رواية مهد القدر الفصل الثامن 8 بقلم ملك سعيد
رواية مهد القدر الفصل الثامن 8
قراءة ممتعة ❤
__________________
وصل عز للمستشفي ونزل من العربية بسرعة وهو
شايل قدر
دخل المستشفى وهو بيجري وبيصرخ في الدكاترة علشان ينقذوا قدر وكل الممرضين و الدكاترة وحتي المرضى كانوا خايفين من حالة عز وعصبيته
بيجروا الممرضين والدكتور اتجاه عز ومعاهم الترولي عز بيحط قدر علي الترولي
وبياخدوها الممرضين علي غرفة العمليات
ولسه الدكتور هيدخل مسكه عز من ياقة قميصه وبيقوله بتهديد : حياتها تمن حياتك
الدكتور بخوف من نبرة صوت عز و تهديده : متقلقش هننقذها بس سيبني ادخل علشان اعمل العملية
سابه عز ودخل الدكتور غرفة العمليات
وبيفضل عز رايح جاي قدام غرفة بخوف وندم علي الحالة الي وصلت ليها بسببه هو قالها انه هيساعدها بس هو كان السبب في الحالة الي وصلت ليها
♥ ❥ ♥ ❥ ♥
ياسين جاله اتصال من الراجل الي وكله يعرف مكان قدر وبيرد عليه بسرعة
هو بيحاول يخلي نبرة صوته هادية : عرفت مكانها ؟؟
: ايوا يا فندم الانسة قدر في طريق .......
اول ما عرف مكانها قفل الخط بسرعة وشغل عربيته وساق بأقصي سرعة علي أمل يوصل لبنته وينقذها
♥ ❥ ♥ ❥ ♥
في بيت نور
غيرت هدومها ولبست دريس طويل
وكانوا العيلة متجمعين مع بعض و بيهزروا
الا فارس الي كانت عيونه علي نور وعلي وشه ابتسامة بسيطة
إما نور كانت بتبص علي أي حاجة حواليها علشان تتفادي عيون فارس الى من ساعة ما وصل وهو مشالهاش عنها
صباح أم فارس و حنان أم نور بيغمزوا لبعض بابتسامات خبيثة وهما مراقبين فارس ونور وبيتخيلوا انهم اتجوزوا وخلفوا وبقي عندهم أحفاد
و أحمد كان كاميرا مراقبة علي الكل شايف فارس و نظراته لبنته وخجل نور وشايف مراته واختها وعارف هما بيخططوا لإيه بس مش عايز يتدخل طبعا
لإنه عايز يجوز نور و فارس
قطع الصمت والهمسات صوت رنة تليفون فارس فبيمسك تليفونه وبيلاقي رقم فهد فبيستأذن منهم
ودخل البلكونة ورد علي فهد
بمرحه المعتاد : وحشتك صح
فهد بجدية ممزوجة بسخرية : فارس باشا متخدش في نفسك مقلب واسمعني سواق عز باشا اتصل بيا وقالي انهم .........
وحكاله علي الي عرفوا من السواق عن الحادثة
وهما دلوقتي في مستشفي .....
فارس بصدمة : كل ده حصل وعز مقاليش طب انا رايحله فورا علي المستشفي
رد عليه بجدية: تمام ياباشا وانا كمان في طريقي ليه
قفل فارس المكالمة وخرج من البلكونة
وقالهم إن جاله شغل مهم ولازم يمشي
فقالتله أمه باعتراض : شغل ايه في الوقت ده ...لاء مفيش روحه انت جاي من سفر ولازم ترتاح
حاول يقنع أمه وقالها : يا أمي ده شغل مهم ...ولازم امشي وأوعدك اخلص بسرعة وارجع
كانت لسه هتعترض بس بيقاطعها احمد وبيقول: خلاص يا أم فارس خليه يروح ده مهما كان شغله ومينفعش يهمله
وافقت صباح وقالت لفارس : خلاص يا فارس روح شغلك بس متتأخرش عليا
قرب منها وباس راسها وقالها : مستحيل أتأخر عليكي يا ست الكل
وقبل ما يخرج بص علي نور وابتسم لها وخرج
وهي استغربت وقالت في نفسها : ماله الكائن ده عمال يوزعلي ابتسامات من اول ما جه .... شكله اتجنن من قعدته في نيويورك
دخلت أوضتها وقررت تتصل بقدر
مسكت تليفونها وإتصلت عليها بس بيديها إن التليفون مغلق وبتحاول كمان مره بس بيديها مغلق او خارج نطاق التغطية
فبتقول باستغراب: راحت فين دي معقول نامت بس قدر بومه مبتنمش دلوقتي .... بس ممكن تكون مشغولة
♥ ❥ ♥ ❥ ♥
وصل ياسين للطريق الي كانت فيه قدر
لاقي عربيتها وباين عليها آثار حادثة وخارج منها دخان فجري علي العربية ودور فيها علي قدر بس العربية كانت فاضية....
وإما عربية عز بعتها السواق للتصليح علشان كده مكنش فيه إلا عربية قدر
وياسين كان هيتجنن من الخوف علي قدر وكل الأفكار السلبية بقت بتحاوط تفكيره وبدأ عقله يعمله سيناريوهات عن الي ممكن يكون حصل مع بنته
ومبقاش عارف هيتصرف ازاي
♥ ❥ ♥ ❥ ♥
في أوضة زياد
كان رايح جاي مستني خبر موت قدر علي نار مع أنها مأذتهوش ابدا بس بالنسبة ليه هي السبب في حالة اخوه وهي الي هتتسبب في دماره فقرر يقتلها علشان ينساها ويبعد عن فكره الانتقام من عز
لأنه عارف عز السيوفي كويس وإن محدش بيقدر يوقف في وشه ابدا وعارف ايه هيكون مصير مراد لو وقف ضده
فبيقرر يتصل بالراجل الي أمره بقتل قدر وبيستني الراجل يرد وبعد مدة وأخيرا رد فقاله
بعصبية: كل ده علشان ترد يا زفت
: معلش يا باشا بس كنت في الحمام
سأله بصدمة : حمام إيه دلوقتي هو أنا مش قولتلك تجيبلي خبر موت قدر وانت تقولي في الحمام
: ايه يا باشا كل العصبية دي علشان كنت في الحمام هدي نفسك ومتقلقش انا عطلت فرامل عربيتها يعني لو خرجت من البيت يبقي زمانها ماتت ولو لسه مخرجتش فأكيد هتخرج في اي وقت وهتموت بس الصبر
خد نفس عميق بيحاول يهدي نفسه وقاله : خلاص أديني مستني الخبر يلا في داهية
قفل المكالمة وقعد علي السرير
وهو مستني أي خبر عن موت قدر
♥ ❥ ♥ ❥ ♥
في بيت سيف
أمينه كانت مخنوقة وقلبها واجعها كإنها حاسة إن بنتها إلى اتحرمت منها طول السنين دي بتتوجع هو ده قلب الأم وكان حواليها سيف و رضوي
سيف كان قاعد جنبها علي السرير و قالها بقلق: أمي لو إنتِ تعبانة اوي هتصل بالدكتور يطمنا عليكي
قالتله بتعب : لا يا حبيبي انا كويسة متقلقش عليا
إتدخلت رضوي وقالت برفض : لا يا ماما إنتِ تعبانة و باين عليكي التعب متخبيش علينا إنتِ حاسة بإيه
ردت عليها بصوت واطي من التعب : متخافوش عليا يا حبايبي انا كويسة بس جوايا احساس غريب مش فاهماه
سيف بص لرضوي باستغراب وبعدين بص لأمه وقالها: إحساس إيه الي مش فاهماه
أمينة حطت إيديها علي قلبها وقالت : الإحساس الي جوايا ده دايما كنت بحس بيه لما حد فيكوا يتأذي نفس الاحساس
رضوي قالت باستغراب : بس احنا قدامك اهو و كويسين
أمينة هزت راسها برفض وقالت : لا يا رضوي في أختكم الي معرفش عنها حاجة من ساعة ما ابوكي خدها ومش عارفة وداها فين انا متأكدة إن إحساسي ده ليه علاقة ببنتي
انا متأكدة انها مش كويسة
سيف غمض عينيه وقالها بحزن : وحتي لو ليه علاقة بيها احنا منعرفش هي فين دلوقتي ولا إن كانت عايشة او ميتة
أمينة زعقتله وقالتله : إياك تقول انها ماتت اختك عايشة قلبي حاسس بيها حاسة بنفسها في الدنيا
رضوي خافت علي أمها بسبب انفعالها فقالتلها : خلاص يا ماما ممكن تهدي شوية الزعل غلط عليكي ارتاحي شوية
سيف بتأييد لكلام رضوي : ايوا يا أمي لازم ترتاحي عايزك تنامي شوية ومتفكريش بحاجة
قام من علي السرير وساعد أمه
تتعدل بجسمها وتنام و غطاها وخرج هو ورضوي وهما زعلانين علي حالة أمهم وعلي أختهم إلي مشافوهاش بسبب أبوهم
♥ ❥ ♥ ❥ ♥
وصل فهد وفارس في نفس الوقت
ونزلوا من العربية ودخلوا مع بعض للمستشفي وسألوا عن مكان غرفة العمليات واتوجهوا لهناك شافوا
عز قاعد علي الكرسي وحاطط راسه بين ايديه الي بتنزف وهدومه عليها دم
جري عليه فارس وقعد جنبه وحط ايده علي كتفه وقاله : عز انت كويس؟!
إتعدل وبص لفارس بتعب وقال : كويس إيه البنت الى جوا دي أنا السبب في الحالة إلى وصلتلها ولو حصلها حاجة هعيش كل عمري بذنبها
زعل فارس علي حالة صحبه وقاله بمحاولة لتطمينه : متقلقش هي هتبقي كويسة إنت كنت بتحاول تنقذها وفي الحالتين هي كانت هتتأذي بيك أو من غيرك
قطع كلامهم خروج الدكتور من أوضة العمليات
قام عز و جري علي الدكتور وسأله بقلق : هي كويسة صح قولي إنها عايشة؟!
الدكتور بص في الارض بحزن قال : للأسف ......
♥ ❥ ♥ ❥ ♥
الدكتور قال ايه لعز ؟!
قولوا توقعاتكوا 🙂
وإيه رأيكم في البارت
#مهد القدر
#بقلمي ملك سعيد
دمتم سالمين ❤
يتبع
رواية مهد القدر الفصل التاسع 9
لقراءة باقي فصول الرواية اضغط هنا ( رواية مهد القدر )
