رواية همسات الحوافر عبر روايات الخلاصة بقلم فونا
"أنتِ مش خايفة من الحصان ده يا روما؟"
بصيت لأخويا، اللي طوله واصل لركبتي، وبعدين وطيت وشلته وبوسته في خدّه.
– لأ يا چو، عارف ليه؟
بصلي بعيونه البريئة.
– ليه؟
مسكت إيده وحطيتها على شعر الحصان. كان خايف في الأول، بعدين ضحك بفرحة.
– عشان هو صديقي الوحيد.
بصلي وطلع شفايفه بطريقة عسولة وكأنه مقموص.
– يعني إحنا مش صحاب؟
ابتسمت، وبعدين حضنته ولفيت بيه حوالين نفسي.
– أنتَ حبيب قلبي، أنتَ.
الجو كان هادي، بس مليان صوت ضحك چو وصوت كوكو، الحصان بتاعي.
ومحدش يقول في حصان اسمه كوكو! هقولكم: آه، هو بيحبه. هتقولولي: إزاي عرفتي؟ هقولكم: قولت ده صاحبي الوحيد!
فضلنا نجري ورا بعض أنا وچو ناحية البيت. أو ما وصلنا، لقينا شخص واقف على الباب.
مسكت إيد چو وقربنا منه.
– حضرتك مين؟
الشخص ده لفّ لي، وطلع شاب. من طريقة لبسه فهمت إنه من ولاد المدن، لأن كل شباب القرية لبسهم جلاليب.
بصلي الشخص ده من فوق لتحت، كان بيفصحني، وبعدين قال بهدوء:
– أنا جون، كنت جاي القرية هنا عشان أقابل الحج عبده لو تعرفيه.
– آه، يبقى والدي.
فضل باصصلي شوية بصمت، وبعدين قال بابتسامة هادية:
– كبرتي يا مريومة.
استغربت إنه عارفني… وعارف اسمي ودلعي كمان! اتكسفت وعدّيت من جنبه أنا وچو وقولت بحدة:
– عن إذنك، هناديه عشان يشوفك.
طلعت لوالدي المكتب بتاعه، وبلغته بوجود چون تحت.
يتبع...
فصول رواية همسات الحوافر بقلم فونا
اضغط على الفصل الذي تريد قراءته:
جاري كتابة باقي فصول الرواية.. عاود زيارتنا..
