رواية الظلام النفسي الفصل الأول 1بقلم هنا حسين
رواية الظلام النفسي الفصل الأول 1
روايه الظلام النفسي party 1
للكاتبه هنا حسين
كاتبه بين الواقع والخيال
لم يكن الظلام الواقع اقوي من الظلام المتواجد بداخلي
لم اكن اعلم أن هذا العالم بهذه القسوه كل من فيه لا يهتم إلا بنفسه
كنت بجري في طريق كله ضلمه مافيش اي ضوء إلا ضوء خافض يأتي من بعيد
كنت بجري بخوف ليس من المكان ولاكن من واقعي المرير واقع لم اكن فيه إلا من شخصيه ضعيفه وسيله لتسليه لمن حولي
فضلت اجري علي أمل إني الاقي طريق اخرج منه واي طريق هذا الذي ابحث عنه وكل الطرق قاسيه ولاكن كان بداخلي امل ضعيف كي اجد طريق لنجاتي
الطريق بنسبالي كان طويل طويل لدرجه مش عارفه ليه نهايه ليس طريق للفرح ولا للساعده ولاكن طريق للهرب
وصلت لاخر الطريق ولاكن في اخره كان في هاويه
كان لدي تفكير متناقض وهو ان اقفز في الهاويه أو ان ارجع للوراء وبينما كنت محتاره في القرار
رجعت من تفكيري علي صوت أمي
امي بزعيق/ايه يا ست حبيبه قاعده كده ومش قايمه تطبخي حاجه للعشه
حبيبه/حاضر يا ماما هقوم اعمل
أمها/طب يلا يا ختي قبل ما اخواتك يجو من الشغل
حبيبه/حاضر يا ماما بس هي فين ناديه
نهله أمها/وهي كل حاجه ناديه دي ناديه شايله البيت شيل
تنهدت بقله حيله طبعاً مها اعمل ومها اسوي كله ده منكور من قبل امي واخواتي
طلعت جهزت العشا وطبعاً اختي ناديه قاعده مرتاحه ولا هان عليها تساعدني المهم هي اصلا كده دايما مش عملاني اختها كأني عدوه ليها
أبويا كان قاعد علي القهوه وجه على العشا أول مادخل كنت أنا لسه مخلصه تجهيز
صبري بزعيق/حبيبه تعالي خدي
حبيبه/نعم
صبري/تعالي جهزي الاكل بدل ما انت قاعده كده في الاوضه طول النهار
حبيبه بصدمه/أنا قاعده أمال مين يعني اللي طبخ امي يعني
صبري/انت هتردي عليا وتقفيلي علي الوحده
حبيبه/أنا مش برد بس بقول الحق صح يا ماما
نهله/ايوه انت اللي طبختي بس يعني مافيش غيرك إللي بيشتغل في البيت ما كلو بيعمل
صبري/انا لما يجي اخوكي الكبير يشوفله صرفه معاكي
حبيبه انا دخلت اوضتي لا إن الكلام مش هيجيب نتيجه أصلا مين وقف جنبي من اول ماجيت علي الدنيا ومالقيتش حد ناصفني
شويه وسمعت اخويا الكبير بينده عليا طلعت
كريم/انت ازاي تكلمي ابوكي بطريقه دي وتعلي صوتك والجيران تسمعك
حبيبه/بس أنا ماعلتش صوتي ولا حاجه أنا بتكلم بهدوء
كريم/طب اظبطي احسن اظبطك
حبيبه بدموع/طب أنا عملت ايه يعني
كريم جه عليا كان عاوز يضربني وابويا كان قاعد مبسوط بالي بيحصل
لاكن وقفته امي
نهله/خلاص بقا الناس حولينا
كريم/خليها زي الك،به تجهز الاكل
دخلت المطبخ على شان أعمل الأكل وانا هموت من القهر والزعل علي نفسي جهزت ليهم الأكل وكالعادة أنا نمت من غير عشا طبعاً ماحدش اهتم بس انا اللي نفسي انسدت
دخلت اوضتي كانت ناديه قاعده وطبعاً إحنا متخاصمين ومش بنكلم بعض مستحيل تقولو اخوات لا ان الاخوات بيبقا في بينهم
حب واحتواء لاكن ناديه دي بحس بالكره في عنيها
والغل مني رغم ان يعلم ربنا
ان عمري ماذيتها في حاجه
وديما واقفه جنبها
المهم مسكت تليفوني لقيت حسام خطيبي متصل كتير
فكرت كتير اني اتصل ولا لا بسبب مودي بس قررت اتصل وخلاص
بعد وقت قصير رد عليا
حبيبه/ازيك يا حسام عامل ايه
حسام بخنقه/الحمدلله
حبيبه/معلش والله كنت بجهز العشا ولسه مخلصه اللي عليا
حسام/عادي هي دي اول مره ما انا دايما منسي تفتكريني لما اجي على مزاجك
حبيبه بضيق/حسام انت عارف كويس انك دايما في بالي بس بجد كنت مشغوله في شغل البيت
حسام/ما انت دايما في شغل البيت خليكي بقا فيه
قفل في وشي دايما بيعمل كده عمره مهتم بزعلي
ولا حتي لما يسمع صوتي زعلان ميهونش عليه انه يسألني مالي ولا فيا ايه غير كل واحد بيهتم بمصلحته
عملت التلفون وضع الطيران
وفضلت اقلب فيه يمين وشمال طبعاً ناديه طلعت تقعد مع امي يحكو عليا شويه ما علينا فضلت اتصفح الفيس بعد مافقيت الوضع على شان افتح نت فضلت اقلب لحد مالقيت روايه مكتوب عليها احببت زعيم مافيا شدني الاسم أصلا أنا بحب الروايات والحاجات دي اوي واللي شدني اكتر هو بطل الرواية كان الغلاف يجنن طبعاً سرحت فيه شويه وفكرت ياترا حقيقي ولا بس خيال والحياه بتبقي إزاي في الروايات فوقت من سرحاني وأنا بلوم نفسي اني
سرحت في حد غير حسام
بس قولت ده غلاف مش اكتر واكيد مش حقيقي وكله خيال في خيال نمت وانا بحلم اني اعيش زي بطلات الروايات
اعرفكم بنفسي أنا حبيبه صبري بدرس في الصحافه أنا ماكنتش حابه كده بس اعمل ايه نصيب عندي 20سنه اتخطبت لحسام من 3سنين أنا معرفش إذا حبيته ولا لا بس حاجه اهرب بيها من حياتي في البيت
معايا اخويا 25سنه كريم مش متعلم ما كنش غاوي تعليم
وأختي ناديه 22سنه مخلصه دبلوم وما كنتش حابه تكمل
اما أخويا الصغير يوسف عنده 17سنه ده طلع من الابتدائي ماكنش بيحب المدرسه
كله بسبب أبويا عمره ما احتونا اهم حاجه عنده الفلوس وتعليم لا
بس أنا كنت بحب التعليم كمان حاجه اخرج بيها من البيت ده
طبعا امي معاهم معاهم عليهم عليهم عمري ماحسيت انها بتحبني ولا احتوتني حساها دايما في طرف ناديه
حتي خواتي الصبيان دايما خناق مع بعض حتى الشغل كل واحد علي راسه
كتير بفكر اه لو حياتي زي المسلسلات مش كانت احسن من اللي أنا فيه بس أنا مخترتش حاجه في حياتي ابدا ولا عيلتي ولا تعليمي ولا حتي خطيبي ولا حتي شكلي اللي دايما بيعيروني بيه طبعاً أنا نحيفه 50كيلو لا إني مش باكل ومش بهتم وحتي وشي كله حبوب من الهم اللي أنا فيه حتي خطيبي دايما بيعيرني بطريقه غير مباشره بس أنا طبعاً بفهم لاكن اختي ناديه دايما بتجرحني رغم أني بخاف اكسر بخاطر حد
تاني يوم صحيت لقيت ناديه مجهزه الفطار وكل واحده راح من ناحيه
لقيتها جيبالي الشاي والبسكوت وتقولي خدي افطري
طبعاً مستغربتش ولا حاجه هي أصلا تخصيمني وتصالحني بمزاجها
ولما تكون عاوزه مصلحه مني ده كله مش مهم الاهم انا اصلا مش بحب الخصام
ناديه/حبيبه كنت عاوزه منك طلب
حبيبه/اتفضلي
ناديه/انت هترفضي
حبيبه/انت مش مخصماني هتكلميني ليه دلوقتي
ناديه/حبيبه عاوزه هتجبلي الطلب ماشي مش عاوزه خلاص هخلي يوسف لما يرجع من الشغل يجبلي بس انت عارفه بيخم الفلوس وانا مامناكي انت
حبيبه /خلاص هاتي وقولي عاوزه ايه
طبعاً قالتي علي الطلب وسلمت على امي ونزلت رايحه الجامعه وانا بفكر إزاي هيعدي اليوم
يتبع
لقراءة باقي فصول الرواية اضغط هنا ( رواية الظلام النفسي )
