رواية ورطة مع شبح عبر روايات الخلاصة بقلم نينا
رواية ورطة مع شبح الفصل الثاني 2
اوكي موافقه اساعدك بس انت كمان هتساعدني
لقيتو بيبصلي باستغراب وقالي
- اساعدك ده اللي هو ازاي
= زي اي مساعده
- سوري يعني هو انا لو قادر اساعد نفسي كنت لجئت ليكي
بصيت ليه بنفذ صبر
= مش معني انك روح بلا جسد مش هتقدر تساعدني لا هتقدر
- ده اللي هو ازاي؟
= قبل اي حاجه هو الدكتور اللي ناوي يتاج/ر باعضائ/ك ده تخصصو ايه
- مخ واعصاب
= اوكي تمام دي اول نقطه؛ بكره هروح المستشفي ع اساس اني زميله ليك المطلوب منك تقولي انهي دكتور وتعرف انهي مكتب ليه
- وده هيفيد ب ايه
= اكيد هيفيد طلما بيعمل الاعمال القذرة دي يبقا اكيد في حاجه بتثبت ده
بصلي بشك
- اللي فهمتو انك هتخشي مكتبو
= اها اكيد في دليل ع القذارة اللي بيعملها دي
- طب اايه اللي ضمنلك ده
= انت
قولتها وانا برفع حاجبي ليه باستنكار
لقيتو بيبصلي ببلها
- انا ازاي
= بما انك روح هتقدر تدخل المكتب وتقولي اذا كان في ورق او حاجه تثبت ده ول لا
- بس ازاي انا انا مقدرش اساعد نفسي عشان اساعدك
بصيت ليه وانا صبري ع المحك لولو التصرف الغبي اللي عملتو مكنش زماني دلوقتي بتناقش معاه غمضت عيني بحاول اسيطر ع اعصابي لاني مش هقدر اطلع غضبي في لانو في الاول والاخر روح
= بوص نصحيه مني طلما عاوزني اساعدك تسمع كلامي وبس من غير نقاش اتفقنا
قولتها بنبرة جامده بسبب نفاذ صبري
- تمام موافق
-قولتها برغم اني مش فاهم حاجه بس خوفت بدل مكان عندي امل بنسبه 1٪ يبقا صفر وهي اللي في ايديها انها تساعدني لاني عندي امل اني ارجع للحياة تاني
= تمام اتفقنا تقدر دلوقتي ترجع تاني المستشفى وبكره تقدر ترجع تاني هنا
بصلي وهو بيهز راسو وفعلا كان خلال ثواني كان مبقاش موجود في الاوضه ولسه كنت هنام لقيت ماما بتخبط ع باب اوضتي
* بيل حبيبتي نمتي
= اتفضلي ياحبيبتي
* صحيتك ياروحي
= لا ياروحي كنت لسه هنام اصلا
* قولت اطمن عليكي ياحبيبتي وكنت عاوزه اقولك حاجه
= انا بخير ياحبيبتي؛ كلٍ اذانً صاغيه ياست الكل
* بوصي ياروح ماما خالتك تعبانه شويه وهتعمل عمليه ف هسافر اسكندريه عشان اخد بالي منها
= الف سلامه عليها ياحبببتي باذن الله خير
= مفيش مشكله يا مامي تقدري تسافري ومتخفيش عليا
* ازاي بس مخفش عليكي ده انتي الي بقيالي
= عارفه ياحبيبتي متخفيش هطمنك عليا اول باول؛ قوليلي بقا هتتحركي امتي
* هتحرك بكره الصبح انشاء الله
= خير انشاء الله توصلي بسلامه مقدما يا حبي
* باذن الله ياقلبي يلا اسيبك بقا تنامي تصبحي ع خير
= وانتي من اهل الخير
وفعلا ماما قامت وسابتني الصراحه فرصه انها تسافر دي جت ليا ع طبق من دهب عشان ماما بتقلق عليا كتير وبكده لو حصل حاجه متقلقش ومصدقت حطيط راسي ع المخدة ومحستش باي حاجه غير تاني يوم وماما بتصحيني عشان تسلم عليا قبل ما تمشي وسلمت عليها ووصلتها لحد باب العمارة مكان العربيه وركبت واتحركت وانا طلعت ع الشقه واول مدخلت كان هو موجود اتخضيت لاني متوقعتش اني هشوفو بدري كده
= انت ايه اللي جابك دلوقتي
- صباح ااخير اولا ثانيا انتي قولتلي امشي وتعالي بكره
= انا اه قولتلك تعالي بكره بس مش من الساعه 7 الصبح
- انتي محددتيش معاد وعشان برضو نلحق المكتب وهو فاضي
= هو عشان محدتش معاد تيج بدري استغفر الله؛ وبعدين مكتب ايه
* مكتب الدكتور النهارده السبت بيجي الساعه 11
= اممم طب ده حلو وف مصلحتنا
قولتها وانا بروح ل الاوضه بتاعتي وكملت وقولتو
= خليك هنا خمس دقايق وهرجع
بصلي وهو بيهز راسو ف سكوت وفعلا دخلت اوضتي غيرت لبسي وطلعتو كان مكان م انا سبتو بصيت في ساعتي
= يلا انا جاهزه
- تمام وانا جاهز
- وفعلا نزلنا من البيت بس قبل مطلع من باب البيت حطيت الايربودز(سماعة البلتوث) عشان لم اتكلم معاه محدش يفكرني مجنونه او اتحط في موقف زي اللي انا في دلوقتي
- هتكلمي حد يساعدنا؟!
قولتها وانا ببص ليها باستغراب
= وهو انت مفكر ان حد ممكن يصدق اني بشوف الاروح
- معرفش بس
قطعت كلامو وانا بقولو
= عشان اريح دماغي من الاسئله دي انا بحط الايربودز عشان لم اتكلم معاك عادي زي دلوقتي كده من غير محد يفكرني مجنونه
خلصت كلامي وطلعت من باب العمارة وواقفت تاكسي وقولتو
= هنركب دلوقتي التاكسي تقدر تقولي كل المعلومات اللي تعرفها وانا هرد عليك ع اني بتكلم في الفون ودي طريقة التعامل بينا قدام الناس اتفقنا
- اتفقنا
- وفعلا ركبنا التاكسي وبدات اقولها ع المعلومات اللي عندي اللي عرفتها عن الدكتور خلال الفترة اللي كنت بتجول فيها في المستشفي
= طب كل المعلومات اللي انت قولتها دلوقتي دي مفيدة بنسبه حلوه بس بقا قدرت تعرف الرقم بتاع الخزنه او مكان المفتاح
- للاسف انا مقدرتش اشوف غير مكانها و وقت لم كان بيفتحها كانت بدات شبه اني اتلاش
بصيت ليه وانا بفكر ازاي هوصل لرقم اللي هفتح بيه الخزنه
= في كاميرات او اي امن في الممر اللي بيودي للمكتب بتاعو
- تؤتؤ انا مشوفتش امن في الممر بس كاميرات معتقدش لاني مركزتش
= تمام هنشوف النقطه دي لم نوصل
وكان فعلا وصلنا قدام المسشتفي وحسبت التاكسي وكنت داخله المستشفي بس قبل م ادخل افتكرت اني معرفش عنو اي اسم او اي شي بصيت ليه بحيرة وانا بقول
= احمم انا معرفش عنك اي معلومه هسال عنك ازاي
- اسمي ادم سليم العطار مهندس برمجيات
= تمام نبداء اول حركه
دخلت المستشفي روحت لل استقبال اسئال عن ادم وبعد م وريتهم اثبات الشخصية واني قولتلهم اني زميله ليه وعرفت رقم الاوضة وفعلا وصلت للاوضه ودخلت كان شبه الروح اللي بتعامل معاه مفيش فرق غير انو متوصل با اجهزة واسلاك كتيرة
- مش محتاجه تفكري تواسيني بقالي شهرين شايف نفسي وانا بالوضع ده
= مكنتش هواسيك من الاساس بس كنت بفكر اوصل لمكتب الدكتور ازاي
لقيتو بيبصلي بذهول من ردة فعلي البارده
= مش محتاج تبصلي كده يلا بينا خليني اشوف ازي هدخل المكتب من غير م حد ياخد بالو
- تمام يلا
وطلعنا من الاوضه وهو كان بيقولي امشي ازاي لحد لم وصلت لممر كن شبه منفصل عن باقي ممرات المستشفي
- اخر الممر ده المكتب
بدات ابص ع زوايا الممر
= فعلا زي متخيلت ان في كاميرات
- وهتعملي ايه دلوقتي
بصيت ليه وطلعت كاب من شنطة الضهر بتاعتي ولبستو ودريت بيه وشي بحيث اني مظهرش ومشيت ف الممر وكنت خلاص هفتح باب المكتب بس اللي حصل كان غير متوقع
يتبع.......
#نيـﮯنآ
