رواية عشق بين بحور الدم عبر روايات الخلاصة بقلم أسماء السيد
رواية عشق بين بحور الدم الفصل الثالث 3
في المساء في دوار العميري______وتحديدا في غرفه دهب
كانت لسا متوتره وبتكلم صديقتها المقربه اميره
دهب بقلق:انا مبقتش قادره من التوتر
أميره:والله وانا بس اهدي كدا
دهب:انتي عارفه حتي لو جبت المجموع الي انا عاوزاه مش هفرح
اميره:لسا بردو واثقه ان جدتك مش هتوافق
دهب بتنهيده:انتي عارفه ان هيا مكنتش موافقه علي تعليمي اصلا لولا بابا الي اصر وانا الكليه الي عاوزها اكيد هيا مش هتوافق
اميره بأمل:ان شاء الله توافق يادهب
دهب:ياررب اصل انتي متعرفيش جدتي صعبه اووي
اميره بضحك:انتي هتقوليلي دي اخر مره كنت عندك خلتني اغسل المواعين عشان شربت كوبايه عصير هههه
دهب بضحك:فاكره يومها كنت هتموتي من الخوف
اميره:ربنا يخليها بس مش انتو عندكم عزا دا البلد كليتها مقلوبه يا بت
دهب بزهق:مبحبش التجماعات العائليه في اي حاجه انا مش ناقصه ندب وولوله كفايه القلق الي فيا
اميره:ماشي يا اختي هكلمك تاني بس هشوف امي عاوزه ايه ورجعالك يابت العمده ههههه
ضحكت دهب بخفه وقفلت
بس فجأه بابها خبط وهيا فكرتهم رجعوو
دهب:ميين
اتاها صوت غليظ من الخارج:انا أمير
دهب بتوتر:ااه تب ثواني ياود عمي
واتجهت لغرفه الملابس ولبست اسدال بني ولفت طرحته وكانت جميله جدا وقربت فتحت الباب
دهب بتوتر:في حاجه ولا اييه انتو رجعتوو
امير بص عليها من تحت لفوق ودهب اتوترت اكتر واتعصبت
دهب بعصبيه:انت بتبص كدا لييه ها
امير بتوتر:لا لا مقصدش يا بت عمي انا كنت جاي عشان اطمن علي ااه علي نتيجتك بيقولو ظهرت
دهب هديت فعلا وابتسمت وغمازتها ظهرت:ااه بس دس هتظهر الساعه 10والساعه لسا 8
امير بهيام:تمام هخلع انا بقا انا كنت جاي اخد حاجه وراجع تاني خدي بالك من نفسك سلام
دهب:تمام... بصلها امير وابتسم ومشي وهيا كانت بتبص علي اثره بإعجاب وخدودها احمرت وبعد كدا ابتسمت بخبث وخرجت من الغرفه واتجهت لغرفه والدها
دهب بخبث:احسن حاجه وستي مش اهنه ههه
دخلت دهب الغرفه وقربت من الدولاب وحاولت تفتح الخزنه بس معرفتش بسبب ان محدش يعرف الباسورد غير امها وابوها ومراد
دهب بضيق وغيظ:اووف بقا هو مش انا بنتهم بردوو اايه داا بقا.. وافتكرت حاجه واتجهت لدرج الكومدينو وفتحته
ولقت فيه فلوس كتير واتنطت زي الاطفال
دهب بفرحه:يس يس الله عليكي يا دهب
وبتمد ايدها وبتاخد الف جنيه من وسط الالاف الي موجوده وبتقفل الدرج تاني وبتخرج وتقفل الباب
وبتتجه لغرفتها وتكتب حاجه في ورقه وبتنزل تحت بفرحه وبتخرج براا القصر
دهب بشجاعه:عم سعيد
بيجري عليها احد الغفر وهو رجل خمسيني:اؤمريني ياست البنات
دهب بإبتسامه:عاوزه حد يجبلي الحاجات دي من السوبر ماركت
سعيد بجهل:اييه السوبر ماركو ده يا بتي انا معرفش غير السجاير السوبر بس
دهب ضحكت:لا ياعم سعيد السوبر ماركت يعني دكان بقاله كبيره
سعيد بإبتسامه:ااه قولي اكده عاوزه اييه بقا
دهب مدتله ورقه كبيره والفلوس:هاتلي الحاجات دي بس بسرعه وهيطلعو بنفس حق الفلوس الي موجوده والي يفيض خده
سعيد اخد منها الورقه:حاضر ياست البنات فريره وهتلقيني اهنه سلام..... وبيخرج برا القصر وهيا بتدخل جووا وهيا خايفه جدتها ترجع قبل ماسعيد يجيب الحاجه
....... بعد 15دقيقه بيرن جرس الباب الضخم ودهب بتجري علي الباب وتفتحه بسرعه
سعيد مدلها شنط كتيير:اتفضلي يابتي دي كل الحاجات الي طلبتيها من السوبر ماركو وعاملين 900جنيه
دهب بضحك:ماشي ياعم سعيد حلال عليك الباقي
سعيد:بس دي كتيره جووي
دهب:متغلاش عليك ياعم سعيد تصبح علي خير
سعيد بيبتسم وبيدعلها وبيمشي وهيا بتقفل الباب وبتجري علي فوق متجه لغرفتها وبتكب كل حاجه علي السرير وكانت كميه حلويات وشوكلاتات ومشروبات غازيه وشيبسيات كتيير جداا واهمهم اربع اكياس اندومي
دهب مسكت الاندومي وحضنته:حبيب قلبي وحشتني بقالي سنه مأكلتش منك كويس ان عم سمير الله يرحمه مات عشان جدتي خرجت
وضحكت على نفسها وغطت الحاجه بالبطانيه ونزلت جري لتحت وكانو الخدم واقفين بينضفو المطبخ وبيجهزو العشا علي الطبخ عشان لما يرجعوو
دخلت دهب ووراها الاكياس
دهب بضحك:هلااا يا حلويات
ساميه كبيره الخدم بضحك:اهلا بيكي ياحبيبتي
دهب قربت منها وحضنتها بحب ولسا ايدها وراا ضهرها
نجلاء الخادمه بإبتسامه:اايه الي وراكي ياست دهب
دهب ابتسمت بتوتر وبصتلهم :مفيش دا دا
حسناء بتقرب ورا دهب ببطيء وبتشوف الاندومي وبتشهق بصدمه:ههييييءء اندومي
اتصدم جميع الي في المطبخ ودهب اتوترت اكتر
ساميه بدهشه:دا لو الست جليله عرفت هتنيمك في عشه الفرااخ الليله
دهب حطت الاندومي علي التربيزه:ارجوكم متتكلموش
جدتي ممكن تعلقني زي الدبي'حه علي باب القصر لو عرفت
انفجر الجميع في الضحك علي هذه الصغيره فهم يحبوها جدا لانها اطيب قلب في القصر بأكمله
ساميه بإبتسامه:ماشي ياست دهب يلاا اعمليه
دهب:اايه رايكم تاكلوو معايا
بص الجميع لبعض وبضحك:موافقين
سامية ابتسمت عليهم :ماشي انا هسيبلكم المطبخ وهطلع لحد ماتاكلو القرف بتاعكم ده.... وخرجت وبدأو يعملو اندومي سواا
..... بعد مده بيخلص وبيتلمو كلهم علي الارض وبيبدأو ياكلووو وهما فرحانين
دهب بتمتع:الله الله الواحد كان هيموت لو ما أكلش اندومي ياسلام
فجأه بتدخل جليله ووراها نواره ومني
جليلة بغضب وجنون:دهبب
دهب بتتصلب مكانها من الصدمه لدرجه انها بدأت تترعش والخدم اترعبو وساميه دخلت علطول
جليله بغضب:اايه االي دخل القرف ده بيتي وانتوو بتاكلو معاها منيه كمان
نواره كانت مرعوبه علي بنتها ومني بتضحك بشماته بس في صمت
دهب وقفت وهيا مرعوبه:يا يا جدتي هو هو
جليله بحده وجبروت:مخصوم من كل واحده فيكم الشهريين الجايين
دهب بسرعه وشجاعه:لاه يا ستي اني الي اجبرتهم يا كلوو معايا هما ملهمش ذنب
جليله بغضب :وانتي ياساميه كنتي فيين
ساميه بتوتر:انا انا
دهب برعب:الخاله ساميه مكنتش اهنه كانت بتتحدد في التلفون براا مع بتها وانا استغليت ده ودخلت عملته واجبرتهم ياكلوو معايا انا اسفه ياجدتي انا
جليله بحده وغضب:يعني انتي فكراني عبيطه يابت عمران
بس ماشي علي راحتك هتتعاقبي اضعاف ورايا
وخرجت ووراها مني ونواره جريت عليها
نواره بقلق وحده:لييه اكده يابتي لييه دي محدش هيقدر يقف في وشها دلوك وكمان شلتي اضعاف العقاب
ساميه بإمتنان وحزن:حقك عليا يابتي
دهب خرجت براا ونواره وراها خايفه عليها وكان عمران ومراد وامير وخلف ورقيه قاعدين بررااا وجليله قاعده بكل جبروت والخدم بيبصو من بعيد
جليله بحده:قربي اهنه يابت عمران تعالي
قربت دهب ووقفت امامها بمسافه
عمران بستغراب:هو في اايه ياما
جليله بغضب:بتك المتربيه بتعصي كلامي وبتدخل المدعوق الي اسمه الاندومي بيتي
اتصدم الجميع لانها مانعه دخوله
رقيه بغيظ:يابت اللعيبه بس من غيري
جليله بحده:بتقولي اايه
رقيه برعب:انا مقولتش حاجه يا جدتي
مراد:معلش ياجدتي اخر مرره
جليله بعيون غاضبه:اخرس انت جبتي فلوس منين يابت عشان تجيبي المدعوق ده
دهب بتوتر وخوف:جبت جبت من اوضة ابوي
جليله بغضب:بتسرقي
دهب بسرعه:لا لا والله اني كنت هقوله لما يرجع
جليله بحده:واخدتي كام علي اكده
دهب بتوتر ودموع علي وشك النزول:اخدت اخدت الف جنيه
جليله:الف عفريت لما ينطتوكي الف جنيه عشان شويه هلس ملهمش لازمه
عمران بهدوء:اما خلاص دا مالي وبتي الي اخدت مش حد غريب ولو علي الاندومي فمتقلقيش انا هاخدها اعاقبها وهزعقلها جامد
جليله بغضب:هتعاقبها كيف
عمران:هاخدها اوضتها ازنبها طول اليل متقلقيش ولو بجحت هضربها
جليله جزت علي سنانها:لاء زنبها بس بلاش ضرب وممكن تعلقها خدها من خلقتي
عمران بحده:قدامي يابت يلااا هعلقك الليله يابت الكلب
وبتطلع معاه وهيا مرعوبه من الخوف وهو وراها متعصب وبتتجه لغرفتها وبيقرب عمران وبيقف قصادها بعد ما بيقفل الباب
عمران بغضب:اايه الي انتي عملتيه ده يادهب
دهب بصتله بدموع في عيونها وهو ابتسم واخدها في حضنه بحب:متبكيش ياعمري بتبكي لييه دا انا بهزر وياكي
بس متجيبهوش تاني لانه مضر عليكي يا حبيبتي
دهب حضنته اكتر وفرحت انه معقبهاش
بعد عمران وحاوط وجهه بيديه:جدتك طيبه وبتحبك يادهب بس هيا خايفه عليكي مش اكتر
دهب كانت هتتكلم بس فجأه تليفونها رن وقربت تشوف ميين وكانت اميره
دهب:الووو
اميره:بسرعه:افتحي النتيجه طلعت
دهب بلهفه:بجدد عملتي اييه
اميره بفرحه 86 في الميه
دهب:مبروك تب غووري لما اشوف
اميره بتضحك ودهب بتقفل وبتفتح الموقع
دهب بسرعه:حمل يلاا يلاا حمللل
وبيفتح وبتتصدم دهب وعمران بيقلق وبيقرب منها
عمران بقلق:في اايه نجحتي ولا اييه
دهب مدتله التليفون وهو ابتسم :98.5 مبروووك يابت عمران العميري.... وقرب حضنها وهيا مصدومه ودموعها نزلت من الفرحه
دهب بفرحه:انا مش مصدقه نفسي ياابوي بس بس جدتي مش هترضي تخليتي ادخل الكليه الي اني بحلم بيها
عمران بهدوء:بس انتي حلمك كليه اايه عشان نسيت
دهب بسعاده:كليه هندسه معامري بس جدتي مش موافقه
لانها بتقول اني دي كليه عاوزه رجاله.
عمران بضحك:سبيها لله بس بيتهيائلي ان مجموعك اكبر من الهندسه
دهب بحب:ااه فعلا الهندسه من84 انا جايبه مجوع طب بس انا عاوزه هندسه وكمان انا علمي رياضه
عمران ابتسم:ناخد موافقه جدتك بلعذاب عشان متبوظش علينا عشيتنا وهقدملك في احسن واكبر جامعه في العالم
ومتقلقيش انا هقف جمبك
دهب بتحضنه بحب:تسلملي يا احلي ااب في الدنيا كليهتها
انت مش هتعاقبتني صح
عمران قرص خدها:سماح المرادي بس هفضل اهنه شويه عشان لوجدتك لمحتني هتعلقني انا وانتي هههه
ضحكت دهب:خلاص تعالا ككل معايا
عمران بستغراب :اكل اييه
بتقرب دهب وبتشيل البطانيه وعمران بيدهش من كميه الحاجه
عمران بمرح:يخرب بيتك ياعمران خربتي بيتي علي الحاجات الحلوه يابت الكلب
دهب ضحكت وعمران ابتسم :عاوز تاكل اايه بقا يا عمده
عمران قلع العابيه المفتوحه ذات اللون البني من علي اكتافه وقلع العمه الي علي راسه والجزمه وحطهم علي جمب بعصايته وقرب وقعد قصاد الشاشه علي الكنبه
دهب بضحك: اييه يا ابوي
عمران:هاتيلنا اي حاجه من الي حاجات دي وتعالي شغليلنا فيلم حلوو
دهب فرحت وجابت الحاجه وحطيتها قدامه وفتحتله شيبسي وحاجه ساقعه وفتحت علي فيلم وقلعت الاسدال وكانت لابسه بيجامه اوفر سايز من اللون الاسود وفيها دباديب صغيره بيضاء وشعرها البني كان ديل حصان
وقربت قعدت جمب ابوها وكانت مبسوطه اووي وهو فرحان وعاوز يقضي معاها وقت وكان بيبصلها من وقت للتاني وهو خايف علي نفسه ان يجراله حاجه
ضحك عمران علي الفيلم هو ودهب الي كانت بتاكل هيا وعمران الي فرحان
بيتفتح الباب فجأه وبتدخل نواره ومراد الي اتصدمو وقفلوو الباب وراهم
مراد جري قعد جمب دهب وبقت بين ابوها واخوها ومراد شد من ايدها الكيس وبدأ ياكل فييه وهيا فتحت واحد تاني بغيظ
نواره بغيظ:انتوو بتعملوو اايه يعني اني هناك ميته من القلق وانتو اهنه بتاكلو وبتتضحكو
عمران بضحك:تعالي تعالي يانواره اقعدي
نواره بدهشه:انت بتاكل شيبسي ياعمده
عمران بإحراج:دهب الي اصرت واتا مرضيتش ازعلها
دهب بصتله بصدمه بس ابتسمت :تعالي اقعدي
قربت نواره وقعدت جمب دهب وبقت بينهم وكانو بيضحكو بسعاده وما اخدوش بالهم من الشخص الي سامع كل حاجه من براا واتغاظ وحقد عليهم
وفضلووو طول الليل كدا لحد مانامت دهب وسطهم
مراد:دي نامت
وقف عمران:نواره هاتي حاجتي الي علي السرير وانت شيلها نيمها وغطيها كويس
وخرج ونواره جابت الحاجه وراحت وراه ومراد شالها وحطها علي السرير وغطاها وباس راسها وطفي النور وخرج وقفل الباب
@@@@@@@@@@@@@@@@@@@@@@
في الصباح_____في قصر الجارحي
كان البلد كلها في القصر والدبا"يح ماليه المكان والاكل والناس بتاكل وكان القصر متزين والحريم جووا
امين:مكنش يصح نعمل اكده واحنا كنا في عزا لسا امبارح
وحد من العيله
زيدان بصرامه:ميهمش دا فرحه رجوع الغالي بعد غيااب وكدا كدا احنا مش معتبرين الي حصل امبارح ده عزا لان العزاا هيتعمل لما ناخد تاار ولدنا
عزيز:الي تشوفه يا ابووي
زيدان بص امامه بحده بس فجأه سمع اطلاااق النا*ر مالي المكان وبيطلع الكل لبرااا
وبتقف عربيه سوداء مرسيدس جيب وفخمه جدا ووراها حاشيه من السيارات السوداء وكانها موكب لزعيم ماڤيا
وبينزل من السياره شاب طويل وضخم ذو بنييه قوييه جدا وعيونه خضراء ولاكن صقرييه ووجهه حاد ولديه شعر ناعم ومصفف بعنايه ويرتدي بدلته السوداء الرسميه ونظارته السوداء وساعته الفخمه السوداء المرصعه بلألماس ومخصصه له خصيصا من اعلي ماركه في العالم ويرتدي حذاء من الجلد الطبيعي واللون الاسود والمصنعه له خصيصا ويضع رائحه البرفيووم المخصصه لأدهم الجارحي
بيقرب ادهم وبينزل خلفه شاب في نفس عمره يدعي عرفه صديقه ودراعه اليمين ولديه بنيه قويه ولاكن اقل من ادهم وهو وسيم
زيدان فتح ذراعيه وقرب حضنه وبإبتسامه:اهلا اهلا بودد الغاليي
ولكن ادهم لم يرفع يديه وكان ينظر له من خلف نظارته كنظرات الصقرر الجارح وقرب امين وحضنه وعزيز وغالب ولما يرفع يديه
جبري بفرحه:ادهم اتوحشتك جوووي .... وبيقرب يحضنه وادهم رفع يديه وضمه له بخفه لانه يحبه ويعتبره صديقه وليس عمه
ادهم بحده:عرفه دراعي اليمين
عرفه مدلهم ايده وهما سلموو عليه وادهم اتجه للداخل وامه جريت عليه بشوق وحب وحاوطت اكتافه واتشعلقت في رقبته بحب وشوق وهو بادلها الحضن بذراعيه الاثنين لدرجه انه رفعها قليله من علي الارض
صفيه بدموع:اتوحشتك اتوحشتك جووري يا ولدي يانن عيني
ادهم بهدوء:واني كمان اتوحشتك ياما..
بعد شويه بتبعد عنه وبتربت علي كتفه في هدوء وادهم علي ملامحه الجموود وبسس
صفيه بحب:اطلع ينن عيني وارتاح لحد مااجبلك تاكل
اتنهد ادهم وطلع من غير كلام وزيدان مستغربه بس مركزش معاه وعرفه طلع ورااه
&&&&&&&في جناح ادهم الي كان مجهز بكل شيء وفي الدور الاخير المخصص له خصيصا من صغره ومحدش بيستجرأ يطلعه غير امه الي كانت بتطلع في غيابه بس وبيدخل جناحه الي من اللون الاسود والذهبي الرمادي وكانت فخمه جداا واساسها حديث
بيتجه لغرفه الملابس وبيغير لتيشرت رمادي وبنطلون اسود مرييح وبيطلع يقعد علي الكنبه وبيفتح الاب توب
الباب بيخبط
ادهم بحده:ادخل....
بيتفتح الباب وبيدخل عرفه وبيقفل الباب وبيقرب يقعد جمبه
عرفه بضحك:الا اييه الناس دي كلها مستنياك
ادهم ببرود:علي اساس انك من جاردن سيتي ياعرفه دا انت من الاقصر يعني
عرفه بيضحك:ااه بدأنا شغل التلقيح ومالها الاقصر
ادهم بصله بحده:مبحبش الهزار والكلام الكتيير
بيتوتر عرفه:ساندي هتيجي امتا
ادهم بغضب:ياريت متجيش انا مش ناقص
عرفه:انت ناوي تستقر هنا
ادهم بضيق:معتقدش
عرفه بهدوء وانبهار:تب بالله دي افخم اوضه انا شوفتها في حياتي بس دي شبه الي في امريكا بس دي احلي
ادهم ببرود:اوضه دي مسمهاش اوضه يا زفت اسمها جناح
كبير اوضه او غرفه دي الي بتكون في شقه يا منيل
عرفه بغيظ:ننينييي
ادهم بحده:عرفه اكبر بقا ويلا تعالي اشتغل وطلعلي الحاجات من المستند ده يلاا
عرفه بردح:نعممم والله ما هيحصل انا نازززل بلا شغل انت بقالك 10سنين بتشوفني كل يووم من غير رحمه
وبيطلع يجري لتحت وادهم بيتنهد بقوه وبيقفل الاب توب وبينزل تحت
.......... تحت علي الغداء
كان متجمع الجميع حتي عرفه والكرسي المقابل لزيدان فاضي وبينزل ادهم بكل هيبه وقوه وبيقرب يقعد علي الكرسي والجميع بيبصله بإنبهار من قوته الي زادت اضعاف ووسامته الي بقت احليي بكتيير
زيدان بفرحه:منورنا ياادهم
ادهم اكتفي انه يبدأ ياكل ومردش علييه
فجأه بيدخل الغفير بإحترام
الغفير:ياكبيير
زيدان بحده:اايه
الغفير:شيخ البلد عاملل قعده كبيرره في مجلس البلد وهناك المأمور والعمايره علي وصول وطالبينكم
بيقف زيدان:اميين عزيز غالب ورايا
وبيخرج وهما خرجوو وراه وادهم مهتمش حتي ولا فكر فيهمم
صفيه بفرحه:الف هنا ياولدي
بيبتسملها وبيكمل اكل وبعد مده بيخلص وبيتجه للخارج وعرفه وراه متجه للإسطبل
........ في الاسطبل
بيدخل ادهم الاسطبل وبيقرب من حصان قووي ذو لون اسود قاتم ولديه هلال في منتصف راسه وشكله كان جميل جدا وشعره طويل سبحان الخالق
والحصان بيصدر صوت صهيل قووي وكانه بيحيه وبيقرب ويحط راسه علي كتف ادهم وكأنه بيحضنه وعرفه بيتصدمه وادهم بيبتسم وبيحاوط راسه بذراعه
ادهم بإبتسامه:اتوحشتك جووي يا اصلان
عرفه بضحك:انت مسميه كمان بتسمي الحيوان
ادهم بيبص في عيون الحصان وبيبتسم بخبث والحصان عيونه بتسود وادهم بيرجع للخلف والحصان بيفتح فمه الكبير وبتظهر اسنانه الحده وكأنه بيجز عليهم وبيقرب بسرعه من عرفه ورفص بخفه في معدته وقعه علي الارض وعرفه اتصدم وصرخ بوجع وقرب ادهم وركب علي اصلان وبيمسك اللجام وبيبص لغرفه لضحكه خبيثه
ادهم بحده خفيفه:دا عشان لما تفكرر تتريق علي حاجه تخص ادهم الجارحي متقلقش عشر دقايق وهتكون زي الفل يا حماار يلا يا اصلان
الحصان بيجري بسرعه وعرفه بيتمتم بشتايم وبيقوم بالعافيه والغفر بيفتحوو البوابه اول مابيشفووه وهو بينطلق اسرع وكان وسيم جدا وله هيبه وجبرووت
@@@@@@@@@@@@@@@@@@@@@@
في وسط الاراضي الزراعيه... وتحديدا عند شجره توت
كانت تقف دهب وترتدي دريس ازرق سماوي وطرحه بيضه وكوتش ابيض وكانت شديده الجمال وكانت بتحاول تجيب توت ومش طايله وبتحاول تطلع الشجره كتير بس بترجع تانيي تنزل
دهب بغيظ:اوووف بقا ما هو انا هاكل توت يعني هاكل توت مهما حصل
وحاولت تطلع تاني وفعلا نجحت بس كانت هتقع من مسافه عالييه ورجعت بضهرها وغمضت عينها بخوف بس فجأه لقت ذراع صلب وقوي امسك بها وهيا فتحت عين
واحده وكان ادهم واستوعبت نزلت بسرعة
دهب بضيق:انت ازاي تمسكني يا جدع انت
ادهم بصلها ببرود وحط ايده في جيبه:تصدقي انك بجحه يعني انا لسا لحقك بدل ماكنتي تنزلي علي جدور رقبتك
دهب بغيظ رافعه اصبع السبابه في وجهه:اسمع ياض انت
اوعا تفكر نفسك حاجه انت متعرفش انا ميين او بنت ميين
ادهم بحده:تحت جزمتي ولا تفرقيلي
دهب بصتله بغيظ اكبر:انت انت مهذيء
قبض ادهم علي يده وعروق ذراعيه ورقبته برزت بشكل مخيف ودهب اتوترت وقرب منها جامد وبص في عينها
ادهم بصوت مخيف:اسمعي يابت انتي اختفي من قدامي والا والله هدفن*ك مكانك اهنه
دهب بغضب وبلإنجليزي:يا لك من شخص وقح وتشبه الكلب والحمار
ادهم بصلها بحده ورد عليها بلإنجلييزي:انا حمار وكلب يا حساله انتي من تكوني سأقت"لك في الحال
دهب بصتله بصدمه وذهول انه بيفهم انجليزي وطلعت تجري بسرعه وهو كان بيتوعد ليها وهيا شافت اصلان واتصدمت كأنها تعرفه
دهب بذهول:اصلاان انا مشوفتكش بقالي13سنه .. وكملت جري متجه للقصر وادهم ركب حصانه واكمل طريقه بغضب من هذه الصغيره الي اشعلت غضبه
يتبع...
@@@@@@@@@@@@@@@@@@@@@@
استووووب... بارت طويل ولذيذ 😅
اييه رايكم فيها بقا انفع ولا لاء وصدقوني دي من احسن الروايات الي انا كتبتها قبل كدا من وجهة نظري 😈
I love you so much Fan 💗
