رواية ما بيني وبينه قدر عبر روايات الخلاصة بقلم رقية الأنصاري
رواية ما بيني وبينه قدر الفصل السادس 6
_ انتي طالق
"بصتله بصدمه وانا مش مستوعبه الي سمعته .. هو قالها بجد؟!! ، ده قالها!!! ... قربت منها وانا كنت خلاص شبه هامده وقولت بنبرة ضعيفه
= يو..يوسف انت قولت ايه؟
"رد بنبرة بارده جدا ، بس .. بس كنت حاسة ان جواها وجع متخبي
_ الي سمعتيه يا أحلام .. انتي طالق
= يعني ايه؟!! ليه!! عملت ايه!؟
"بصلي بعينين مليانه غضب وقال
_ مش عايز اسمع ولا كلمه! كفايه الي سمعته
=سمعته؟ سمعت ايه يا يوسف انا مش فاهمه ما تتكلم!!
"رد بصوت عالي وعصبية
_ انا قولت مش عايز اسمع ولا كلمه!!! وبعدين انا طلقتك لو مش واخده بالك لسه واقفه قدامي وبشعرك!
"قالها وخرج من باب البيت ، وانا اترميت على الأرض مكاني وانا في عدم استيعاب للي بيحصل ، يعني ايه ؟ ازاي طلقني؟! ، بعد ما حبيته! ، بعد ما حبيته هيسيبني! ، بعد ما وثقت فيه هيسيبني زيه!!! .."
"قومت من مكاني وانا رجلي حتى مكانتش شيلاني ، دخلت الاوضه ولميت هدومي بالعافيه في شهر صغيرة ، عيني جت على صورته الي محطوطه على الكومود ، مسكتها بإيد مرتعشه وهمست
_ كنت هعيش علشانك .. بس انا الي قتلت كل الي بينا بإيديك يا يوسف ..
" مسكت تليفوني ، وكسرت شريحته بإيدي ، قفلت كل حساباتي ومعاها قفلت شنطتي .. ، لبست حجابي .. وخرجت من البيت .. "
" وصلت عند القطر القاهرة ، واتحرك من المحطة .. ، ومعاه اخر نفس من حياة .. كنت جزء منها .."
☆☆☆☆☆☆☆☆☆☆☆☆☆
"آسر كان قاعد جمب مروان بيحاول يهديه ، بس مروان مكنش معاه اصلا ، كل الي كان في باله ملاك .. ، الي بقاله سنين بيدور عليها، اه هو الي سابها بس مكنش بإرادته ، ازاي هيرجعلها؟! ، ازاي هيخليها تسامحه! .."
" فاق من أفكاره على صوت آسر وهو بيقول
_ مروان
" مروان بصله من غير ما يتكلم وآسر قال
_ هي دي الي كلمتني عنها؟
"مروان هز راسه بتعب وآسر حضنه وقال
_ متقلقش كله هيبقى تمام .. وهي لما تعرف اكيد هتسامحك
= هتسامحني ازاي يا آسر هتسامحني ازاي بس!!!
_ صدقني هتسامحك ، انت بس سيبها تهدى وكام يوم وروح اتكلم معاها
= هي اكيد هتمشي من عندكم بعد ما عرفت اني صاحبك
_ لا متخافش ، ماسه ومرات عمي هناك ومش هيخلوها تمشي ، وانا هوصيهم
= ماشي يا آسر
_ اجمد كده يالا من امتى وانت كداا
= أنا تايه والله يا آسر ، انا مش عايز حاجه غير انها تسامحني ، انا كنت فاكر اني نسيتها بس اول ماشوفتها كل ده راح في ثانيه!! ، احساس ان انا السبب في الي هي فيه ده قاتلني! ، هتسامحني ازاي وهي شايفه اني السبب في كل الي حصلها! ، انا كنت غبي! غبي!!!
_ اهدى يا مروان والله كله هيبقى بخير انا بس اهدى والموضوع هيتحل ، وانت ملكش دعوة هو كان غصب عنك ، وصدقني هي لما تعرف ده هتسامحك وهي اكيد بتحبك!
"مروان بصله وقال بسخريه
= بتحبني؟!! ، ده مش بعيد تبقى كرهتني دلوقتي
_ لا لا والله صدقني انا ، وبعدين انا مش عايزك كده يعم اجمد كده بقا، طول منت كده الموضوع عمره ما هيتحل ، لازم تحاول مره واتنين وتلاته لحد ما تسامحك!
" مروان اتنهد وآسر قال بضحك
_ وبعدين على فكره انا كسبت الرهان
= رهان ايه؟
_ الرهان الي اتفقنا عليه من كام شهر
= اهااا بتاع ماسه؟
_ ايوه
= حبتك؟
_ اه شكلها ، ايدك على 5000 يابا
"مروان كان لسه هيرد بس خد باله من الي واقفه بتبصلهم ودموعها على وشها .. قربت منهم وقالت بصوت مرتعش
- رهان ايه يا آسر
" آسر بصلها بصدمه وارتباك وقال
_ ماسه استني انتي فاهمه غلط والله انا ..
"ماسه قاطعته بصراخ
- انت كنت متراهن عليا؟!!! ، يعني كل ده كان عشان خاطر رهان!!! ، طب ليه!!! حرام عليك يا أخي ، هو انا مشاعري لعبه في ايديك؟!!! ، طب انا كنت بحبك بجد !! كنت بحبك بجد وانا ضحكت عليا!!
"آسر مسك ايديها وقال
_ عندك حق في كل الي قولتيه والله بس احنا كلنا بني آدمين وبنغلط! ، انا كنت انسان وحش اوي قبل ما أقرب منك يا ماسه! كان كل الي فارق معايا بس ازاي هتعرف على دي ، ازاي هتكلم مع دي ، ازاي هخلي الجامعه كلها تتكلم عليا اني عرفت اتكلم معاها وهما معرفوش ، بس من ساعت لما قربت منك وبقيتي جمبي حبيتك بجد ، وغلاوتك عندي يا ماسه حبيتك بجد
" ماسه نفضت ايديها من ايدو وقالت بوجع
= انت واحد اناني ومكنش فارق معاك غير نفسك! وانا مش عايزه اشوف وشك تاني ، طول ما احنا مع بعض في بيت واحد مش عيزاك قدامي فاهم؟!!!
_ يا ماسه بالله عليكي اسمعيني انا ...
" ماسه قاطعته وقالت
_ بس!!! اسكت !!! مش عايزه اسمع منك حاجه!! انا بكرهك! ، بكرهك يا آسر ومكرهتش قدك في حياتي!!!
" وسابته وطلعت فوق وهي لسه مصدومه ودموعها مغرقه وشها .."
☆☆☆☆☆☆☆☆☆☆☆☆☆
"يوسف كان ماشي بعربيته وهو مش مصدق انها عملت فيه كده!!، كان خلاص.. كان خلاص هيحبها، حاول يقنع نفسه ان في حاجه غلط بس ازاي؟، هو سمعها بودانه وهي بتتكلم معاه، بتتكلم مع أدهم وبتتفق عليه، وبتقولو انها لسه بتحبه وانها هتطلق منه لما تاخد الي عيزاه وترجع لادهم!!، كان بيحاول يكدبهم بس ده صوتها!! هو صوتها، والمده الي عاشها معاها مش قليله علشان ميعرفش يميز نبرتها..، قرر يرجع البيت يسمعها التسجيلات يمكن تبرر! يمكن تقوله انها كانت بتضحك على أدهم، تقوله اي حاجه.. "
" وصل البيت وطلع بس اتفاجئ بباب الشقه موارب، دخل وبدأ ينده عليها لكن مفيش رد، الرعب تملك منه وهو بيفكر ان ممكن يبقى حصلها حاجه!، دور في الشقه كلها لكن ملهاش اي أثر!..، فتح موبايله و رن عليها اداله مغلق.. وقتها اتأكد ان ممكن فعلا يبقى حصلها حاجة!"
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
" كان بيدور عليها في الشوارع زي المجنون!، راح شقتها لكن برضو مكانتش موجوده، جه في باله انها ممكن تكون راحتله ! أدهم!!، مجرد ما جت الفكره في دماغه اتعصب وقرر يكلم عمه يسأله عن مكان بيت أدهم.. هو الوحيد الي هيبقى اكيد عارف.."
_ الو.. ايوا يا عمي
= ايوة يا يوسف ازيك يبني
_ الحمد لله، بقولك يا عمي هو حضرتك تعرف عنوان الي كان خطيب احلام ده؟
= أدهم؟! اه اعرف بس ليه؟
_ طب ابعتهولي بسرعه يا عمي دلوقتي
= ليه يا يوسف حصل ايه؟ هي احلام كويسه؟
_ايوه كويسه متقلقش ابعتلي بس عنوانه
= مخبي ايه يا يوسف
_ مفيش يا عمي احنا كويسين والله متخافش
= عايز عنوان أدهم ليه؟؟
"يوسف اتنهد وقال
_ انا واحلام اتخانقنا، ممكن تبقى راحت عنده
= ازاي يعني يا يوسف هتروح شقة راجل لوحدها؟!!، هي سابت البيت!!
_ يا عمي بالله عليك ابعتلي عنوانه وانا هتصرف حضرتك مش فاهم حاجة
" عماد رد بزعيق
= فهمني دلوقتي يا يوسف وقولي بنتي فين؟!!، وعملتلها ايه يخليها تسيب البيت؟؟
_ طلقتها
= طلقتها!!!
" يوسف حكاله كل الي حصل، وعماد بعتله العنوان وقاله انه هينزله القاهرة.. "
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
_ بس وسمعته الريكوردات وهو زي الاهـ بل صدق
" أدهم رد وهو بيضحك
= ما طبيعي يا بنتي يصدق ده انا نفسي صدقت، انا مش عارف انتي ازاي عملتي الصوت كده
"ردت وهي بتضحك بغرور
_ يارا الشرقاوي مش اي حد برضو
"قطع كلامهم جرس الباب الي رن، أدهم راح يفتح و اتفاجئ بيوسف قدامه.."
_ خير يا چو؟
= احلام فين
_ احلام؟ وانا مالي بيها ؟
= قولي احلام فين بدل ما وعهد الله هتزعل من الي هعمله فيك
_ وانا مالي يا راجل انت؟ انت جاي تسألني على مراتك؟
= على اساس انك مكنتش بتكلمها يارو ح امـ ك
" أدهم رد وهو بيضحك باستفزاز
_ كنت بكلمها اه.. لكن مقابلتهاش ما هي قيلالي انها معاك
" يوسف زقه ودخل البيت وانصدم لما لقى يارا.. "
_انتي بتعملي ايه هنا؟؟!!
" يارا بصتله وقالت بتوتر
= ايـ.ه.. انـ..ا انا بس كـ..كـنت
" يوسف مسكها من شعرها وقال بغضب
_ كنتي ايه هاا؟ كنتي ايه يا حيـ وانه.. بتعملي ايه في شقته ردي عليا؟؟
- وهو يخصك في أيه كانت بتعمل ايه في شقتي؟ انت مش سيبتها؟
"يوسف ضربه بالبوكـ س في وشه وقال بإدراك
_ انتو.. انتو كنتو متفقين.. مش كده؟؟
= متفقين على إيه
_ عملتوا ايه ؟؟؟؟
= أنت بتقول ايه يا يوسف انا مش فاهمه حاجه
_ قسما بالله يا يارا لو ما قولتي دلوقتي عملتي ايه لأكون دافنك مكانك
= أنا مش فاه...
" يوسف قاطعها بزعيق
_ عملتي ايه؟؟؟ أحلام الي كانت بتتكلم؟؟؟
= ايوا هي انت مش سمعت صوتها؟
_ هكرر السؤال تاني .. أحلام الي كانت بتتكلم؟
" يارا بصتله بخوف وهو قال
_ ردي عليااا!!!!
" يارا ردت بخوف
= ل..لا
_ يا ولاد الک*لب
" يوسف خرج من البيت جري .. وكل الي في دماغه أحلام ، وراحت فين ، وهيلاقيها ازاي .."
««««««‹««««««««««««٭»»»»»»»»»»»»»»»»»»
تاني يوم ، ماسه كانت قاعدة في اوضتها ، باصه للفراغ قدامها بشرود ، ودموعها نازله بصمت ، سمعت خبط على الباب ، سمحت بالدخول وكان آسر .."
_ ماسه ممكن اتكلم معاكي
" ماسه ردت من غير ما تبصله
= اطلع برا
_ يا ماسه عشان خاطري بس خمس دقايق
= انت ملكش خاطر عندي .. امشي من هنا يا آسر
_ لو كان في يوم ليا غلاوة عندك تعالي ، هنقعد في الجنينه بس خمس دقايق ، والله خمس دقايق بس
" ماسه نزلت معاه باستسلام ، قعدوا في الجنينه وهو قال
_ ممكن تفهميني
= هتبرر ايه يا آسر ؟ هتبرر ايه قولي ؟ مفيش اي سبب يبرر الي انت عملته ، وانا مش هسامحك ولا عايزه ابص في وشك اصلا
_ يا ماسه انتي عندك حق ، والله عندك حق بس انا فعلا حبيتك! ، حبيتك والله العظيم
= وانا مبحبكش
_ لا ، لا يا ماسه بتحبيني ، انتي بتكدبي عليا ولو على نفسك؟ انتي بتحبيني وكل كلامك ده كدب ، وانا كمان بحبك والله سامحيني ارجوكي
" ماسه بصتله وانهارت في العياط وهو قال
_ انا آسف والله آسف
" ماسه ردت بعياط
= بس انت ضحكت عليا يا آسر
_ بس حبيتك!!
= وانا ايه الي يخليني اصدق؟
_ انا هطلب ايدك من عمي احمد
= ايه ؟
_ ايه مستغربه ليه ؟
= يعني انت بتحبني بجد
_ يشيخه والله بحبك والله بحبككك
" ماسه ضحكت وآسر قال بفرحه
_ ضحكت يعني قلبها مال بقا ولا اييه؟
" ماسه هزت راسها بضحك وقالت
= أنا هقوم بقا
_ طب متخليكي شويه
= لا بقا عايزه اطلع اكلم أحلام مكلمتهاش من امبارح
_ طيب روحي
" ماسه طلعت وآسر اتصل بمروان .."
«««««««««««««««««««٭»»»»»»»»»»»»»»»»»»
عدى 5 شهور كاملين ... ، يوسف دور على أحلام في كل حتة لكن للأسف ملهاش أي أثر ، آسر وماسه خطوبتهم اتأجلت بعد ما عرفوا بموضوع أحلام ، مروان كل شويه بيحاول مع ملاك لكن هي مش بتديله وش .."
" يوسف كان قاعد في أوضته ، كإنه جسد بلا روح .. وكل تفكيره في احلام ، وبيلوم نفسه ألف مره .."
_ يوسف انت هتفضل قاعد كده
= عايز ايه يا آسر عايز ايه؟؟
_ تعالى يلا عشان تاكل
= مش عايز
_ يا يوسف حرام عليك نفسك انا بقالك 3 ايام محطتش لقمه في بوقك
= أنا مش جعان يا آسر مش جعان ممكن تطلع برا
"آسر كان لسه هيتكلم يوسف قال بعصبية
_ اطلع برا يا آسر مش عايز قوولت
" آسر طلع بيأس ، ويوسف دموعه اتحجرت في عينيه ، دموعه الي عمرها ما نزلت ... غير عليها .."
««««««««««««««««««٭»»»»»»»»»»»»»»»»»»
" بعد يومين ، آسر كان قاعد تليفونه رن يإسم مروان
_ ايه يا مروان
= الو .. حضرتك صاحب التليفون عمل حادثه
" آسر اتنفض من مكانه و رد بخضه
_ حادثه ايه ؟ حادثه ازاي؟؟
= احنا نقلناه على المستشفى ، هبعتلك العنوان دلوقتي
«««««««««««««««««««٭»»»»»»»»»»»»»»»»»»
" ماسه كانت قاعدة مع ملاك .. فجأه سمعوا صوت آسر وهو نازل بيزعق ، ماسه راحت عنده وقالت
_ آسر في ايه؟
= مروان عمل حادثه اندهي بابا وعمي بسرعه خلونا نروحله
" ملاك قالت بصدمه
_ ايه ؟؟ عمل حادثه ازاي؟!
"آسر :
= مش وقته يا ملاك يلا بسرعه نروحله
"ندهوا على احمد وعماد ، وراحوا كلهم المستشفى .."
««««««««««««««««««««٭»»»»»»»»»»»»»»»»»»
_ ها يا دكتور ؟ هو كويس؟
= للأسف هو جاله نزيف في الدماغ ، وادى لدخوله في غيبوبه
_ غيبوبه!!!!
يتبع ......
