رواية زين ونور عبر روايات الخلاصة بقلم كاتبة فرهودة
- بس انا مش عايزاه.
- بس هو عايزك يا نور.
بصيتلها بحزن ... ليه اتجوز شخص مش متقبلة مظهره ...
هو متقبلني، بس انا لأ ... ليه محدش حاسس بيا ولا مهتم برأيي.
- أنسى انك تسيبيه يا نور، كتب كتابكم أتحدد خلاص.
وقفت و صرخت فيها بعصبية :
- هم ازاي يحددوا حاجة زي دي من غير ما ياخدوا رأيي!.
ظهر الخوف على أختي و مسكتني بسرعة قبل ما أخرج من الأوضة وقالت بتوتر :
- اهدي يا نور، لو خرجتي بعصبيتك دي الوضع هيزداد سوء، أرضي بالأمر الواقع بمزاجك عشان نفسك، صدقيني هترتاحي.
قعدت على سريري وأنا بعيط ... قلبي واجعني، مقهورة، مغصوبة، يعني أخرتها أتجوز غصب!.
طبطبت اختي على ضهري وهي بتقول :
- هويتها تهون يا نور، لعله خير ..
اتنهدت وانا بمسح دموعي و بدعي ربنا ييسرلي امري و يقدملي اللي فيه الخير ...
عدى الوقت بسرعة و فجأة لقيت نفسي قاعدة قدام المأذون، اللي بيسألني إن كنت موافقة ولا لا ...
عقلي أتشتت، و رديت عليه بدون وعي مني :
- مش موافقة.
يتبع...
فصول رواية زين ونور بقلم كاتبة فرهودة
اضغط على الفصل الذي تريد قراءتها:
