رواية شكلي وقعت (كاملة جميع الفصول) عبر روايات الخلاصة بقلم سلسبيل أحمد
رواية شكلي وقعت الفصل الثاني 2
- هتخديني معاكي.؟ ولا تقعدي خالص
= انت اية يأخي لازق فيا كده ليه
- هتخديني الفرح معاكي ولا بلاش ونترزع احسن
= لا بقا انا عايزه اروح
- طيب يبقي هجهز نفسي بقي ياحببتي
مشيت وسبتها وانا سامعها بتبرطم بعصبيه ولسه..
جه اليوم التاني ومفروض اني بقالي ساعه مستني الهانم تنزل عشان نروح الفرح واول ما نزلت
- انت هتفضل متنح ليا كده كتير
= اية الحلاوة دي انا عمري فحياتي ما شوفت حد جميل و جذاب بالشكل ده
- امممم والجملة دي قولتها لكام واحده
كانت بتتريق لكن فعلا هي كانت جميلة اوي! فستانها كان بلونها النفضل بنفسجي صافي و عليه من بره زي حاجه بتلمع ومنفوش بسيط كلها كانت جميلة!
= مقلتهاش لحد انتي بس
- طيب يلا يا مؤمن يلا
= بس مش كتير الميكب ده؟
- اها وانت مالك بقي
= شوف بقي عايزه تتهزق ازاي
- بس اية البدله دي ؟
رديت بغرور: حلوة صح ؟
= اية القرف ده! مين قالك تلبس بدله هيفتكرونا مخطوبين دلوقتي
- ده الى همك! وبعدين واحنا جربانين ولا اية
= لا بس انا متخطبش لواحد بتاع بنات زيك معلش
طلعت بالعربيه وانا بجز على سناني بغضب.
وصلنا الفرح و نزلت لوحدها ولا كأن في طور معاها
- انتي ياما انتي فكراني السواق بتاع
= بتاع مين ها؟
- بتاعك!
= انا هاروح اقف مع صحابي روح شوفلك واحده بقي تشقطها مش ده الى انت جاي عشانه؟
مشيت وسابتني و الله تعبت اية البت دي! اكيد ربنا بيعاقبني عشان البنات الى عرفتها بس هفضل وراها برضو.
قعدت مع صحابها و انا واقف بعيد و اول ما العريس والعروسة بدؤا يرقصوا على اغنيه هاديه روحت ختها بالعافيه من عندهم
- اللحقوني متحرش
= ششش ارقصي وانتي ساكته
- سبني بدل ما اصوت واللم عليك الفرح
= وينفع يعني ينفع تفضحي صحبتك ارقصي بقولك
حطيت ايدها على كتفي و حطيت ايدي على وسطها وبدأنا نرقص وهي كل شوية تهرب بعيونها ومش راضيه تبصلي
- ليلي
= نعم
- ممكن تبصيلي
بتوتر: لاء و بس بقي كفايه كده
= تؤ بصيلي الاول بس
- مش عايزه هبصلك من جمالك ولا اية
= لا انا الى عايز اشوف جمال عيونك
بصتلي بعدم وعي و هي بتحاول تفهمني لكن عيونها بتتكلم بكلام كتير! عيونها زي ما تكون..! معقول؟
- مؤمن!
= عيونه؟
- ياريت تبعد بهدوء عشان الناس كلها باصه علينا
= اكيد غيرانين منك عشان معاكي مز زي
ضحكت غصب عنها وانا ضحكت و دوبت فضحكتها هي
- مينفعش كدا بجد
= طب هقولك حاجه
قاطعنا دخول واحد اول مره اشوفه وهوا بيقف قدامها
وبيوجه كلامه ليها: هوا ده الى سبتيني عشانه!
بصتلها بسرعه وانا مش فاهم: مين ده يا ليلي؟؟
بعدت و خرجت بسرعه لما لاحظت ان الناس هتاخد بالها خت حاجتنا وخرجت وراها وهي بتجري
- استني هنا !!
= لو سمحت ياريت نمشي !
- مين ده ؟؟؟
بصيت على باب الفرح و شوفته واقف كنت هاروح ناحيته وقفت قصادي ومسكت ايدي بصيت على ايدها وبصتلها
- مؤمن ده واحد مجنو*ن صدقني
بعدت ايدها عني: مجنو*ن يبقي نعقله
= مؤمن! استني
- اقفي هنا !
روحت ناحيته وشايفه بيبصبها بكل بجاحه
- انت مين بقي يا نجم ؟؟
= انت الى مين !
- انا خاطبها
= خاطبها؟؟ انت فاكرني عبيط
- طيب اسمعني بقي انت لو قربت منها تاني او حتي فكرت بس تكلمها او تبصلها انا هخبطك خبطه تجيب اجلك وهخليك عبيط بجد
= انت مجون ولا اية انت تبقي مين اصلا ، مين ده يا ليلي
قبضت ايدي بعصبيه وقربت منه: هو انا مش قولتلك متقربلهاش ولا تكلمها
ضربته بالبوكس فا وقع عالارض واتعمل استيكر وهي جت شدتني فا مشيت وركبت العربية
- بمشي عشان معملش مشاكل هناك تقوم انت ضاربه!!! وعاملي مشاكل وتضربه بتاع اية بتتعامل زي البلطجيه!
فرملت مره واحده العربيه و وقفت: بلطجيه؟؟؟
نزلت من العربية بسرعه قبل ما افقد اعصابي عليها
اصل انا عيل غبي وهي مش حملي
نزلت ورايا وبدأت توعق - انت رايح فين وسايبني ؟؟ هو انت كمان الى مش عاجبك
جابتو لنفسها.
مسكت ايدها بعصبيه: بت انتي !!! انا عفاريت الدنيا بتتنطط قدامي انتي تخرسي اصلا بمعجبينك السرين دول
زقتني وضربت كتفي معرفش دي ضربة بالنسبالها ولا بطبطب عليا..
- لا والله ؟ شوف مين بيتكلم!!! الى كان عنده خمسين معجبه
= انتي مالك بيا دلوقتي
- وانت مالك بيا! ها؟؟ بتاع اية بتضربة ؟
= اها وانتي مدايقه كده ليه مين ده اصلا
- ملكش دعوه
- بقولك مين ده متعصبنيش
= قولتلك ملكش دعوه
قربت منها وانا بتمالك نفسي و رفعت ايدي وخبطتها
على العربية جامد
لاحظت نظره عينها المخضوضه - انت اتجننت!!
مسكت ايدي بسرعه وهي بتتأكد اني متعورتش!!
وقتها كنت تايه فعيونها و قربها مني ولمستها ليا وهي خايفه عليا الى اول مره تحصل
اتكلمت وانا بهدي وباخد نفسي: انا بحبك
" كنت كل مره بسمع منه بحبك مش بصدقه لكن المره دي قلبي دق حسيت بنبره جد فكلامه حسيت بغيرته عليا "
دموعي نزلت و هوا مسحهم: انا اسف بس انا بحبك حتي لو مش مصدقه ده هفضل لاخر يوم فعمري بحاول اثبتلك
- ليلي انا اكتشفت ان مفيش غيرك قدرت تغيرني انا اتغيرت عيني عمرها ما هتبص لغيرك
فضلت اعيط وانا معرفش السبب مسك وشي بايده ومسح خدودي من العياط وبعدها مسك ايدي وباسها برقه: والله بحبك
- انا عايزه اروح
= طب بطلي عياط
- ملكش دعوه
= انا بحبك اكتر وانتي بتعيطي... طب بتعيطي ليه
بدأت تتكلم وهي مش قادره من العياط و صوتها بيقطع
- انا مش قادره اصدقك انا كنت بحبك بس .. بس
اتصدمت وقربت منها : بس اية؟؟
- انا مبقتش واثقه فيك انت كنت كل يوم تيجي تحكيلي على واحده وانا بسمعك و ببين اني مش فارق معايا لكن قلبي كان بيتك*سر وانت عمرك ما حسيت بده او يمكن انهارده حسيت بجزء منه عشان بس واحد جه اتكلم وانا اصلا معرفوش انما انت كنت تعرفهم كلهم كنت كل يوم تعرف بنت شكل !!
قربتها لحضني بقوة وفضلت اطبطب عليها كنت مخنوق وقرفان من نفسي عشان وصلتها لكدا وحسستها بكدا
حاوطتها بأيدي وفضلت بطبطب عليها: انا اسف على كل ده انا عمري ما فكرت انك ممكن تحبيني وانا ضايع كده وبعمل كل ده انا لو عندي احساس واحد فالميه انك بتحبيني كنت سبت الدنيا كلها عشانك بس انا بعدها بعدت عن كل ده برضو عشانك و مش هضغط عليكي تاني ابدا هسيبك لحد ما تبقي قادره تثقي فيا اوعدك
خرجتها من حضني و مسحت وشها و رجعت شعرها وراه ورتبته: اهدي دموعك متنزلش عشان اي حاجه لان دموعك غاليه اوي عندي
وصلتها البيت و اعتقد انها نامت من كتر العياط زي القطط
انما انا والله ما شوفت النوم البنات دول كائن رقيق لكن برضو اذكيه اوي قدرت تبينلي انوه مش فارق كويس و تلعب دور البارده عليا وبسببي خليت كل ده ينهار هي لو صحيت بتكرهني يبقي حقها بس مش هديها فرصه
________________________
- ليلي ليلي قومي لولولولولولي
= اية دا يا ماما في اية؟؟ حد يصحي حد بزغروطه!
- مؤمن هيخطب
يتبع..
