رواية ما بيني وبينه قدر عبر روايات الخلاصة بقلم رقية الأنصاري
رواية ما بيني وبينه قدر الفصل السابع 7
" عدت الساعات وحالة مروان زي ما هي ، وملاك كانت بتبات معاه في المستشفى ورفضت تروح البيت ، وآسر وماسه كانوا معاها .."
"ملاك كانت قاعده قدام الاوضه الي فيها مروان ، بتبص للأوضه بصمت وهي بتتمنى انو يبقى كويس ، فجأة الدكتور خرج .. ملاك جريت عليه وهي بتقول
_ فاق يا دكتور ؟
= هو الحمدلله فاق وبدأ يستجيب كويس بس لسه محتاج يفضل تحت المتابعه
_ طب ينفع ادخلوا
= مينفعش يتكلم مع حد دلوقتي ، لازم يهدى شويه قبل الزيارة
««««««««««««««««٭»»»»»»»»»»»»»»»
" بعد شويه الدكتور خرج وقال إنها ينفع تدخل ، دخلت ملاك لوحدها ، واول ما عينها وقعت عليه دموعها نزلت ، قربت منه ومسكت ايده بهدوء ، مروان فتح عينيه بتعب وقال بصوت متقطع
_ ملاك
= مروان انت كويس
" مروان هز راسه بابتسامه وقال
_ شوفتي .. رجعت تاني عشان ربنا عالم ، ربنا عالم أن في كلام لسه ماتقالش
" ملاك بصتله من خير ما ترد ، فضلت بصاله وقت متعرفش اد ايه ، لحد ما الباب اتفتح بهدوء ، دخلت منه الممرضه وهي بتقول
_ الزيارة خلصت يا استاذه ، لازم يرتاح دلوقتي
"ملاك بصت لمروان وقالت بهمس
_ انا همشي
" مروان ضغط على ايديها وهو بيقول
_ لا ، متمشيش تاني
= هقعد برا .. مش هسيبك تاني ، وعد
" ابتسم وغمض عينه ، ملاك خرجت من الاوضه بخطوات بطيئه ، راحت قعدت جمب ماسه ، حطت ايديها على وشها ، ودموعها نزلت من غير صوت .."
"ماسه بصتلها وقالت بقلق
_ ايه يا ملاك ؟ هو كويس؟!
"ملاك رفعت راسها بعينين حمرا أثر البكا ، قالت ببحة في صوتها
_ تعبان اوي يا ماسه
" ماسه طبطبت على كتفها وقالت بهدوء
= المهم أنه فاق ، والباقي كله هيهون متقلقيش
" ماسه بصتلها وسكتت ، مكنش قدامها حاجه غير أنها تدعيله .."
««««««««««««««««٭»»»»›»»»»»»»»»»
عدت الأيام .. ، مروان فاق ، حالته اتحسنت وخرج من المستشفى ، يوسف سافر اسكندريه بعد ما ادهم قاله على صاحبة احلام الي هناك ، وممكن تكون عندها .."
Flash..
"يوسف كان قاعد في أوضته الي مبقاش يخرج منها ، جاله تليفون من رقم غريب .. "
_ الو ..؟
= الو ، يوسف معايا ؟
_ ايوا مين معايا ؟
= أنا ادهم يا يوسف ، اخدت رقمك من يارا
_ خير؟
= بص انا مش هقولك اني ندمت على الي عملتو ولا هقولك حاجه لأني عارف انك مش هتصدق ، بس كل الي هقولهولك اني عارف مكان ممكن احلام تكون فيه
_ فين؟!
= ليها واحدة صاحبتها في اسكندرية ، كانت دايما تقولي أنها هتروحلها .. ، وهي غالبا اقرب واحده ليها ف ممكن تبقى عندها ، هي دكتوره هناك وليها عيادة اسمها ليلى منصور
_ تمام ، متشكر
" وقفل الخط ، كان حاسس ان ادهم ممكن يكون بيلعب عليه ، بس قرر يروح ويسأل ، يمكن يطلع صح .."
back..
"يوسف وصل ونزل من عربيته قدام العيادة ، بعد ما سأل راجل قابله في الشارع ووصفله العنوان .."
" يوسف دخل العياده ، وقف قدام البنت الي واقفه في مكتب الاستقبال ، اول ما وقف قدامها لاحظ أنها بتبصله بصدمه ، هو مكنش شايف نظراتها كويس لأنها كانت منتقبه ، بس فجأة لقاها بتعيط! .. ، بصلها باستغراب وقال
_ هو .. هو حضرتك كويسه؟
" البنت فضلت بصاله وهي دموعها ما زالت بتنزل ، فجأة لقاها خرجت من المكتب ودخلت في حضنه! .. ، يوسف اتصدم وحاول يبعدها ، بس هي قالت بصوت باكي وهي بتشدد على حضنه اكتر
_ وحشتني اوي .. وحشتني اوي يا يوسف
" يوسف فضل ساكت ثواني وبعدين استوعب ، ده صوتها! ايوا صوتها! ، هي!! ، أحلام!! .. ، بادلها الحضن بقوة ودموعه نزلت على كتفها .. غصب عنه .."
" احلام حاولت تبعد بس يوسف فضل ماسك فيها ، قالت بإحراج
_ يوسف الناس بتبص علينا
" يوسف بعد عنها ، مسك ايديها وخرجها برا وركبو العربية .. ، احلام بصت للأرض من غير ما تتكلم وقالت
_ الله يسامحك خليتنا ناخد ذنوب دلوقتي
= ذنوب؟!
_ اه .. عشان حضنتك واحنا منفصلين
= هو انتي ناسيه اننا متطلقين طلاق راجعي ؟ ، يعني اقدر ارجعك في اي وقت
" احلام فضلت باصه للأرض ومردتش ، جت تفتح باب العربية يوسف مسك ايديها وقال
_ رايحه فين ؟
= همشي
_ هتمشي فين؟! انتي هب-لة؟
= عايز ايه يا يوسف ؟ ، على فكره انا لسه عند قراري ، وهتطلقني
_ اقفلي الباب يا أحلام بس
" احلام قفلت باب العربية ، ربعت أيدها وبصتله وهو قال
_ عايزه ايه بقا؟
= يعني ايه عايزه ايه؟ بقولك هتطلقني .. ، انا لسه مسامحتكش ، ومش هسامحك
_ تسامحيني على ايه
= والله ؟ على الي عملتو ، على انك موثقتش فيا ومشيت ورا كلام وحده شيطانه وصدقتها وانت عارف انها ممكن تعمل اي حاجه ، ومع ذلك كدبتني وصدقتها هي
_ ما طبيعي اصدق يا أحلام ، انتي مشوفتيش الصوت كان عامل ازاي ، ولما عرفت بعدها أنها كانت مفبركاه انتي كنتي مشيتي ، دورت عليكي كتير ملقتكيش
= بس كان المفروض تسمع مني! ، كان المفروض تقولي وتسمع حتى مبرراتي! ، لكن انت صدقت من غير حتى ما تواجهني
_ كنت هعمل كده والله! ، كنت هعمل كده و هتكلم معاكي بس رجعت لقيتك مشيتي! "مسك ايديها وكمل" انا آسف ، والله آسف حقك عليا
" احلام مردتش وهو قال
_ احلام
" بصتله من غير ما ترد وهو قال
_ مسامحاني؟
= ربنا يسهل يا يوسف
" يوسف ساب ايديها وزفر بضيق ، اتحرك بالعربية فا اتكلمت
_ احنا رايحين فين
= القاهرة
" احلام مردتش ، وبصت قدامها بصمت .."
«««««««««««««««٭»»»»»»»»»»»»»»
" بعد ساعات كانو وصلوا البيت وطلعوا ، احلام كانت هتدخل الأوضه بس يوسف مسك ايديها ، وقفت وهي مستنياه يتكلم ، فكلها نقابها ومسك وشها بإيديه وهو بيقول
_ وحشتيني
" احلام بعدت نظرها عنه فا قال
_ بصيلي
= لا
_ بصيلي يا أحلام
" احلام بصتله وهو قال
_ انا اسف
= ماشي
_ يعني ايه ماشي يا أحلام؟! مسامحاني طيب؟
= اوعى يا يوسف
_ لا مش هوعى ردي عليا
= عايز ايه؟
_ سامحتيني
" ردت وهي بتزق ايديه
= إن شاء الله اوعى كده بس
" يوسف بعد عنها بنفاذ صبر ، وهي جريت على الأوضه من غير ولا كلمه .."
««««««««««««««««٭»»»»»»»»»»»»»»
"دخلت الأوضه وانا قلبي ضرباته بتتسارع ، مجرد ما قفلت الباب دموعي نزلت ، منكرش انو وحشني .. وحشني اوي كمان ، بس مش قادره ، مش قادره اسامحه وانا شايفاه حتى محاولش ، محاولش وضيع كل الي كان بدأ يتبني بينا بإيديه .."
" غيرت هدومي واترميت على السرير بتعب ، شويه ولقيته بيخبط ..
_ احلام يلا عشان تاكلي
= مش عايزه
_ يلا يا أحلام بدل ما هفتح وهاجي اخرجك انا
" قومت فتحت الباب ووقفت قصاده وقولت
_ عايز ايه؟ مش جعانه قلتلك
" فضل باصصلي شويه وبعدين قال
= يلا يحبيبتي عشان لازم تاكلي ، انا طلبت اكل لينا احنا الاتنين
_ مش عايزه يا يوسف مش عايزه
" رد بحده
= مفيش حاجه اسمها مش عايزه! ، قولت يلا يبقى يلا
" خرجت معاه باستسلام وقعدنا أكلنا بصمت كسره وهو بيقول
_ جهزي نفسك عشان هنرجع البلد بكره
= ليه؟! لازم؟
_ اه لازم عشان هما اكيد هيبقوا عايزين يشوفوكي لما يعرفوا انك رجعتي ، انتي مش عايزه تشوفيهم؟!
= لا عايزه اكيد بس كنت فاكره أننا هنفضل هنا شويه
_ لا ، وبعدين عشان خطوبة آسر وماسه
= آسر وماسه!!! انت بتهزر!!
_ لا مش بهزر ، كانو هيعملو الخطوبه بس بعد ما عرفوا انك مشيتي اتأجلت ، ومتكلميهاش .. مش عايز حد يعرف اني لقيتك
= ايه ده ليه؟
_ عادي .. بس خلينا نعملهم مفاجأة احسن
" هزيت راسي بصمت وكملنا اكل ، خلصنا ودخلت الاوضه تاني من غير ما اتكلم معاه .."
««««««««««««««««٭»»»»»»»»»»»»»»
تاني يوم كنا وصلنا القصر ، اول ما دخلنا لقينا ماسه بتجري علينا وهي بتقول
_ يوسف انت جي... ايه ده؟! مين دي؟!!
" وطبعا لاني انتقبت ف معرفتنيش ، يوسف تقريباً كان بيضحك عليها ف قال
= مراتي
"ماسه بصتله بصدمه وقالت
_ مراتك!!! مراتك ازاي؟!
" وقتها مقدرتش امسك نفسي من الضحك وضحكت بصوت عالي ، بصتلي بقرف وقالت
_ انتي بتضحكي على ايه معلش؟ "بصت ليوسف وكملت" وانت رد عليا مين دي واتجوزتها ازاي؟!
"يوسف خبطني على كتفي من غير ما حد ياخد باله بمعنى اني اسكت ، و رد عليها ببرود مصطنع
= هو في ايه يا ماسه ؟ بقولك مراتي ، ايه انا قولت حاجه عيب؟!
"آسر نزل من فوق وقال
_ ايه ده انت جيت امتى؟ " وبص لأحلام باستغراب وقال" ومين دي؟
" ماسه ردت وهي بتزعق
= تعالى يا آسر شوف ابن عمك!! ده شكلو اتجنن بيقولك مراته!
"آسر رد باستغراب
- مراته؟ مراتك ازاي يعني مش فاهم ؟
_ انا الي مش فاهم مالكم ؟ ، في ايه؟!
" ماسه ردت بدموع
= طب وأحلام!!
" يوسف ضحك وقال
_ انتي هتعيطي؟!
= انت بتضحك على ايه يا مستفز!!
- يجدعان اصبروا بس عشان أنا مش فاهم حاجه .. مين مرات مين ومين اتجوز مين وفي ايه وانتو مين وايه الي بيحصل و ...
" يوسف قاطعه بضحك
_ باااااااس ايه كل دااا
" ضحكت جامد وقربت من ماسه حضنتها وانا بقول
_ وحشتيني يا جز مه
= ايه ده ؟
" بعدت عنها وقولت بضحك
_ مبروك يا عروسه ينفع كده تحبوا بعض من غيري
" ماسه بصتلي بصدمه وبعدين حضنتني جامد وهي بت-شتمني وبتعيط في نفس الوقت ، يوسف فضل يضحك وآسر قال
_ هو انتي حقيقة؟!
" رد يوسف وهو بيضحك
= لا أحلام
" رديت وانا بضحك غصب عني
_ سئيل
"ماسه بعدت عني وقالت
= حرام عليكي والله حرام عليكي
" رديت بضحك
_ انا اسفه حقك عليا
" رد آسر
= آسفه ايه بس ياشيخه اجلنا الخطوبه 5 شهور ونص بسببك حسبي الله
" ضحكنا كلنا ، طلعت فوق وسلمت على بابا واعمامي وجدو الي ه زقوني طبعا بس صالحتهم ، وملاك الي عرفت انها اتصالحت هي ومروان ، قعدت معاهم شويه وبعدها طلعت الأوضه مع يوسف .."
««««««««««««««««٭»»»»»»»»»»»»»»»
_ يعني تقعدي تضحكي معاهم اد كده وانا تصدريلي وش الكئابه؟!
" قالها يوسف بعد ما طلعنا وغيرت هدومي وقعدت من غير ما اتكلم ، رديت عليه وقولت
_ عايز ايه يا يوسف ؟
= مش عايز حاجه يا أحلام نامي نامي
_ انا بقول كده برضو انا اصلا عايزه انام
= متجوز جِبله
" نمت على السرير وغطيت وشي وانا بضحك على كلامه في سري ، لحد ما غلبني النوم .."
«««««««««««««««٭»»»»»»»»»»»»»»
" تاني يوم كنا متجمعين كلنا على السفرة بنفطر .. ، اتكلم آسر
_ احم انا .. عايز اقول حاجه
" رد يوسف
= لا متقولش
_ انت مالك انت حد كلمك " وكمل وهو بيبص لعمي احمد" عمي انا عايز اكتب كتابي على ماسه
= طب و ليه الاستعجال يبني؟ ، منتو تعملوا الخطوبه الاول وبعدها كتب الكتاب
_ ولازمتها ايه الخطوبه يا عمي ماحنا كده كده مع بعض على طول ، ايه المشكله لو كتبنا
" رد يوسف وهو بياكل
_ سيبك منه يا بابا ده بيخر"ف باين
" اتكلم جدو
= آسر عنده حق يا احمد ، ايه لازمتها الخطوبة ما طالما چاهزين وكل حاچه موچوده يبقى يتزوجها على طول
" رديت وانا ببص لماسه الي لسه مصدومه
- طب ما تسمعوا رأيها الاول يا جدو
" اتكلمت ملاك الي كانت قاعده معانا
_ وهي ايه الي هيخليها ترفض يعني دي قرفاني من ساعت ما مشيتي يا أحلام ، ليل نهار صيف شتا ربيع خريف ، بيحبني يا ملاك طب انا خايفه يبقى بيضحك عليا يا ملاك طب انا بحبه يا ملاك لحد لما ملاك طهقت
" ضحكنا كلنا على كلامها ما عدا ماسه الى قالت
_ الله يسامحك ياللي في بالي
" اتكلم آسر بضحك
= يعني بعد ده كلو ولسه فاكره اني بضحك عليكي
" اتكلم جدو
_ يبقى على بركة الله كتب الكتاب أخر الاسبوع
" رد آسر بضحك
= مليش غيرك يا جدو والله
" اتكلم يوسف
_ خلاص يا جماعه يبقى كتب كتب آسر وماسه وفرحي انا وأحلام
" بصيتله بصدمه من كلامه وبابا قال
- اه ده انتو معملتوش فرح صحيح يبقى نعمل الفرح معاهم فعلا
" اتكلمت مرات عمي زينب
_ اه وتبقى الفرحه فرحتين بقا
" ماسه بصتلي وقالت بفرحه
= هنبقى مع بعض يا لولووو
" قومت وقفت من غير ما ارد عليهم وقولت ببرود
_ انا مش موافقه
يتبع ....
