رواية ايلين في عالم مالك الفصل الرابع عشر 14بقلم حور
رواية ايلين في عالم مالك الفصل الرابع عشر 14
الفصل الرابع عشر
عمر : بت بقولك اي انا مش ناقص جنان
انا هخرج دلوقتي اقول لي ابوكي أن الفرح الخميس الجاي مع ايلين ومالك
ولو قولتي غير كد هزعلك
مريم بتكون مبسوطه بس مش بتبين علشان بتكون لسه زعلانه منه
بيخرح عمر
عمر : عمي بكره أن شاء الله ننزل نجيب الدهب و نعمل خطوبه و تكون عائليه
وعلي الخميس الجاي الفرح
ام مريم : بس بدري اوي يبني مش هنعرف نخلص حاجتها
عمر : وانا مش عاوز اي حاجه غير مريم واوعدك هحطها في عيني
ابو مريم : ربنا يخليك يبني
زياد : طب علي خيره الله نقرأ الفاتحه بقي
وبيخلص اليوم علي خير
تاني يوم بينزل عمر ومريم يجيبوا الدهب
وبليل بتكون الخطوبه في بيت مريم
عمر : افرضي وشك بقي
مريم : انت تسكت خالص علشان انا مش طيقاك
عمر : طب بذمتك مش وحشتك
مريم : بس انا زعلانه منك
عمر : كان غصب عني حقك عليه بقي
بيصالحها عمر
مالك : شوفتي ضحك عليها بكلمتين
ايلين : بس يا مالك دي طلعت عينه
مالك : احسن يستاهل
ايلين : يبني راعي أنه اخويا
مالك : سوري سوري
زياد : عاملين تتودودو في أي انتوا الاتنين
مالك : ابدا يا زيزو بس ايلين كانت عاوزه تخرج فقولتلها عيب نسبهم
ايلين : والله محصل
مالك : متتكسفيش ده زيزو
ايلين : والله كداب يا بابا
هبه : اسكتوا فضحتونا
ايلين بتضرب مالك في بطنه
مالك : بقي كد ماشي يست ايلين
بيخلص اليوم
ايلين بترن علي روح
ايلين : مامي عامله اي
روح : والله مش قادره يا ايلين بقيت طول اليوم نايمه
ايلين : عشت وشوفتك مامي يا هبله
روح : انا مش مصدقه نفسي والله
بيفضلوا يضحكوا
سليم : صوتك جايب اخر الدنيا بتكلمي مين دلوقتي
روح : بكلم ايلين لسه جايه من خطوبه عمر
سليم : ماشي انا هروح اكلم مالك علشان الشغل
' عند عمر
عمر : مريومتي لسه زعلانه
مريم : لاء خلاص سماح المرادي
عمر : انا مبسوط اوي أننا هنتجوز
مريم : انا خايفه اوي يا عمر
عمر : طول ما انا جنبك متخفيش
مريم : انا بحبك اوي يا عمر اوعدني انك عمرك ما هتسبني
عمر : اوعدك عمري ما هسيبك
' عند زياد وهبه
زياد : فاضل تلات ايام علي الفرح واحنا لسه معملناش اي حاجه
هبه : ما العيال مستعجلين اوي
زياد : خليهم يفرحوا
هبه : العيال كبرونا بدري
زياد : كبرنا اي احنا لسه شباب
هبه : يا راجل عيب علي شعرك الابيض
زياد : تنكري اني لسه شباب
هبه : طول عمرك شباب يخويا
بيعدي اليوم علي ابطالنا
وبتبدأ روح وايلين يروحوا الشركه
ومالك وسليم بيحاولوا يخلصوا الشغل المتراكم علشان مالك لما ياخد اجازه
وعمر بيفتح الشركه الخاصه بيه
مريم : واخيرا يا حبيبي حققت حلمك
عمر : حققته علشان انتي معايا
مريم : ربنا يخليك ليا يا حبيبي
عمر : ويخليكي ليا يا كل حياتي
زياد : احم احم نحن هنا
عمر : معلش يا زيزو بقي
هبه : ربنا يسعدكوا يا حبايبي
عمر : هي ايلين مجتش ليه
هبه : عليها شغل كتير في المكتب
عمر : ماشي ربنا معاها
وبيعدي يومين علي ابطالنا
وبيجي اليوم الي قبل الفرح
ايلين : مالك انت مش عجبك اي حاجه
مالك : ما انتي كل الي بتجبيه بيكون ضيق يا قصير يا مفتوح
نقي حاجه محترمه شويه
ايلين : مالك متعصبنيش
ده يوم فرحي الي كنت بحلم بيه اكيد مش هتخليني البس حاجه مش حبها
مالك : والله هو ده الي عندي
روح : بسسسس
راعوا اني واحده حامل ومش قادره اتحرك
ايلين : يلا نمشي يا روح علشان ده هيشلني
مريم : روح اتصرفي مع اخوكي علشان جبت اخري
عمر : جبتي اخرك والله
مريم : اه جبت اخري
ده انت مش عاجبك اي حاجه
روح : ده انتوا مجانين بقي
مالك : والله انتوا الي عاوزين تمشوا بلبس يقرف
ايلين : بقي احنا لبسنا يقرف
عمر ما تقول حاجه شوف بيكلمني ازاي
عمر : بصراحه عنده حق
ايلين : طب خلاص انا مش هكمل معاك يا مالك
مريم : وانا كمان مش هكمل
روح : اااه
مش قادره وبتمسك بطنها وبتقع علي الارض
بيجروا عليها
ايلين : روح حبيبتي فيكي اي
مريم : دي لسه في الشهور الأولي
بيجي عليهم سليم
سليم : انتوا متجمعين كد ليه
اي ده دي روح
روح يا روح
وووو
نكمل الفصل الجاي
يتبع
لقراءة باقي فصول الرواية اضغط هنا ( رواية ايلين في عالم مالك )
