رواية مهد القدر الفصل السادس 6 بقلم ملك سعيد
رواية مهد القدر الفصل السادس 6
(بارت الهدية الأول 💞)
قراءة ممتعة ❤
___________________
في شركة الصباغ
ياسين بتريقة : وحياة ابوكي وليه انشاء الله
قدر بابتسامة بلهاء : بابا حبيبي في ايه مالك كده هدي نفسك انا بس بقولك إن كوني مسكت إدارة الشركة معاك ف كنت عايزة أرقي سيف لإنه تعب معايا والله فيه الخير الولد ده
ياسين في نفسه : مش عارف الي بعمله ده صح ولا غلط مع اني عارف ان سيف هو اخو قدر الحقيقي
قطع شروده صراخ قدر
قدر بزعيق: بابااااا في ايه روحت فين
ياسين بتوهان : انا معاكي اهو واعملي الي تحبيه اصلا سيف شاب منتظم في شغله ويستاهل
قدر بفرحة : شكرا يا بابا إنك وافقت علي ترقية سيف وبتوتر بتقول : وبصراحة كنت عايزة اطلب منك طلب تاني وياريت مترفضهوش
ياسين بابتسامة هادية: قولي الي انتي عايزاه وانا هعملهولك
قدر بابتسامة: بصراحة انا عرضت علي نور أنها تشتغل معايا في الشركة وتبقي سكرتيرتي الخاصة فكنت عايزة اخد رأيك ها موافق
ياسين بضحك: ههه يعني كل المقدمات دي علشان شغل نور وانا معنديش مشكلة اصلا هفرح لو نور اشتغلت معانا في الشركة إنتِ عارفة اني بحبها زي بنتي بالظبط فمعنديش مشكلة
قدر بتقوم من الكرسي وبتتجه ناحية أبوها وبتحضنه : شكرا يا افضل اب في الدنيا شكرا علي كل حاجة عملتها ليا من يوم ما اتبنيتني وكتبتني علي اسمك وإنت دايما بتعمل كل حاجة تفرحني ولحد انهاردة عمرك ما حرمتني من حبك و لا حنيتك إنت عوضتني عن اهلي الي اتخلوا عني و...
قاطع كلامها ياسين وهو بيزيد من حضنها و بيقول: بلاش تقولي الكلام ده إنتِ بنتي وحبيبتي وكل دنيتي إياكي في يوم اسمعك بتقولي الكلام ده تاني
وبهزار :علي فكرة انا مش متعود علي ندبك ده فين قدر المجنونة
قدر وهو بتخرج من حضنه و بتضحك : هههه بوظت المشهد يلا بقي اسيبك تشتغل وانا كمان هروح اكمل شغل واكلم نور اقولها علي موافقتك يلا باي
ياسين بابتسامة حنونة : باي
♥ ❥ ♥ ❥ ♥
دخلت مكتبها واتصلت علي نور وقالتلها بموافقة أبوها وأنها تقدر تبدأ شغل من بكره
نور بغرور : علي فكرة كنت عارفة انكم مش هترفضوني اصلا شركتكم من غيري هتضيع
بتضحك قدر وبتقول : هههه طبعا احنا نقدر نشتغل من غيرك وقوليلى بقي إنتِ فاضية بصراحة انا بقالي فترة مروحتش النادي ايه رأيك نروح انهاردة
نور بملل : ياريت بس انهاردة المحروس ابن خالتي راجع من السفر وامي عاملالي كمين في البيت مستحيل تخليني اخرج وإنتِ عارفة الي فيها
قدر بضحك : هههه انتي هتقوليلي علي الي فيها والله امك و خالتك دول عسل عايزين يظبطوكي معاه من لما كان عندك ١٨ سنه وهما قرروا إنتِ لإبن خالتك وأبن خالتك ليكي والله انتوا عيلة عسل
نور بزهق : اووف بطلي بقي عيلة باردة انا غلطانة اني رديت عليكي اقفلي بقي ومترنيش عليا تاني انا الي هرن عليكي لما اصفالك يلا باي
بتضحك قدر علي جنان صحبتها: ههههه استني بس يا مجنونة الو الو قفلت في وشي دي اخرة صحوبيتي بيكي يا غدارة إلهي يا نور يجوزوكي لإبن خالتك و يربيكي من جديد
♥ ❥ ♥ ❥ ♥
في مكتب ندي سكرتيرة ياسين كانت بتتكلم في التليفون
ندي بحب : وانا كمان بحبك اوي
وفي اللحظة دي اتفتح باب مكتبها وكان سيف وباين علي ملامح وشه الغضب
سيف بعصبية : مين ده الي بتحبيه
ندي وقفت بخضة وقفلت الخط وزعقتله: إنت ازاي تدخل بالطريقة الهمجية دي وإنت مالك اصلا انا بحب مين ولا مبحبش مين
سيف قرب منها بخطوات بطيئة مخيفة وندي رجعت لورا بخوف لإن سيف كان باين عليه انه متعصب جدا لحد ما خبطت في الحيطة فبتتكلم بقوة عكس الخوف الي جواها : إنت بتقرب كده ليه إبعد عني لو سمحت والا هضطر اشتكي لمستر ياسين
سيف بيوطي لجنب ودنها وبصوت هادي بس مخيف : مين ده الي بتحبيه؟!
ندي بقوة مزيفة وهي بتحاول تبعده عنها: قولتلك ده شئ ميخصكش واطلع لبرا احسنلك ومتتخطاش حدودك معايا
سيف مسك ايدها وضغط عليها بقوة : مش هتجاوبي عليا براحتك بس عايزك تعرفي إن مين من كان الي إنتِ كنتي بتتكلمي معاه ده شيليه من حساباتك لإني مش هسمحلك تكوني لغيري
قال كلامه تحت صدمة ندي وزقها وخرج وقفل باب المكتب بعصبية
ندي بتمسك ايديها من الوجع بسبب ضغط سيف عليها وبتقول بصدمة : هو الي عمله المجنون ده ازاي يتجرأ ويتخطي حدوده معايا وليه كل العصبية دي
غلطت انا علشان قلت لأخويا بحبك بس ثانية كده اي الي قاله ده مش هسمحلك تكوني لغيري يعني قصده اني ملكه طب ده بيحبني ولا هو اتجنن خلاص وانا مهتمة ليه يعني انا مالي يكش يولع والله لوريك يا سيف
♥ ❥ ♥ ❥ ♥
ياسين بصدمة: ازاي يعمل معاكي كده هو اتجنن ولا ايه
ندي بحزن : صدقني يا مستر ياسين انا كنت قاعدة في مكتبي وبتكلم مع اخويا وفجأة لاقيته بيفتح الباب كأنه هيكسره ولاقيته بيسألني بعصبية مين ده الي بتحبيه هو ماله مين الي بحبه ومين الي بكرهه
ياسين بجدية : خلاص يا ندي انا هجبلك حقك منه وإنتِ ابعدي عنه واتجاهليه وانا هتصرف معاه
ندي بامتنان: شكرا مستر ياسين تسمحلي ارجع اكمل شغلي
ياسين بإيماءة : ايوا اتفضلي
خرجت ندي وياسين رفع سماعة التليفون الخاص بمكتبه و كلم قدر : قدر عايزك تبعتيلي سيف فورا
: تمام ٥ دقايق وهيكون عندك
وبعد مدة دق سيف باب المكتب وسمحله ياسين بالدخول
سيف باحترام : حضرتك طلبتني يافندم
ياسين بصرامة : انت ازاي تتجرأ وتتعامل مع ندي سكرتيرتي بالطريقة دي
سيف بهدوء : انا اسف يافندم بس كنت متعصب
ياسين بابتسامة هادية : لو إنت بتحبها مقولتلهاش ليه ووفرت عليك الغيرة الي ملهاش سبب دي
سيف فتح بقه بصدمة : ها
ياسين بضحك :هههههه متبلمش كده واقعد واحكيلي إنت بتحبها من امتي وليه معترفتلهاش لحد دلوقتي؟!
سيف بتوتر : حضرتك عرفت ازاي
ياسين بابتسامة : لإني كنت في يوم من الايام زيك وكنت واقع في الحب علشان كده كشفتك من نظراتك ليها وبلاش لف و دوران وقولي حكايتك
قعد سيف وقال بهدوء : ايوا يافندم انا بحبها وزي ما بتقولوا كده حب من اول نظرة بس البعيدة عامية بقالي ٣ سنين بحبها بس انا محبتش اعترفلها خوفت لاترفضني
ياسين بابتسامة : سيف إنت عارف اني بعتبرك ابني ف هنصحك وبتمني تعمل بنصيحتي روح واعترفلها بس بعد ما تعتذرلها علي الي إنت عملته
سيف بعصبية: بس هي بتحب حد غيري
ياسين وهو بيمرر ايده علي وشه بيأس من غباء سيف : يابني ارحمني بتحب مين يا غبي الي إنت سمعتها بتقوله بحبك ده اخوها يا اذكي اخواتك
سيف بيقوم من علي الكرسي بصدمة: قول والله انه اخوها احلف
ياسين بيخفي ضحكته علي منظر سيف وبيتكلم بجدية مصطنعة: احلف ايه وهو انا هكذب ليه
سيف باستدراك : انا اسف يافندم معلش بس الصدمة خلتني اخرف بالكلام بس حضرتك عرفت منين انه اخوها؟!
ياسين : ندي جت اشتكت عليك لإنك ضايقتها ولما سألتها ايه سبب عصبيته عليكي حكيتلي الموضوع
سيف : يعني انا خربت الدنيا صح؟!
ياسين بضحك: ههههه اه صح وياريت تصالحها وبعدين اعترفلها بس لما تصفالك الأول لأحسن ترفضك
ابتسم سيف بثقة : متقلقش يافندم انا هعرف ازاي أصالحها وكمان احب اشكرك لإنك نصحتني وفهمتني اعمل ايه
ياسين بابتسامة حنونة: قولتلك إنك زي ابني وده واجبي ويلا روح شوف شغلك علشان متتسحبش منك الترقية
سيف بصدمة: ترقية الي هي إزاي حضرتك
ياسين بضحك: هههه زي الناس هتترقي من منصبك ويلا روح اشتغل علشان مسحبش منك الترقية
سيف بضحك : هههه لا علي ايه هروح اشتغل انا علي وش جواز
خرج سيف من المكتب وهو طاير من الفرحه طبعا علشان الترقية وعلشان هيتجوز
♥ ❥ ♥ ❥ ♥
رأيكم في البارت يا حبايبي
#مهد القدر
#بقلمي ملك سعيد
دمتم سالمين ❤
يتبع
لقراءة باقي فصول الرواية اضغط هنا ( رواية مهد القدر )
