رواية الظلام النفسي الفصل السادس 6بقلم هنا حسين

روايه الظلام النفسي بارت6 __________________________

جلال بعصبيه...... انت ازاي تدخلي بدون استأذان 

لاكن حبيبه كانت سرحانه في ديكورات المكان كان المكتب فخم بالون الاسود والبني 

جلال لاحظ انبهارها بالمكان 

جلال..... انت متخلفه مش بكلمك 

انتبهت حبيبه لنفسها 

حبيبه...... احم معلش اصلي دي اول مره ادخل هنا المكان شكله يجنن 

جلال..... ماتنسيش تاخدي كم صوره ليه كمان قبل ماتطلعي واحده غبيه 

حبيبه بأنفعال..... مش ملاحظ حضرتك من اول ماشوفتني وانت ماسبتش ولاسب وسبتني بيه 

مره طرشه ومره متخلفه ومره غبيه ايه يعني لما اتفرج واشوف الدنيا شويه حرام يعني ولا علي شان ربنا مديك تتغر علينا 

جلال....... بصي يا اسمك ايه اولا انا مش بسبك بس افعالك بتخليني اعمل كده ثانيا ده مكان شغل مش للفرجه واخر حاجه واهمهم انك لما تدخلي تخبطي مش داخله زريبه 

حبيبه..... معلش اصلي مش متعوده علي الشغل وكده وكملت بمرح بس قولي انت عامل التصميم فين علي شان اعمله في شقتي 

جلال بنفاذ صبر....... انت هتتسايري معايا انت نسيتي نفسك ولا ايه 

حبيبه...... يا عم احنا ولاد تسعه متطلعش فيها اوي كده 

جلال بغضب...... اطلعي برا برا 

اذكروا الله ♥

طلعت حبيبه تضحك على منظره اما هو استغرب نفسه ازاي سمحلها تكلمه بطريقه دي لوحد كان مكانها كان زمانه قتله كمل شغله 

كان يوم مليان شغل جينا اخر اليوم طلع جلال من مكتبه وخرح من غير مايوجهلي أي كلام 

بعدين مشيت من الشركه فضلت اتمشي شويه وببص حوليا وانا شايفه الدنيا واسعه وكبيره بس مش من حقي اتحرك فيها او اعيشها ببص علي اللي راكب عربيته واللي عايش حياته وانا زي ما انا كأن الحياه متحالفه عليا ان قلبي مايشوفش الفرح عايش كده وخلاص مش عارفه 

انا عاوزه ايه بس اللي اعرفه ان انا عاوزه اهرب من واقعي اهرب من الناس 

رجعت من تفكيري علي صوت الفون لقيت حسام بيتصل 

حبيبه.... ايوه يا حسام 

حسام..... مالك يا حبيبي في ايه 

حبيبه.... لا مافيش انا كويسه 

حسام...... حاسك تايهه 

حبيبه..... لا بس مخنوقه شويه 

حسام... من ايه 

حبيبه..... عادي كده مع نفسي قولي انت عامل ايه 

حسام.... انت دايما كده يا حبيبه امتي كلمتك ولقيتك مبسوطه زي البنات دايما نكديه 

حبيبه بعصبيه..... حسام انت اللي دايما عاوزني اضحك ومبسوطه حتى لو كنت واخده بالشبشب 

مش مهم انا عاوزه ايه اولع صح 

حسام....... انا من حقي بعد يوم طويل متعب في الشغل الاقي خطيبتي مستنياني اكلمها وتسمعني كلمه حلوه 

حبيبه بخنقه....... وانا فين من ده كله ها اهم حاجه انت ومصالحك 

حسام بعصبيه...... مصالح ايه يا ام مصالح اسمعي انت ماتنفعيش تكوني زوجه أبداً 

حبيبه بعصبيه..... ولا انت كمان ماتنفعش تبقي زوج ولا اب بدل ماتقولي صلي وقربي من ربنا عاوزني 24ساعه اقولك كلام عشق وغرام بس علي شان ارضيك 

حسام..... يعني انت شايفه كده 

حبيبه برعشه بتقاومها....... ايوه ي حسام 

وفجأه حسام قفل في وشها 

قعدت على الرصيف وبداءت تبكي بهستريه وتضحك من يراها يقسم انها مجنونه 

ضاغطه على يدها مش شده الرعشه بتقاوم نوبتها كي لاتدخل في التشنجات 

اذكرا الله🥀

حبيبه... وقفت عند الحفره كنت عاوزه ارمي نفسي فيها كي اتخلص من حياتي 

التي بلا معني وبلا هدف فجأه سمعت صوت بيناديني صوت غريب عليا فيه حنيه فيه دفئ

بس ده مين صوت ماعرفوش لفيت حوليا مالقتش حد بس هدوء لقيته بيقولي مدوريش كتير انا جنبك ومعاكي علي طول بس ارجعي بس انا معرفتش اقوله اي رغم ان في كلام كتير جوايا بس ماعرفش ليه وقتها سكت بس هو قالي ارجعي وانا معاكي كنت بحاول اتكلم وارد 

بس صحيت علي صوت فوني 

حبيبه..... الو 

لينا..... ايه يا حبيبه فينك ليا ساعه برن عليكي 

حبيبه..... معلش كنت نايمه 

لينا......  انت مش عارفه ورانا محاضرات مهمه كمان نص ساعه 

حبيبه..... مش هاجي هروح الشركه 

لينا........ مال صوتك شكلك مضايقه 

حبيبه..... جاتني النوبه مبارح وجيت نمت من الزعل 

لينا..... ليه كده يا حبيبه 

حبيبه...... بسبب حسام المهم مش حابه اتكلم انا هروح الشركه وانت ابعتيلي المحاضرات 

لينا...... ماشي بس ابقي طمنيني عنك 

قومت لبست ورحت الشركه لحد ماجه جلال 

جلال..... مش عاوز حد يدخل عليا فاهمه 

حبيبه وهي عنيها في الورق اللي قدامها

حبيبه.... حاضر يا فندم 

جلال استغرب ان حبيبه مبصتلوش غير مبارح كانت هتاكله بعنيها بس ماهتمش ودخل مكتبه يتابع عمله 

روايه الظلام النفسي للكاتبه هنا حسين 

يتبع ________________للحكاية بقيه 

♡ماتنسوش تصلوا علي النبي ♡

♕دمتم في رعايه الله وحفظه♕ 

🫶🏻قراءة ممتعه 🫶🏻