
ـ ليلياس أنا بجد
عملتي اشاراة أيدها أنه اسكت
ـ كل ثانية بتثبت ليا فكرتي عنك
دخلت جوا الاوضة وقفلت الباب
بصيت لطيفها بحزن .. أنا بجد ازاي مديت ايدي على ست
خرجت برا ورحت للمكان الي بروح ليه لما بتعصب أو ازعل .. قبر بابا
قعدت جمب القبر ..قعدت المس الرخامة و أنا الدمعة بعيني
ـوحشتيني يا بابا .. قاعد باخد حقك من فريد ..في بنته ..مش عارف إذا قراري صح ولا ..وإذا انتقامي صح ولا .. بس حكمل فيه .. سواء غلط او صح .. بحبك .. وحشتني جدا
لميت شتات نفسي وخرجت من المقبرة وانا بجد حيران
رن موبايلي ..كان واحد من الشاغلين الي ببيت فريد البنهاوي
ـ عاوز ايه
ـ فؤاد البنهاوي جاي بكرا
ابتسمت .
ـ تمام ..في حاجة تانية
ـ لا
قفلت
ابتسمت ..فريد البنهاوي وفؤاد مع بعض .. ده امي دعيالي
روحت على البيت ودخلت بسرعة على الجناح
لقيتها نايمة ..خدها متورم .. صورته طبعا
فاقت
ـ خير بتعمل ايه هنا
ابتسمت بخبث
ـ مشتاقة لأمك وأخواتك
ـ طبعا
ـحلو ..بكرا حنروح نزورهم
ـ بجد
لقيتها نطت من السرير وفجاءة قالت
ـ لا مش عاوزة
ـ ليه .. علشاني ضربتك يعني وقلت من كرامتك
ـ لا علشان ما اقللش منك قدامهم
قالتها بابتسامة انتصار
ـبكرا حنروح يعني حنروح .. ده اخر كلام عندي
خرجت برا ..أنا عاوز فؤاد يشوفها .. عرفت أنه بيحب ليلياس جدا ..وكان معتبرعها بنته ..او اكتر .. إذا فريد مش حيهتم لما يشوف بنته كدا .. يبقى فؤاد حيهتم
نمت في اوضتي
صحيت وقلت لمريم تقول لليلياس تلبس وتنزل
نزلت و مشينا
كانت ساكتة
اتكلمت اخيرا
ـ انت فاكر أنه لما توريهم وشي ..حتنتقم مثلا
بصيت ليها
ـ انتي عارفة أن عمك فؤاد بيحبك جدا ..وهو اصلا مش عارف انك متجوزاني أنا .. هو جاي يشوفك بعد ما فوقتي .. فعيب يا حبيبتي أننا ما نروحش
ـ بكرهك
ـ مش قدي
كملنا الطريق وكل واحد ساكت
وصلنا
ـ انزلي
لقيتها مسكت في ايد الكرسي ورافضة تنزل
نزلت ونزلتها غصب عنها
كانت مش عاوزة تدخل
ـ يااه لدراجادي بتحبيه
ـ ملكاش دعوة
ابتسمت ..ليلياس لسا فيها حركات العيال
دخلت واول ما دخلت على الصالة شافها فؤاد
ـ ليلياس
لقيتها وقفت فجاء ..اتسمرت
حالها فؤاد وهو بيضحك بس قبل ما يحضنها شاف وشها
ـ ايه ده !!
ـ ورم عادي
قلتها ببرود وهو بص ليا وكأنه ما كانش منتبه أن في حد جمبها
ـ وانت مين بقى يا شاطر
ـ جوزها
برق شوية ..على دخلة فريد الي اول ما شاف بنته ملامحه كانت مش مفهومة .. صدمة .. برود .. لا مبالاة
بصيت لليأس الي كانت بترجف
انت مجوزها من غير ما تقوليلي يا فريد !!!
ـ مين الي عمل فيكي كدا .. قولي
ـ أنا
بصلي وقالي بهدوء
ـ وانت اسمك ايه يا شاطر
ـ جاسر نبيل الشرقاوي
اتكهرب ..مسك بنت اخوه وحطها وراء
ـباي حق تضرب بنت اخويا بالشكل ده
ـباي حق تحبس ابويا ١٥ سنة ظلم
ـ وانت مين فهمك يا شاطر اني انا الي حبسته ..ابوك ؟!
بصيتله وقلت
ـ انت الي حبسته ابويا مش لازم تعرف مين الي عرفني
ـ عمك بلال مش كدا
بصله بصدمة
ـانا حقولك الحقيقة ..بس بشرط .. تنطلق ليلياس
بصيت لليلياس وليه وقلت
ـ وانا ايه الي هيضمنلي انها الحقيقه
سكت فؤاد
ـ استنى شوية وحتعرف
ـ حلو ..على ما استنى .. بنتكم عندي
سحبتها بقوة من وراء عمها ..و مشيتها قدامي وهي بتعيط
روحنا البيت والكل كان مستغرب من الدخول المفاجئ ده وسبب عياط ليلياس
طلعت فوق لوحدها وانا طلعت وراها رغم أن امي ناديتها كتير
طلعت ..لقيتها بتوضى
ـبتعملي ايه
ـ باخد حقي أنا كمان
ـ ازاي
ـ حشكيك لربي .. كل دمعة نزلت من عيني حقولوا عليها .. كل ظلم اتظلمته حقوله عليه .. إذا كان لا ابويا ولا اخويا قادرين يجيبوا حقي .. فربي حيجيبه
بصيت ليها وسكتت
وفعلا لبست الاسدال وكانت بتطول بالسجود كتير ..كنت سامع شهقاتها .. أنا بجد خفت
جاسر الشرقاوي الي قلبه حديد خاف ..
قعدت جنبها واول ما قامت ورفعت أيدها تدعي عليا طبعا مسكتها
ـ ما كفكيش دعاك عليا .. خلاص كفاية
سلمت وبصت ليا
ـ ايه ..دلوقتي خفت .. دلوقتي خفت من عقاب ربنا ..ما خفتش من ربنا وانت قاعد بتظلم مراتك علشان ابوك اتظلم زمان ..
ـ أنا فعلا غلطان ..بس أنا بجد مش عارف اعمل ايه ..حسي بيا ..حسي بحرقتي .. حسي بحرقتي لما عرفت وانا باصعب اوقات حياتي مين الي ظلم ابويا وعمله ايه ابويا .. قوليلي كان وقتها المفروض اعمل ايه .. جاوبي .. حطي نفسك مكاني
بصت ليا بقوة وقالت
ـ لو كنت مكانك ما كنتش حاعمل كدا .. ما كنتش حسيب كل الدنيا واعقب حد ما لوش دعوة .. كنت حدور على الحق من غير ما اكسر حد برئ
ـ أنا كنت تايه .. ولدوقتي تايه .... كل يوم بيتثبتلي أن انتقامي ده غلط ..خططي كلها غلط .. أنا بجد مش عارف اعمل ايه ..ساعدني
بصتيلي وضحكت
ـ لا حول ولاقوة الا بالله .. عاوزين اساعدك ف ازاي تنتقم من ابويا وعمي .. جاسر
ـ نعم
ـ ربنا سبحانه وتعالى قال في القرآن: "فمن عفا وأصلح فأجره على الله إنه لا يحب الظالمين " [الشورى: 40]. يعني اللي يسامح ويصلح، ربنا بنفسه يتكفل بأجره... وربنا ما بيحبوش الظالمين الي زي حضرتك
قربت مني وقالت بصوت هادئ
ـ إنت قلبك مليان غضب من اللي حصل زمان… بس يا جاسر، الانتقام عمره ما بيرجع حق، بالعكس بيكسر ناس بريئة. لو فعلاً بتحب أبوك وعاوز حقه، ارجع لربك، هو اللي بيجيب الحق، مش ظلمك ليا.
ـانتي ..انتي ازاي بتعرفي كل ده ؟
ـ مراتك حافظة القران الكريم.. تعرف ايه اكتر حاجة حتفرح والدك احسن ما تاخد حقه
ـ ايه؟؟
. ـ حفظك للقرآن.. النبي ﷺ قال: "من قرأ القرآن وتعلمه وعمل به، ألبس يوم القيامة تاجًا من نور، ضوؤه مثل ضوء الشمس، ويكسى والداه حلتين لا تقوم بهما الدنيا، فيقولان: بم كسينا؟ فيقال: بأخذ ولدكما القرآن"… يعني أبوك يوم القيامة يلبس تاج من نور، ويتزين بحلل ما فيش زيها في الدنيا، بس علشانك. .. احسن من الانتقام الي انت مبسوط فيه وقاعد بتضر وتاذي ناس كتير .. ابوك عاش ال١٥ سنة بالسجن وخلاص .. احتسب أجرهم عند الله .. انت جاي بعد ٤٥ سنة تاخد حقك !!!!
بصيت ليها وقمت وقلت لها
ـ انت تقدري تنزلي تحت ..لحد ما عمك يثبت غير الكلام ده
ليلياس
سكتت .. بصيت ليه ..كنت بحاول إقراء عيونه ..بحاول افهم جاسر
جاسر شخصية ضعيفة .. تايهه .. مش عارفة تعمل ايه .. عاوز ينتقم بس مش عارف ازاي .. بقيت مش فاهمة أنا كمان ..
وحفضل اقول ضعيف لحد ما يثبت غير كدا
طلع وانا قعدت .. مفكراني بدعي عليه .. كنت بدعي ليا أنا ..أنا مستحيل ادعي على حد حتى لو كان شخص أكرهه موت
بعد يومين
كنت فاضية .. بدأت بتنظيف الخزانة ..شلتها كلها وبدأت ارتكبها من جديد .. خلصت خزانتي .. جيت لخزانة جاسر .. كنت بطلع منها هدومه ..شفت بوكس كبير .. ابتسمت بفضول وفتحته .. انصدمت .. أزيز بيرة .. ايه ده ..الغرفة الي انا بنام فيها ..موجود فيها حاجة زي دي !! .. مسكت البوكس تقيل .. طلعت انادي ادهم
دخل وهو بيضحك
ـ ايه الكركبة الي انتي عاملها
ـادخل وانت ساكت ..هو كله عندك ضحك بضحك
ـ عاوزة ايه
ـ احمل البوكس ده و ورايا
بص لبوكس بخوف مصتنع : لا آسف ..مش حقدر
رفعت حاجبي
: وده ليه
ـ جاسر حيقتلني لو عرف
ـ أنا حقتلك دلوقتي لو ما حملتوش
ـ لا خلاص اهو
ابتسمت ومشيت لعند الحوض بتاع المطبخ
ـ هات اول ازازة
ـ ليلياس ..متأكدة انك عاوزة تعملي كدا
بصيت ليه فادتني اول ازازة
رميتها كلها وكسرتها ... وعملت كدا مع ال٨ ازاي الباقين !
ـ ارتاحتي يختي
ـ اه
ـ جاكي اوه بصحيح
ـ انا ارتحت
ـ جاسر حيتضايق
ـ ريحتني اكتر
مشيت وانا بحاول اعمل حاجة مفيدة لشخص ده ..قبل ما امشي
* على العصر *
كنت بلون في دفتر المنديلا الي هديتني إياه مريم ..دخل جاسر وقعد يدور على الازيز
ـليلياس انت فتحتي خزانتي
ـاه ورتبت الهدوم مش شايف
ـطب كان في علبة .. علبة
قاطعته
ـعلبة فيها ٨ الزائر خمرة ..رميتهم
ـ ايه ..ليه
قمت وانا بحاول تخفف من عصبيته علشان ما تطلعش عليا
ـ علشان بحاول أشيل اي شيء ممكن يرجعك من حفظك ..مع انك ما بداتش تحفظ بس شفت في عنيك الإرادة دي .. دلوقتي لو انت بدأت تحفظ وشفت أزيز الخمرة مش حتحن لماضي .. ده اولا ..تانيا مش حنام في اوضة فيها خمرة
ـانت ايه بتعملي معايا كدا
جملة طلعت منه بعد صمت طويلل
ـ علشان مش حشوف حاجة غلط واسكت عنها .. وده واجبي
ـ ده واجبك !!
ـ ايوه ..لما القيك بتغلط ومش قريب من ربنا ..واجبي كا زوجتك ارجعك لربنا وتقوي امانك
..ويحاول اعمل حاجة مفيدة قبل ما امشي
ـ ليه متأكدة أنه عمك حيجيب دليل أنه مش هو السبب
ـ متاكدة .. لأن عمي عمره ما كدب
ضحك
ـ هنشوف
طلع وانا كملت الون
دخلت عليا مريم وقالت
ـ غريبة جاسر طالع من هنا وهو مش متعصب
.. هو ايه الحكاية
ـ اخوكي بيحاول يفهم هو بيعمل ايه وحيعمل ايه ..وانا بساعده
ـ طيب يا جامدة .. ادهم جهز السناكس ومستنينك علشان نسهر
ـطنط حتسهر معنا
ـطبعا دي حبت المسلسل اكتر مننا .. امي طلع ليها بالتركي واحنا مش دارين
ضحكت وقمت معاها
*تاني يوم العصر *
كنت قاعدة برسم .. دخل جاسر وهبت الرسمة بسرعة
هو ما كانش مهتم
ـ ليلياس ممكن طلب
ـ خير
ـ ممكن تسمعيلي ال ٥ اجزاء
ـ ما شاء الله ..في يوم حفظت ال ٥
ـ لا أنا كنت حافظهم من وانا صغير بس رجعتهم
ـ طب تعال
ـقعدت على السرير وهو قعد ادامي .. كان بيسمع صح وصوته حلو اووي
بعد ساعتين خلصنا التسميع
ابتسمت بجد
ـ أنا مبسوطة اووي منك .. انت كدا حافظ سدس القران يا جاسر ..عقبال كله
ـ يارب .. شكرا ليكي
ـ افهم كدا انك لغيت فكرة الانتقام
ـ موعدكيش
ضحكت ضحكة خفيف
ـ انشاء الله حتشيلها من دماغك خالص
لقيته قال
ـاضحكي دايما
ـ ايه ؟
ـ اضحكي دائما ..ضحكتك حلوة اووي
ـوالله لما ما يبقاش في جاسر الشرقاوي ..حبقى اضحك دايما
حسيته زعل
ـ أنا بجد متاسف ليكي .. انتي جواهر يا ليلياس جوهرة .. انتي ما تستاهليش الي عملته بيكي .. أنا آسف
سكتت وبصيت ليه وقلت
ـ في حاجة اهم من كل ده
ـ ايه
ـ الصلاة يا جاسر الصلاة .. انك تحفظ قران وانت ما بتصليش ده غلط .. وقبل كل ده اصلا لازم تجدد توبتك
ـازاي
ـابحث على النت وشوف هو أنا كل حاجة لازم اقولهالك .. أنا نازلة تحت لمريم .. ولما تكون عاوز تسمع أنا جاهزة
نزلت ..لقيت طنط ومريم بيطبخوا
ـمساء الخير
ـ مساء النور يا بنتي
ـ انا بجد بستغرب منكم .. ليه بتطبخوا انتو طالما في حد موجود يقدر يطبخ
ـاسكتي انتي عاوزة امي تدبحك .. احنا بنحب نعمل الاكل بنفسنا ..وجاسر بيحب ياكل من تحت ايد ماما ..
ـربنا يخليكوا ليه
سمعت اذان العصر
ـطب عن اذنك حتطلع اصلي وانزل ..وانتي يا مريم روحي صلي
بصت ليا مريم وجاه صوت ادهم من برا بيضحك
ـ اسكتي مش مريم أعلنت كفرها وما بتصليش
ـ اسم الله عليك يا خويا بتصلي الخمس فروض وبتصوم اتنين وخميس .
ـ لا اله الا الله ..أنا قاعدة في بيت ما حدش بيصلي بيه
الاتنين قالوا بنفس الوقت :ماما بتصلي
لفيت لطنط الي كانت بتطبخ وهي ساكتة
ـ هي طنط تقدر عليكوا يا جوز قرود..قدامي انت وهي اتوضوا وصلوا ..يلااا
راحوا وهما بيضحكوا ـ امرك يا شيخة ليلياس
ـ والله يا بنتي انا من اول ما شفتك قلت حتغيري جاسر لاحسن ..بس واضح كمان مريم وادهم حينضموا معاه
ـادهم ومريم اخواتي الصغيرين فطبيعي لما تشوفهم بيعملوا حاجة غلط اصححها وتقوي علاقتهم بربنا ..عن اذنك ..حروح اصلي
ابتسمت طنط وطلعت فوق
* بعد خمس ايام *
بقينا أنا وجاسر نقعد كتير .. يسمع الي حافظه .. نتكلم في الدين ..
لقيت جاسر جاي النهارة
ـ أنا مش جاي اسمع
ـ اومال جاي ليه
ـ جاي اقعد معاكي
ـ ومن امتى الحب ده
لقيته حط دماغه على رجليا
ـ من زمان والله
ـ قوم يا جاسر
تجاهلني
ـ عاوز اشكرك على الي عملتيله لادهم ومريم
قلت بهمس
عفوا
قام من على رجلي اخيرا
ـ ايه القطة اكلت لسانك
سكت وانا ببص ليه
الباب دق ودخلت مريم
ـ ابيه ..في واحد تحت عاوزك وبيقولي اسمه فؤاد
قام بسرعة جاسر وانا قمت وراه
نزلنا واول ما عمو شافني حضنني وخاباني وراه زي المرة الي فاتت
ـ جيت ومعايا دليلي ..وجروح ومعايا بنتي
ـ بس اشوف دليلك
ـاعطاه عمو تسجيل صوتي
فتحه جاسر وكان اعتراف رسمي من بلال أنه هو الي حط المخدرات في عربية اخوه علشان يسلمها بس الشرطة قبضت على اخوه قبل ما يسلمها .. وكان ده عن طريق محادثة بين عمو وبلال وعمو عرف يسحب الكلام من عن جاسر
ـ دليليك اهو ..وروح انتقم منه هو مش مننا ..احنا الحاجة الوحيدة الي عملنا هو أننا بعتنا ستات من البلد تضرب جدتك وعماتك
جاسر كان مصدوم .. ماسك التسجيل بقوة وهو متعصب جامد
ـارمي على ليلياس الطلاق
ـ ده لو هي عايزة
ـ هي مجنونة تفضل هنا
ـهي الي تختار
بصيت ليهم ..مريم ودموعها السائلة ..وادهم وصدمته في عمه ..وأمه الي كانت واقفة بتبصلي وعلى وشها ابتسامة حنينة بطمنيني فيها ..وآخرهم جاسر ..الي بصيت ليه ..كانت عيونه بتقول ما تسبنيش ..فيها نظرة ترجي كبيرة ..خوف .. بس انا اخدت قراري
ـ أنا عاوزة ارجع مع عمي
مسكت بايده جامد وهو ابتسم
ـ سمعت .. ارمي اليمين
ـانتي .. انتي طالق
يتبع
