رواية مهد القدر الفصل الرابع 4 بقلم ملك سعيد

قراءة ممتعة ❤

___________________

في بيت بسيط بنلاقي بنت بتقيس ضغط مامتها وهي رضوي اخت سيف 

بنت جمالها بسيط وهادية 

رضوي بتقول لأمها بعتاب: ضغطك واطي اوي يا ماما شكلك مخدتيش علاج الضغط مش كده 

أمينة بتعب : معلش يا بنتي نسيت اخده 

رضوي  : مينفعش تهملي في صحتك يا ماما انا و سيف ملناش غيرك لازم تهتمي بنفسك ولو مش علشانك علي الاقل علشانا

أمينة بحزن : متزعليش مني يا حبيبتي وانا ليا مين غيركم علشان اعيشله بس كل ما افتكر الي عمله ابوكي في اختك بحس اني هموت من قهري عليها 

رضوي بحزن علي حالة امها وهي شايفاها مقهوره بسبب خسارة بنتها يوم ولادتها بسبب جوزها فبتحضن امها و بتواسيها وبتقول : خلاص يا ماما انسي كل الي فات انتي مكنتيش تعرفي هو كان بيخطط لإيه يلا ربنا يسامحه مطرح ما كان 

أمينة ببكاء : ربنا بيسامح بس انا مش هسامحه مش هسامح الشخص الي حرمني من بنتي كل السنين دي 

رضوي بمواساة: خلاص يا ماما متعمليش في نفسك كده انسي بقي كل الي حصل احنا مش هنقدر نغير الي حصل ف علشان خاطري بطلي عياط علي الاقل علشان سيف لما يرجع ميزعلش كفاية انه مضغوط في الشغل وشايل مسؤليتنا فوق كتافه وبصراحة يا ماما انا كنت بفكر ادور على شغل علشان اخفف الحمل عن سيف 

أمينة بابتسامة هادية : فاتحي اخوكي في الموضوع الأول و لو وافق دوري علي شغل ولو موافقش اقفلي علي الموضوع 

رضوي بابتسامة : حاضر يا ست الكل يلا ارتاحي إنتِ دلوقتي وانا هقوم اجهز الغدا زمان سيف راجع من الشغل 

بتساعد رضوي امها علشان تنام وغطتها بالبطانية وخرجت من الأوضة ودخلت المطبخ علشان تجهز الغدا

♥ ❥ ♥ ❥ ♥

في شركة الصباغ

خرج سيف من مكتبه بعد ما خلص شغله وكان ماسك تليفونه وفجأة خبط في بنت وبتوقع الملفات الي مسكاها علي الارض ومن غير ما تبص لسيف نزلت تلم

الملفات وبتقول بسخرية: طبعا لو حلفتلي للصبح إنك متقصدش يا سيف تخبطني مش هصدقك طبعا 

سيف ضحك علي كلامها وقال : طب والله العظيم ما كنت اقصد إنتِ الي بتطلعي في وشي أعمل إيه قدرك إنك تتخبطي فيا دايما 

ندي بتقوم بعد ما لمت الملفات من علي الارض وبتبص لسيف نظرة مغتاظة وبتقوله بتريقة 

: بجد بقي نفسي اعرف من ساعة ما دخلت الشركة دي وإنت دايما زي الطور بتخبط فيا ممكن اعرف السبب

بصلها سيف بصدمة بسبب تشبيهها ليه بالطور وحاول يتغاضي عن لسانها الطويل و قالها : انا هتغاضي عن زي الطور دي وهجاوبك ممكن يكون القدر موقعك في طريقي بتحصل بردو

ضحكت ندي ضحكة ساخرة وقالتله: اه وهندخل في مسلسل هندي بقي والقدر هو الي وقعك في طريقي وبعدين تيجي عاصفة وصوت الرعد ومطر شديد و نتغرق انا وإنت و تقولي انا بحبك زويا وانا اقولك وانا كمان بحبك كتير اديتيا مش كده يارب صبرني علي ما ابتلتني 

سيف وهو بيضحك علي كلامها : ههههه يخربيتك زويا مين و اديتيا مين يا معتوهة شكلك منهم اه والله انا ماشي علشان هتشل يلا سلاموعليكو 

مشي سيف وهو بيضحك علي ندي البنت الي من اول ما اشتغلت في الشركة وهو معجب بيها وبيحب يخانقها دايما علشان يسمع منها كلامها وتشبيهاتها الي بيحبها 

وإما ندي اتعودت كل مدة تتخبط فيه يعني مفيش حاجة جديدة عليها بس متنكرش أنها بتحب تتخانق معاه بس متعرفش السبب بس السبب اكيد واضح ودي بداية قصة حب هتجمع ما بينهم فياتري القدر هيكون ليه رأي تاني 

♥ ❥ ♥ ❥ ♥

عند قدر خلصت معادها مع نور و بترجع البيت 

بتطلع لأوضتها وكالعادة بتفتكر صديق طفولتها مهد وهي عندها امل انها هتقابله في يوم من الايام 

♥ ❥ ♥ ❥ ♥

في الطيارة عند عز

كان بيعد الساعات بالدقايق و الثواني علشان يوصل مصر و يبدأ رحلة بحثه عن صديقة طفولته او بالأخص علي البنت الي سرقت قلبه من اول يوم شافها فيه في دار الايتام 

كانت طفلة صغيرة وأول ما شافها اتشد ليها 

وكان بيهتم بيها كتير

كأنها قطعة من الازاز وخايف عليها لاتنكسر 

ولما كبرت قصاد عينيه كان بيتعلق بيها اكتر 

افتكر اول يوم جت فيه دار الايتام وقتها قرر يسميها قدر علشان اعتبرها قدره في الدنيا

فاق من ذكرياته وهو بيسأل نفسه بخوف:"يا تري انا هقدر الاقيها ولا بجد انا خسرتها؟!

♥ ❥ ♥ ❥ ♥

بليل في مكان مهجور بعيد عن الناس واقف ياسين مع شخص و بيديله شنطة فلوس وبيقوله

بتهديد : دي اخر مره هتطلب فيها فلوس و إلا متلومش إلا نفسك 

حمدي بضحكة خبيثة : ايه يا باشا انا مبتهدتش انا الي ليا الحق اني اهدد وإلا إنت عارف انا ممكن اعمل ايه وفي ثانية اخد بنتي منك ولا هتعرفلها أثر 

ياسين اتعصب من كلامه ومسكه من ياقة قميصه بعنف وقاله بتهديد : إياك إنك تفكر تقرب علي قدر وإلا وقسما بربي لأخد روحك قبل ما تقربلها قدر بنتي انا انا الي ربتها وعمري في يوم ما أثرت معاها في حاجة في الحب و الحنية الي إنت متعرفش عنهم حاجة 

حمدي نزل ايد ياسين وقاله بنبرة تهديد خبيثة : اهدي يا باشا لايحصلك حاجة ووقتها مين هيديني فلوس بس يكون في علمك لو فكرت في يوم تقطع عني الفلوس الي باخدها كل شهر وقتها هروح اقول لقدر اني انا أبوها الحقيقي وانزل دمعتين واحكيلها كام سيناريو كده أنها اتخطفت مني يوم ولادتها واني قضيت السنين دي كلها ادور عليها وقتها هتنساك وهتتخلي عنك وهتيجي معايا تحب تجرب 

ياسين وجه صباعه قدام وش حمدي بعصبية : إياك فاهم إياك إنك تفكر تقرب من مكان هي موجودة وفيه وإلا صدقني مش هتردد لحظة اني اخلص عليك تعرف لو إنت كنت تستاهل اني اديك قدر و اقولها الحقيقة مكنتش هتردد لحظة اني اديهالك بس إنت واحد طماع كل همك تكسب فلوس علي حساب مشاعر بنتك في حياتي ما شفت اب زيك ولا اتمني اشوف 

مشي ياسين بكل عصبية وهو بيتوعد لحمدي بالدمار لو بس فكر يقرب من بنته 

اما حمدي كان بيضحك بخبث وقال : معاك حق يا باشا انا كل الي يهمني اكسب فلوس و انا مش مجنون علشان اروح اقول لقدر اني أبوها و اضيع عليا المبالغ الكبيرة دي والله و طلعتي غالية يا قدر 

ما هذا يا إلهي هل هذا اب كل ما يرديده من الحياة هو المال علي حساب مشاعر ابنته مع انه هو والدها الحقيقي الا انه يساوم عليها مع من مع الشخص الي رباها و اعتبرها ابنته مع الشخص الذي كان يتمني في يوم من الايام ان يصبح اب لكن بموت زوجته الذي كان يحبها قرر انه لن يتزوج غيرها و لذلك تبني قدر و أصبحت كل حياته 

إما هذا المسمي ب حمدي فهو منذ 26 عاما عندما انجبت زوجته قدر بكل قسوة حرم ابنته من حنان امها واخذها وتركها اما دار الايتام فقط لأنه كان فقيرا ولا يستطيع أن يتكفل بإبنته فيكفي ما لديه من ابن و ابنه 

       نعم انه هو والد سيف و رضوي أخوات قدر 

الذي فرقهم والدهم بحجة ما يسمي الفقر لكنه لا يعلم 

        ان الله سيعاقبه أشد عقاب

♥ ❥ ♥ ❥ ♥

رأيكم في البارت يا حبايبي 

#مهد القدر 

#ملك سعيد

دمتم سالمين ❤