رواية مهد القدر الفصل الأول 1بقلم ملك سعيد
رواية مهد القدر الفصل الأول 1
قراءة ممتعة ❤
____________________
قدر بحزن : انهاردة عيد ميلاده وكالعادة بحتفل بيه من غيره
نور بحزن علي صديقتها: بلاش تعملي في نفسك كده انسيه يا قدر
قدر بحزن : مش هقدر هو وعدني أنه مش هيبعد بس بعد ووعدني أنه هيرجعلي بس مرجعش
نور بمواساة: متزعليش مني يا قدر بس تلاقيه نسيكي متنسيش انكم كنتوا لسه صغيرين وممكن يكون مش فاكرك
قدر ببكاء: لا يا نور مستحيل ينساني زي ما انا منسيتوش
نور : خلاص يا قدر متزعليش نفسك ولو هو فاكرك وإنتِ واثقة فيه يبقي هييجي اليوم الي هيلاقيكي فيه وتشوفيه بس ممكن بقي تبطلي عياط ونقوم نحتفل بعيد ميلاد صديقك الغامض
مسحت دموعها وقالت : فعلا يا نور لو كان فاكرني يبقي هيرجعلي يلا نحتفل بعيد ميلاده
بتطلع قدر صورة بتجمع بينها وبين صديق طفولتها مهد وبتبصله وبتبتسم
قدر بابتسامة: انهاردة عيد ميلادك كل سنه وانت طيب وبتمني ارجع اشوفك بأقرب وقت وعايزاك توفي بوعدك ليا وترجعلي وانا هستناك
نور بابتسامة: ايوا كده خلي عندك امل يلا بقي لإني هموت و أكل تورتة وانهاردة انا واخدة بريك من الدايت
قدر بضحك: يا بنتي بقي بوظتي المشهد الحزين قومي ياختي نقطع التورتة
وقامت قدر مع نور وقطعت التورتة وهي بتغني( happy birthday to you happy birthday to you mahad happy birthday to you ❤)
نور : يلا بقي ناكل علشان جبت اخري
قدر ضحكت وقالت : يلا ناكل لأحسن تموتي
♥ ❥ ♥ ❥ ♥
في نيويورك بحفلة كبيرة وهي حفلة رجل الأعمال المشهور عز السيوفي
تالا وهي بتقرب من عز : happy birthday Ezz
عز ببرود: thank you
تالا بتلاقي رد عز بارد فبتبعد عنه وبتستأذن
فارس بضحك : يخربيتك يا عز ايه الرد البارد ده احرجت البنت
عز بهدوء : هي الي لازقة فيا ومعندهاش دم
فارس : يا ابني حاول تتغير بلاش البرود ده كده مش هتتجوز يا ابني
عز بابتسامة: وانا مش هتجوز غيرها
فارس : و انت بقي عارف هي فين ده انت قالب عليها الدنيا من سنين ومش لاقيلها أثر
عز : هلاقيها لو كانت في آخر الدنيا هلاقيها
فارس : وانت ليه واثق انك هتلاقيها بعد 21 سنة
عز : وانا قولت هلاقيها مش انا الي اسيب حاجة ملكي تضيع مني واقفل علي الموضوع انا مروح
عز لسه هيمشي فارس بيمسك ايده: انت رايح فين دي حفلة عيد ميلادك ولسه هنقطع قالب الكيك ونحتفل شوية مع البنات الحلويات دول
عز : وانا مش عايز احتفل خليك انت مع الحلويات دول بس حاسب لايجيلك سكر
وبيمشي عز وهو مخنوق وبيفتكر صديقة طفولته
♥ ❥ ♥ ❥ ♥
في عربية عز كان بيسوق بسرعة عالية وهو بيقول
لنفسه : انا اسف يا قدر لإني سيبتك ومشيت بس مكنش بإيدي اني اسيبك انا انجبرت بس بوعدك اني هلاقيكي بأقرب وقت وهرجعك لحضني
وبيفتكر عز قدر ( فلاش باك)
في دار الايتام كانت قاعدة طفلة عندها 5 سنين وبترسم في الحديقة وهي قدر وكان مهد(عز) طفل عنده 12 بيبص عليها من بعيد وقرب وقعد جنبها
وقالها : بتعملي ايه يا قدري
قدر ببراءة: برسم
مهد بحب : اممم طيب تعالي معايا
قدر : لاء انا برسم روح العب لحد ما اخلص
مهد بضحك : لا علي أساس انتي ليوناردو دا فينشي
قدر ببراءة: ايه ده شوكولاتة
مهد بضحك : هههههه اه شوكولاته بالبندق قومي بقي معايا علشان اجيبلك ليوناردو دا فينشي بالبندق
بتقوم قدر بحماس وبتمسك ايد مهد وبتمشي بيه : يلا
مهد : علي أساس إنتِ عارفة انا واخدك فين تعالي يا اخرة صبري
وبياخدها مهد في اخر الحديقة وبيطلع من جيبة حظاظتين واحدة لونها ابيض وواحدة لونها اسود وفيها قلب مقسوم بين الحظاظتين مكتوب علي القلب ( Best friend) وبيلبسها الحظاظة البيضة وهو
بيلبس الحظاظة السودة وبيقولها: من هنا و رايح متقلعيش الحظاظة دي ابدا وانا كمان مش هقلعها ابدا فهمتي
قدر بابتسامة : الله دي حلوة اوي يا مهد مش هقلعها ابدا
( باك )
وبيرجع عز من ذكرياته وهو بيبص علي الحظاظة الي في إيده و بيبتسم باشتياق وبيقول: وحشتيني يا قدري ❤
♥ ❥ ♥ ❥ ♥
في أوضة قدر بيخلص احتفالها بعيد ميلاد مهد وبتروح نور وبيدق باب اوضتها و بتكون الخدامة وبتدخل لقدر وبتقولها
الخدامة: الأستاذ ياسين طالب حضرتك في أوضة مكتبه
قدر : خلاص انا نازلاله دلوقتي
بتنزل قدر لمكتب أبوها وبتدق باب المكتب و أبوها بيسمحلها تدخل
قدر باحترام: طلبتني يا بابا
ياسين : ايوا يا قدر تعالي اقعدي
بتقعد قدر علي الكرسي قدام أبوها
قدر : خير يا بابا
ياسين: انا قررت انك تشتغلي في الشركة من بكره ايه رأيك
قدر : بس يا بابا انا معرفش حاجة في شغل حضرتك ازاي عايزني انزل بكره الشغل
ياسين : هتنزلي فترة تدريب وبعدين تستلمي الشغل انا كبرت وتعبت ومعنديش غيرك اعتمد عليه إنتِ عارفة يا قدر إنك الي مالية دنيتي وانا عايزك تستلمي شغلي ها ايه رأيك؟!
قدر بابتسامة: خلاص يا بابا الي انت عايزه هيحصل من بكره هنزل تدريب مرضي يا باشا
ياسين بضحك : مرضي يا باشا
قدر : بما اني هنزل تدريب بكره فلازم اقوم انام علشان متهزأش من الي هيدربني
ياسين : ومين يتجرأ يهزأ بنت ياسين الصباغ روحي نامي واظبطي المنبه علي 7 الصبح
قدر : تمام يا معلم يلا تصبح علي خير
ياسين بسخرية : يا بنتي ايه شغل المتشردين ده اسمي بابا ايه يا باشا و يا معلم و مرضي فيه ايه يا مجنونة
قدر بمرح : بتتريق عليا علي اخرة الزمن شكرا يا بوص انا طالعة اتخمد يلا سلاااموز
وبتخرج قدر من المكتب وياسين بيضرب كف بكف وبيقول : ربنا يشفيكي يا بنتي
♥ ❥ ♥ ❥ ♥
في نيويورك في قصر عز كان قاعد في مكتبه وقدامه فهد رئيس الحرس الخاص بيه
عز بجدية : ازاي مش لاقيين أي خبر عنها بقالكوا سنين بتدوروا عليها ومفيش جديد؟!
فهد باحترام : يا عز باشا احنا بنعمل كل الي بنقدر عليه بس مفيش خبر عنها حتي دار الايتام الي كانت فيه بعت واحد من الرجالة يسأل عنها فيه بس ملاقاش الدار ولما سأل عنه قالوله ان دار الايتام اتهد من 10 سنين
عز بيضرب المكتب بغضب وبيقول بصراخ
: يعنييييي ايه هتكون راحت فين الارض اتشقت وبلعتها انا غلطان اني اعتمدت عليك بس خلاص انا مش هقعد هادي اكتر من كده انا الي هدور عليها
فهد : بس يا عز باشا
عز بجدية: انا قلت الي عندي هصفي كل شغلي هنا وهرجع مصر خلال اسبوع
فهد : تحت امرك يا باشا
عز : جهز نفسك انت و الرجالة لإننا راجعين
فهد : اكيد يا عز باشا
عز : اتفضل شوف شغلك
خرج فهد وقعد عز علي كرسي المكتب بحزن و بيطلع من درج مكتبه صورة بتجمعه مع قدر وبيقول بدموع : انا اسف يا قدري لإني سبتك انا عارف انك زعلانة مني بس في أقرب وقت هرجع مصر ووقتها هلاقيكي لو هدفع عمري كله علشان اشوفك هدفعه
وبيفتكر مهد اليوم الي ساب فيه قدر
( فلاش باك)
في يوم كان جاي رجل أعمال غني يتبني طفل وهو نادر السيوفي
رجل أعمال غني متجوز وبيحب مراته جدا بس هي عقيمة مبتخلفش فقرر أنه يتبني طفل علشان سعادة مراته ولإنه محتاج ابن يبقي سند ليه في الدنيا وفي اليوم ده شاف مهد ( عز ) وقرر أنه هيتبناه لإن عجبه شخصيته وطريقة كلامه القوية برغم صغر سنه وفعلا اتبناه واتكتب علي اسمه و مهد كان زعلان لإنه هيسيب قدر ويمشي وهي كانت بتعيط لأنها كانت
متعلقة بمهد وبتحبه ولما مهد شافها بتعيط قرب منها وقعد جنبها وقالها : قدري انتي بتعيطي ليه دلوقتي؟!
بطلي عياط انا مبحبش اشوف دموعك
قدر ببكاء طفولي : انت هتمشي و تسيبني لوحدي
مهد بحزن: غصب عني يا قدري بس مش عايزك تعيطي وانا بوعدك اني هرجعلك في أقرب وقت
قدر ببكاء : انت بتكذب عليا انت هتمشي ومش هترجع تاني وهتسيبني لوحدي
مهد بحزن : مستحيل اسيبك يا قدري انا مقدرش اعيش من غيرك إنتِ قدري ونصيبي وهرجعلك
قدر بأمل : يعني هترجعلي بسرعة
مهد بابتسامة حزينة : ايوا يا قدري هرجعلك وكمان هجبلك شوكولاته ليوناردو دا فينشي بالبندق
قدر بابتسامة: خلاص مش هعيط انت بس متتأخرش عليا ومتنساش تجبلي شوكولاته ليوناردو دا فينشي
بالبندق
مهد : هجبلك كل الي نفسك فيه وعد يا قدري
( باك)
عز بإصرار : هرجعلك يا قدري و نصيبي ومش هبعد عنك تاني بس يا تري إنتِ فاكراني ولا انا بس الي عايش علي ذكراكي
♥ ❥ ♥ ❥ ♥
رأيكم في البارت يا حبايب❤
#مهد القدر
#بقلمي ملك سعيد
دمتم سالمين ❤
رواية مهد القدر الفصل الثاني 2
لقراءة باقي فصول الرواية اضغط هنا ( رواية مهد القدر )
